hits counter

أبي فلم - الموضوع الرسمي لأفلام هوليود

الحالة
مغلق و غير مفتوح للمزيد من الردود.

Sinker

True Gamer
و الله حمستوني للأندي الرابعة, حبيت الاجزاء الأولى بس من زمان ماشفتهم لازم أراجعهم
 

pacino

True Gamer
آنديانا جونز ممتاز لكن ما يستحق تقييم كامل
انا اوافق فيصل بالتقيم
الفلم صح حافظ على كلاسيكية الاجزاء السابقه لكن احس بالغ فيها بشكل..يعني تحس في مؤثرات و"افكار"اكل عليها الدهر وشرب

======
توني شفت into the wild
الله عالابداع فلم تأثرت معاه بكل لحظه روعه بمعنى الكلمه :)
 

Sinker

True Gamer



932481the-terminal-posters.jpg

The Terminal

لازم الكل يشوفه و يـ:inlove:بة!!!
 
التعديل الأخير:

s3rorh

True Gamer
^

وولي يرحم والديك .... اكتب اسم الفلم بالمرات اليايه + هذا الموقع ألي تييب منه البوسترات .... إنساه -_-"
 

Isaac

Executive Member
Star-Wars-Trilogy---Special-Edition-oversized-postcard-Poster-Card-C10204243.jpeg


شباب قررت أشوف سلسلة ستار وورز بس محتار بأي ترتيب أبدا ..

الأفلام موجودة عندي.


الـOriginal Trilogy

Star Wars Episode IV: A New Hope - 1977
Star Wars Episode V: The Empire Strikes Back - 1980
Star Wars Episode VI: Return of the Jedi - 1983

ثم

الـPrequel Trilogy

Star Wars Episode I: The Phantom Menace - 1999
Star Wars Episode II: Attack of the Clones - 2002
Star Wars Episode III: Revenge of the Sith - 2005


أم العكس ؟!



حسبتها براسي ..

التسلسل الزمني لصدور الأفلام (1977 إلى 2005)، لو أشوف الثلاثية الأصلية ثم البريكويل ما راح أحس بالداون قريد الخرافي في القدرات الإنتاجية، واللي بواجهه لو إني تابعت السلسلة حسب الـ (Episodes من I إلى VI) :laugh::



آرائكم ؟
 

NSider

Contributing Editor
أنا أشوف أنك تبدأ بالتريلوجي الأصلي القديم حازم، مثل الغالبية. التريلوجي الجديد مش بالمستوى أصلا، وفعلا مسألة الدوانجريد مش بسيطة.
 

Ash

إداري سابق
إبدأ من القديم , ليش ؟ لوكاس عاوز كده , إمشي على الطريقة الي الكاتب يبي يوصل فيها القصة .
 

Sinker

True Gamer
حازم أبدأ بالجديد و بعدين روح على الأوريجينال و مبروك أروع تجارب الأفلام
 

Ash

إداري سابق
The Eye
theeye_smallposter.jpg

سيناريو ضعيف كله إقتباسات من Sixth Sense و Grudge , و شخصيات مالهم شخصية تتغير حسب الموقف , و أحداث متوقعة لدرجة الملل , و نهاية سخيفة .
بعض المشاهد كانت جيدة (
لما تشوف نفسها اول مرة
) .
في تطور بأداء جيسيكا ألبا , وصلت لمستوى سيئ .
أقدر أحذف أكثر من 50% من الفيلم و السيناريو ماراح يتأثر .
المؤثرات بالفيلم مستوى دريم كاست ( النار - الأشباح ) .
إخراج تعبان .
4,5\10
 
التعديل الأخير:

Isaac

Executive Member
^
دريم كاست هههههههههههههههه

أهنيك عالذبة !! :xd:
 

hyuga neji

Hardcore Gamer
شباب الايام هذي متحمس علي الرقص فودي اشوف افلام رقص خلصت ستيب اب ١و٢

ابي الي يعرف افلام رقص تستاهل المتابعه يليت يحط اساميهم عشان اشوفهم :rockon:
 

Ash

إداري سابق
إسمح لي hamad 11 بقتبس إسم موضوعك .

" لما يوصل الفن لأعلى مستويات الإبداع وتتغلب على أفضل الأفلام الهوليوودية.. هذي النتيجة .."
200px-Lust_caution.jpg

Lust, Caution
 
التعديل الأخير:

Ash

إداري سابق
شوفه Lust, Caution , اكثر من ممتاز .
 

m7tram

True Gamer
The-Happening-Poster.jpg


قصه غبيه + تمثيل فاشل + مشاهد مالها داعي = نصيحه لحد يشوفه .

3 من 10 .
 

Da S.O.S

True Gamer
carsdvd-765050.jpg


توني خلصته .. اخذت نسخة البلو ري حقت معاذ (Dr MaD)
تأخرت جدا الين ما شفت هالفلم .. دايما كنت اتوقع قصته سطحيه وطفولية نوعا ما ..
المفاجأة انه ما توقعت يكون فيه كم من المعاني والقيم تكون كلها موجودة بفلم انميشن .
وما توقعت فعلا انه اتأثر لدرجة اني ما اقدر اوصف قد إيش انا تأثرت منه! .. كل واحد تأخر يشوف Cars فهو مضيع على نفسه الشئ الكثير .. يمكن ابالغ شوي لكن الفلم فعلا صدمني لدرجة كبيرة!
طبعا ما رح اتكلم عن روعة القرافيكس والانميشن والمؤثرات الصوتية و و و.. كل هذا مو شئ جديد ابدا على بيكسار..
خلاصه الكلام.. لو ما شفته روح شوفه!
شكرا معاذ..
 
