hits counter

LCD .. أو LED .. محتااار ..

إحساس

True Gamer
السلام عليكم ..

اليوم المغرب رحت لـ اكسترا وكنت مخطط اني اشتري شاشه فول اتش دي لـ القيمنق ولـ الافلام وما الى ذلك ..

كنت مخطط على شاشه LCD ماتكون كبيره مره .. 32 بوصه اعتقد انها كافيه .. وكنت مخطط اني اخذ يا سوني او سامسونق ..

لكن المشكله اني لما وصلت هناك و شفت التلفزيونات احترت كثير .. كنت أظن ان الشاشات مجرد انك تختار البوصه المعينه اللي تبغاها وهوبا تشتريه .. طلع الأمر مختلف .. فيه شي اسمه [ هيرتز ] يساعد كثير خصوصا بالألعاب .. يعطي صفاوه ويعطي سلاسه أكبر في التحركات اللي تحصل في الألعاب [ على حسب كلام الموظف ] .. يعني لو شريت شاشه الهيرتز فيها ضعيف فـ راح يكون فيه تقطيع عالي .. وهذا اللي خايف منه ..

عموما .. الشاشات اللي شفتها هم ثنين .. سوني برافيا 32 بوصه والهيرتز فيها 200 .. وسامسونق 32 بوصه لكنها 50 هيرتز فقط .. فـ لذلك كنسلتها من بالي لأنها ضعيفه من هالناحيه ..

الأمر اللي حيرني اكثر اني لقيت شاشات جديده من سامسونق اسمها LED .. هالنوع مايختلف كثير عن شاشات الـ LCD لكن الأناره فيه طالعه بشكل أفضل واجمل .. مجرد اختلاف بسيط بالنسبه لي ..

السؤال هنا .. للألعاب .. وش التلفزيون الأفضل .. البرافيا 32 بوصه 200 هيرتز .. او الـ LED ؟ خصوصا ان الـ LED اغلى بكثير من ناحية السعر .. هذا اولا ..

ثانيا .. اذا كان الـ LED أفضل .. الأفضليه تكمن بأي شي .. بالأناره فقط .. او بالتقطيع والصوره الصافيه ؟ يعني هل فعلا راح الاحظ فرق شاسع جدا مابين النوعين بالألعاب .؟

اذا كانت عندكم اقتراحات ثانيه لـ التلفزيونات فـ ياليت تعطوني .. لأني ما ابغى اتحسف بعدين واقول ياليتني ماشريت هالشي .. ابغى شاشه فول اتش دي تعطيني دقه كامله من دون اي تقطيع وبصفاوه ونقاوه عاليه .. فقط لاغير ..
 

N2N2

True Gamer
اول شي نصيحه لا تاخذ اقل من 42 عندي 32 من خمس سنين بس الحين صارت مره صغيره و ابي اغيرها عشان حجمها بس افكر ب 50 او 46

انصح بسامسونق الفئه ال5 او اي شركه ثانيه بس قريبه في المواصفات

الهيرتز الي اعرف يفرق في تشغيل التلفزيون و الدش بس في الاتش دي مو ذاك الفرق
 

awadnin

True Gamer
32 جيدة اذا كان طبعاً للاستخدام الشخصي أم تبي تحط التلفزيون في الصالة أو الملحق أكيد يبيلك تلفزون أكبر.

بالنسبة لي عندي 32 بوصة LG لكنه مهو full hd بل 710 احسه كافي بالنسبة للجيل هذا إذا جاء الجيل القادم لأجهزة الالعاب يمكن اشتري full hd أو يمكن 3d بذاك الوقت أكيد يكون أرخص :]
 

MAX9009

True Gamer
الحجم يعتمد على مساحة الغرفه عندك + 32 مره ممتاز حجمها .. بالنسبه للفرق الled طبعا كا الوان واضائه احسن وانحف بالحجم الكونتراست يوصل فيها 300 الف تقريباً وازود الlcd من 50 الى 100 وعليها وطبعاً النقاوه لصالح الled بس من راي انا اشوف الlcd تكفي وتوفي حالياً الled سعرها مرتفع وصراحه led بدون 3d احسها مالها طعم يعني خذ lcd وبالنسبه ل 100 او 120 هيرتز او الموشن فلو ماراح تفرق معاك بالقيمز .. وانصحك بسامسونج الفئه الخامسه
 

