hits counter

أبي فلم - الموضوع الرسمي لأفلام هوليود

الحالة
مغلق و غير مفتوح للمزيد من الردود.

Colorization

True Gamer
امممم. 1) Dull. في اشياء حلوة وايد (خصوصاً الواقعية بالسرد) لكن أغلب اللقطات تكون طويلة حيل لدرجة مملة، وأبداَ مو interesting.ا2) خلصت الفلم وآنا مو عارف شنو الهدف منه لول، كنت أنتظر اللحظة اللي بتخليني اقول "واو هذا اللي كنت أنتظره من البداية!" لكن لما خلص وجهي كان "
Indifferent2.gif
" لوول.

يمكن يعجبك لكنه كلش ما راق لي، وفعلاً مستغرب الجوائز اللي حصل عليها.
 

Leon

Electrony Editor
امممم. 1) Dull. في اشياء حلوة وايد (خصوصاً الواقعية بالسرد) لكن أغلب اللقطات تكون طويلة حيل لدرجة مملة، وأبداَ مو interesting.ا2) خلصت الفلم وآنا مو عارف شنو الهدف منه لول، كنت أنتظر اللحظة اللي بتخليني اقول "واو هذا اللي كنت أنتظره من البداية!" لكن لما خلص وجهي كان "
Indifferent2.gif
" لوول.

يمكن يعجبك لكنه كلش ما راق لي، وفعلاً مستغرب الجوائز اللي حصل عليها.

ههههههههههه , أها ممتاز , رأي في عين الإعتبار , يعطيك العافية .
 

Ash

إداري سابق
كولورايزيشن :
شنو تعريفك بالضبط للمتعة في مشاهدة فيلم درامي يتحدث عن تجربة انسانية ؟

فيلم 432 مو من هوليوود , لذلك ماراح تشوف فيلم تقليدي , ماراح تشوف واحد من الشخصيات يطلع لك بالنهاية يقولك ترى فكرة الفيلم كذه كذه , هذي مشكلة هوليوود مؤخرا , السطحية في توصيل فكرة الفيلم للمشاهد , و المشكلة الأكبر المشاهد الي تعود على هذا النوع من السرد في النص .
و بكلامنا عن الملل و بخص مشهد "العشا" , هذا المشهد يصور لك بطريقة متقنة معنى الدراما النفسية , الغموض , الخوف و الربكة , هذا المشهد بكل صراحه أتمنى أشوف مشهد بقوته في هوليوود الحديثة , الي تتمنى تصور نفسه , ما أبالغ أبد لو أقولك انه هذا أفضل مشهد شفته فسنة 2007 , هالمشهد مرعب أكثر من أفلام الرعب , يحمس أكثر من أفلام الأكشن , مضحك (عالقدر) أكثر من الأفلام الكوميدية , هالمشهد بكل بساطة عظيم! , ليش ؟ أساس المشهد هذا و الهدف منه , انه القدر حاليا يلعب دوره , الحياة تلعب لعبتها , كم شي فكرت فيه بهاللحظه و انت تشوف ملامح أوتيليا ؟ حتى زاوية التصوير كانت عبقرية , الكل يضحك و مبتسم , و أوتيليا القدر يسخر منها , بعد كل الي شافته و جربته , قاعدة في بيت وحده عجوز تحتفل بعيد ميلادها , اللحظات و الدقايق الي تمر ببطئ , أعتقد لو بتكلم عن هالمشهد , ماراح أخلص ليما ينزل فيلم أخرج مشهد مثله ( مع اني ماعتقد ) .
أما بالنسبة لهدف الفيلم , الظاهر انه في مشهد ما ركزت فيه عدل , و هو اعتراف اوتيليا لصديقها عن حادثة جابي , الأسئلة الي سئلتها ( لو حملت منك ؟ لو سويت الخطيئة معاك ؟ شنو بتتصرف ؟ شنو بتسوي ؟ راح أمر بنفس الي مرت فيه جابي ؟ ) و هذي قضية من أشهر القضايا في عالمنا حاليا و الحمل الغير شرعي , و الاجهاض , أو قتل النفس البشرية , و الي هي أبشع الجرايم من بداية التاريخ , كل أنواع الناس يقومون بالخطايا و لكن وقت دفع الثمن هل يكون الانسان مستعد لهذي اللحظه بقدر استعداده لعمل الخطيئة ؟ اسئلة شفافية كثيرة يطرحها السيناريو , بكل واقعية , من تجربة صديقتين , في يوم يعتبر أسوأ يوم في حياتهم .

قلت واو لما أوتيليا بكل يأس و تحطيم قالت أنا ما عندي دورة شهرية و الدكتور غير فكرته , قلت واو بمشهدالصمت و الهدوء بعد ما راح الدكتور و قلت واو على مشهد الاتصال بالتلفون , قلت واو على مشهد رمي الطفل و طريقة التصوير المذهله بذاك المشهد , قلت واو لما شفت الطفل محذوف في الحمام , قلت واو على واقعية الفيلم , قلت واو على الساوندتراك الي مافيه و لا تراك , قلت واو على التمثيل من الثلاث شخصيات في المشهد المرعب في الشقة , قلت واو على تمثيل اوتيليا , قلت واو بمشهد النهاية ( فكرة انه اوتيليا شاهدت الكاميرا ) , قلت واو على مشهد العشا , و قلت واو لما شفت ردك .
فكر بالكلام الي قلته , حاول تربطه بالفيلم , جاول تتوصل لروعانية و كمالية السينما المصورة في هذا الفيلم .
 

