hits counter

أبي فلم - الموضوع الرسمي لأفلام هوليود

الحالة
مغلق و غير مفتوح للمزيد من الردود.

JOE

True Gamer
إلي يبي فيلم درامي عالمي , فيلم متكامل من إخراج وتمثيل وقصه ووووو ..
أنصحه بفيلم إسمه Black , فيلم هندي بس والله غير كل الأفلام الهنديه "بصراحه وأنا اشوفه قاعد أقول هذا فيلم هندي ؟" .
الإخراج فيه ما أبالغ إن قلت كل لقطه فيه تعتبر لوحه فنيه , القصه ما يحتاج أتكلم عنها , التمثيل خوورافي .

http://en.wikipedia.org/wiki/Black_%28film%29
black.jpg



ياسلاااااام من زمان كان نفسي اسمع واحد في المنتدى يجيب سيرة هالفيلم
اقسم بالله انه مدرسة في الإخراح الراقي و التمثيل الراقي والموسيقى الراقية وكل شي راقي :laughing:

سانجي ليلا بانسالي مخرج الاسطوري في بلاك كان افضل افضل افضل فيلم شفته عام 2005 بدون منازع وهو اوحد من افضل ثلاثة افلام شفتهم حتى الآن .
 
التعديل الأخير:

Ash

إداري سابق
توني ألاحظ الكلام عن بلاك , العمل فخم مع درجة الامتياز , بس أستغرب من الهند ليش ما قدمته لأكادمية الأوسكار في سنته! و قدمت بداله فلم أقل بالمستوى و ترشح!
تفكيرهم كان ثقافي قبل أن يكون فني , قدموا هذاك العمل لعدة أسباب اولا أنه يتكلم باللهجة المحلية الي يتكلم فيها أغلب الهند , بالاضافة انه طلع الهند بصورته الطبيعية و الحقيقية , كان هدفهم من اختياره هو انه الناس يشوفون الهند , مو مجرد تحفة فنية , بس صراحه تفكيرهم عميق و ذكي , بس يظل , هذا بلاك!
 
التعديل الأخير:

King Wario

True Gamer
اليوم شفت atonement ..

بكل بساطة واو !

بعد ما شفته دخلت موضوعه اللي نايف كتبه ... وفي بالي لقطة تصوير الشاطئ ، ولول اشوف الكل اتكلم عنها هناك ( ما كنت اقرا الردود عشان ما اخرب الفلم على نفسي )

افضل تصوير سينمائي انحجز .. وممكن افضل اخراج

9/10
 

Xeno

True Gamer
بلاك من أفضل الأفلام اللي شفتها فعلا, حتى بعد ماشفته على طول شريته وعندي ياه.
 

JOE

True Gamer
^^ انا شاريه Limited نسختين ...... كدة :roll:
<< غلاف الاول اتلف مع كثر الشيل والحط و التشغيل !!
 

Xeno

True Gamer
أنا عادية بس غلافها فخم ويجي معه الـOST.

الفلم يصيح, عشان كذا ماشفته غير مرة وحدة لول.

لازم أشوفه مرة ثانية.
 

Colorization

True Gamer
أعتقد العضو Namses قال لي عنه مرة. تراني أكره الأفلام الهندية لأنهم يحطون لك بنص الفلم إغنية. لول تشوف الفلم حزين وفجأة يقلب طرب ورقص.

بطلبه على ذمتكم، لو ما عجبني كل واحد يعطيني قيمة الفلم :D
 

Xeno

True Gamer
لاتخاف هذا مافيه أغاني لول.

فلم هندي راقي ومش قصة حب. (واو achievement unlocked)
 

Justice

True Gamer
اليوم شفت atonement ..

بكل بساطة واو !

