hits counter

افضل تلفاز 4k للجيمنج !!

ASWD

True Gamer
للتوضيح المشكله مو بس في C7 زي ما انت كتبت في ردك .. هالمشكله موجودة في "جميع" شاشات OLED

من قال انها موجودة فقط في سي٧؟.انا قلت انها موجودة*ايضا*في هالموديل

وبخصوص كلامك ان شاشة B7 افضل شاشة بالقيمنق فهذا كلام غير صحيح.. والمقارنات الدقيقه اللي سواها الموقع توضح هالشي .. لاحظ خانة HDR Gaming كم اخذت شاشة C7 وكم اخذت شاشة B7

اختيار الموقع يعتمد على عدة نقاط منها هامش الفارق بين الشاشتين مقارنة بالسعر اللي راح تضيفه عشان الفأة الاعلى.هامش الفارق بين الموديلين ضئيل وغير مجدي لصرف مبلغ اكبر على السي٧ وهذ مذكور حرفيا ان البي٧ خيار ممتاز كسعر واداء يكفي لتلبية احتياجاتك اللا اذا كان عندك فلوس زيادة وحاب تدلع نفسك.لهذ تم اختيار B7 كافضل شاشة للجيمينج من منظورهم كموقع مراجعات واختبار

فرق درجتين في ميزة معينة مابين الشاشتين وفي مثالنا hdr ما يعني انه يسوى الفارق المادي*واللي هو المردود في تفضيل الموقع سلطان*.وهذ شي طبيعي ان الشركة تخلي المواصفات متفاوتة اجل كيف تبغاها تسوق ٣ موديلات شبه متطابقين اللي هم B/C/E!!.هذ بالظبط مثل وضع سوني مع X940E وX930E مثل المواصفات كقطع من معالج والخ والفوارق فقط بين hdr وماشابه.عادي هالشي تسويه كل الشركات عشان تسوق للفآت الثانية وهني يجي دور وفايدة المواقع التقنية

ومشكلة التطبيع مثل ما هو مذكور في الموقع ينتج عن فترات التشغيل الطويييييييلة ومش لساعتين او ثلاث ساعات في الجلسة

فالنهاية لا انا ولا الموقع قلنا ان مافيه فارق بين الموديلين.بس كخيار مثالي من كل النواحي المادية منها والتقنية مافيه ذاك الدافع الضخم اللي يرجح كفة الموديل الاغلى وهذ سبب اختيارهم للبي٧ ولا يقولون لك في مراجعاتهم اذا تقدر تحصل موديلات ٢٠١٦ بعد ممتاز كون الاداء ماقفز لذاك المستوى الكبير مع موديلات ٢٠١٧
 

SULTAN 3

True Gamer
من قال انها موجودة فقط في سي٧؟.انا قلت انها موجودة*ايضا*في هالموديل
اوك سوري قريتها وكأنك فقط خصيت الـ C7 فقط بكلامك.. العتب عالنظر :expressionless:

وبخصوص باقي ردك فأتفق معك فيه وانا تفهمت النقطه اللي انت تبغى توصلها .. لكن عندي لك سؤال صغير
انت الآن لو قدامك شاشة B7 و C7 (( بغض النظر عن فرق السعر بينها )) أيهم راح تختار ؟ بالذات انك راح تشتري شاشه لك وللزمن
ومثل ما قلت لك بغض النظر عن سعرهم .. فلنفترض انها كلها نفس السعر تماماً وانت بتشتريها للقيمنق بشكل اساسي، وللأفلام ايضاً
 

game for new

True Gamer
وش لك ب 4k وعوار راس وخسارة فلوس خخخ والله ان استخدم تلفزيون philips من ثمان سنوات من 2010 تقريباً من ايام السوني 3 ولا غيرته ولا افكر اغيره تلفاز خوورافي مايخترب ابداً ولا خدش صاده حتئ اذا فكرت مستقبلاً اشتري تلفزيون متطور اكثر راح اشتري من نفس النوع .
 

