AM152
True Gamer
الاسم: Nanatsu no Taizai أو The Seven Deadly Sins
النوع : شونين ، مغامرة ، أكشن ، خيالى
تاريخ بدأ النشر: 10 أكتوبر 2010
عدد الفصول الصادرة: 116 ( مع عدد من الفصول الجانبية)
الحالة: مستمرة
المؤلف : Suzuki Nakaba
المؤلف ليه العديد من الأعمال و اللى تم نشرها فى أكثر من مجلة مشهورة و من أهمها مانجا Kongou Banchou
نبذة عن المانجا:
The seven deadly sins هم مجموعة أسطورية من الفرسان حاولوا احتلال مملكة Britannia و تم القضاء عليهم على يد ال Holy Knights بالرغم من وجود اشاعات إنهم لسه عايشين و بعد عشر سنين من الأحداث ال Holy Knights احتلوا المملكة و قبضوا على الملك. إليزابيث (البنت الثالثة للملك) ابتدت فى رحلة عشان تلاقى ال Sins بعد ما بقوا الحل الوحيد لمواجهة ال Holy Knights
رأى شخصى عن المانجا:
العمل شونين قتالى كلاسيك ممتاز ، الأحداث سريعة و مفيش فيها أى تطويل أو مط ، القصة مثيرة للاهتمام و تدخلك فى الجو بسرعة و المعارك رهيبة بس أحسن حاجة تصميم الشخصيات الممتاز و طريقة العرض اللى تخليك تحب كل شخصية دا غير الآرت المميز
العمل فيه ميزة تانية مش هتتضح إلا فى الشباتر المتقدمة و هى ال Foreshadowing ، المؤلف كان مخطط للأحداث من البداية و عمل بناء و Foreshadowing ممتاز لأحداث كثيرة من أول شابتر و فى حوارات كثيرة تبان مش مهمة فى البداية بس بيطلع إن ليها أهمية كبيرة بعدين
مشكلة العمل هى وجود بعض الفانسيرفس للأسف و بعض عيوب الشونين المعروفة
المانجا تم عمل أنمى ممتاز ليها بس فى بعض الحاجات اللى تم اختصارها إو تعديلها فى الأنمى و ده ملخص للنقط المهمة حتى الآن:
1- أوسلو (الكلب الخاص لكينج ) ظهر فى المانجا قبل كينج و حاول يهاجم ميلوداس بس ميلوداس وقفه بسهوله
2- قبل مواجهات بيزيل و فى مدينة مختلفة ، إليزابيث هتكتشف إنها بقت مطلوبة مع الخطايا و فيرونيكا و جرايمور هيقضبوا عليه و هيدور حوار بينهم ، فى الحوار هتبان شخصية فيرونيكا و إنها كانت عارفة إن الملك متبنى إليزابيث بس المفاجاة إن إليزابيث اتولدت فى دانافور
بعد ما فيرونيكا فشلت فى اقناع إليزابيث بخطورة ميلوداس هتديها العقد اللى ظهر فى الأنمى على إنه هديه من أبوها و بعد كده ميلوداس هيحررها
3- مقابلة جاوثر فى المدينة كانت مختلفة تماما عن اللى حصل فى الأنمى لغاية مقابلة ال Dawn Roar
4-لما الخطايا هيهاجموا العاصمة ، جاوثر هيدخل فى مواجهة ضد ثريدر قائد ال Dawn Roar ، فى المواجهة هتبان شخصية ثريدر و قصته و جاوثر هيكشف حقيقة ال Holy Knights ليه بعديها ثريدر هيحاول يحرر الملك
5- مواجهة الملك أرثر لهندريكسن كانت أول مواجهة حقيقية فى حياته ، أرثر عنده قوة كبيرة جدا بس هو نفسه مش عارفها
6- فى نقط تانية صغيرة زى بعض الاختصار فى فلاشباك بان و كينج و فى مواجهات بيزيل و غيرها
7- بعد ما درايفوس اعترف باللى عمله هاوزر و ال Dِawn roar هما اللى قبضوا عليه
8- بعد ما هندريكسون طعن ميلوداس و أخد إليزابيث ، جرايمور هو اللى واجهه فى البداية بعدها انضم ليه درايفوس ، درايفوس كان هيهاجم هندريكسون بس تعثر و الضربة اصابت إليزابيث ، بعد المعركة اتضح إن درايفوس قتل ثلاثة من ال Dawn Roar و أصاب هاوزر إصابة خطيرة عشان يهرب
2- قبل مواجهات بيزيل و فى مدينة مختلفة ، إليزابيث هتكتشف إنها بقت مطلوبة مع الخطايا و فيرونيكا و جرايمور هيقضبوا عليه و هيدور حوار بينهم ، فى الحوار هتبان شخصية فيرونيكا و إنها كانت عارفة إن الملك متبنى إليزابيث بس المفاجاة إن إليزابيث اتولدت فى دانافور
بعد ما فيرونيكا فشلت فى اقناع إليزابيث بخطورة ميلوداس هتديها العقد اللى ظهر فى الأنمى على إنه هديه من أبوها و بعد كده ميلوداس هيحررها
3- مقابلة جاوثر فى المدينة كانت مختلفة تماما عن اللى حصل فى الأنمى لغاية مقابلة ال Dawn Roar
4-لما الخطايا هيهاجموا العاصمة ، جاوثر هيدخل فى مواجهة ضد ثريدر قائد ال Dawn Roar ، فى المواجهة هتبان شخصية ثريدر و قصته و جاوثر هيكشف حقيقة ال Holy Knights ليه بعديها ثريدر هيحاول يحرر الملك
5- مواجهة الملك أرثر لهندريكسن كانت أول مواجهة حقيقية فى حياته ، أرثر عنده قوة كبيرة جدا بس هو نفسه مش عارفها
6- فى نقط تانية صغيرة زى بعض الاختصار فى فلاشباك بان و كينج و فى مواجهات بيزيل و غيرها
7- بعد ما درايفوس اعترف باللى عمله هاوزر و ال Dِawn roar هما اللى قبضوا عليه
8- بعد ما هندريكسون طعن ميلوداس و أخد إليزابيث ، جرايمور هو اللى واجهه فى البداية بعدها انضم ليه درايفوس ، درايفوس كان هيهاجم هندريكسون بس تعثر و الضربة اصابت إليزابيث ، بعد المعركة اتضح إن درايفوس قتل ثلاثة من ال Dawn Roar و أصاب هاوزر إصابة خطيرة عشان يهرب
التعديل الأخير: