Hironobu Sakaguchi
True Gamer
لا حول ولا قوة الا بالله....
اليوم ضرب علي الميموري كارد حقي المخصص لالعاب ال RPG, وياريت لو هذا وبس, لا وكمان لا اقدر افرمته ولا اقدر اسوي فيه شي.حتى لما ادخله في الجيم شارك يقولي انه ما في ميموري داخل الجهاز وبدل من هذا يقولي Device Inserted.
دحين بصراحة انا مقهووووووووووووووووور لانه الكرت ما فيه لعبة ولا لعبتين, لا هذا الكرت عبارة عن ارشيف حياتي في عالم الار بي جي.
مو بس عالبلاي ستيشن 2 لا كمان انا ضايف تخزينات البلاي ستيشن 1 كمان ويا ريت الالعاب الي بالكرت جديدة, لا كلها من قبل 6 سنوات الى يومك هذا.
هذا غير انه الكرت مميز... مكتوب عليه انه 8 ميجا لكنه في الواقع عبارة عن 16 ميجا, ولذلك خصصته للار بي جي وياريتني لو ما سويت.
ما تصدقوا لو قلتلكم اني قعدت ابكي اكثر من ساعة وما جالي نوم من الموقف الى الان. تخيلوا يا شباب 6 سنوات من حياتك كلها تختفي بدون اثر يذكر وبدون سابق انذار. 6 سنوات من سهر اليالي تختفي في ثانية.حاس كان في جزء من كياني اختفى.
حاس انه صار عملية تنظيف للآثاري في الحياة. ما عاد في شي عندي يثبت انجازاتي في العاب الار بي جي, كانه صار فورمات لمخي وقلبي في وقت واحد.
مهما كتبت ما قدر اوصفلكم الالم الي انا فيه والي حيمثلي عقدة مستديمة في حياتي الا اذا بديت اعوض. بس 6 سنين مستحيييييييييييل.في العاب مرة وحدة تخلصها وخلاص ما تفكر تلعبها ثاني الا اذا كان في قحط في سوق الار بي جي الي هو حاليا في اوج ازدهاره.
ما اقدر اقول غير قدر الله وما شاء فعل , هذا نصيبي ولازم ارضى فيه. من الخسائر الفادحة الي راحت مع الكرت:
لائحة البلاي ستيشن1:
فاينل فانتسي من 1 الى 9.جرانديا. كرونو تريجر+كروس. فاجرانت ستوري.
لائحة البلاي ستيشن2:
فاينل فانتسي x- x2- DoC. ستار اوشين. رادياتا ستوريز. وايلد ارمز التر كود اف.(اونيموشا داون اوف دريمز- انا اعتبرها اكشن -ار بي جي)
دارك كلاود 2. سيكودين 3-5. كينجدوم هارتس 1-2. جرانديا 2-3. دراغون كويست 8. زينوساغا 1-2.
ممكن انتوا تشوفوا الالعاب قليلة بس لو تعرفوا قل لعبة عندي حاططلها 6 تخزينات في اماكن تمثل ذكرياتي في اللعبة , هذا غير انه اقل لعبة عندي قعدت عليها فوق الخمسين ساعة(عدا زينو2). و طبعا مو لازم اتكلم عن العابي لانها معروفة, كلها من العيار الثقيل الي ما تصدق متى تطلع كل سر باللعبة بعد ما تكون شيبت من صعبوتها.
شكلكم بتقولوا دحين ايش يبغى هذا من الموضوع مسويلنا رجة عليه,يا ما صارت لي كدة حركات بس على كروت ثانية والعاب تافهة (مو ار بي جي), بس هذه تاثيرها زي الصاعقة علي...
كل الي حاب اقوله وبالاخص لشباب الار بي جي اشترولكم كرت ثاني اصلي تحطوا فيه تخزيناتكم المهمة كاحتياط عشان لا يصير فيكم زيي لا سمح الله.
Guys, I'm Really Like A Dead Body Now. I Don't Want To Live Anymore. I Hate My Life.
(ما امزح).
هممممممم
وراح تضبط معاك
)
: