hits counter

الموضوع الرسمي Divinity: Original Sin 2 Definitive Edition

hussien-11

Senior Content Specialist
divinity_original_sin_2_definitive_edition_pc.jpg

Divinity: Original Sin 2 Definitive Edition
النوع: CRPG
المطور: Larian Studios
الناشر: Bandai Namco
الأجهزة: PC - PS4 - Xbox One

ما هي هذه اللعبة؟
Divinity Original Sin 2 هي لعبة تقمص أدوار غربية بالمنظور الآيزومتري مثل Dragon Age Origins من Bioware، و هي واحدة من الألعاب التي حظيت بإشادة هائلة من بين الكثير من هذه العناوين التي صدرت في السنوات الأخيرة. الغريب في الأمر أن اللعبة تعتمد على تعاقب الأدوار مثل ألعاب JRPG، إلا أنها مختلفة تماماً في كل ما هو غير ذلك، و أنا أنصح بلعبها على الحاسب الشخصي بسبب التحكم الأنسب للفأرة و لوحة المفاتيح من الأزرار العادية.

نسخة Definitive Edition صدرت في 31 أغسطس 2018. هذه هي أهم التعديلات التي طرأت على هذه النسخة كما وصلتني بالبريد:

- تعديلات جوهرية على النصوص بالذات في الفصل الثالث.
- عدد الكلمات الجديدة التي تمت إضافتها في هذه النسخة من اللعبة وصلت إلى 150 ألف كلمة.
- إعادة تصميم لبعض المناطق و الدنجيونز.
- تعديلات على الرسوم و تحسينات في الأداء.
- إعادة تصميم لطور الآرينا.
- تحديات مختلفة للقتال.

اللعبة من نوع الفانتازيا المُظلمة كما هو الحال مع هذا النوع من الألعاب، و تحتوي على party و شخصيات مرافقة، و تدعم اللعب التعاوني أيضاً. اللعبة حظيت بمديح هائل من وسائل الإعلام، و حتى أنها حصلت على 10 من Gamespot (اللعبة رقم 14 التي تحصل على هذه العلامة في تاريخ الموقع).

بعض مما قيل في مديح اللعبة من صفحة Steam:

“One of the most captivating role-playing games ever made”
10/10 – GameSpot

“Larian's epic sequel is one of the best RPGs of the decade.”
9.6/10 – IGN

“One of the greatest PC RPGs of all time”
9.75/10 – Game Informer

القصة
تدور أحداث اللعبة في عالم Rivellon حيث تمتلك الكائنات الحية مصدراً للطاقة يُعرف باسم Source، و بإمكان المشعوذات استعمال هذه الطاقة من أجل السحر (spells) و القتال. الآلهة السبعة في قصة اللعبة (أستغفر الله) منحت جزءاً من قواها لكائن واحد هو Lucian، إلا أن لوسيان يموت قبل أحداث اللعبة و بذلك تنتشر مخلوقات Voidwoken و تبدأ بغزو العالم. هذه المخلوقات تنجذب لمصدر الطاقة Source، و بسبب ذلك فإن المشعوذات يتعرضن للعقوبة و الحبس من طرف منظمة Divine Order في جزيرة تحمل اسم Fort Joy، و ذلك بهدف "علاجهم" من مصدر الطاقة سورس، و هناك تبدأ أحداث قصتنا.

divinity%20original%20sin%202%203.jpg
 

Pineapple

True Gamer
من افضل الـ CRPG اللي لعبتهم في الفترة الأخيرة مستوى عالي في الكتابة و شخصيات و عالم مثير للاهتمام و طريقة لعب استراتيجية مثل الشطرنج بالفعل تستحق التقاييم العالية.
 

hussien-11

Senior Content Specialist
من افضل الـ CRPG اللي لعبتهم في الفترة الأخيرة مستوى عالي في الكتابة و شخصيات و عالم مثير للاهتمام و طريقة لعب استراتيجية مثل الشطرنج بالفعل تستحق التقاييم العالية.

تقدر تفصل أكثر ؟ أنا لا زلت في مرحلة مبكرة من اللعبة... كالعادة، كل ما ألعب CRPG أتعجب من سوء تصميم القوائم XD بعدين أتعود

كيف مستوى الكويستات؟
و كيف اللعبة مقارنة بعناوين أخرى مثل دراغون ايج؟
 

Kaido III

Lost Radiant
خلصت أول الـact ونص من الثاني.. أقدر أشوف ليش حصلت كل هذا المديح!
رحلة دارك فانتسي مثيرة للغاية بنظام قتالي ممتاز وعميق جدا جدا، مستوى الكتابة/الحوارات فيها حاجة بمستوى سلسلة ويتشر بدون مبالغة
تفرع وتأثير الخيارات كبير لدرجة ماتوقعتها صراحة، ايضا واحدة من الأمور اللي فاجئتني هو انها بتمثيل صوتي كامل حتى الحيوانات فيها..