Raziel

True Gamer
فهد أنت ساكن بالرياض صح ؟ أجل فر من إكسترا فرار الكلب :laugh::
سعرهم مبالغ فيه وزايدين على سعر الشاشات الحقيقي مابين 300-700 ريال ، أتركهم ورح لوكيل سامسونج
إن ماكنت واهم فهو بجنب البيت الأنيق على شارع العليا العام ، أسعاره أرخص من أي موزع بما فيهم إكسترا
وبست ..
 

Emirates

True Gamer
LED افضل بس يعيبه شي

الانعكاااس اللي بتلقاه

يعني عادي لمبة الغرفه تشوفها انعكاس على التلفزيون لول لازم تخفف الاناره
 

إحساس

True Gamer
فهد أنت ساكن بالرياض صح ؟ أجل فر من إكسترا فرار الكلب :laugh::
سعرهم مبالغ فيه وزايدين على سعر الشاشات الحقيقي مابين 300-700 ريال ، أتركهم ورح لوكيل سامسونج
إن ماكنت واهم فهو بجنب البيت الأنيق على شارع العليا العام ، أسعاره أرخص من أي موزع بما فيهم إكسترا
وبست ..

ايه ساكن بالرياض .. ميزانيتي تقريبا بحدود الـ 2300 فقط .. ممكن انه يزود الرقم بشكل بسيط جدا .. لكن للأسف كل الشاشات [ الممتازه ] اللي لقيتها اعلى من هذا الرقم .. يعني ظنك فعلا راح القى بهذي الميزانيه شاشه مناسبه بالوكيل ؟ .. ياليت تعطيني رقم تقريبي مع نوع الشاشه عشان اروح واشتري واطلع وبس *_*

من ناحية الحجم انا راضي بـ حجم 32 بوصه .. احسه مناسب لي خصوصا اني بستخدمه في غرفتي فـ مايحتاج اني احط شي ضخم .. يعني اشوف ان هالحجم مقبول جدا .. لكن سؤالي الاساسي مو بالحجم .. سؤالي الاساسي هو [ بالفروق ] .. يعني هل فعلا راح اتحسف لو مثلا شريت شاشه الهيرتز فيها ضعيف ؟ .. هل فعلا فيه فرق شاسع جدا مابين هيرتز وهيرتز ؟

وبعدين اللي الاحظه الكل متفق على ان الـ LED أفضل من الـ LCD .. ولو انه غالي لكن بالنهايه هو الأفضل .. فـ عشان كذا قاعد اخطط اني أأجل الشراء الى وقت لاحق عشان اخذه ..
 

FAROOS

True Gamer
اخوي عندك شاشه sony ex500 شوفها بالوكيل موصفاتها روعه والهيرتز على ما اعتقد 100 .وسعرها حلو << الـ 32 بوصه.
 

NasserFahed

Hardcore Gamer
أنا شفت يوم الخميس اللي راح في إلكترو اللي بالملك عبدلله شاشة سامسونج LED 37 بوصه. بسعر 3100 ريال.
و عنّي أنصحك بالـ LED.
 
التعديل الأخير:

Mesharey

True Gamer
يعني هل فعلا راح اتحسف لو مثلا شريت شاشه الهيرتز فيها ضعيف ؟ .. هل فعلا فيه فرق شاسع جدا مابين هيرتز وهيرتز ؟
بتفرق بس بالحركات السريعة .. مثلا لعبة كرة قدم والتحركات السريعة ولعبة أكشن ومنظور أول بالتحركات السريعة .. قبل كان عندي سامسونج 50 هرتز (la32r71) وكانت بطيئة من الناحية هذي .. والشاشة الجديدة عندي سامسونج 200 هرتز الفئة السادسة LED FULL HD وأيضا حاس انها بطيئة شوي >.> .. لكن كوضوح الشاشة ماشاءلله ممتازة جدا ..
 

أوكازو

True Gamer
على ميزانيتك خذ بلازما أفضل لك!

الـ LED ما تفرق عملياً بشكل كبير جداً عن الـ LCD العادية.. و عموماً كلهم بالنهاية LED بس تقنية الإضاءة تختلف!

الاستجابة.. الهيرتز يأثر بس مب واجد!
أنا عندي LED و الهيرتز فيها 240GHZ و فيها الـ motion plus اللي يخفف البلر و كذا
و مع ذلك أشوفه أحياناً خصوصاً بالكورة.. لكن عموماً مب مزعج لذيك الدرجة.

برضو بالنهاية انصحك ببلازما أريح لك و اريح لعينك و رخيصة نسبياً.
 

إحساس

True Gamer
^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..
 

Mesharey

True Gamer
شوف الأهم عندك وضوح الشاشة ولا سرعة الإستجابة للحركات السريعة P:

بشكل عام LED أفضل من LCD لأن اللون الاسود يكون "أسود‏"‏ وتظهر الألوان بشكل أفضل لكن الأسود بالأل سي دي مايكون أسود 100%
 
التعديل الأخير:

chris

Hardcore Gamer
شباب ...
لمن ابغى اخد شاشة يكون الهيرتز كويس جدااااااااا كم لازم يكون ؟!


تعديل : عشان الافلام اكتر شي .
 
التعديل الأخير:

JIN KAZAMA

True Gamer
اخ احساس ابعد عن شاشات البلازما !!! ليش ؟ لانها مش شاشات حق عمر طويل , وكمان فيها مشكله الburn-In يعني لو خليت الصوره على التلفزيون لوقت طويل تشوف بعض التفاصيل صارت ثابته في الشاشه ( مثلا انت قاعد تشوف ام بي سي 2 لمدة طويله وكل يوم نفس القصه راح تلاقي انه شعار القناه صار مطبوع على الشاشه وماعاد يروح !!!) صحيح البلازما رخيص ولكن مش عملي اطلاقا مثل الlcd

^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..

خذ الlcd احسن لك , ولو تضغط على نفسك وتحاول تجيب شاشه 40 بوصه عشان تستمتع بالفل هاي ديف :)
 

S n A k e

Hardcore Gamer
^
^
كلامك عن البلازما القديم اللي من موديل 2008 وتحت لكن 2010 شاشات جباااره بالذات موديل 50vT20 هذا موديل قوي اخذ افضل تلفزيون في 2010 وتفوق على تلفزيونات الLED واخذ افضل جهاز 3D

البلازما بداا يطلع طلعة قويه وال LCD في انحداار وبدا يختفي من السووق
 

bXNmbQ==

True Gamer
^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..

خذ الـ200 hz

تنفعك بال3d
 

MAX9009

True Gamer
شوف الأهم عندك وضوح الشاشة ولا سرعة الإستجابة للحركات السريعة P:

بشكل عام LED أفضل من LCD لأن اللون الاسود يكون "أسود‏"‏ وتظهر الألوان بشكل أفضل لكن الأسود بالأل سي دي مايكون أسود 100%

بالنسبة لشاشات LCD سامسونج من الفئه الثالثه وفوق اللون الاسود يطلع فيها اسود عكس شاشات سوني اللي تطلع برايتي بزياده
 

إحساس

True Gamer
امممم .. يعطيكم الف الف عافيه ..

بعد البحث في الأنترنت والسؤال خذيت هذي المعلومات الأساسيه [ وأذا كان فيه شي غلط ياريت تصححونه لي ] .. الشاشات تنقسم لـ ثلاث اقسام .. بلازما و ال سي دي و ال اي دي .. كل هذولي الأنواع ممتازين جدا لكن كـ نقاوه وصفاوه يعتبر الال اي دي هو الأفضل بالسوق حاليا [ مع انه الأغلى لكن يستاهل ] ..

اذا بغيت شاشه تنفع لـ القيمنق فـ خذ اي شاشه من هذولي الشاشات الثلاث على حسب ميزانيتك .. لكن الشرط الأساسي واللي لازم تنتبه له هو أن الهيرتز مايقل عن 120 .. 120 كـ حد ادنى ..