ASWD

True Gamer
بخصوص باقي ردك فأتفق معك فيه وانا تفهمت النقطه اللي انت تبغى توصلها .. لكن عندي لك سؤال صغير
انت الآن لو قدامك شاشة B7 و C7 (( بغض النظر عن فرق السعر بينها )) أيهم راح تختار ؟ بالذات انك راح تشتري شاشه لك وللزمن
ومثل ما قلت لك بغض النظر عن سعرهم .. فلنفترض انها كلها نفس السعر تماماً وانت بتشتريها للقيمنق بشكل اساسي، وللأفلام ايضاً

اكيد باخذ c7 في حالة انهم*نفس السعر* ما يبغى لها كلام.واذا ما كانو نفس السعر بشوف الفوارق هل تسوى اني ادفع اكثر اولا.وفي امثلتنا بروح مع B7 لانها تكفيني للشي اللي باخذها عشانه.وهي بتعشعش عندي لاربع سنوات قدام كوني مو من النوع اللي يبدل اجهزته كل سنتين او ثلاث

اخوك المتحدث مازال عايش على ٣٢ بوصة من ٢٠١٤ :tongueout:
 

lightq8

True Gamer
سؤال يحيرني التلفاز كم عمره الافتراضي لان اشوفكم تشوفون قرار شراء تلفاز بسيط لان البعض من الناس مايغير الا كل عشر او 8 سنوات مثل حالتي شريت تلفزيون سامسونج 4k بعد ماستغنيت عن تلفزيون سوني من 2009 وهو عندي
 

Veeto

True Gamer
سؤال يحيرني التلفاز كم عمره الافتراضي لان اشوفكم تشوفون قرار شراء تلفاز بسيط لان البعض من الناس مايغير الا كل عشر او 8 سنوات مثل حالتي شريت تلفزيون سامسونج 4k بعد ماستغنيت عن تلفزيون سوني من 2009 وهو عندي
صار ليي سنة من انتقلت للبيت الجديد ومو قادر اشتري تلفزيون.. بالنهاية هي قدرة اكثر منها رغبة
 

FARES_

True Gamer
سؤال يحيرني التلفاز كم عمره الافتراضي لان اشوفكم تشوفون قرار شراء تلفاز بسيط لان البعض من الناس مايغير الا كل عشر او 8 سنوات مثل حالتي شريت تلفزيون سامسونج 4k بعد ماستغنيت عن تلفزيون سوني من 2009 وهو عندي

حسب
سؤال يحيرني التلفاز كم عمره الافتراضي لان اشوفكم تشوفون قرار شراء تلفاز بسيط لان البعض من الناس مايغير الا كل عشر او 8 سنوات مثل حالتي شريت تلفزيون سامسونج 4k بعد ماستغنيت عن تلفزيون سوني من 2009 وهو عندي

انا اغير التلفاز حسب مواصفات الكونسول مرتبطين ببعض
يعني مثلا بلاي 5 يشغل 8k هنا ابدا ابحث عن شاشة 8k وهكذا
بلاي 6 يشغل 120 فريم هنا ابدا ابحث عن شاشة تلفاز لها هالقدره
 

Century Wizard

Become Human
اعتذر عن الرفع..

لكن بما اني مضطر اشتري تلفزيون ثاني للبيت قلت خلني بالمرة اخذ تلفزيون 4k hdr محترم
قرأت الردود السابقة ومواضيع اخرى كذلك وزادتني حيرة كوني ما افقه شي في تقنيات التفزيون

استخدامي للتلفزيون مقتصر على الميديا ، والجيمنج ع الكونسول والبي سي
ابغى تلفزيون بحجم 65 ~ 77 بوصة، افضل جودة للـ hdr والـ 4K ، مايهمني الـ input lag لأني مالعب اونلاين ولا العاب فايت

الميزانية شبه مفتوحة، بس ما يمنع تنبهوني لو فيه موديلات اقل سعراً من غيرها والفرق في المواصفات تافه وما يستحق ادفع عليه زيادة

بس لحظة! انا ما ادري اصلاً هل تقنية 4k hdr فيها فرق ملحوظ فعلاً عن الـ 1080 full hd ؟
لأني مؤمن تماماً ان تقنيات التلفزيونات صعب الواحد يلاحظها الا اذا حط شاشتين جنب بعضهم، اما غير كذا فما رح تفرق ابداً
لو فيه نقلة نوعية في جودة الصورة اوكيه اما اذا مافيه رح اشتري تلفزيون 1080 وخلاص

وشكراً لكم مقدماً (=
 

Pineapple

True Gamer
هذا شاشة بي سي حجمها 65 انش و للحين ما نزلت و اي شخص عنده كونسول ما راح يستفيد منها لأن فيها تقنية الـ G-Sync اللي تشتغل على كروت نفيديا فقط حتى الـ 120 هرتز ما راح تستفيد منه لأن و لا جهاز كونسول يدعم التردد العالي هذا و غير ان سعره راح يكون مجرم اذا شاشات 27 انش 4K HDR اللي تو نزلت سعرها 2500 دولار فما بالك بهذا اكيد فوق الـ 3000 دولار اذا مو اكثر راح اخذلي واحد بس ينزل كرت نفيديا GTX 1180 Ti نهاية السنة او بداية السنة الجاية.