الـworld building عظيم، مصمم ومكتوب بعناية مليان قصص وتفاصيل جميلة

+

الالحان اوه بوي!....

الالحان باللعبة ذي شيء ساحر جدا









اوك
مشكلتي مع اللعبة حاليا انها overwhelming شويتين، ثقيلة ومليانة أشياء/تفاصيل، تذكرني ببعض تجارب الـmmo الريدي ماخذين بعض التصاميم والأمور من الـmmo
لازم تلعبها بشكل يومي ومستمر حتى تنجز فيها شيء، التقدم فيها بطيء وثقيل، لاعب الان 30+ ساعة ومش حاس اني أنجزت الكثير بجانب اني تركتها ليومين بس ولما رجعت لها حصلت نفسي ضايع وناسي نص المعلومات والاشياء فيها :/



عموما اللعبة مرة جيدة تلمست جودتها العالية لكن حاليا صراحة ماعندي الوقت الكافي لتجربة من هذا النوع ممكن ارجع لها مستقبلا.
 
التعديل الأخير:

Tia

ᴛʜᴇ ROTTEN-UNTAINTED
عموما اللعبة مرة جيدة تلمست جودتها العالية لكن حاليا صراحة ماعندي الوقت الكافي لتجربة من هذا النوع ممكن ارجع لها مستقبلا.

الالعاب الي مثل هذي يبي لها روقان عالي و ما العبها الا في العطل لما يكون عندي وقت طويل و ايام فاضي فيها بصراحة ما العب الا هي.. انطباعك حمسني فوق الحماس الموجود.^^
 

Kaido III

Lost Radiant
الالعاب الي مثل هذي يبي لها روقان عالي و ما العبها الا في العطل لما يكون عندي وقت طويل و ايام فاضي فيها بصراحة ما العب الا هي.. انطباعك حمسني فوق الحماس الموجود.^^
يس اتوقع توقيت لعبي لها سيء
 

Pineapple

True Gamer
تقدر تفصل أكثر ؟ أنا لا زلت في مرحلة مبكرة من اللعبة... كالعادة، كل ما ألعب CRPG أتعجب من سوء تصميم القوائم XD بعدين أتعود

كيف مستوى الكويستات؟
و كيف اللعبة مقارنة بعناوين أخرى مثل دراغون ايج؟
اذا فصلت اكثر راح ادخل بالسبويلنق ، طبعاً من البداية و تجربتك للعبة و الكومبات سستم تعرف انها مختلفة عن دراجون ايج اوريجينز صحيح نفس الكاميرا الايسومتريك لكن دراجون ايج فيها حرية اكثر في الحركة اثناء القتال هنا كل خطوة محسوبة و استراتيجي اكثر نفس ال JRPG و مو نفس بالوقت ذاته انا ما لعبت JRPGs كثير لكن العاب تعاقب الادوار اليابانية اللي لعبتها تعطيك دور واحد فقط لكل شخصية تعمل حركة وحدة هذي عندك عدة خطوات تقدر تعملها حسب حجم العداد الخاص بالخطوات Action Poinsts ، انهاء مهمات و القتال يزيد اللفل حقك اكيد و تعطيك نقاط تلفل فيها اجزاء متفرعة من شخصيتك كيف تحبها انا اشخصيتي كانت Elf و ركزت اكثر على تطوير قدرات رمي الاسهم و القتال من بعيد افضل مكان لهم هو المرتفعات لانهم يسببوا ضرر اكثر فيها للااعداء اللي تحت و اللعبة تحثك انك تقرا كتب للمهارات لكن المهارة ما تقدر تكتسبها حتى تلفل خانتها في قائمة اللفل عن طريق نقاط ال exp ، الكويستات؟ اللعبة ضخمة جداً و ممكن تضيع فيها انا عملت ميكس بين الكويستات الرئيسية و الفرعية النوعين مستوياتهم الانتاجية عالية تذكرني بويتشر ٣ ، انا اكتفي بهذا الحد لاني راح ابدا اعمل سبويلرات.
 
