المساعد الشخصي الرقمي

مشاهدة النسخة كاملة : LCD .. أو LED .. محتااار ..



إحساس
03-26-2011, 02:48 AM
السلام عليكم ..

اليوم المغرب رحت لـ اكسترا وكنت مخطط اني اشتري شاشه فول اتش دي لـ القيمنق ولـ الافلام وما الى ذلك ..

كنت مخطط على شاشه LCD ماتكون كبيره مره .. 32 بوصه اعتقد انها كافيه .. وكنت مخطط اني اخذ يا سوني او سامسونق ..

لكن المشكله اني لما وصلت هناك و شفت التلفزيونات احترت كثير .. كنت أظن ان الشاشات مجرد انك تختار البوصه المعينه اللي تبغاها وهوبا تشتريه .. طلع الأمر مختلف .. فيه شي اسمه [ هيرتز ] يساعد كثير خصوصا بالألعاب .. يعطي صفاوه ويعطي سلاسه أكبر في التحركات اللي تحصل في الألعاب [ على حسب كلام الموظف ] .. يعني لو شريت شاشه الهيرتز فيها ضعيف فـ راح يكون فيه تقطيع عالي .. وهذا اللي خايف منه ..

عموما .. الشاشات اللي شفتها هم ثنين .. سوني برافيا 32 بوصه والهيرتز فيها 200 .. وسامسونق 32 بوصه لكنها 50 هيرتز فقط .. فـ لذلك كنسلتها من بالي لأنها ضعيفه من هالناحيه ..

الأمر اللي حيرني اكثر اني لقيت شاشات جديده من سامسونق اسمها LED .. هالنوع مايختلف كثير عن شاشات الـ LCD لكن الأناره فيه طالعه بشكل أفضل واجمل .. مجرد اختلاف بسيط بالنسبه لي ..

السؤال هنا .. للألعاب .. وش التلفزيون الأفضل .. البرافيا 32 بوصه 200 هيرتز .. او الـ LED ؟ خصوصا ان الـ LED اغلى بكثير من ناحية السعر .. هذا اولا ..

ثانيا .. اذا كان الـ LED أفضل .. الأفضليه تكمن بأي شي .. بالأناره فقط .. او بالتقطيع والصوره الصافيه ؟ يعني هل فعلا راح الاحظ فرق شاسع جدا مابين النوعين بالألعاب .؟

اذا كانت عندكم اقتراحات ثانيه لـ التلفزيونات فـ ياليت تعطوني .. لأني ما ابغى اتحسف بعدين واقول ياليتني ماشريت هالشي .. ابغى شاشه فول اتش دي تعطيني دقه كامله من دون اي تقطيع وبصفاوه ونقاوه عاليه .. فقط لاغير ..

N2N2
03-26-2011, 03:22 AM
اول شي نصيحه لا تاخذ اقل من 42 عندي 32 من خمس سنين بس الحين صارت مره صغيره و ابي اغيرها عشان حجمها بس افكر ب 50 او 46

انصح بسامسونق الفئه ال5 او اي شركه ثانيه بس قريبه في المواصفات

الهيرتز الي اعرف يفرق في تشغيل التلفزيون و الدش بس في الاتش دي مو ذاك الفرق

awadnin
03-26-2011, 03:27 AM
32 جيدة اذا كان طبعاً للاستخدام الشخصي أم تبي تحط التلفزيون في الصالة أو الملحق أكيد يبيلك تلفزون أكبر.

بالنسبة لي عندي 32 بوصة LG لكنه مهو full hd بل 710 احسه كافي بالنسبة للجيل هذا إذا جاء الجيل القادم لأجهزة الالعاب يمكن اشتري full hd أو يمكن 3d بذاك الوقت أكيد يكون أرخص :]

MAX9009
03-26-2011, 03:31 AM
الحجم يعتمد على مساحة الغرفه عندك + 32 مره ممتاز حجمها .. بالنسبه للفرق الled طبعا كا الوان واضائه احسن وانحف بالحجم الكونتراست يوصل فيها 300 الف تقريباً وازود الlcd من 50 الى 100 وعليها وطبعاً النقاوه لصالح الled بس من راي انا اشوف الlcd تكفي وتوفي حالياً الled سعرها مرتفع وصراحه led بدون 3d احسها مالها طعم يعني خذ lcd وبالنسبه ل 100 او 120 هيرتز او الموشن فلو ماراح تفرق معاك بالقيمز .. وانصحك بسامسونج الفئه الخامسه

Painkiller Q8
03-26-2011, 05:31 AM
PLASMA الجدد احلا شي !!

