قبل الفترة القادمة (كشف PS3) لازم شي يتغير!

لازم نطلع من عالم الخيال و الأماني و شوي نبدأ ندخل في عالم الواقع


وعود سوني و عروض E3 2005 أتمنى ننساها و نعتبرها شي مزيف


هي بالأساس حملة إعلانية شرسة من سوني من البداية على مايكروسوفت..

لو تلاحظون كلمة "إكس بوكس 1.5" تلاشت شيء فشيء في الفترة الماضية مع بداية ظهور ألعاب PS3 و كون الناس صارت تقدر تقارنها مباشرة بال360


احنا تقريبا كلنا تعلقنا بحملة سوني و مين يذكر عرض كيل زون

....................................



بما إن ألعاب سوني خلاص وصلت اللحظة الحاسمة لظهورها بشكلها الفعلي للجمهور حانت


لازم ندخل عالم الواقع و نلغي توقعاتنا القديمة "المبالغ فيها" عشان نشوف روعة الألعاب فعلا اللي بتعرض


أنا أشوف ديفل ماي كراي 4 مبهرة و في المقابل كثير أبدوا احباطهم نوعيا


لكن الصراحة ..

ألعاب PS3 بتكون غالبا من الشركات اليابانية.. شركات قدمت لنا أشياء مثل Okami و SOtC و FF 12 و MGS3 ..


يعني يستخدمون الArt و التقنية بإتزان.. و النتيجة ألعاب قمة في الجمال.. يعني على آخر أيام الPS2 طلع لنا العجب العجاب من الجهاز الأضعف


..............................

بإختصار لازم تتغير التوقعات عشان ما تصير صدمة "ما في داعي من وجودها أساسا" بسبب توقعات قديمة غير واقعية


الPS3 أكيد بيكشف ألعاب مبهرة جدا من أسماء كبيرة و غيرها و البطل المطور الياباني أكيد اللي أراهن عليه أكثر من الغربي

توقعاتي عادية , معلومات حلوة عن دي ام سي , و اشياء جديدة من سكوير للجهاز , و الPersonal Favorite مينا نو جولف5

حملة سوني الاعلانية كان لها ايجابياتها و سلبياتها , زودت عداد الحماس بتوقع نشوف جرافيك خيالي ( من البداية ) , لكن مع TGS بتكون أغلب الألعاب In-game و بيروح عصر الاستعراض , و بنشوف الجيل الأول للبلايستيشن 3 ( في حين الجيل الثاني لل360 يبدأ مع GOW ) .

غالبا ما تكون الاستعراضات قبل صدور الجهاز تكون مستقبلية أكثر , على نحو ألعاب الجيل الثالث تقريبا , أو أحيانا تكون مستحيله!! فترة الاحباط مزمنه , أو "عملية انتقال" للجيل الأول ( بعد ما كنا باستعراض الجيل الثالث و ما بعد ) , يعني تقريبا أمر طبيعي .

TGS ... we are waiting .

lets see if they can make use the new controller
IN A GOOD WAY


graphiclly the PS3 is still so new , so i wont hope for alot FOR NOW
after 2.5 to 3 years we will see the peak power of the system

TGS هي فرصة الPS3 لاثبات وعوده القديمة .( E3 05 and 06) . ونشوف الالعاب بشكل واضح للجميع قبل صدور الجهاز .. ندري ان الجهاز قوي وبيستغلون قوته بشكل اكبر بعد سنه وفوق , لكن احنى نريد نشوف الالعاب الحينة الى اي درجة وصلت من القوة !؟

بالنسبة لي إلي اتوقعه من الجهاز ممكن ألخصه في ميتل جير 4 .. الحقيقة ما أبغى لعبة ب 500 مليون مضلع ورزلوشن التكستشرز x16 إلى آخره وفي النهاية تطلع لعبة ب AI ضعيف, فيزكس وأنيمشنز من الجيل الماضي لا وتشتغل على 25fps.. هذا الشي الي أرفضه كليا من الجهاز ومن أي جهاز ثاني..