التعديل الأخير:

HeNNeSSy

True Gamer
الجزء الأول كان إدمان وقضيت فيه مدة طويلة جدا اللعبة هذي تحتاج انك تلعبها على راحة. اخذت الجزء الثاني على طول بدون تردد ولكن للحين مالمستها بسبب كثرة صدور للألعاب المهمة في الوقت الحالي.
 

Aia

Jester
حاط عليها من فتره، اخذت الاول بتخفيض جامد حول 7$!
لكن للحين مالمستها بسبب كثرة صدور للألعاب المهمة في الوقت الحالي.
مثلك، كمية الالعاب الكبيره كثيره وهذي توي ما لمست العاب الاندي!!!
 

Pineapple

True Gamer
خلصت أول الـact ونص من الثاني.. أقدر أشوف ليش حصلت كل هذا المديح!
رحلة دارك فانتسي مثيرة للغاية بنظام قتالي ممتاز وعميق جدا جدا، مستوى الكتابة/الحوارات فيها حاجة بمستوى سلسلة ويتشر بدون مبالغة
تفرع وتأثير الخيارات كبير لدرجة ماتوقعتها صراحة، ايضا واحدة من الأمور اللي فاجئتني هو انها بتمثيل صوتي كامل حتى الحيوانات فيها..

الـworld building عظيم، مصمم ومكتوب بعناية مليان قصص وتفاصيل جميلة

+

الالحان اوه بوي!....

الالحان باللعبة ذي شيء ساحر جدا









اوك
مشكلتي مع اللعبة حاليا انها overwhelming شويتين، ثقيلة ومليانة أشياء/تفاصيل، تذكرني ببعض تجارب الـmmo الريدي ماخذين بعض التصاميم والأمور من الـmmo
لازم تلعبها بشكل يومي ومستمر حتى تنجز فيها شيء، التقدم فيها بطيء وثقيل، حاط فيها الان 30+ ساعة ومش حاس اني أنجزت الكثير بجانب اني تركتها ليومين بس ولما رجعت لها حصلت نفسي ضايع وناسي نص المعلومات والاشياء فيها :/



عموما اللعبة مرة جيدة تلمست جودتها العالية لكن حاليا صراحة ماعندي الوقت الكافي لتجربة من هذا النوع ممكن ارجع لها مستقبلا.
الموسيقى جبارة المين ثيم كل ما اشغل اللعبة اسمعها اقعد بالقائمة الرئيسية و استمتع و كذلك احب اسمع Rivellon



و موسيقى القتال


 

retha

from a parallel universe
توي شريتها على تخفيضات البس٤ (بما إني مااحب تحكم الكيبورد).
يبدو إني أمامي تجربة مميزة.
 

Good Hunter

True Gamer
اخذت الجزء الأول منها بعد المديح الكبير عليها. بصراحة اللعبة ضخمة ضخمة جدا ومشبعة بالكويستات والقصص والخيارات والاستكشاف. ضخمة لدرجة ما لقيت وقت العبها.

الدنجن فيها ممتعة ومليانة الغاز وشغلات حلوة.. لكن يبدو أن اللعبة تفقد بريقها اذا لعبها شخص لوحده لهالسبب ما تحمست اكمل.
 

Ria

True Gamer
^
حسب ما قرأت الثاني نسخة مبسطة للأفضل من الأول وعلى العموم اللعبتين بالرادار عندي لكن أنتظر نسخة السويتش لحتى امخمخ عليهم.
 

Grumpy

True Gamer
انهيتها الشهر الماضي..خذت مني تقريا فوق الـ170 ساعة..
لعبة ممتازة و ضخمة بشكل مفاجئ جدا..
فعلا اعتبرها The Ultimate RPG Experience..تحس من بعدها اي RPG ثانية للاطفال الصراحة..
عالم متكامل و رائع..تصدق فيه كل شي..شخصيات بقصص مميزة..موسيقى رائعة جدا..
القتال...يا سلام عالقتال..مافي قتال مشابه للثاني..ما تتم على اسلوب معين طول اللعبة..
كمية الافكار و الاستراتيجيات الي ممكن تطبقها..ياخي شي والله غريب..everything is possible..ما قد شفت مثله باي لعبة..
و مافي شي اسمه..هذا زعيم..ما تقدر تستخدم معاه هالحركة..لا..كل شي يمشي عالكل طالما حققت الشروط المطلوبة لتنفيذ الضربة..