Raziel
03-26-2011, 05:41 AM
فهد أنت ساكن بالرياض صح ؟ أجل فر من إكسترا فرار الكلب :laugh::
سعرهم مبالغ فيه وزايدين على سعر الشاشات الحقيقي مابين 300-700 ريال ، أتركهم ورح لوكيل سامسونج
إن ماكنت واهم فهو بجنب البيت الأنيق على شارع العليا العام ، أسعاره أرخص من أي موزع بما فيهم إكسترا
وبست ..

Emirates
03-26-2011, 11:49 AM
LED افضل بس يعيبه شي

الانعكاااس اللي بتلقاه

يعني عادي لمبة الغرفه تشوفها انعكاس على التلفزيون لول لازم تخفف الاناره

إحساس
03-26-2011, 12:09 PM
فهد أنت ساكن بالرياض صح ؟ أجل فر من إكسترا فرار الكلب :laugh::
سعرهم مبالغ فيه وزايدين على سعر الشاشات الحقيقي مابين 300-700 ريال ، أتركهم ورح لوكيل سامسونج
إن ماكنت واهم فهو بجنب البيت الأنيق على شارع العليا العام ، أسعاره أرخص من أي موزع بما فيهم إكسترا
وبست ..

ايه ساكن بالرياض .. ميزانيتي تقريبا بحدود الـ 2300 فقط .. ممكن انه يزود الرقم بشكل بسيط جدا .. لكن للأسف كل الشاشات [ الممتازه ] اللي لقيتها اعلى من هذا الرقم .. يعني ظنك فعلا راح القى بهذي الميزانيه شاشه مناسبه بالوكيل ؟ .. ياليت تعطيني رقم تقريبي مع نوع الشاشه عشان اروح واشتري واطلع وبس *_*

من ناحية الحجم انا راضي بـ حجم 32 بوصه .. احسه مناسب لي خصوصا اني بستخدمه في غرفتي فـ مايحتاج اني احط شي ضخم .. يعني اشوف ان هالحجم مقبول جدا .. لكن سؤالي الاساسي مو بالحجم .. سؤالي الاساسي هو [ بالفروق ] .. يعني هل فعلا راح اتحسف لو مثلا شريت شاشه الهيرتز فيها ضعيف ؟ .. هل فعلا فيه فرق شاسع جدا مابين هيرتز وهيرتز ؟

وبعدين اللي الاحظه الكل متفق على ان الـ LED أفضل من الـ LCD .. ولو انه غالي لكن بالنهايه هو الأفضل .. فـ عشان كذا قاعد اخطط اني أأجل الشراء الى وقت لاحق عشان اخذه ..

FAROOS
03-26-2011, 01:56 PM
اخوي عندك شاشه sony ex500 شوفها بالوكيل موصفاتها روعه والهيرتز على ما اعتقد 100 .وسعرها حلو << الـ 32 بوصه.

NasserFahed
03-26-2011, 02:30 PM
أنا شفت يوم الخميس اللي راح في إلكترو اللي بالملك عبدلله شاشة سامسونج LED 37 بوصه. بسعر 3100 ريال.
و عنّي أنصحك بالـ LED.

Mesharey
03-27-2011, 09:52 AM
يعني هل فعلا راح اتحسف لو مثلا شريت شاشه الهيرتز فيها ضعيف ؟ .. هل فعلا فيه فرق شاسع جدا مابين هيرتز وهيرتز ؟ بتفرق بس بالحركات السريعة .. مثلا لعبة كرة قدم والتحركات السريعة ولعبة أكشن ومنظور أول بالتحركات السريعة .. قبل كان عندي سامسونج 50 هرتز (la32r71) وكانت بطيئة من الناحية هذي .. والشاشة الجديدة عندي سامسونج 200 هرتز الفئة السادسة LED FULL HD وأيضا حاس انها بطيئة شوي >.> .. لكن كوضوح الشاشة ماشاءلله ممتازة جدا ..