تعديل: تو ادري ان الموضوع مرفوع و ما شفت التاريخ عدل ههههه
 

Pineapple

True Gamer
اعتذر عن الرفع..

لكن بما اني مضطر اشتري تلفزيون ثاني للبيت قلت خلني بالمرة اخذ تلفزيون 4k hdr محترم
قرأت الردود السابقة ومواضيع اخرى كذلك وزادتني حيرة كوني ما افقه شي في تقنيات التفزيون

استخدامي للتلفزيون مقتصر على الميديا ، والجيمنج ع الكونسول والبي سي
ابغى تلفزيون بحجم 65 ~ 77 بوصة، افضل جودة للـ hdr والـ 4K ، مايهمني الـ input lag لأني مالعب اونلاين ولا العاب فايت

الميزانية شبه مفتوحة، بس ما يمنع تنبهوني لو فيه موديلات اقل سعراً من غيرها والفرق في المواصفات تافه وما يستحق ادفع عليه زيادة

بس لحظة! انا ما ادري اصلاً هل تقنية 4k hdr فيها فرق ملحوظ فعلاً عن الـ 1080 full hd ؟
لأني مؤمن تماماً ان تقنيات التلفزيونات صعب الواحد يلاحظها الا اذا حط شاشتين جنب بعضهم، اما غير كذا فما رح تفرق ابداً
لو فيه نقلة نوعية في جودة الصورة اوكيه اما اذا مافيه رح اشتري تلفزيون 1080 وخلاص

وشكراً لكم مقدماً (=
اقرا ردي اللي فوق , اذا كان عندك بي سي قوي فالرد هذا لك.
 

m7tram

True Gamer
ولدي الصغير الله يصلحة كسر تلفزيوني :( .. وريزي2 على الابواب فبما اني بشتري تلفزيون غيره قلت خلاص حان وقت الفور كي .. وعيني طاحت على lg b7 وسعره بالكويت ب600 دينار .. رايكم؟
 

Santi caz

True Gamer
ولدي الصغير الله يصلحة كسر تلفزيوني :( .. وريزي2 على الابواب فبما اني بشتري تلفزيون غيره قلت خلاص حان وقت الفور كي .. وعيني طاحت على lg b7 وسعره بالكويت ب600 دينار .. رايكم؟

انصحك انك تبتعد عن مشاكل تطبيع الاوليد خلك على lcd ولو أنه اسوء منه بالسواد
 

guitaro

True Gamer
ولدي الصغير الله يصلحة كسر تلفزيوني :( .. وريزي2 على الابواب فبما اني بشتري تلفزيون غيره قلت خلاص حان وقت الفور كي .. وعيني طاحت على lg b7 وسعره بالكويت ب600 دينار .. رايكم؟

Welcome to the club .. ولدي كسر ٣ تلفزيونات

آخر شي تبت اخذ تلفزيون غالي وشريت لي شاشة Benq حجم ٣٢ 4K و HDR وممتازة جدا وبسعر رهيب واخذت لعيالي تلفزيون عادي
 

T232

Gamer
انصحك و بشدة ب
samsung Q7 QlELD
انا . توني . ماخذها يعطوك ضمان طول العمر لتطبيع الشاشة لو تطبع روح رجعه و استلم بدالها
وبعدين تدعم free sync ثانيا مشاكل الانعكاس انساها من تجربتي شخصية
لون الاسود عمق عمق ممتاز جدا ياكد يتخطى سواد الموجود في شاشات OLED
ولكن تتفوق بشكل ملحوظ جدا شاشة QLED على OLED في لون الابيض و الاضاءه فاتحس شاشتك دايما جديده لما . تقرنها . مع . oled

و اخيرا . شاشات QLED ارخص من OLED
بفارق . يصل الى 1000 ريال
و عند شركتين لا تطلع عنها بنسبة لشاشات
هي samsung و LG

ابعد كل البعد عن SONY و Panasonic
اسعارهم نار
باسعارهم ذي بفئه المتدنيه و المتوسطه تقدر تاخذ ارجل شاشه من سامسونج و LG
 

SILENT EVIL

True Gamer
يا راجل سامسونج اي شيء من الفئة السابعة او الثامنة وعيش حياتك ... وما يمنع تشوف اختباراتها وجودتها بالذات في جزئيات الفيديو جيم في مواقع التقييم مثل :
https://www.rtings.com
 

bits

True Gamer
بلاش من ال q7 إذا مهتم بال HDR لأنها شاشة edge lit. مشكلة التطبيع في شاشات ال Oled الجديدة صارت نادرة. وإذا بتبعد عن ال oled فحاول تجيب شاشة full array local diming زي شاشات الساسونج من الفئة الثامنة أو التاسعة أو شاشة سوني x900F. لكن شاشة سوني x900f الظاهر دفعة حجم 65 بوصة الي عندنا في المحلات نسبة كبيرة منها تعاني من مشكلة التغييم. في النهاية استخدامك أنت الي بيحكم هل الشاشة بتنكرف شغل 6-7 ساعات يوميا إذا خلك على شاشات LED و إذا بالكثير ساعتين ولا ثلاثة توكل على الله وخذ oled. نقطة أخيرة إذا تلعب كثير في فترات صباحية و الغرفة عندك منورة ويدخلها شمس فأيضا خلك على led لانه أفضل في الرؤية في هذي الحالة.
 

zlatanovic

True Gamer
ولدي الصغير الله يصلحة كسر تلفزيوني :( .. وريزي2 على الابواب فبما اني بشتري تلفزيون غيره قلت خلاص حان وقت الفور كي .. وعيني طاحت على lg b7 وسعره بالكويت ب600 دينار .. رايكم؟
اذا تستخدمه لمشاهدة قنوات التلفزيون بشكل كبير، فالاولد ابدا ما ينفع بسبب التطبيع. اذا فيديو قيمز ونتفلكس ولفترات قصيرة ( اربع ساعات فقط بالجلسة الواحدة مثلا) فالاولد خيار لا يعلى عليه.
حاليا استخدم B8 (واللي هي نفسها B7 بالضبط) وما واجهت اي مشاكل مع التطبيع.


الشباب ذولي مسوين اختبار للاولد بشكل مفصل حتى LG ما تقدر تسويه. اذا عندك شكوك بخصوص الاولد، فانصحك بالفيديو هذا لأنه بيكون مفترق الطرق بينك وبين الاولد ( الدقيقة ٦ من الفيديو).
 

ASWD

True Gamer
اول نقطة واللي لازم كل الشباب يخلونها في بالهم ويتوقفو عن ذكرها في اي نقاش مستقبلي عن الشاشات بسبب الفهم المغلوط لمشكلة burn-in image او بمسماها العام عند الناس ghost image الموجودة في شاشات الاوليد بشكل عام من تلفزيونات وهواتف الخ لانكم تقومون بتخويف الشخص من شي تم شرحه بصورة خطئ وتخلونه يظن انها تحدث في اي لحظة بدون مسببات وبدون سابق إنذار وهالشي غير صحيح نهائيا شباب

مشكلة شبح الصورة تصير بسبب ترك الشاشة شغالة على عنصر صورة ثابت مثل شعار قناة الخ لفترة طويلة وبشكل متكرر واعني بمعدل وقت مايقل عن ٦-٨ ساعات واكثر في هذي الحالة*فقط* بتكون شاشتك معرضة لهذي المشكلة ..اما للشخص اللي يغير محتوى الشي الظاهر على الشاشة بشكل متواصل فما في داعي للقلق ضيف عليها ان موديلات الاوليد من ٢٠١٦ وطالع فيها تقنيات تساعد على تحديث الشاشة بشكل دوري مثل تقنية بيكسيل ريفريشر اللي في شاشات ال جي والتقنيات المشابهة لها في شاشات الشركات الثانية مثل سوني وغيرها مع اختلاف مسمى هالتقنيات..وفي وضعنا كجيمرز وكمشاهدي أفلام ومسلسلات فا المحتوى يكون متغير ومتحرك طول فترة استخدامنا للشاشة بغض النظر عن الفترة اللي بنقضيها باللعب او المشاهدة..المهم ان الشاشة ماتشتغل على عنصر ثابت بمعدل ساعات طويييييل بمعنى طويل يتعدى ٨ ساعات واكثر


https://www.cnet.com/news/oled-screen-burn-in-what-you-need-to-know/
All things considered, however, burn-in shouldn't be a problem for most people. That's why we at CNET continue to recommend OLED-based TVs, phones and other devices in our reviews. From all of the evidence we've seen, burn-in is typically caused by leaving a single, static image element, like a channel logo, on-screen for a very long time, repeatedly. That's an issue if you keep Fox News, ESPN or MSNBC on-screen for multiple hours every day and don't watch enough other programming, for example. But as long as you vary what's displayed, chances are you'll never experience burn-in