Ash

إداري سابق
نسيت أعلق على قائمتك حازم ( لول الرد الي فوق طويل و نساني ) , باختصار قائمتك Perfect , بس شيل Payback: Straight Up و حط أي واحد من هذيلا بداله ( جيسي جيمس - كازانوفا - كيل بيل 2 - نووت بوك )
 

Dark Man

عضو فريق العمل السابق
rambo637.jpg

توني شايف فلم رامبو 4 ..
من الجزأ الأول حتى العاشر , رامبو > الجيش , ينثرهم و يلعب بحسبتهم بروحة <tgman>
 

Mesharey

True Gamer
^

ظلمته مسكين بالرابع P:
استعمل الرشاش اللي بالنهاية والسهم تقريبا وبس .. والمرتزقة اللي معاه سوو شغل بعد..
 

hamad 11

True Gamer
لووووووول جزء جديد من رامبو O_O !؟!!؟!11؟!!One !

والله توني ادري.. وانصدمت لما عرفت انه نازل

والله مجنون هذا سيلفستر ستالون.. الى بعمره الحين يمشون بعكازات وشوفوا البلاوي الى يسويها

must see !
 

King Wario

True Gamer
رامبو -_-"

اليوم :

no_country_for_old_men_coen.jpg


نياهاهاهاهاها .. اخيرا نزل

اللي يكرهني يرفع ايده p:
 

Isaac

Executive Member
شفت No Country for Old Men !! <tgman>

حسافة لي يومين بأدخل المنتدى وأحط انطباعاتي وماني بقادر.


الفيلم رائع حقيقة, التمثيل, القصة, الإخراج, السكريبت<<حط تحته ألف خط. كلش رهيب وفيه عمق لدرجة إني حسيت إن عقلي مو قادر يستوعب خخخخ قلت لإنسايدر أحس الفيلم أعمق من نطاق تفكيري :yuck: تقريبا اللي خلاني أقول هالكلام هو النهاية المربكة شوي صراحة
مادققت كثير في كلامه عن الحلمين (ولا حرصت أسوي Rewind علشان أسمع الكلام من جديد وأفكر فيه) لكن الزبدة إنه خلاص حاسس إنه Overwhelmed وإن الدنيا ما عاد هي زي زمان أيام أبوه ما كان شريف, وكان حتى ما يحمل مسدس معه. والآن العكس تماما أحداث الفيلم في 1980 ما ني متابع للتاريخ الأمريكي لكن أعتقد معدلات الجريمة ارتفعت في الولايات المتحدة خلال تلك الفترة وهالقصة تمثل الهموم اللي أثقلت كاهل أحد كبار السن في تلك الفترة


أبي أفهم اللحين الفيلم ليش ما ترشح لجائزة أفضل OST ؟! << اللي بيرد يكتب رده بسبويلر تاق!!
 

MALDINI

True Gamer
احب سلسلة رامبو ياخي ذكريات .. كثير انتقدوا الجزء الرابع لكن جمهور سيلفستر بشكل عام ماراح يعطون الانتقادات اي اهتمام .......

***
 

Ash

إداري سابق
حازم /
لول أي ساوندتراك بالضبط ؟
كلامك عن الهدف من الحلمين صحيح , بهالرد تكلمت عن الحلم الثاني و الي هو المهم , تحس انه كان يتكلم عن العداله في الماضي , فجأه يقول Then i woke up , يعني هذا شي مو موجود حاليا .

على طاري رامبو , وصلتني قبل يومين تذكرة مجانا , و ما رحت .
 
التعديل الأخير:

Isaac

Executive Member
آش ..

لول بخصوص الساوندراك, قاعد استهبل :yuck: ... شاشة الكريدتس صدمة!! :gasp:
 

The Shark

True Gamer
فيصل يا ريت تعطيني قائمة أفلام مثل The Elephant Man ... شخص مشوه منبوذ من الناس ... إلخ ...
 
hurricaneus9.jpg


الفلم من انتاج عام 1999 شخصيا اعتبره احد افضل الافلام في تاريخ السينماء لي الممثل Denzel
Washington

الفلم مقتبس عن قصه حقيقه​
 

Mesharey

True Gamer
جوني ديب = لازم ينشاف @_@

بحاول اشوفه هالاسبوع ..
 

pacino

True Gamer
rambo.jpg

الله عليك يا رامبو..ابداع ابداع
افضل ما يميز الفلم
-جسم سيلفستر ستلون -_-
-صوت سيلفستر ستلون -_-

طبعا الفلم ما يحتاج زر السبويلرز لان الفلم اساسا مافيه قصه -_-
خخخ هالفلم اجرام بحق سيلفستر ستلون

انا بالبداية ما كنت ناوي ادخله لان ادري انه فلم تجاري بحت.بس فضولي ألح علي ..من ايام الطفوله وانا اسمع رابمو رامبو هذة الشخصية الخارقه خخخخ
بس الصراحه عجبني الساوند تراك في بداية الفلم :p

====
ما علينا من رابمو

امس أخيرا شفت SAW اول جزئين وبكمل الباقي
كلمة وحده: ابداااااااااااااااااااااع o_o
 

Ash

إداري سابق
فيصل يا ريت تعطيني قائمة أفلام مثل The Elephant Man ... شخص مشوه منبوذ من الناس ... إلخ ...