أوكازو
03-27-2011, 09:58 AM
على ميزانيتك خذ بلازما أفضل لك!

الـ LED ما تفرق عملياً بشكل كبير جداً عن الـ LCD العادية.. و عموماً كلهم بالنهاية LED بس تقنية الإضاءة تختلف!

الاستجابة.. الهيرتز يأثر بس مب واجد!
أنا عندي LED و الهيرتز فيها 240GHZ و فيها الـ motion plus اللي يخفف البلر و كذا
و مع ذلك أشوفه أحياناً خصوصاً بالكورة.. لكن عموماً مب مزعج لذيك الدرجة.

برضو بالنهاية انصحك ببلازما أريح لك و اريح لعينك و رخيصة نسبياً.

إحساس
03-27-2011, 12:42 PM
^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..

Mesharey
03-27-2011, 12:56 PM
شوف الأهم عندك وضوح الشاشة ولا سرعة الإستجابة للحركات السريعة P:

بشكل عام LED أفضل من LCD لأن اللون الاسود يكون "أسود‏"‏ وتظهر الألوان بشكل أفضل لكن الأسود بالأل سي دي مايكون أسود 100%

chris
03-27-2011, 04:58 PM
شباب ...
لمن ابغى اخد شاشة يكون الهيرتز كويس جدااااااااا كم لازم يكون ؟!


تعديل : عشان الافلام اكتر شي .

JIN KAZAMA
03-27-2011, 07:16 PM
اخ احساس ابعد عن شاشات البلازما !!! ليش ؟ لانها مش شاشات حق عمر طويل , وكمان فيها مشكله الburn-In يعني لو خليت الصوره على التلفزيون لوقت طويل تشوف بعض التفاصيل صارت ثابته في الشاشه ( مثلا انت قاعد تشوف ام بي سي 2 لمدة طويله وكل يوم نفس القصه راح تلاقي انه شعار القناه صار مطبوع على الشاشه وماعاد يروح !!!) صحيح البلازما رخيص ولكن مش عملي اطلاقا مثل الlcd


^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..

خذ الlcd احسن لك , ولو تضغط على نفسك وتحاول تجيب شاشه 40 بوصه عشان تستمتع بالفل هاي ديف :)

S n A k e
03-27-2011, 07:56 PM
^
^
كلامك عن البلازما القديم اللي من موديل 2008 وتحت لكن 2010 شاشات جباااره بالذات موديل 50vT20 هذا موديل قوي اخذ افضل تلفزيون في 2010 وتفوق على تلفزيونات الLED واخذ افضل جهاز 3D

البلازما بداا يطلع طلعة قويه وال LCD في انحداار وبدا يختفي من السووق

msfm
03-27-2011, 09:08 PM
^

طيب سؤال اخير وان شاء الله بعد الأجابه على هذا السؤال راح استخير واشتري اللي تنصحوني فيه ..

تنصحوني بـ شاشه LED 50 هيرتز أو شاشه LCD 200 هيرتز .؟ .. الـ LED سامسونق والـ LCD سوني .. فـ وش الأفضل بالنسبه لكم .؟

انا بالنسبه لي ودي بالـ LCD .. خصوصا انه 200 هيرتز واسرع من الـ LED اللي يمكن يكون بطيء شوي بالحركه .. بس ابغى تعطوني آخر نصيحه عشان اتوكل على الله و أشتري ..