أنا أنتظر ألعاب متوازنة تظهر الفرق بين الجيل الحالي والماضي, مثلا ال 60 إطار في الثانية كنت منتظر إنها تكون Standard لكل ألعاب الجيل.. التركيز على الجرافيكس فقط كعنصر جامد شي لازم ينمسح, يعني لو جبت ميتل جير 3 أو رزدنت ايفل 4 وشغلتهم HD برزلشون 720p في 60 إطار في الثانية أنا أتحدى لو ما نسفوا 90 % من ألعاب الجيل الجديد.. والسبب إن التركيز الأساسي في اللعبتين على الفيزكس و الأنيمشنز وشغالين بوضوح عالي في معدل إطارت ناعم..

أتمنى من المطورين يكونوا على يقين إنه الحصول على مظهر واقعي جدا ولكنه جامد غير مفيد إطلاقا.. يعني حتى رئيس شركة nVIDIA قالها بالحرف الواحد.. ألعاب الفيديو حاليا على بعد 10 سنوات من الجرافيكس الي نشوفه في أفلام هوليوود, يقصد إنها تبدو كمظهر وتتحرك وتتفاعل كالأفلام.. لكن كمظهر شي ممكن لكن ايش الفائدة..

للآن عرض كيل زون في وادي ثاني

اما في مايخص الالعاب الباقية مثل اول ظهور لديفل ماي كراي4 فهو اكثر من ممتاز كجيل اول من العاب الجهاز..لهذ انا شخصيا ما اتوقع شي بأول جيلين من العاب الجهاز على الاقل+صعوبة البرمجة راح تلعب دور

طبعا بالنهاية انا ما اقول ان الدعاية خلاص لازم نصدقها الكل يعرف انه ببداية كل جيل نشوف مضاربات على كيف كيفك من خلال التصاريح ومدري ايش واحد يقول جهاز مافيه مروحة تبريد وواحد يقول 1.5

هلا شباب...

تعجبني هالمواضيع النقاشيّة هاذي ^,^

أنا أشوف إن موضوع الجرافيكس مثل ما قالوا الشباب سوني نفسها إهي إلي خلّت الجمهور كلّة ينتظر شي فوووووق من كذا ألحين لو ويش ما تسوّي ولو يكون الجرافيكس أقوى من الجيل الحالي بمضاعفات لكن مو بنفس الرسوم إلي قدّمتها سوني في البداية تزّعماً إنها للجيل الجديد فهذا ما ينفع وراح يكون شغلهم كأن ولا شي...

وثانياً أبي أفهم.......

ألحين لمّا نزل جيل البلاي 2 والأجهزة إلي معاها كانت أول الألعاب طفرة بالنسبة للجيل إلي قبلة...مثل تكن تاج وريج ريسر وفيفا....لكن الألعاب إلي انعرضت ألحين للبلاي 3 ما أشوف فيه فرق كبير بينها وبين ألعاب الجيل الحالي !! وبعض الأحيان ما تشوف فرق أصلاً يعني إذا كانت القوّة بهذا الشكل ليش هالسعر المجنون للبلاي 3 وإلي يخلّي الاحد يفكّر إنه مو مشتري جهاز ألعاب مشتري قنبلة جرافيكسيّة فيزيائيّة حيّة

سلام.........

محمد .. المشكله هي

ان سوني وعدت الفانز بافضل جهاز تقنياَ واعتبرت العاب الاكس بوكس 360 هي العاب اكس بوكس 1.5 وسوت لك الفيلم الغبي وما عرفت ان السكاكين كلها طاحت عليها .. ما قدمت العاب بجرافيكس افضل من العاب الاكس بوكس الحالي ..

هو في حل بسيط جداَ .. ان سوني فانز لا يدققون على كل صوره ويكون اكبر همهم الجرافيكس .. يتذكرون ان سوني قدمت لهم متعه رهيبه مع الـPS2 مع ان امكانياته اقل من منافسيه.

انا عن نفسي اقتنعت في هذا الشي من قريب ,, ما ابي اشوف صور عشان اقيم الجرافيكس فيها .. ابي اشوف الصور عشان اتحمس للجيم بلاي الي فيها.

Khalid-S قال:

منافسيه.

انا عن نفسي اقتنعت في هذا الشي من قريب ,, ما ابي اشوف صور عشان اقيم الجرافيكس فيها .. ابي اشوف الصور عشان اتحمس للجيم بلاي الي فيها.

أنقر للتوسيع...

والله كبير ياخالد::

ميزة الجيل القادم لن تكون في الجرافيكس...

ولكن أتوقع أن الأشياء مثل الـ A.I. والفيزيكس هي اللي بتحدد الفرق بين الألعاب...