هذي اغلبها العاب مخيسة و الاغلبية ما انهاها و هذا شيء طبيعي و بينها اتشيفمنتس الناس ما حصلوها و كلها شطحات ما تعني شيء و الاحصائية ما فيها شيء غريب اساساً...
معقوله ليمبو ما لعبوها !!!
ولا تومب رايدر !!
ولا ترو كرايم!!
قريت من فترة هني في المنتدى بأنه في شخص يشتريهم بس علشان الكروت الي تكون مع اللعبة!! صحيح هالكلام؟ و شو هذي الكروت؟
يعطيك العافية
هل انهاء اللعبة = الحصول على جميع الاتشيفمنت ؟
اذا على هذا المنطق الاحصائية خاطئة بشكل كبير
مش كل اللاعبين يطمحوا الحصول على كل الانجازات في اللعبة فقط انهائها لمرة واحدة كافي + اذا اونلاين يستكر بلعب الاونلاين فقط
معقوله ليمبو ما لعبوها !!!
ولا تومب رايدر !!
ولا ترو كرايم!!
قريت من فترة هني في المنتدى بأنه في شخص يشتريهم بس علشان الكروت الي تكون مع اللعبة!! صحيح هالكلام؟ و شو هذي الكروت؟
أعرف ناس كثار الألعاب تتراكم عندهم في الستيم من كثرة الخصومات الي يحصلونها على مدار السنة... و النتيجة كمية هائلة من الألعاب من الـ "شبه" مستحيل أنه يقدر يخلصهم كلهم.
steam trading card ايوه تصير كثير
ليمبو مش مو مكلمينها، ما احد جاب فيها اتشيفمنت انك ترجع ورا الا 64%
هممم مدري عن نسبة الصحة في هالاحصائية بس وضعها يذكرني بايام الكوبي حق لبلاي 2 اشتر اشتر اشتر اشتر بس لا تلعب شي لوووول
اكره شي التكديس في اي شي اكان كتب افلام عطور مجلات ملابس الخ الخ الخ لانه يقتل القابلية للشخص في تجربة اللي شراه.وبما ان كلامنا هني الالعاب فهو يقتل عنصر الحماسة والدافع للاستمتاع فاللعب بسبب الكومة المتكدسه عند الشخص وما تخليه يفصفص الالعاب بالشكل المطلوب.تلقاه مثلا لو بغى يختم الكومة اللي عنده يلعب لمجرد انه يبغى ينهيهم عشان يلحق على اللي بينزل فالسوق وهالاسلوب لا متعة ولا شي يجي من وراه.انا شخصيا مريت بالازمة ذي صراحا في هالجيل والحمد لله افتكيت منه الحين بالكثير اشتري لعبتين اذا متحمس لهم مرة او اذا احس ان بعض الالعاب ما تسوى تشتريها اول ما تنزل انتظر يصير تخفيض لهم واشتريهم مع بعض واجلس حول شهرين واكثر العب فيهم واحاول افصفص كل وحدة على رواق وهذي ما تصير اللا قليل اشتري 3 او 4 العاب دفعة وحدة
الي يكدس 100 لعبه على الpc كان نتكلم عن صاحب كونسول كدس 5 العاب كمبلغ فمحد يهتم ان شخص عنده backlog 5 العاب كونسول
فالارقام هذي الي تطلع ماتبين الواقع ورى الي قاعد يصير
^
^
الشي اللي انا اشتريه لازم يكون عاجبني او ما اشتريه*لو*مثلا كنت متردد في لعبة ما مثل ما حصل مع نيير اروح اتبحث عنها اشوف لها جم فيديو الخ وبعدين اقرر
انا اتكلم عن سالفة التكديس مشكلته يقتل الاهتمام بالشي اللي قاعد تكدسه خصوصا اذا كان فمجال مثلا التجديد فيه سريع مثل حالة الالعاب الاصدارات تكون ففترات قصيرة كثير من الاحيان وهني الوهقة اذا كنت من اللي يكدسون. وهالشي بيكون وباء فعلي للشخص اذا كان يملك اكثر من منصة العاب فنفس الوقت
لأنه التخفيضات بالهبل تخلي الناس تشتري كل شي و هذا الشي خلاني اترك اللعب\شراء الألعاب على البي سي نسبياً الا في حال اذا كانت اللعبه عالأجهزه المنزلية زفت تقنياً.
حب التملك شي معروف عند اللاعبين ، ولا ننسى الناس الي ماتعتمد على التقاييم و تشتري اي لعبة على حسب الغلاف او الاسم او للسعر و تطلع مش ذوقة
الموضوع يتكلم عن ظاهرة اعتقد انا انها تختلف عن قصدك.. في ستيم والديجيتال عموما فيه عامل اضافي للشراء - قيمة العروض - وهي اللي لعبت على وتره ستيم.. انا ما احب العاب الشوتر كمثال.. لما اسمع عن لعبة مثل بايوشوك بخمسة دولار بتخلق عندي رغبة لامتلاكها وتجربتها .. القيمة بسيطة وبالتالي ما بعتبرها خسارة
او مثلا تومب رايدر او ماس ايفيكت العاب ليها جماهيرية وشعبية لكن مثلا انا مو متحمس ليهم تجي عروض الكريسماس مثلا واحصل الثلاثية بعشرة دولار بشتريهم حتى لو يمكن ما بلعبهم
هالشي تلاحظه بوضوح في ملاك الڤيتا.. قحط الالعاب الكبيرة وتوافر العاب الاندي.. خلا عشاق الڤيتا يشتروا العاب الديجيتال بعنف كبير
نسخ الاجهزة المنزلية غالية مقارنة بستيم
وين المشكلة انه الانسان يحط كنترول على نفسه و يعرف متى يشتري و متى يوقف ؟ لانه في النهاية التكديس نوع من انواع التبذير و التبذير محرم في ديننا كما انه صفة ذميمة اصلا و لازم كل انسان يتخلص منها باسرع وقت
احنا كبار مو كل لعبة AAA لازم نشتريها, نشتري بقدر حاجتنا فقط
فيا لمسلسلات الافلام الانمي مستحيل تشاهد كل الاعمال الممتازة لكن الواحد دائما اذا حاول يلعب/يتفجر ياخذ شي ممتاز
البعض جعل امتلاك جميع الالعاب الممتازة فرض عليه و اذا لم يفعل يشعر بالضيق و مدري ايش ناسي انها اصلا حاجة ترفيهية و من الكماليات و مو بالضروري لعب جميع الالعاب الممتازة بل من المستحيل اصلا
ايضا شغل الاستعجال باللعة عشان اروح الحق العب لعبة ثانية يقتل الحماس و متعة اللعبة
حلاوة اللعبة انك تلعبها برواق و تمشي فيها براحتك و تحللها تحليل, مو اوووووووووووف يا ربي لسة ما خلصت mgs ولا dark souls و لا titan fall...الخ
مقصدي انه مو بالضوري امتلاك جميع الالعاب الممتازة الي نزلت في جيل معين, لكن اذا جيت تلعب اختار لعبة من تشكيلة الالعاب الممتازة تلبي ذوقك و ميولك... لا اكثر