Alena
ابْنُهُ الْقَيْقَب
المصيبة اني ما بديت أقرا مانجا الا على أساس أكمل قصة العمل الي أحبه (والي هنا هو بيرزيرك) لمجرد اني أكتشف ان المانجا تتوقف أكثر مما تكون ماشية @@, فقط لأني قريت محتوى يقارب ل٢٠ سنة (بأسبوع, وياله من أسبوع) ما حسيت باللي يحسون فيه الي تابعوا المانجا من البداية أو حتى من سنتين, شي مزعج للغاية. وما أمداني أوصل لآخر تشابتر الا وأقرا وأسمع عن المصطلح المنبوذ "hiatus". وباين انه شي منتشر بين كثير من الأعمال المشهورة والمحبوبة. almost as if المانجاكا اذا طاح بعمل يطلع ذهب وصار له فانز كثار يتورط وياخذ كل وقته عشان ما يخلصه بسرعه ومنها تتدمر حياته وصحته والفانز يجلسون معلَقين لشهور حرفياً. وتف؟ طبعاً أنا هنا ما أنكر ابداع المؤلف وبحالتي هو ميورا بالعكس الدراسات والأبحاث ورسمه كلها أشياء تستحق الاحترام بس الـinconsistency بالاصدارات مشكلة مزعجة للغاية وللأسف ما أعتقد لها حل.
أنا على بالي أغلب المانجا, والمشهورة من ضمنها, تكون ماشية على جدول معين بالغالب يكون أسبوعي وبالحالات المستعصية شهري, الا وأتفاجأ زين اذا صار فيه ٢ فوليومز بالسنة!
فيه مؤلفين لهم قريب العشرين سنة متقيدين بإصدار تشابتراتهم بشكل ثابت.
ميورا توغاشي يازاوا احسهم شيبوا خلاص و يبوون يعيشون حياتهم و ما يربطونها بشغل يشيب راسهم اكثر من الشيب الي طلع فيه.