أوكي .. بعد هذي المعلومات لازم لازم أمر بكره في رجعتي من الجامعه لأي سوق الكترونيات ان شاء الله .. راح امر لأكثر من مركز وبسأل عن شاشة سامسونق LED على الأقل الهيرتز فيها يكون 120 .. وان شاء الله ان سعرها مايكون اعلى من 2500 .. يااارب *_*

تعديل : وااو ماهذا .. الشروط هذي يبغالها على الأقل 3000 ريال ولا ماينفع .. لا والمشكله بـ أمازون بعد .. خلاص شلت فكرة الـ LED رسميا من الآن ..

راح اروح لـ وكلاء سوني وسامسونق بكره ان شاء الله .. وبحاول اني اخذ شاشه 240 هيرتز عشان تكون مقاربه للميزانيه اللي عندي وتكون أضمن من ناحية السرعه .. طبعا LCD ..

ادعولي بالتوفيق والبركه بالشراء *_*
 
التعديل الأخير:

JIN KAZAMA

True Gamer
^
الled هو الافضل طبعا بس غالي , فعشان كذا الlcd يعتبر الافضل حاليا لانه يجمع بين المواصفات الممتازه والسعر اللي في متناول اليد :) طبعا لما تشتري شاشه حاول تبحث عنها في النت قبل ماتاخذها وتشوف انطباعات اصحابها , وشوف مواصفاتها في النت لانه بعض البياعين مايكون عنده سالفه ويجيب معلومات مايدري ايش معناها لول ( لما اخذت شاشتي -60هرتز- صاحب المحل قاعد يقول انها 100 هرتز قلت له : طيب ليش مش مكتوب في مواصفاتها العامه ؟ قال : اصلا ال100 هرتز موضه قديمه وزمان كانوا يكتبوها اما الحين عادي صارت شي ستاندرد لوووول ) عن نفسي انصحك بالسامسونج شاشاتهم الافضل جوده وتصنيع ومواصفات !!

وزي ماقلت لك حاول انك تاخذ 40 بوصه , لان ال32 مايفرق فيه ال720 عن ال1080 :)
 

إحساس

True Gamer
^

أنت بكذا راح تخليني أأجل سالفة الشاشه بكبرها .. خصوصا ان اسعار الـ 40 بوصه ما أقدر عليها حاليا ابدا ..

عموما .. هو كل شي يبين ان شاء الله لما اروح بكره .. أسعار امازون ماهي الأسعار الرسميه اللي عندنا .. أكيد راح يكون فيه زياده شوي من قبل الوكاله .. فـ عشان كذا ودي اشوف الشاشات بعيني واشوف الأسعار بنفس الوقت عشان آخذ فكره عن شاشات الـ LCD [ بعد مافهمت الهيرتز وما الهيرتز ] .. الحين أقدر اروح لـ المحل وانا واثق وعارف وش ابغى بالضبط ..

يعطيك العافيه على النصايح .. راح احاول اني القى الشي اللي نصحتني فيه ان شاء الله ..
 

Nostalgic

ᴛʜᴇ REMINISCER
متاخر صح؟ معليش...
شاشات الـLED ما هي إلا شاشات LCD بإضاءة مختلفة عن شاشات الـLCD التقليدية واللي كانت CCFL، هي أفضل من ناحية الألوان وعمر أطول وموفرة للطاقة بشكل أكبر وهي المنتشرة حالياً وما أعتقد باقي شركات تتعب نفسها وتصدر شاشات LCD تقليدية كون الحديثة أقل من حيث التكلفة والله أعلم.
المهم إذا نويت على LED فخذ بالك من نوعية الإضاءة نفسها هل هي خلفية Back-lit أو في الأطراف Edge-lit، طبعاً الاولى أفضل بمراحل وخلي عينك عليها.. أما على الموشن فلو أو أي تسمية تجارية له فلا تاخذ بالك منه وعالعكس أكثر الشاشات تلغي الخاصية هذي في الجيم مود بسبب إنها تطلع تأثيرات جانبية تشوه اللعبة وسلاستها.. غير إن 60 هرتز كافية جداً للألعاب والـ120 أو 240 هرتز تنفع في حالة الرياضة مثلاً أو الـ3D عشان تقسم رقم كبير لكل عين بس يحتاج وسيط للعملية هذي وغالباً مدمج مع التلفزيون نفسه عشان المزامنة مع النظارة وما إلى ذلك وأنت في غنى عن وجع الراس، لمعلوماتك فالموشن الزائد هذا غير محبب أو مرغوب فيه في الأعمال السينمائية نهائياً لأنه افخم الأفلام حتظهر لك بشكل رخيص..
على مقاس الشاشة فيعتمد على حجم الغرفة نفسها، طبعاً عشان تستفيد من الحجم لازم تتراجع للوراء على حسب مقاس الشاشة
size_chart.jpg

