hits counter

الحيوانات الأليفة - الموضوع الرسمي -

الحالة
مغلق و غير مفتوح للمزيد من الردود.

إحساس

True Gamer
السلام عليكم ..

اليوم شريت لي قطوة صغيرة عمرها أقل من شهرين بشوي .. طبعاً في البداية كنت متخوف من مسألة " شراستها " وكذا .. لكن عرفت بعد كذا أن يبغالها تعود على الجو ..

طبعاً تعودت القطوة على جو البيت وصارت كويسة وكيوت مرة .. لكن فيه مشكلة *_*

النوم .. أنا الحين متورط كيف أنومها .. المشكلة ماهي راضية تنوم الا جنبي .. وأنا مالي نفس صراحتن أخليها تنوم معاي .. وإذا حطيتها بغرفة لحالها تصارخ بشكل مزعج جداً .. مدري إيش الحل ؟ .. يعني لازم أصبر على أزعاجها لما تتعود ؟ .. هالشي مايضرها ؟

عارف أن الموضوع تافه لكن بصراحه راسي صدع وبديت أفكر جدياً ببيعها .. مع أنها رهيبة لما تجلس معها لكن آخر الليل تصير شي مزعج جداً .. إيش الحل تكفون *_*
 
التعديل الأخير:

Sea.roOock

TG News Editor
هههههههه عاد يافهد مدري شلون تتصرف مع الوضع , لكن عن نفسي قبل كم سنة كانت عندنا قطوة , كانت تنام جنبي في السرير " صوت شخيرها :( " أو إذا انا صاحي وتبي تنام تدخل تحت التي شيرت ويلله أحلى نومة :laugh::

عندك سلة ؟ لو عندك اشتر لها بطانية ودخلها في السلة ونومها فوقها شوي شوي وتتعود عليها كسرير , أهم شي لا تعزل القطوة بعيد عنكم أبدا أبدا يعني تتركها في غرفة لوحدها , إلا بحالة وحدة يوم تبون تاكلون فقط لا غير عن تجربة شخصية القطوة تقلب شرسة وقتها
 

إحساس

True Gamer
^

يؤ .. تصدق عاد لاحظت هالشي .. كل ماطلعتها من مكان مغلق أشوفها تقلب شرسه شوي لكن ترجع طبيعية لما تقعد لها وقت ..

المشكلة حتى لو حطيتها في سلة تصارخ .. يارجل تجي تنام جنبي ولما أقوم أنسدح على السرير تصارخ تبي ترقاه *_* .. طفشت *_*
 

s3rorh

Banned
صعررها !! وخلها تنام :cool::
 

Unknown

Fake Gamer
من ناحية انها تبي الحمام .. وش الحل هنا ؟؟
 

إحساس

True Gamer
^

أمممم .. فيه حل ممتاز .. حط لها مكان ترابي أفضل .. وخلها بجنبها وهي نايمة ..
 

Dark soul

Hardcore Gamer
قفل باب غرفتك وقت النوم و اتركها تنام في الصالة او اي مكان .. او تقدر تطلعها برى في السور/ الحوش لو موجود ( و لو اني ما انصح .. القطوة صغيرة و الجو حار هالفترة )
و لا تخاف من مسألة " الشراسة" ، حتى لو تركتها بروحها في غرفة او مكان معزول .. ما بتتوحش الا لو تتكرها لفترات طويلة بدون اي contact


القطوة مطعمة ضد الامراض ؟ الافضل انك تطعمها عند اي بيطري علشان ما يجيها / تنقل الامراض ، خصوصاً للأطفال
 

إحساس

True Gamer
^

رحت اليوم للبيطري وقالي جيبها بكره علشان أسوي لها تطعيم + مرهم للعين " فيها حساسية خفيفة بالعين على حد قوله " ..

بخصوص الحوش .. مافيه أمل أحطها هناك .. فيه مليون ألف قطوة برا وما أقدر أبداً أحطها معهم ..