خذ الـ200 hz

تنفعك بال3d

MAX9009
03-27-2011, 09:55 PM
شوف الأهم عندك وضوح الشاشة ولا سرعة الإستجابة للحركات السريعة P:

بشكل عام LED أفضل من LCD لأن اللون الاسود يكون "أسود‏"‏ وتظهر الألوان بشكل أفضل لكن الأسود بالأل سي دي مايكون أسود 100%

بالنسبة لشاشات LCD سامسونج من الفئه الثالثه وفوق اللون الاسود يطلع فيها اسود عكس شاشات سوني اللي تطلع برايتي بزياده

إحساس
03-27-2011, 11:53 PM
امممم .. يعطيكم الف الف عافيه ..

بعد البحث في الأنترنت والسؤال خذيت هذي المعلومات الأساسيه [ وأذا كان فيه شي غلط ياريت تصححونه لي ] .. الشاشات تنقسم لـ ثلاث اقسام .. بلازما و ال سي دي و ال اي دي .. كل هذولي الأنواع ممتازين جدا لكن كـ نقاوه وصفاوه يعتبر الال اي دي هو الأفضل بالسوق حاليا [ مع انه الأغلى لكن يستاهل ] ..

اذا بغيت شاشه تنفع لـ القيمنق فـ خذ اي شاشه من هذولي الشاشات الثلاث على حسب ميزانيتك .. لكن الشرط الأساسي واللي لازم تنتبه له هو أن الهيرتز مايقل عن 120 .. 120 كـ حد ادنى ..

أوكي .. بعد هذي المعلومات لازم لازم أمر بكره في رجعتي من الجامعه لأي سوق الكترونيات ان شاء الله .. راح امر لأكثر من مركز وبسأل عن شاشة سامسونق LED على الأقل الهيرتز فيها يكون 120 .. وان شاء الله ان سعرها مايكون اعلى من 2500 .. يااارب *_*

تعديل : وااو ماهذا .. الشروط هذي يبغالها على الأقل 3000 ريال ولا ماينفع .. لا والمشكله بـ أمازون بعد .. خلاص شلت فكرة الـ LED رسميا من الآن ..

راح اروح لـ وكلاء سوني وسامسونق بكره ان شاء الله .. وبحاول اني اخذ شاشه 240 هيرتز عشان تكون مقاربه للميزانيه اللي عندي وتكون أضمن من ناحية السرعه .. طبعا LCD ..

ادعولي بالتوفيق والبركه بالشراء *_*

JIN KAZAMA
03-28-2011, 12:17 AM
^
الled هو الافضل طبعا بس غالي , فعشان كذا الlcd يعتبر الافضل حاليا لانه يجمع بين المواصفات الممتازه والسعر اللي في متناول اليد :) طبعا لما تشتري شاشه حاول تبحث عنها في النت قبل ماتاخذها وتشوف انطباعات اصحابها , وشوف مواصفاتها في النت لانه بعض البياعين مايكون عنده سالفه ويجيب معلومات مايدري ايش معناها لول ( لما اخذت شاشتي -60هرتز- صاحب المحل قاعد يقول انها 100 هرتز قلت له : طيب ليش مش مكتوب في مواصفاتها العامه ؟ قال : اصلا ال100 هرتز موضه قديمه وزمان كانوا يكتبوها اما الحين عادي صارت شي ستاندرد لوووول ) عن نفسي انصحك بالسامسونج شاشاتهم الافضل جوده وتصنيع ومواصفات !!

وزي ماقلت لك حاول انك تاخذ 40 بوصه , لان ال32 مايفرق فيه ال720 عن ال1080 :)

إحساس
03-28-2011, 12:58 AM
^

أنت بكذا راح تخليني أأجل سالفة الشاشه بكبرها .. خصوصا ان اسعار الـ 40 بوصه ما أقدر عليها حاليا ابدا ..

عموما .. هو كل شي يبين ان شاء الله لما اروح بكره .. أسعار امازون ماهي الأسعار الرسميه اللي عندنا .. أكيد راح يكون فيه زياده شوي من قبل الوكاله .. فـ عشان كذا ودي اشوف الشاشات بعيني واشوف الأسعار بنفس الوقت عشان آخذ فكره عن شاشات الـ LCD [ بعد مافهمت الهيرتز وما الهيرتز ] .. الحين أقدر اروح لـ المحل وانا واثق وعارف وش ابغى بالضبط ..