التعديل الأخير:

G7Ga7

True Gamer
The-Happening-Poster.jpg


قصه غبيه + تمثيل فاشل + مشاهد مالها داعي = نصيحه لحد يشوفه .

3 من 10 .

لا يا شيخ ... عاد متحمس مرة للفيلم ( ام. نايت شايملان :inlove:)
 

pacino

True Gamer
The-Happening-Poster.jpg


قصه غبيه + تمثيل فاشل + مشاهد مالها داعي = نصيحه لحد يشوفه .

3 من 10 .
كلامك 100%
الفلم يستاهل جائزة اغبى نهاية
يا اخي تحس في غباء بسير القصه! مره يقولك الرياح تسبب الموت ومره النبات وتالي يرد على الرياح ...غباء بشكل متوحش!
 

m7tram

True Gamer
كلامك 100%
الفلم يستاهل جائزة اغبى نهاية
يا اخي تحس في غباء بسير القصه! مره يقولك الرياح تسبب الموت ومره النبات وتالي يرد على الرياح ...غباء بشكل متوحش!

كل شوي بصوت والـ " القدر " الي انتهت الأزمه قبل لا يطلعون بجم ثانيه :laugh:: , ولا مشاهد الدراما خلتني انقد بشكل !! , مايدرون وين الله قاطهم بالقصه .
 

persona

True Gamer
وخروا عن The Happening

جد وخروا عنه لا تشوفونه ..

وخروا جد عنه لا تشوفونه

لا تشوفنه جد وخروا عنه

عنه وخروا جد لا تشوفنه

لا تشوفنه وخروا عنه جد

يرجع خطوتين ورى ..ياخذ القلم ويطعن نفسه من ملاقه الفلم لول ..

-10/10


مرشح وبقوة لجائزه رازي ..
 

G7Ga7

True Gamer
:/

قفلتوا نفسي عن شوفة الفلم ..
 

hamad 11

True Gamer
والله جحجاح انا نفسك كنت متحمس للفيلم -__-...

شباب ممكن تفهمونا القصة بالضبط؟ يعني الفيلم فيه وحوش ولا ايش؟ انا شفت بالترايلر ناس يموتون بسبب شي وما فهمت..لكن تحمست
 

BioMario

مصمم
The-Happening-Poster.jpg


فلم فاشل بمعنى الكلمة ..
في نص الفلم حسيت أني ضايع موب فاهم القصة ..
و التمثيل جداً مضحك لووول

فلم ابداً ما يستاهل الواحد يدخل السينما عشانه
 

pacino

True Gamer
يرجع خطوتين ورى ..ياخذ القلم ويطعن نفسه من ملاقه الفلم لول ..
ههههههههه لا حرام عليك ما حطيت زر السبويلر..انت جذي لخصت القصة بسطر لووووول!!
 

King Wario

True Gamer
http://media.movieweb.com/galleries/3367/posters/poster1.jpg


little children اول تجربة لي مع المخرج Todd Field ( المترشح لثلاث جوائز اوسكارز ) ، وعادة الانطباع الممتاز المأخوذ في اول تجربة يدوم تأثيره مدة اطول ..

اقوى نقطة في الفلم هي السيناريو اللي يصور احد الاحياء بصورة عامة ، وقصتين مختلفتين في الحي بشكل خاص .. الاولى هي قصة حب طرفها الاول سارة ( Kate Winslet ) صاحبة الابنة الوحيدة "لوسي" والزوج اللي ما عطا زوجته اهتمامه والحياة الزوجية اللي تتمناها ، والطرف الثاني براد واللي يمثل دوره Patrick Wilson الشخص اللي اخذ بعض ادوار او واجبات زوجته المضطرة للغياب في فترة الصباح للعمل ، فيلتقي بسارة في حديقة الحي اللي تجمع الاطفال وامهاتهم في ذيك الفترة ..

النصف الثاني من السيناريو يشرح مشكلة يعتبرها البعض جريمة بشعة تشوه صورة الانسان ، وبعض الناس يؤمن انها مرض نفسي يمكن علاجه ، واللي هي تعدي روني ( Jacki Earle Haley ) على اطفال الحي قبل خروجه من السجب وعودته مرة اخرى للحي اللي اصبح منبوذ فيه من بعد ما ارتكب جريمته ..

التمثيل كان ممتاز من الطاقم كله حتى بعض الممثلين اللي كانت ادوارهم ما تتعدى العشر دقايق .. Kate Winslet ومثل ما هو متوقع منها اداء راقي جدا وتمثيل ممتاز لدور المرأة اللي حصلت الشي اللي كان ينقصها في حياتها المتعبة مع زوجها ومراقبة ابنتها .. لكن الدور الابرز كان لJacki Haley ، اللي اثبت ان ترشيحه الوحيد للاوسكار عن دوره في little children اكثر من مستحق بانقاله صورة واضحة للانسان المريض والمنبوذ في مجتمعه ، من الخارج هو مجرم ووحش لا يمكن ان يغفر له ، ومن الداخل هو كتلة حزن ووحده يصعب على اي انسان تحملها ..

انصح كل اللي فوته انه يرجع ويشوف احد تحف 2006

9/10
 
الحالة
مغلق و غير مفتوح للمزيد من الردود.
أعلى