كويس أنك طمنتني بخصوص الشراسة .. لأني فعلاً إلى الآن خايف منها شوي .. ماتعودت .. فـ لو صارت شرسة فجأة فـ راح أنتحر رسمياً وراح أكره كل القطاوة بلا إستثناء *_*

أممم .. الحل الحالي واللي شفته بالمواقع بكثرة أني أجيب للقطوة سرير " خصوصاً أنها حالياً ماعندها الا التراب ولا الأرض " .. فـ لذلك راح أجيب لها قريباً .. ويارب أنها تنام عليه وتفكني من صراخها *_*

يعطيك العافية صعرورة .. فيه معلومات مفيدة جداً بهالمنتدى .. عطوني عضوية لوحده في اليوتيوب " ماهرة " في تدريب القطط .. راح أشوف لها كم من فيديو وإن شاء الله راح تفيدني بخصوص هالموضوع ..
 

Sora Diersly

True Gamer
القطاوة بلشة, دلع على قلة سنع. انا كان عندي قطوة عاشت معانا في البيت 7 سنوات وبعدين توفت, اعتقد الفترة اللي جت فيها عندنا كانت كبيرة الريدي, لذا عجزت معانا :(
الله يذكرها بالخير مشمش (اسمها *_*) المهم, اذكر قطوتنا ماسوت كل اللي سوته حقتك, يمكن لأن اللي عندي فاهمة لنا؟ اهم شي تدربها على غناء Victory Fanfare زي اخينا في الله :laugh:: هذا:

[video=youtube;pCLIg6WT7zM]http://www.youtube.com/watch?v=pCLIg6WT7zM[/video]
 

Jonas

True Gamer
طبيعي تتمخش كلنا اكلنا مخشات محترمه من القطاوة و تراها صغيره يعني و يستحسن تقص اظافرها :p احنا القطاوة الي مروا علينا كللللهم يكون مكانهم في الحوش/الدرج , و ندخلهم جوى البيت اذا نبي نلعب معهم يعني مكانهم الاساسي برى و مو جوا , و تعودوا على الوضع و ما اتذكر احد منهم يصارخ في الليل بشكل مزعج... شوف المنتدى الي حطه صعروره ممتاز فيه ناس فاهمين في الامور العميقه هذي اكثر..

قطوتنا الاخيره المسكينه كنا نخليها بالحر بس هي كانت ذكيه تروح قدام الباب الرئيسي حق البيت حق المجلس فيه فتحات على جوا يطلع منها هوى من المكيف الصحراوي الي على البيت كله..

اذا بتحطها بالحوش انتبه تخليهم يطلعون الشارع و تخليهم يهربون!! بعض الاحيان تكون القطوة ترجع للبيت , زي القطوة الاخيره كانت تطلع تهجول بالشارع لكن بالفجر نلقاها قاعده تحت سيارة اخوي برى , بس ذا الشي خطير مره لأن يمكن القطوة تضيع او يصير زي قطوتنا الصايعه الي حملت من احد القطاوة الجحلط بالشارع. اذا كبرت القطوه و تبغاه تتزاوج وديها لمحل حيوانات و قولهم ابغى اسوي تزواج بقطوتي و بيخلونها تقريبا من اسبوع الى اسبوعين و يرجعونها لك حامل. بس اهم شي تتأكد من نوعية القطوة الي رح تسوي تزاوج مع قطوتك عشان بعدين اشكال الاولاد ما تجي متلخبطه..
 

إحساس

True Gamer
القطاوة بلشة, دلع على قلة سنع. انا كان عندي قطوة عاشت معانا في البيت 7 سنوات وبعدين توفت, اعتقد الفترة اللي جت فيها عندنا كانت كبيرة الريدي, لذا عجزت معانا :(
الله يذكرها بالخير مشمش (اسمها *_*) المهم, اذكر قطوتنا ماسوت كل اللي سوته حقتك, يمكن لأن اللي عندي فاهمة لنا؟ اهم شي تدربها على غناء Victory Fanfare زي اخينا في الله :laugh:: هذا:

[video=youtube;pCLIg6WT7zM]http://www.youtube.com/watch?v=pCLIg6WT7zM[/video]

تصدق عاد .. بديت أتندم على شرائي لها .. على بالي القطوة من النوع اللي تجلس بالزاوية ومتى ماحبيت تلعب معها تناديها وتلعب وتوسع صدرك .. ماتوقعت أنهم بهالشكل اللي يخليك تنجن .. 24 ساعة لاصقة جنبك وتبي تلعب .. خصوصاً الصغار *_*