يعطيك العافيه على النصايح .. راح احاول اني القى الشي اللي نصحتني فيه ان شاء الله ..

Koncepto
03-28-2011, 01:07 AM
متاخر صح؟ معليش...
شاشات الـLED ما هي إلا شاشات LCD بإضاءة مختلفة عن شاشات الـLCD التقليدية واللي كانت CCFL، هي أفضل من ناحية الألوان وعمر أطول وموفرة للطاقة بشكل أكبر وهي المنتشرة حالياً وما أعتقد باقي شركات تتعب نفسها وتصدر شاشات LCD تقليدية كون الحديثة أقل من حيث التكلفة والله أعلم.
المهم إذا نويت على LED فخذ بالك من نوعية الإضاءة نفسها هل هي خلفية Back-lit أو في الأطراف Edge-lit، طبعاً الاولى أفضل بمراحل وخلي عينك عليها.. أما على الموشن فلو أو أي تسمية تجارية له فلا تاخذ بالك منه وعالعكس أكثر الشاشات تلغي الخاصية هذي في الجيم مود بسبب إنها تطلع تأثيرات جانبية تشوه اللعبة وسلاستها.. غير إن 60 هرتز كافية جداً للألعاب والـ120 أو 240 هرتز تنفع في حالة الرياضة مثلاً أو الـ3D عشان تقسم رقم كبير لكل عين بس يحتاج وسيط للعملية هذي وغالباً مدمج مع التلفزيون نفسه عشان المزامنة مع النظارة وما إلى ذلك وأنت في غنى عن وجع الراس، لمعلوماتك فالموشن الزائد هذا غير محبب أو مرغوب فيه في الأعمال السينمائية نهائياً لأنه افخم الأفلام حتظهر لك بشكل رخيص..
على مقاس الشاشة فيعتمد على حجم الغرفة نفسها، طبعاً عشان تستفيد من الحجم لازم تتراجع للوراء على حسب مقاس الشاشة
http://www.hdtv-tvs.net/files/size_chart.jpg
فمش من المستحب تأخذ شيء كبير وأنت غرفتك صغيرة مثلاً، وعن نفسي أشوف 32" جداً مناسبة للإستخدام الشخصي (ألعاب، أنمي، أفلام، كمبيوتر.... الخ) وبنفس الوقت وفر الفلوس مستقبلاً لما ينزل سعر شاشات الـ3D أكثر..

ومن الآخر، كل شاشة تثبت نفسها ومش المواصفات الملصوقة عليها من الشركة الأم فقبل ما تستقر عن شيء إبحث عنه في الإنترنت وخاصة بمواقع المراجعات أو التجارب الشخصية أو شاركنا فيه هنا.. حتوسوس شوية لكن مشي حالك وأحسن من إنك تتهور وتأخذ شيء وبالآخير ما تلاقي اللي تبغاه..

إذا تبغى رايي، اشتريلك شاشة 32" بلازما Full HD من باناسونيك.. اداء راقي جداً وسعر مناسب.

MAX9009
03-28-2011, 04:04 AM
^
رد كافي ووافي شكراً لك حتى انا استفدت

itachi
03-28-2011, 12:50 PM
بالسعر اللي انت حاطه مالك الا خيارين
بلازما بشاشه أكبر من 32 .بحجم 40 ممكن ..LG ..panasonic ..samsung ...الوانها واضائتها مريحه للعين ..والكونتراست فيها عالي ..والأسود بتلاقيه أسود حقيقي مطفي (ما عليك من الكلام عالبلازما الموديلات الجديده متفوقه جدا وممتازه)
او ال سي دي بحجم 32 ..samsung ..LG..sharp ..اضائتها قويه ودقتها بتكون حاده اكثر من البلازما ..بس الاسود مش اسود
من ناحيتي افضل كبر حجم الشاشه ..والألوان المريحه للأفلام والجيم

Mesharey
03-28-2011, 01:38 PM
ال32 مايفرق فيه ال720 عن ال1080 :)
انتبه على هذي @_@

إحساس
03-28-2011, 01:48 PM
^

امممم .. قبل شوي شيكت على أسعار البلازما .. واااااو رخيصه بشكل غير متوقع .. راح أشتري الشاشه وزياده على كذا راح يبقى معاي فلوس من الميزانيه ..