بعد ما شفته دخلت موضوعه اللي نايف كتبه ... وفي بالي لقطة تصوير الشاطئ ، ولول اشوف الكل اتكلم عنها هناك ( ما كنت اقرا الردود عشان ما اخرب الفلم على نفسي )

افضل تصوير سينمائي انحجز .. وممكن افضل اخراج

9/10

الفلم فعلا حلو لكن لما في
النهاية تكتشف ان القصة بعد ماانسجن الرجال نسيت اسمه, كلها
الكاتبه معدله فيها ونسقت القصة وخلتهم كأنهم احياء فكرة حلوة بذات لما تقول في النهاية انهم في الاصل ميتي وسبب موتهم شئ حزييين جدا الصغير فرقة بينهم على شيئ ماتفهمه
8,5/10 لوول
 

King Wario

True Gamer
لا جستس
اللي فهمته انها بس عدلت في اللقطة اللي التقط فيها باختها وحبيبها .. مب كل اللقطات


Come back .. come back to me


I will return. Find you, love you, marry you and live without shame

احلى فلم رومنسي شفته من هوليوود :cryy:
 

Ash

إداري سابق
اليوم شفت atonement ..

بكل بساطة واو !

بعد ما شفته دخلت موضوعه اللي نايف كتبه ... وفي بالي لقطة تصوير الشاطئ ، ولول اشوف الكل اتكلم عنها هناك ( ما كنت اقرا الردود عشان ما اخرب الفلم على نفسي )

افضل تصوير سينمائي انحجز .. وممكن افضل اخراج

9/10

احسه ترشحه حق لجنة التحكيم حقت التصوير السينمائي ASC بسبب هاللقطه! ببساطه تدخل من أفضل مشاهد السنه .
 

Justice

True Gamer
ااااااااااااااااااااخ امس شفت اسوء فلم في 2007
اسوء يوم عندي من سنة اشوي واتقاتل مع اخوي على هالفلم البايخ
الفلم هوا Sydney White صدقوني اي رجال يقول عن هذا الفلم حلو اعتبره انا فيه شذوذ جنسي لووول
 

JOE

True Gamer
مين شاف I am Legend ؟

بغض النظر عن طوله المحبط لكن المخرج (المبتدئ وفقاً لتاريخه الهوليوودي) قام بدور ممتاز في نظري في خلق جو للفلم + أداء ويل سميث ايضاً كان رائع .

إجمالاً الفلم اقل من المتوقع بكثير (خصوصاً للمتحمسين بزيادة) و لا يضاف لسيرة ويل سميث (رغم اداؤه القوي) + ينشاف إذا عندك ساعة و نص فاضية .
 

kInGsIzE

True Gamer
^^^

حمستني اشوفه .. ان شاءا لله قريب عالعموم قبل فتره بسيط شفت اسوء فيلم في حياتي كلها .. ضيعت ساعتين من عمري عالفاضي ..

اسم الفيلم دراكولا 3000 .. مدري ليش اصلا كملته المفروض من اول 5 دقائق اقفل بس لقافه قعدت اتفرج ..
 

King Wario

True Gamer
خخخخخخ انا احيانا اذا فلم ما تحملته عادي اسكره .. عندك فلم magnolia ما كملته مع انه مترشح لثلاث اوسكارز بس ما دخل مزاجي وما كملته بعد النص p:

وبعد فلم flags of our fathers بعد ما كملته لاني حسيت اني اشوف فلم litters from lwo jima مرة ثانية !
 

Ash

إداري سابق
لوول الأخير في فرق! مع انهم يتكلمون عن نفس القضية , بس واحد مهتم بالاعلام و الابطال , و الثاني بالجنود و حروب , و LFIJ أحلى مليون مره .
 

Leon

Electrony Editor
شفت The Perfume .. كان ممكن يكون أحلى بمية مرة لو كان السيناريو مختلف .. ما عجبني الفيلم .

اليوم إن شالله مخطط أشوف فيلمين .. The Queen , Volver .. أحد شافهم ؟
 

Justice

True Gamer
شفت The Perfume .. كان ممكن يكون أحلى بمية مرة لو كان السيناريو مختلف .. ما عجبني الفيلم .

اليوم إن شالله مخطط أشوف فيلمين .. The Queen , Volver .. أحد شافهم ؟

شفت The Queen الفلم حلو لكن برأيي ماشوفه يستاهل الاوسكار اعتقد اعطوه الاوسكار
مجاملة لبريطانيا لووول شوفه ممكن يعجبك
 

Leon

Electrony Editor
الفيلم ترشح للأوسكار لكن ما فاز فيه , فاز بالجولدن جلوب 2006 .. هيلين ميرين أخذت أوسكار أفضل ممثلة عن دورها في الفيلم , متحمس أشوفه .
 