عاد في فرتي بالمحلات سألت عن الببغاء على طاري الفيديو .. يخرب بيته غالي .. لو جمعت 10 مكافآت ماني جايبه *_*

طبيعي تتمخش كلنا اكلنا مخشات محترمه من القطاوة و تراها صغيره يعني و يستحسن تقص اظافرها احنا القطاوة الي مروا علينا كللللهم يكون مكانهم في الحوش/الدرج , و ندخلهم جوى البيت اذا نبي نلعب معهم يعني مكانهم الاساسي برى و مو جوا , و تعودوا على الوضع و ما اتذكر احد منهم يصارخ في الليل بشكل مزعج... شوف المنتدى الي حطه صعروره ممتاز فيه ناس فاهمين في الامور العميقه هذي اكثر..

قطوتنا الاخيره المسكينه كنا نخليها بالحر بس هي كانت ذكيه تروح قدام الباب الرئيسي حق البيت حق المجلس فيه فتحات على جوا يطلع منها هوى من المكيف الصحراوي الي على البيت كله..

اذا بتحطها بالحوش انتبه تخليهم يطلعون الشارع و تخليهم يهربون!! بعض الاحيان تكون القطوة ترجع للبيت , زي القطوة الاخيره كانت تطلع تهجول بالشارع لكن بالفجر نلقاها قاعده تحت سيارة اخوي برى , بس ذا الشي خطير مره لأن يمكن القطوة تضيع او يصير زي قطوتنا الصايعه الي حملت من احد القطاوة الجحلط بالشارع. اذا كبرت القطوه و تبغاه تتزاوج وديها لمحل حيوانات و قولهم ابغى اسوي تزواج بقطوتي و بيخلونها تقريبا من اسبوع الى اسبوعين و يرجعونها لك حامل. بس اهم شي تتأكد من نوعية القطوة الي رح تسوي تزاوج مع قطوتك عشان بعدين اشكال الاولاد ما تجي متلخبطه..

فيه فرق كبير بيني وبينك .. أنت القطاوة اللي حصلتهم كلهم مربيين من أمهاتهم وجايينكم كبار .. أنا العكس .. ماخذ لي قطوة عمرها شهرين الا شوي .. أنا الأم بمعنى آخر .. فـ تشوفها 24 ساعة تلاحقك و24 ساعة جنبك .. شي يطفش ويضيق الصدر خصوصاً إذا ماكنت متعود عليها *_*

الحوش أبداً أبداً ماني حاطها هناك .. القطوة جداً صغيرة وصعب أني أحطها بهالعمر بمكان زي كذا ..

هو الشي اللي ناقصها بالوقت الحالي هو الأم .. المشكلة أن صاحبها الأخ اللي أمامك خواف .. من يوم أدخلها لغرفتي وأنا أطالع فيها طول ماهي موجودة بالغرفة وأركز على كل حركة تسويها .. الخوف ومايسوي *_*
 

Jonas

True Gamer
فيه مكان مناسب و داخل البيت و مافيه حر , تحت الدرج فيه منطقه مثلثيه حط فيها ترابها و حط فيها مكان تنام فيه (كرتون مفتوح من جهتين او وحده) و دايماً اعطيها الاكل و المويه في ذا المكان و اضمن لك رح تتعود
 

Monster

True Gamer
نام معها برا لين ما تتعود:laugh::
 