و لا تتوقع شي سهل..اللعبة و خاصة فالبداية صعبة..و لازم تفكر بكل خطوة قبل لا تسويها..لدرجة ان فرق لفل واحد يفرق جدا..
مافي شي اسمه Grinding..و معارك عشوائية..لا..فالاعتماد الاكبر عالتلفيل بيكون عن طريق تنفيذ المهمات و الاستكشاف..
توقع انك تخسر وايد..و لكن كل خسارة عبارة عن درس للمحاولة الي عقبها..
و انسى معارك قوم بو دقيقة و دقيقتين..هني المعركة الوحدة ممكن تاخذ منك اقل شي 20 دقيقة (باعتبار انك لاعب جديد)..

ديفينيتي 2 لعبة دسمة..دسمة جدا..لا تلعبها الا و انت حاط فبالك تاخذ وقتك معاها..و تجرب كل شي فيها..
من كم يوم اقول للشباب والله اني خاطري ارجع العبها..احس وايد اشياء ودي اجربها..
و الطورين فعلا عاطين اللاعبين هالحرية..بحيث انك من بعد اكت ميعن باللعبة..تقدر تعيد توزيع نقاط شخصياتك على كيفك..و لعدد مرات غير محدود..
يعني هم يبونك تجرب كل شي قبل لا تقرر كيف تبا فريقك النهائي يكون..حركة رائعة جدا منهم..

و بخصوص الاخ الي يحاتي موضوع انها يلعبها بروحه..ما يخصه ترى..هي فيها خصائص اونلاين بس ترى فالنهاية اغلب الـRPGs عبارة عن Single player..
لا تحط في بالك ان تجربتك بتتأثر..

سلبياتها بنظري تكمن في انك احيانا بتخربط..و ما تعرف شو المطلوب منك بالضبط..خاصة ان قائمة المهام الجانبية سيئة و ما تعطيك معلومات كافية..
و اللعبة ما تشرح لك شي..تدخل فيها و تتعلم منها كل شي بروحك..او عن طريق غايد..

فالنهاية..انصح بها محبي النوع..و لكن في نفس الوقت..ما احسها للكل..
It's a VERY mature RPG, made for Adults
 

retha

from a parallel universe
"يبدو إنه أمامي تجربة مميزة"






tumblr_pn357yKJ2Q1qi4lax_400.gif
 

retha

from a parallel universe
وصلت ١٠ ساعات، اللعبة ممتعة لكن صعبة وثقيلة وكلها حوارات، فعلاً محيّر تقييمها مبدئياً وشكلي ما راح أقدر أقيمها إلا إذا خلصتها بالكامل.
 

retha

from a parallel universe
٣ ساعات أدور وأدور بحثاً عن رماة أسهم ): شبعت جلد
 

Invader Zim

TG’s Discord owner
من افضل الألعاب الي لعبتها في حياتي لحد الان 40 ساعة وشكل اللعبة لسى فيها كثير
 

...

Hardcore Gamer
واصل 87 ساعة لعب حالياً على مستوى الكلاسك

مشكلة ديفينيتي الكبرى هي انها اربيجي بكل مافيها من زاوية وبكل مافيها من تفاصيل. مافيها أي إنغلاق أو محدودية بأي شيء، تطوير الشخصيات مثلاً مفتوح على مصراعيه وتقدر تسوي اللي تبي، العالم مفتوح على مصراعيه وتقدر تسوي فيه اللي تبي -تقدر تقتل الشعب كلّهم إذا حبيت-.

عادةً العاب الاربيجي ماتعطي خيارات بهالكثرة للاعب، أقول مشكلة لإنها راح تكون معقدة، معقدة جداً على المبتدئين. راح يشعرون بأن الإنفتاحية الخيارية هذي تو متش عليهم، وكأنك داخل في وظيفة ومطلوب منك الكثير من دون ماتعرف أساسات الوظيفة أصلاً.

عموماً، بعيداً عن هذا، اللي جذبني باللعبة هو النص وشخصيات الأوريجينز. الطابع الروائي في القصّة، والسرد الشعوري والوصفي لكل حوار من حواراتها من الناريتر. عمق جميل، كشخص شغوف بالروايات.
 

Grumpy

True Gamer
شباب عطونا بارتياتكم و كلاساتها..

شو الحركات او الاستراتيجيات المفضلة عندكم..

مهتم اعرف اذا حابين تشاركونا..