Justice

True Gamer
We Own the Night شرايكم فيه تنصحوني فيه؟
 

Ash

إداري سابق
كوين خرافي , فولفير ممتاز!

ليون قصدك كوين اخذ افضل فلم بالجولدن جلوب 2006 ؟
 

itachi

True Gamer
Memento-Poster-C10084267.jpeg
شباب لا يروح عليكم هذا الفلم ...من زمان كان ودي أشوفه وشفته أمس ..الفلم غير طبيعي فيه تعقيد لكن غير مألوف يعني قليل الأفلام اللي تشوف مثله ...الفلم من عام 2000ماخذ المركز 25 من أفضل 250 فلم في موقع imdb
الفلم فيه فكرتين عجبوني <tgman>
- الفلم يا شباب يمشي بالعكس ...هههههه ما أمزح معاكم يمشي من النهايه للبدايه
( مو مثل بعض الأفلام يجييب لك النهايه بعدين يرجعكم الماضي لا لا يختلف من النهايه ويرجعك حدث حدث بشكل متسلسل ) يعني الزبده إنك تبي تشوف البدايه مو النهايه :laugh:

- الفكره الثانيه خطيره ...الرجال اللي في الفلم يفقد الذاكره في عشر دقايق وكل اللي يذكره نوتات وصور اهوه يعملها حق يذكر حاله والحاله صعبه معاه :laughing:

شباب أنصحكم تشوفون هذي التجربه من هذا الفلم :::wink:::*
 

Ash

إداري سابق
itachi شنو هو الفلم ؟ احسك ( متأكد لول ) انك تتكلم عن Memento , راجع الصفحات السابقه أغلب الي هني شافوه و أجمعوا انه من أفضل الأفلام الي شافوها فعلا .
 

itachi

True Gamer
والله ماتابعت هذا الموضوع من أوله ...لكن متحمس فحطيت رايي بالفلم ...وأنا أضيف صوتي معكم صراحه من أروع الأفلام :)
 

King Wario

True Gamer
We own the night شفته وما عيبني ابدا ابدا ..

لول عاللقطة اللي الشرطي يدور فيها على ال gangster في الحشيش ..

بحاول انزل into the wild

تعديل : ما حصلت نسخة زينة .. خلاص بنزل راتاتويل وافلام جرندهاوس
 
التعديل الأخير:

Justice

True Gamer
خلاص بشوف
Charlie Wilson's War and Elizabeth: The Golden Age and I'm llegend
 

The Last Fantasy

True Gamer
هذا الأسبوع شفت No Country for Old Men و I AM LEGEND.

No Country for Old Men بصراحة حطمني بعد المدح والمديح إلي انقال عن الفلم، الفلم يشدك في مشاهد كثيرة، لكن بالمجمل العام كان ميّت، بعض الشخصيات ما كان لها دور (تومي لي جونز كان ينكّت بس)+ النهاية التعبانة.

I AM LEGEND مش سيء بشكل عام، كنت متوقع شي أكبر من ويل سميث عموماً.
 

Leon

Electrony Editor
كوين خرافي , فولفير ممتاز!

ليون قصدك كوين اخذ افضل فلم بالجولدن جلوب 2006 ؟


لمن كتبت الرد كان في بالي فعلاً إنه فاز بالجولدن جلوب .. طلعت ملخبط , BABEL هو اللي فاز بجولدن جلوب أفضل فيلم 2006 , كوين فاز بأفضل سيناريو وأفضل ممثلة .. سوري Justice صححت لك وأنا غلطان . :)
 

Ash

إداري سابق
شفت No Country for Old Men أخيرا .

no-country-red-band.jpg


:jawDrop:: ...

قريبا المراجعه في موضوع مراجعة عام 2007 .
 
الحالة
مغلق و غير مفتوح للمزيد من الردود.
أعلى