Sora Diersly

True Gamer
شوف من تجربتي اقولك ان القطوة دلوعة بزيادة وماتتعود ببساطة ويحق لك ان عينك عليها. انت واحد ماعمره جته قطوه وطفران بالصغيرة مرة P: بس اعتقد انس كلامه منطقي من ناحية انك مجبور على تعوديها على الشيء اللي ترتاح له, مثلا انا دائما القطوة حقتي نايمة جنبي, او جنب امي, او جنب اختي, يعني على حسب مزاجها ولو لقت باب مفتوح من بيباننا, تروح لأول واحد تشوفه :D بس اخيرا حط في بالك القطوة ماتتعود على حاجات كثيرة, يعني بالكاد تقدر تعودها على الأكل والمشرب في مكان معين والنوم كمان هذا قصة ثانية, الموضوع يتطلب وقت طويل, بعكس الكلب اللي يتعود خلال اسبوع-اسبوعين. فـ انت خذ وقتك معاها وحط في بالك انه عادي تنام جنبك وحاول انت "تتعود" اكثر على وجودها بالبيت وفي الغرفة. برضوا لو بغيتها تتعود على شيء اسحب عليها, طبعا بعدما تعلمها وش الحل البديل. فـ مثلا لو بغيتها تنام في سلة مُغلقة (مافيها نور كثير ودافئة, الدفى عن طريق شرشف 100% بوليستر او قطن تحطه تحتها) وحطها فيه واقعد اربت على ظهرها وهي في السلة شوي.. بعدين روح وخلها. راح تلحقك طبعا, ارجع وحطها مرة ثانية وسوي نفس الحركة. مع الوقت القطوة راح تسوي automatic association وتفهم انك تبغاها هنا.. مااضمن لك هالحركة لأنها تفرق من قطوة لقطوة وقدرتهم على التعلم وربط الأحداث, القطوة حقتي شيرازية.. ذكية جدا. ولا ادري إذا حقتك مُمكن تستوعب بعض هالأمور. لكن عموما زي ماقلت لك القطوة تعلمها ابطئ من الكلب بمرااااااحل. فـ يبيلك تصبر عليها وتتعود "انت" على وجودها علشان تتعود هي على وجودك والحاجات اللي تبيها تسويها. روحة الحمام زي ماقلت انت تراب جنب سلتها, وهي راح تفهمها لما توقفها عليه مُباشرة. مع الوقت راح تفهم لها لما هي تحتاج تروح للحمام, تقريبا بواسطة ربط بعض التصرفات اللي تسويها قبل ماتحتاج تروح للحمام وتوقيت اكلها..
 

Saadawii

True Gamer
تربية الحيوانات مسئولية كبيرة، عرفت هذا من هامستر، وشلون عاد لو بسه.
 

Snake-87

Electrony Editor
العضو gaara 660 عنده درزن قطاوة ما شاء الله أتوقع يفيدك.
 

Painkiller Q8

True Gamer
حطها في كرتون ومن داخل قماش .. أول ايامها تسكر الكرتون من فوق وخلها تنام غصب (بما ان الوضع عندها صار مظلم + قماش مريح) وبعده 5 ايام راح تلقاها تنام حتى لو فتحت الكرتون ماراح تطلع منه !
ودايم عطها وجبة العشاء بعد ماتلعب وتخلص لعب وتشوفها تتسدح .. يعني لاتعشيها وهي توها قاعده من النوم او كانت في استرخاء طول اليوم .. يعني الاكل بعد الارهاق !

انا كان عندي قطط لسنوات بس حاليا ماقدر اربي قطاوه ... :/
صورها اذا تقدر ودي اشوفها
 

Burdegation

True Gamer
القطوه اذا كانت نظيفه و مطعمه مافيها شي تنام جنبك بس اذا مالك خلقها ييبلك كرتون حجمه مناسب سو فيه فتحه و حط داخله فوطه و خله يمك بالسرير عشان تنام فيه القطوه, و اذا مارضت تدخله عودها في ان تحط اكل داخله

و انتبه لاتعطيها حليب لان يضرها و اييبلها اسهال, روب قليل الدسم مناسب لها او جبن مثلث

و بالنسبه للشراسه فهي مسئلة تعود فقط لا اكثر, انت بس حاول لاتصارخ عليها و حاول ان ماتخلي احد غيرك يتعامل معاها الا بالاكل (يعني يشيلونها او يلعبون معاها) ليمه تتعود عليكم و ما تبخ

تصدق عاد .. بديت أتندم على شرائي لها .. على بالي القطوة من النوع اللي تجلس بالزاوية ومتى ماحبيت تلعب معها تناديها وتلعب وتوسع صدرك .. ماتوقعت أنهم بهالشكل اللي يخليك تنجن .. 24 ساعة لاصقة جنبك وتبي تلعب .. خصوصاً الصغار *_*
الصغار دايما يبون احد يلعب معاهم فلازم تستحمل
لو تبي قطوه ماتييلك الا اذا بتلعب معاها او بتعطيها اكل اخذلك شيرازيه كبيره, بتكون انت اللي تتلصق فيهم بس عشان يلعبون معاك لول P:
 