شخصيا لعبت بس:

Fane = Warrior
Sebile = Ranger
Beast = Rogue
Lohse = Cleric

Lohse فالبداية كانت ساحرة..
بس بعدين قررت ان الدامج السحري ما احتيجه..و خليتها ميكس بين الفيزيكال و الماجيك عشان الهيل و السبوورت..

Sebile كانت مفيدة بشكل مب طبيعي..
الـRanger من اقوى الكلاسات و امتعها على الاطلاق..

كنت اتمنى اني املك الخبرة الي تخليني اجرب كلاسات Hybrid اكثر..بس للاسف..
 

...

Hardcore Gamer
ال Ranger مُعطى حقّه وزيادة في اللعبة، مفتاح هجومي رهيب وفعّال

مجموعتي عنوانها التوازن بنسبة أكبر، التوازن والتمييز لكل شخصيّة بميزة مهمّة تفرق عن الثانية، فمثلاً، حاولت أركّز على Lohse بحيث أنها تكون ساحرة هجومية، ومع تقدم الوقت بديت أضيف لها بعض خصائص السوبورت المتنوعة من كذا كلاس، Sebile كانت الحل الهجومي، إما بوجود السلاحين، أو بوجود أسلحة ال Range، بناءً على وضع المعركة ووضع القيرز

Fane كان مثير للإهتمام، بدايتي معه كانت نيكرومنسي وسوبورت أكثر، ومع تقدّم اللعبة حولته إلى سمنر، أفضل خطوة سويتها باللعبة، خصوصاً لما وصلت إلى ليفل 10 من مهارة الإستدعاء .. الإستدعاء صار تشيتنق باللعبة صراحة

في الآونة الأخيرة بديت أركز على زيادة الميزة حبة، وإضفاء التوازن حبة. من كثر ما أن شخصياتي متوازنة صارت اللعبة سهلة بشكل غريب.
 

...

Hardcore Gamer
وصلت ل 104 ساعات باللعبة، قريب من النهاية جداً، أو بمعنى أدق، خطوتي المقبلة راح تكون هي ختامية اللعبة

بقول شيء بسيط بس للأستوديو المطوّر للعبة. مستقبلاً، إذا حابين تسوون كيك ستارتر، فترا فلوسي جاهزة، بلزقها على شاشة اللاب توب، البي سي، على درايشي، غرفتي، وجدراني، سيارتي، وأكتب عليها بخط يدي أسم اللعبة

وإذا كل ذا الفلوس ماتكفيكم؟ أزيدكم فلوس بعد، دبل لو تبون، تامرون أمر

من أحلى التجارب اللي عشتها في عالم الألعاب على مدى السنوات العشر الماضية، من أفضل تجارب الاربيجي اللي عشتها بحياتي على الإطلاق

أنا بيق .. بيق .. بيق فان، من اليوم ورايح
 

retha

from a parallel universe
ودي أرجع لهذي اللعبة لكن جديّاً عجزت... طول الوقت ما أعرف وش أسوي عشان أمشي بالقصة ومافيه أي شيء يدلني وين أروح، للأسف...
 

Grumpy

True Gamer
ودي أرجع لهذي اللعبة لكن جديّاً عجزت... طول الوقت ما أعرف وش أسوي عشان أمشي بالقصة ومافيه أي شيء يدلني وين أروح، للأسف...
هاي عيب فيها شوي..

ليش ما تجرب/ين غايد؟ مب شرط الاعتماد الكامل عليه، بس عالاقلمعرفة الخطوة التالية..
لان حرام تنتهي التجربة لسبب نفس هذا.
 

king zell

Network Director
Administrator
ودي أرجع لهذي اللعبة لكن جديّاً عجزت... طول الوقت ما أعرف وش أسوي عشان أمشي بالقصة ومافيه أي شيء يدلني وين أروح، للأسف...

لا تستحي أبدا إنك تستخدم Guide في هذي اللعبة

لأنها معقدة جدا من ناحية التفرع و طرق إنهاء كل مكان، و فعلا ما تعطيك أحيانا أي دليل يرشدك وين تروح

اللعبة طبعا لو عندك وقت لا نهائي بقول لك استكشف لين تعرف ايش لازم تسوي، بس اذا استخدمت دليل عادي جدا
 

Pineapple

True Gamer
ودي أرجع لهذي اللعبة لكن جديّاً عجزت... طول الوقت ما أعرف وش أسوي عشان أمشي بالقصة ومافيه أي شيء يدلني وين أروح، للأسف...
هي هدفها انها ما تاخذ بايدك حتى تعطيك حرية الاستكشاف بنفسك ، لكن اذا ما عندك وقت للاستكشاف فاستخدام Guide ما هو عيب.
 

retha

from a parallel universe
هاي عيب فيها شوي..