ولدي الصغير الله يصلحة كسر تلفزيوني :( .. وريزي2 على الابواب فبما اني بشتري تلفزيون غيره قلت خلاص حان وقت الفور كي .. وعيني طاحت على lg b7 وسعره بالكويت ب600 دينار .. رايكم؟

الله يحفظ ولدك هالشيطون فيصل..البي٧ تسوى كل فلس بتحطه فيها شاشة محترمة من جميع المقاييس واحد افضل شاشات الهاي اند وبتلبي كل متطلباتك للعب والمشاهدة وبأفضل شكل ممكن ..وابتعد عن مقارنتها بشاشات مثل qled لانها في النهاية شاشة led لا غير وماراح تعطيك مميزات الاوليد ابدا لا من عمق للون الاسود وواقعيته ولا من المشاهدة من الجنب*الزوايا* واللي تنفرد به شاشات الاوليد ولاهم يحزنون..للاسف سامسونج من بعد موديلات KS الاسطورية اللي نزلت سنة ٢٠١٦ فقدت البوصلة وصارت في تراجع غريب مقارنة مع سوني على صعيد شاشات led و ايضا على صعيد شاشات الاوليد اللي خرجت من سوقه وحاولت تسوق للكيو ال اي دي على انه تقنية شاشات ثالثة في السوق وفي الواقع هي ال اي دي مع الوان افضل وسواد أعمق من شاشات الفأة المتوسطة والدنيا

هذي مقارنة بين Q7 اللي اقترحها احد الاخوان فوق وبين B7
https://www.rtings.com/tv/tools/compare/samsung-q7f-vs-lg-b7a/417/541?usage=4854&threshold=0.1

سؤالي الك فيصل انت اي حجم ودك فيه*اعتقد ٥٥؟*واذا انت خلاص صنفت على هالشاشة وما لك نية تشوف غيرها توكل على الله وما بتندم..اما اذا عندك قابلية لاقتراحات ثانية وباسعار حلوة وممكن اقل منها ففيه جم اقتراح لبعض الموديلات الممتازة واللي في حدود ميزانيتك واقل
 

m7tram

True Gamer
يعطيكم العافيه شباب عالمساعده.

اول نقطة واللي لازم كل الشباب يخلونها في بالهم ويتوقفو عن ذكرها في اي نقاش مستقبلي عن الشاشات بسبب الفهم المغلوط لمشكلة burn-in image او بمسماها العام عند الناس ghost image الموجودة في شاشات الاوليد بشكل عام من تلفزيونات وهواتف الخ لانكم تقومون بتخويف الشخص من شي تم شرحه بصورة خطئ وتخلونه يظن انها تحدث في اي لحظة بدون مسببات وبدون سابق إنذار وهالشي غير صحيح نهائيا شباب

مشكلة شبح الصورة تصير بسبب ترك الشاشة شغالة على عنصر صورة ثابت مثل شعار قناة الخ لفترة طويلة وبشكل متكرر واعني بمعدل وقت مايقل عن ٦-٨ ساعات واكثر في هذي الحالة*فقط* بتكون شاشتك معرضة لهذي المشكلة ..اما للشخص اللي يغير محتوى الشي الظاهر على الشاشة بشكل متواصل فما في داعي للقلق ضيف عليها ان موديلات الاوليد من ٢٠١٦ وطالع فيها تقنيات تساعد على تحديث الشاشة بشكل دوري مثل تقنية بيكسيل ريفريشر اللي في شاشات ال جي والتقنيات المشابهة لها في شاشات الشركات الثانية مثل سوني وغيرها مع اختلاف مسمى هالتقنيات..وفي وضعنا كجيمرز وكمشاهدي أفلام ومسلسلات فا المحتوى يكون متغير ومتحرك طول فترة استخدامنا للشاشة بغض النظر عن الفترة اللي بنقضيها باللعب او المشاهدة..المهم ان الشاشة ماتشتغل على عنصر ثابت بمعدل ساعات طويييييل بمعنى طويل يتعدى ٨ ساعات واكثر


https://www.cnet.com/news/oled-screen-burn-in-what-you-need-to-know/




الله يحفظ ولدك هالشيطون فيصل..البي٧ تسوى كل فلس بتحطه فيها شاشة محترمة من جميع المقاييس واحد افضل شاشات الهاي اند وبتلبي كل متطلباتك للعب والمشاهدة وبأفضل شكل ممكن ..وابتعد عن مقارنتها بشاشات مثل qled لانها في النهاية شاشة led لا غير وماراح تعطيك مميزات الاوليد ابدا لا من عمق للون الاسود وواقعيته ولا من المشاهدة من الجنب*الزوايا* واللي تنفرد به شاشات الاوليد ولاهم يحزنون..للاسف سامسونج من بعد موديلات KS الاسطورية اللي نزلت سنة ٢٠١٦ فقدت البوصلة وصارت في تراجع غريب مقارنة مع سوني على صعيد شاشات led و ايضا على صعيد شاشات الاوليد اللي خرجت من سوقه وحاولت تسوق للكيو ال اي دي على انه تقنية شاشات ثالثة في السوق وفي الواقع هي ال اي دي مع الوان افضل وسواد أعمق من شاشات الفأة المتوسطة والدنيا

هذي مقارنة بين Q7 اللي اقترحها احد الاخوان فوق وبين B7
https://www.rtings.com/tv/tools/compare/samsung-q7f-vs-lg-b7a/417/541?usage=4854&threshold=0.1

سؤالي الك فيصل انت اي حجم ودك فيه*اعتقد ٥٥؟*واذا انت خلاص صنفت على هالشاشة وما لك نية تشوف غيرها توكل على الله وما بتندم..اما اذا عندك قابلية لاقتراحات ثانية وباسعار حلوة وممكن اقل منها ففيه جم اقتراح لبعض الموديلات الممتازة واللي في حدود ميزانيتك واقل

اي يوسف ٥٥ الحجم الي ابيه .. عندي قابليه اقتراحات ثانيه .. لكن لو كان الb7 افضلهم فليش ما استقر عليه وخلاص؟
 

ASWD

True Gamer
اي يوسف ٥٥ الحجم الي ابيه .. عندي قابليه اقتراحات ثانيه .. لكن لو كان الb7 افضلهم فليش ما استقر عليه وخلاص؟

يعتمد فيصل لان المقترحات اللي بعطيك اياها هي ايضا الافضل في صنفهم..مثلا عندي كذا موديل ال اي دي يعتبرون الافضل في فآتهم وبسعر ممتاز فا لو مثلا حاب تظل على الال اي دي فهي خيارات متاحة وهاي ايند وموديلات حديثة من سنة ٢٠١٨!!..وهي تقريبا ٣ او ٤ اقتراحات تشوف الانسب الك بينهم

اما لو قفلت خلاص وشاشة B7 نشبت في راسك خلاص توكل على الله وخذها
 

m7tram

True Gamer
يعتمد فيصل لان المقترحات اللي بعطيك اياها هي ايضا الافضل في صنفهم..مثلا عندي كذا موديل ال اي دي يعتبرون الافضل في فآتهم وبسعر ممتاز فا لو مثلا حاب تظل على الال اي دي فهي خيارات متاحة وهاي ايند وموديلات حديثة من سنة ٢٠١٨!!..وهي تقريبا ٣ او ٤ اقتراحات تشوف الانسب الك بينهم

اما لو قفلت خلاص وشاشة B7 نشبت في راسك خلاص توكل على الله وخذها

لا عادي عطني اقتراحات خلني اشوف يمكن يعجبني واحد منهم .. وشكرا على تعبك معاي.
 

ASWD

True Gamer
لا عادي عطني اقتراحات خلني اشوف يمكن يعجبني واحد منهم .. وشكرا على تعبك معاي.

اي والله تعبت معاك..منسدح على السرير واطقطق على الكيبورد خوش تعب :sweatsmile::sweatsmile:

نبدي باقتراح ثاني لشاشات الاوليد Sony A8F OLED..نفس السعر ٦٠٠ دينار في موقع اكسايت والاهم موديل ٢٠١٨ و B7 ٢٠١٧..شاشة سوني تتفوق على البي ٧ بشكل طفيف في الاداء العام بحكم انها الأحدث وفي الجيمينج والموڤيز ايضا *اهم الأشياء عندك*..مقارنة راس براس بين الشاشتين
https://www.rtings.com/tv/tools/compare/sony-a8f-vs-lg-b7a/603/541?usage=4854&threshold=0.1

*لو*مثلا خلاص استقريت على الاوليد شوف الارخص والعروض اللي تجي مع الشاشة*مشغل بلو ري او هوم ثيتر مجاني مثلا* وخذ الشاشة اللي تناسبك من بين هالموديلين

اقتراحات شاشات LED كلها بتكون من سوني بحكم تفوقها في هذ المجال اخر سنتين ٢٠١٧/٢٠١٨