فمش من المستحب تأخذ شيء كبير وأنت غرفتك صغيرة مثلاً، وعن نفسي أشوف 32" جداً مناسبة للإستخدام الشخصي (ألعاب، أنمي، أفلام، كمبيوتر.... الخ) وبنفس الوقت وفر الفلوس مستقبلاً لما ينزل سعر شاشات الـ3D أكثر..

ومن الآخر، كل شاشة تثبت نفسها ومش المواصفات الملصوقة عليها من الشركة الأم فقبل ما تستقر عن شيء إبحث عنه في الإنترنت وخاصة بمواقع المراجعات أو التجارب الشخصية أو شاركنا فيه هنا.. حتوسوس شوية لكن مشي حالك وأحسن من إنك تتهور وتأخذ شيء وبالآخير ما تلاقي اللي تبغاه..

إذا تبغى رايي، اشتريلك شاشة 32" بلازما Full HD من باناسونيك.. اداء راقي جداً وسعر مناسب.
 

MAX9009

True Gamer
^
رد كافي ووافي شكراً لك حتى انا استفدت
 

itachi

True Gamer
بالسعر اللي انت حاطه مالك الا خيارين
بلازما بشاشه أكبر من 32 .بحجم 40 ممكن ..LG ..panasonic ..samsung ...الوانها واضائتها مريحه للعين ..والكونتراست فيها عالي ..والأسود بتلاقيه أسود حقيقي مطفي (ما عليك من الكلام عالبلازما الموديلات الجديده متفوقه جدا وممتازه)
او ال سي دي بحجم 32 ..samsung ..LG..sharp ..اضائتها قويه ودقتها بتكون حاده اكثر من البلازما ..بس الاسود مش اسود
من ناحيتي افضل كبر حجم الشاشه ..والألوان المريحه للأفلام والجيم
 
التعديل الأخير:

إحساس

True Gamer
^

امممم .. قبل شوي شيكت على أسعار البلازما .. واااااو رخيصه بشكل غير متوقع .. راح أشتري الشاشه وزياده على كذا راح يبقى معاي فلوس من الميزانيه ..

عموما .. لقيت لي صفحه كامله فيها جمييييع المعلومات عن الشاشات وانواعها وتناسبها مع الألعاب ..

اولا .. اذا اشتريت شاشه 32 فـ لا تشتري 1080 [ لأنها ماراح تعطيك الدقه الصحيحه الكامله لكن بتعطيك 720 واللي هي تناسب حجم الشاشه ] .. يعني اذا جيت تشتري شاشه 32 اشتر 720 ارخص لك واحسن لك بدال ماتشتري وحده 1080 بـ زيادة فلوس بدون اي فايده .. ماراح تعطيك اي شي مختلف عن الـ 720 ..

يمكن البعض يسأل يقول طيب وش الشاشه المناسبه لـ الـ 1080 .؟ .. الشاشه المناسبه هي 37 [ كـ حد ادنى ] .. هذي الشاشه يلزم عليك انك تشتريها 1080 .. لأنها تعطيك الدقه الكامله والصحيحه بدون اي اخطاء .. طبعا حجم الشاشه له دور بهالمسأله ..