FARES_

True Gamer
بالنسبه للحمام... قطوتنا ترابها حاطينه بالحمام الأساسي ايضا ههههه xD
اما بالنسبه لنومها.. فمالها مكان محدد..
اما الوجبات .. مدللينها بالمطبخ حاطين لها 4 صحون وكل صحن له اكلة خاصه للقط بنكهات مختلفه

قطوتنا شريناها من عمرها 8 أشهر.. والحين كملت معانا 6 سنين
 

Alucard

Hardcore Gamer
خلاص انت اشتريلك سلة ونام فيها وخليها هي تنام على السرير :laugh::
 

chris

Hardcore Gamer
شوقتني اني اشوفها ... ممكن تصورها :inlove: ....
انا احب البساس .. بس في نفس الوقت اتقزز منهم ويبغالي وقت عشان اتعود بس ما افكر ابدن اني اجيب وحدة في البيت :laugh::
 

إحساس

True Gamer
صورتها مرتين بالآيفون بس مدري ليش ماهو راضي يرفع الصوره على أي موقع *_*

عموماً .. حبيت أقولكم عن التحسن الكبييييييييير اللي صار ..

أول شي .. القطوة ماعاد تصارخ أبد لما أدخلها للغرفة لحالها علشان تنام .. شي غريب فعلاً .. صدمتني قبل شوي لما دخلتها الغرفة وسكرت عليها .. قعدت برا لمدة عشر دقايق تقريباً والقطوة ساااااكتة تماماً .. ياليتها تبقى كذا علطول ..

ثاني شي .. الأكل .. صارت الحين تاكل كثير وتشرب كثير .. أحسن من الأيام السابقة اللي ماكانت تاكل فيه أبداً مجرد شرب بس ..

الحين حليت مشكلة النوم وحليت مشكلة الأكل .. باقي مشكلة وحدة .. الا وهي مشكلة الأتصال بيننا وبين القطوة .. دايماً من الساعة 12 الليل لما 12 الظهر القطوة تكون بغرفتها نايمة وما أطلعها أبداً .. من الساعة 12 الظهر لما الساعة 12 الليل أحاول بقدر الأمكان أني اخليها تدور بالبيت كله وتلعب معنا .. وبين هالفترة أخليها بحدود الساعتين الى الثلاث ساعات تاخذ لها شوية غفوة بالغرفة تبعها ..

مافيه مشكلة بخصوص هذا الجدول ؟ .. ماتشوفون ان وقت النوم ووقت الأنقطاع عنها كثير أو عادي ؟ .. يعني أبقى على هالجدول ولا لا ؟

على فكرة .. مستغرب أن مافيه موضوع رسمي للحيوانات الأليفة .. كل شي سويتو له موضوع رسمي الا الحيوانات الأليفة .. ودي من أحد المراقبين أنه يغير عنوان الموضوع الى الموضوع الرسمي لتربية الحيوانات الأليفة *_*
 

Burdegation

True Gamer
ترى انت تقدر تغيره مو الا مراقب P:
 

إحساس

True Gamer
aX58g.jpg


معليش الصورة كبيرة شوي .. طبعاً حبيت آخذ صورة للقطوة وهي نايمة ..
 

H2O

True Gamer
لول طيب إشبه وجهها مترب كذا ؟ غسلها
 

إحساس

True Gamer
^

معيي البيطري .. يقول تمرض *_*
 

s3rorh

Banned
معليش احساس ... بس ( ويه ) القطوة ... ما يساعد الواحد يربيها :laugh::

وين الكوتنه و البطيخ ألي نشوفه بقطاوة النت >_>
 

إحساس

True Gamer
^

هو فعلاً لو تقارنها بالقطاوة الثانيه الكيوت فـ راح تلقى هذي قبيحة جداً عندهم .. بس مع ذلك خاشه مزاجي صراحة من يوم شفتها بالمحل .. ومن ناحيتي ما أهتم من الناحية الشكلية .. أهم شي تكون قطوة وبس *_*

أضف الى ذلك أن أهتمامي فيها جداً جداً ضعيف من ناحية أكسسوارات وكذا .. وبصراحه ماني فاضي أخسر فلوسي فيها علشان هالأشياء التافهة *_*
 
الحالة
مغلق و غير مفتوح للمزيد من الردود.
أعلى