الفأة العليا Sony X930E مع انه من موديلات ٢٠١٧ لكنه للحين مازال يناطح موديلات ٢٠١٨ من سامسونج وال جي في نفس الفأة ويدعم الدولبي ڤيجن

الفأة المتوسطة Sony X900F مع مواصفات وعتاد مستخدم في موديلات الفأة العليا من معالج وغيره ويدعم الدولبي ڤيجن مع انه محسوب على الفأة المتوسطة..افضل شاشة فأة متوسطة في ٢٠١٨..أدائه يتكلم عن نفسه..سعره ٤٠٠ دينار في اكسايت لكويت وعلى مواصفات الهاي ايند اللي فيه فهو سعره فيه
https://www.rtings.com/tv/reviews/sony/x900f

الفأة المتوسطة Sony X900E افضل شاشة فأة متوسطة لسنة ٢٠١٧ وهو النقلة اللي رجحت كفة سوني على سامسونج بعد سنوات من سيطرة الاخيرة في هذ السوق خصوصا بعد الاداء الخرافي لشاشات سامسونج KS800/KS9000 في ٢٠١٦ ما احد توقع هذ الانقلاب المفاجئ لسامسونج وتدني مستوى شاشاتها من ٢٠١٧ وطالع مقارنة مع مستواها اللي عهدناه..هذي شاشتي الحالية اللي بتعشعش عندي فوق ٤ سنوات واكثر

عموما X900E يكون خيارك لو مثلا ولأي سبب كان حبيت تستثمر ٦٠٠ دينار في اشياء ثانية غير الشاشة وتبي شي عملي ويفيدك في متطلباتك بشكل ممتاز فهو خيار يسوى..اما لو مثل مايقولون خاربنها خاربنها روح مع الموديلات الثانية اللي فوق

موديلات تستحق الذكر Samsung Q9FN/Q8FN واللي بنظري هي بداية العودة لسامسونج لمستواها المعهود اللي كانت عليه قبل ٢٠١٧..اداء ممتاز بس أسعار لك عليه مقارنة مع البقية اللي يقدمون اداء مقارب وبعضها افضل ايضا وباسعار اكثر مرونة
 

Solay

Double Jumper
أهم شي فيصل لا تخليه عندك، يا ارمه او عطه أحد ممكن يستفيد منه. بيعوضك الله بولد أفضل منه.
 
التعديل الأخير:

m7tram

True Gamer
أهم شي فيصل لا تخليه عندك، يا ارمه او عطه أحد ممكن يستفيد منه. بيعوضك الله بولد أفضل منه.

XD ... والله ضحكتني .. بالبدايه اقول منو ياخذ تلفزيون شاشته تحطمت تحطيم كامل .. لكن التويست بالنهايه ههههه.

اي والله تعبت معاك..منسدح على السرير واطقطق على الكيبورد خوش تعب :sweatsmile::sweatsmile:

نبدي باقتراح ثاني لشاشات الاوليد Sony A8F OLED..نفس السعر ٦٠٠ دينار في موقع اكسايت والاهم موديل ٢٠١٨ و B7 ٢٠١٧..شاشة سوني تتفوق على البي ٧ بشكل طفيف في الاداء العام بحكم انها الأحدث وفي الجيمينج والموڤيز ايضا *اهم الأشياء عندك*..مقارنة راس براس بين الشاشتين
https://www.rtings.com/tv/tools/compare/sony-a8f-vs-lg-b7a/603/541?usage=4854&threshold=0.1

*لو*مثلا خلاص استقريت على الاوليد شوف الارخص والعروض اللي تجي مع الشاشة*مشغل بلو ري او هوم ثيتر مجاني مثلا* وخذ الشاشة اللي تناسبك من بين هالموديلين

اقتراحات شاشات LED كلها بتكون من سوني بحكم تفوقها في هذ المجال اخر سنتين ٢٠١٧/٢٠١٨

الفأة العليا Sony X930E مع انه من موديلات ٢٠١٧ لكنه للحين مازال يناطح موديلات ٢٠١٨ من سامسونج وال جي في نفس الفأة ويدعم الدولبي ڤيجن

الفأة المتوسطة Sony X900F مع مواصفات وعتاد مستخدم في موديلات الفأة العليا من معالج وغيره ويدعم الدولبي ڤيجن مع انه محسوب على الفأة المتوسطة..افضل شاشة فأة متوسطة في ٢٠١٨..أدائه يتكلم عن نفسه..سعره ٤٠٠ دينار في اكسايت لكويت وعلى مواصفات الهاي ايند اللي فيه فهو سعره فيه
https://www.rtings.com/tv/reviews/sony/x900f

الفأة المتوسطة Sony X900E افضل شاشة فأة متوسطة لسنة ٢٠١٧ وهو النقلة اللي رجحت كفة سوني على سامسونج بعد سنوات من سيطرة الاخيرة في هذ السوق خصوصا بعد الاداء الخرافي لشاشات سامسونج KS800/KS9000 في ٢٠١٦ ما احد توقع هذ الانقلاب المفاجئ لسامسونج وتدني مستوى شاشاتها من ٢٠١٧ وطالع مقارنة مع مستواها اللي عهدناه..هذي شاشتي الحالية اللي بتعشعش عندي فوق ٤ سنوات واكثر

عموما X900E يكون خيارك لو مثلا ولأي سبب كان حبيت تستثمر ٦٠٠ دينار في اشياء ثانية غير الشاشة وتبي شي عملي ويفيدك في متطلباتك بشكل ممتاز فهو خيار يسوى..اما لو مثل مايقولون خاربنها خاربنها روح مع الموديلات الثانية اللي فوق

موديلات تستحق الذكر Samsung Q9FN/Q8FN واللي بنظري هي بداية العودة لسامسونج لمستواها المعهود اللي كانت عليه قبل ٢٠١٧..اداء ممتاز بس أسعار لك عليه مقارنة مع البقية اللي يقدمون اداء مقارب وبعضها افضل ايضا وباسعار اكثر مرونة


ممتاز! الخيار مابين b7 و Sony A8F OLED وكان سوني افضل؟ بشوف مقارنات شوي واقرر .. بس انت يوسف لو خيروك بين الاثنين شنو تفضل؟
 

bXNmbQ==

True Gamer
لا تاخذ oled هذي النصيحه الوحيده الي اقدر اقدمها
 

ASWD

True Gamer
XD ... والله ضحكتني .. بالبدايه اقول منو ياخذ تلفزيون شاشته تحطمت تحطيم كامل .. لكن التويست بالنهايه ههههه.




ممتاز! الخيار مابين b7 و Sony A8F OLED وكان سوني افضل؟ بشوف مقارنات شوي واقرر .. بس انت يوسف لو خيروك بين الاثنين شنو تفضل؟

ايه سوني عندها تفوق طفيف

بروح ويا شاشة سوني لانها بكل اختصار تتفوق بالأداء العام وفي الجيمينج خصوصا على hdr وبنفس السعر!!

اما لوكنت تهتم بالانبوت لاج خصوصا اذا تلعب اونلاين والعاب فايت او العاب فيها حركة سريعة روح ويا b7 لانها تمتلك انبوت لاج افضل على الجيم مود خصوصا وبرا الجيم مود ايضا..انا مايهمني الانبوت لاج لاني ما اهتم في الاونلاين ولا العاب فايت بس انت الله اعلم يهمك اولا

غير هذ شاشة سوني تتفوق بشكل عام
 

m7tram

True Gamer
ايه سوني عندها تفوق طفيف

بروح ويا شاشة سوني لانها بكل اختصار تتفوق بالأداء العام وفي الجيمينج خصوصا على hdr وبنفس السعر!!

اما لوكنت تهتم بالانبوت لاج خصوصا اذا تلعب اونلاين والعاب فايت او العاب فيها حركة سريعة روح ويا b7 لانها تمتلك انبوت لاج افضل على الجيم مود خصوصا وبرا الجيم مود ايضا..انا مايهمني الانبوت لاج لاني ما اهتم في الاونلاين ولا العاب فايت بس انت الله اعلم يهمك اولا

غير هذ شاشة سوني تتفوق بشكل عام

ما اهتم بالاونلاين ولا الفايت .. بس اهتم بالعاب الاكشن و ٦٠ اف بي اس .. ياثر؟؟
 

XORO

True Gamer

تقنية MicroLED من SAMSUNG بتكون احسن من الـ Oled وخاصة انها ما بتحترق
على حسب ما فهمت من كلامهم

ممممم 55 انش كم بيكون سعره 20000 يمكن ؟ :sweatsmile:
 

ASWD

True Gamer
ما اهتم بالاونلاين ولا الفايت .. بس اهتم بالعاب الاكشن و ٦٠ اف بي اس .. ياثر؟؟

لا ماياثر دام الانبوت لاج ٣٠ على الجيم مود فا انت في السليم وهالشي توفره شاشة سوني بكل سهولة
 
أعلى