للأسف ما شفته اليفنت مان , مع انه بقائمة الأفلام الي لازم أشوفها , سوري ما قدرت أساعدك .
 

King Wario

True Gamer
شفت نو كونتري .. هممممم لول والله احس صعب اني اقيمه ، بس الفلم عجبني
 

Isaac

Executive Member
اليوم شفت

rendition1_large.jpg


الفيلم عادي إلى جيد صراحة وفيه تويست أليم (
تمازج البعدين الزمنيين بالفيلم حركة بنت كلب لول لحسة مخ من جد
)

تمثيل ريس ويذرسبوون ما كان مقنع صراحة.

7.5 من 10



تعديل:

سلطان ياخي اليوم كنت أبي أشوف نهاية NCFOM مرة ثانية وشوي إلا يدي تحكني وقمت أقلب بين المقاطع وقعدت أشوف يجي 20 دقيقة ... ياخي الفيلم إدمان! لول
 

Ginko

Banned
بما ان فيه كلام عن الافلام الي نشوفها هنا فبحط ردي ايضا هنا.

توني شايف اتونمنت.

هممم الجزء الاول من الفلم كان جبار، لا يعلى عليه. لكن مع بداية الحرب بدأت تطلع المشاكل في نظري. خصوصا ان مع تلاعب المخرج في طريقة طرحه للقصه أدت الى انفصالي من الشخصيات بشكل سلبي والتركيز على الحرب وفضائعها (يعني ما نعرف هالشيء؟). لكن اعجبني التصوير الجبار (مقطع الشاطيء واو) والانتاج العالي بالاضافه الى الموسيقى الجميله، التمثيل كان ممتاز من الجميع لكن الي ما يخليه ينافس على افضل فلم في رأيي هو القسم الاخير من الفلم الي جعل الحرب تأثر على الشخصيات في القصه. مقاطع كثيره مستقله اعجبتني مثل مقطع بروني مع الجريح الفرنسي، كان فعلا ممتاز واعطاك الكثير عن بروني، هالجانب من الفلم فعلا اعجبني.

اما النهايه الي وضحت او بروني قاعده تطرح القصه علينا (مقابل ما حدث في الحقيقه) وان كتبت النهايه الجديده في الكتاب كـ"هديه" خلاني من جد اعصب. خصوصا انها غيرت النهايه عشانهم، وكأنهم يسمعونها او يغفرون لها. اعتقد الكاتب قصده توضيح مدى يأس بروني او توضيح مدى سخافتها و أنانيتها.

فلم ممتاز، لكن ما يستحق يفوز على نو كنتري فور اولد من او ذير ول بي بلد.
 
التعديل الأخير:

King Wario

True Gamer
بالنسبة لاتونمنت انا اشوف ان اكبر عيب في الفلم هو نفس اللي ذكره عبدالله زينو ..
ان ما صارت احداث كثيرة تخلي حبهم قول لهدرجة .. يعني 5 دقايق في المكتبة ما تسوي كل هذا ..

بس الفلم من احلى ما شفت :cryy:
 

Mesharey

True Gamer
سلطان شلون فلم كريستيان بيل Rescue Dawn ؟
عطاني الفلم واحد من الشباب لكن مو متحمس اشوفه -.-
 

Shot

Hardcore Gamer
شباب ابي رايكم بـ The Fountain ؟

يستاهل اشوفه ؟
 

King Wario

True Gamer
مشاري .. الفلم عندنا coming soon في السينمات .. عشان جي ما شفته لين الحين ، انتظره في السينما .. بس انطباعاته وتقييماته حلوة ، واكثر من عضو شافه ومدحه .. عموما افلام كريستيان بيل الجديده كلها مضمونه :p

Shot .. اول شي الفلم من النوع الغريب جدا ، واسلوبه جديد ، ومعقد .. واحتمال ما تفهم اشياء وايد .. ما اظن يعجب الذوق العام .. تقدر تقول ان الفلم يصور احداث لثلاث قصص مختلفة ، بصراحة انبهرت من جزء واحد من الثلاث ، والباقي ما عجبوني ( اذا شفت الفلم بتفهم قصدي )
 

Shot

Hardcore Gamer
شفت The Fountain فلم غريب

ما عجبني :/

شباب احد شاف "I'm Not There"
 
الحالة
مغلق و غير مفتوح للمزيد من الردود.
أعلى