ثانيا .. البلازما تتميز عن شاشات الـ LCD بأن سرعتها اكثر بمراحل ضوئيه .. يعني انسى انك تلقى لاق في اي لعبه مهما كانت .. سريعه جدا والألوان فيها طالعه بشكل مبهر واللون الأسود طالع كـ لون اسود مثل ماقال الأخ itachi ..

مشكلة البيرن ان اللي تتكلمون عنها مشكله انتهت من زمااااان [ على حسب كلام موظف في شركه تلفزيونات باليوتيوب ] .. التلفزيونات القديمه فعلا كانت تعاني من هالشي لكن حاليا انتهت وبشكل اكيد [ ولو سألتو اي شخص جرب البلازما في الأيام الاخيره يأكد لكم هالشي ] .. اذا حبيتو تشوفون الفيديو اللي شفته فـ هذا هو ..

[video=youtube;8nClZYshG5o]http://www.youtube.com/watch?v=8nClZYshG5o[/video]

واضح من عنوان الفيديو اني تعبان في البحث والاسئله *_*

لكن فيه فرق مابين البلازما و الـ LCD .. لما تكون الأناره عندك بالغرفه [ قويه ] فـ راح يأثر كثير على البلازما .. راح ينعكس الضوء على الشاشه وراح تتأثر كثير وماراح تشوف زين .. على العكس تماما بالنسبه لـ الـ LCD واللي تعتبر مناسبه جدا لك اذا كنت في غرفه مضيئه .. لكنها ماهي مناسبه اذا كنت في غرفه مظلمه [ راح تأثر على عينك كثير ] ..

امممم وش بعد .. تقريبا هذي المعلومات اللي خذيتها من المواقع .. حاولت ابحث عن فيديوات تيست لـ الشاشتين مع بعض لكن مالقيت ..

صراحه كـ قرار نهائي .. اشوف ان البلازما مناسب جدا [ ولو اني ودي اعيش التجربه لـ الدقه الكامله ] لكن مع ذلك مافيه هذاك الفرق الشاسع بالدقه .. يمكن الفرق في الأناره فقط .. وبرضو الفرق في السعر [ وهذا هو الأهم طبعا *_* ] .. فـ عشان كذا بديت اميل لـ البلازما أكثر خصوصا اني لو بغيت اشتري LCD فـ ماراح اشتريه الا 37 [ واللي بيكون سعره غالي ] ..

لكن عموما كل هذا الكلام اللي اقوله ماينفع ابدا .. لازم لازم لازم افضى يوم واروح امر لـ محلات الالكترونيات الكبيره واروح للوكالات عشان اخذ لي فكره كامله عن الأسعار وعن الفروق مابينهم في المنظر .. وان شاء الله بهذي الطريقه راح آخذ الشاشه اللي تناسبني واللي انا راضي عنها ..

يعطيكم الف عافيه على النصائح .. تعبتكم بالاسئله والكلام الكثير *_*
 
التعديل الأخير:

Painkiller Q8

True Gamer
شباب .. عندي 3 تلفزيونات في البيت SAMSUNG + SONY + PANASONIC

السامسونج مع انه اقدم واحد وسيريس 4 .. بس القيمز عليه افضل منهم كلهم ... شي خيالي

نصيحه .. انا مع السامسونج من 2005 لي اليوم ماشفت احسن منه !! دائما اهل التكنلوجيا وسباقين !
 

Nostalgic

ᴛʜᴇ REMINISCER
ال32 مايفرق فيه ال720 عن ال1080
صحيح .. 40"+ وعن بعد مناسب، وراح تلاحظ الفرق بين 720p و 1080p بشكل واضح في شاشة بمقاس 32" في حالة واحده وهي لما تستخدمها كـPC monitor.. وفي تصحيح بسيط لنفسي وهو شاشات البلازما (من باناسونيك أو بشكل عام) عادة تتوفر بمقاسات أربعينية وما فوق ما عدا فئة أو اثنين من Panasonic نزلت لـ37"..
 

chris

Hardcore Gamer
طيب لو مثلا باخد بلازما 42 بوصة فما فوق و FULL 1080 HD هل تنفعلي للجيم والافلام اهم شي ؟!!
 
أعلى