ليش ما تجرب/ين غايد؟ مب شرط الاعتماد الكامل عليه، بس عالاقلمعرفة الخطوة التالية..
لان حرام تنتهي التجربة لسبب نفس هذا.
لا تستحي أبدا إنك تستخدم Guide في هذي اللعبة

لأنها معقدة جدا من ناحية التفرع و طرق إنهاء كل مكان، و فعلا ما تعطيك أحيانا أي دليل يرشدك وين تروح

اللعبة طبعا لو عندك وقت لا نهائي بقول لك استكشف لين تعرف ايش لازم تسوي، بس اذا استخدمت دليل عادي جدا
هي هدفها انها ما تاخذ بايدك حتى تعطيك حرية الاستكشاف بنفسك ، لكن اذا ما عندك وقت للاستكشاف فاستخدام Guide ما هو عيب.
هي المشكلة إني وصلت نقطة استكشفت فيها إلى أن طفشت وما نفع، يبدو راح أعتمد على القايدز كثير بهذي اللعبة إذا قررت أكمل فيها.
شكراً لكم.
 

TIDUS_FFX

Hardcore Gamer
خلصتها قبل كم يوم على صعوبه الTactical ( بعد 8 شهور تقريبا من شريتها ) ، واقدر اقول بدون مبالغه انها افضل لعبه لعبتها هالجيل بعد Witcher 3
الصدفه اللي خلتني اطيح على الجزء الاول واحب هالجنرا ، والثاني اللي حرفيا perfect في كل شي تقريبا

لي رجعه لها اكيد باذن الله عشان اجيب بلاتينيوم ، حرام هاللعبه مافكر فيه ولو اني اشوف طور الHonour مستحيل هههههههه ....بس اكيد مع guide
عالم اللعبه شاسع والافكار اللي فيها مالها نهايه..... تقدر تخلص معظم السيناريوهات باكثر من طريقه واكثر من اسلوب

ماقدر اوصف شكثر وقعت في غرام DOS2
 

Grumpy

True Gamer
خلصتها قبل كم يوم على صعوبه الTactical ( بعد 8 شهور تقريبا من شريتها ) ، واقدر اقول بدون مبالغه انها افضل لعبه لعبتها هالجيل بعد Witcher 3
الصدفه اللي خلتني اطيح على الجزء الاول واحب هالجنرا ، والثاني اللي حرفيا perfect في كل شي تقريبا

لي رجعه لها اكيد باذن الله عشان اجيب بلاتينيوم ، حرام هاللعبه مافكر فيه ولو اني اشوف طور الHonour مستحيل هههههههه ....بس اكيد مع guide
عالم اللعبه شاسع والافكار اللي فيها مالها نهايه..... تقدر تخلص معظم السيناريوهات باكثر من طريقه واكثر من اسلوب

ماقدر اوصف شكثر وقعت في غرام DOS2

ما شاء الله عليك..انا عالنورمال و يالله يالله T___T

جرب تخلصها عالـHonor و Solo :grimacing:
شفت فيديوات لناس سوتها، ما اقول غير يخرب بيتهم. حسسوني بالفشل.
 

TIDUS_FFX

Hardcore Gamer
ما شاء الله عليك..انا عالنورمال و يالله يالله T___T

جرب تخلصها عالـHonor و Solo :grimacing:
شفت فيديوات لناس سوتها، ما اقول غير يخرب بيتهم. حسسوني بالفشل.
اظن انتي كتبت قبل عن موضوع التاكتيتال وشلون لعبته ، الجزء الاول خذيته بالصدفه يوم عليه خصم
وعشان حبيت استهبل على نفسي حطيت الصعوبه تاكتيتال .... صراحه ماعرف شنو الفرق بينه وبين النورمال بس اللعبه ممتعه حيل
وتحاسبني على كل خطوه اسويها ( اشبهها لربعي بانها مثل الشطرنج )

موضوع الhonour و solo مستحيل بالنسبه لي ، هذولا ناس ماستر باللعبه مثل Manthiro و sin tee مستحيل اوصل لمستواهم
جتني معلومه ان احسن build حق الهونور انك تلعب 4 physical ، بجربها

p.s.
يا جمال اللعبه لو تلعبها مع صاحبك ويكون متعمق باللعبه مثلك.... متعه جباره
 
أعلى