عموما .. لقيت لي صفحه كامله فيها جمييييع المعلومات عن الشاشات وانواعها وتناسبها مع الألعاب ..

اولا .. اذا اشتريت شاشه 32 فـ لا تشتري 1080 [ لأنها ماراح تعطيك الدقه الصحيحه الكامله لكن بتعطيك 720 واللي هي تناسب حجم الشاشه ] .. يعني اذا جيت تشتري شاشه 32 اشتر 720 ارخص لك واحسن لك بدال ماتشتري وحده 1080 بـ زيادة فلوس بدون اي فايده .. ماراح تعطيك اي شي مختلف عن الـ 720 ..

يمكن البعض يسأل يقول طيب وش الشاشه المناسبه لـ الـ 1080 .؟ .. الشاشه المناسبه هي 37 [ كـ حد ادنى ] .. هذي الشاشه يلزم عليك انك تشتريها 1080 .. لأنها تعطيك الدقه الكامله والصحيحه بدون اي اخطاء .. طبعا حجم الشاشه له دور بهالمسأله ..

ثانيا .. البلازما تتميز عن شاشات الـ LCD بأن سرعتها اكثر بمراحل ضوئيه .. يعني انسى انك تلقى لاق في اي لعبه مهما كانت .. سريعه جدا والألوان فيها طالعه بشكل مبهر واللون الأسود طالع كـ لون اسود مثل ماقال الأخ itachi ..

مشكلة البيرن ان اللي تتكلمون عنها مشكله انتهت من زمااااان [ على حسب كلام موظف في شركه تلفزيونات باليوتيوب ] .. التلفزيونات القديمه فعلا كانت تعاني من هالشي لكن حاليا انتهت وبشكل اكيد [ ولو سألتو اي شخص جرب البلازما في الأيام الاخيره يأكد لكم هالشي ] .. اذا حبيتو تشوفون الفيديو اللي شفته فـ هذا هو ..


http://www.youtube.com/watch?v=8nClZYshG5o

واضح من عنوان الفيديو اني تعبان في البحث والاسئله *_*

لكن فيه فرق مابين البلازما و الـ LCD .. لما تكون الأناره عندك بالغرفه [ قويه ] فـ راح يأثر كثير على البلازما .. راح ينعكس الضوء على الشاشه وراح تتأثر كثير وماراح تشوف زين .. على العكس تماما بالنسبه لـ الـ LCD واللي تعتبر مناسبه جدا لك اذا كنت في غرفه مضيئه .. لكنها ماهي مناسبه اذا كنت في غرفه مظلمه [ راح تأثر على عينك كثير ] ..

امممم وش بعد .. تقريبا هذي المعلومات اللي خذيتها من المواقع .. حاولت ابحث عن فيديوات تيست لـ الشاشتين مع بعض لكن مالقيت ..

صراحه كـ قرار نهائي .. اشوف ان البلازما مناسب جدا [ ولو اني ودي اعيش التجربه لـ الدقه الكامله ] لكن مع ذلك مافيه هذاك الفرق الشاسع بالدقه .. يمكن الفرق في الأناره فقط .. وبرضو الفرق في السعر [ وهذا هو الأهم طبعا *_* ] .. فـ عشان كذا بديت اميل لـ البلازما أكثر خصوصا اني لو بغيت اشتري LCD فـ ماراح اشتريه الا 37 [ واللي بيكون سعره غالي ] ..

لكن عموما كل هذا الكلام اللي اقوله ماينفع ابدا .. لازم لازم لازم افضى يوم واروح امر لـ محلات الالكترونيات الكبيره واروح للوكالات عشان اخذ لي فكره كامله عن الأسعار وعن الفروق مابينهم في المنظر .. وان شاء الله بهذي الطريقه راح آخذ الشاشه اللي تناسبني واللي انا راضي عنها ..

يعطيكم الف عافيه على النصائح .. تعبتكم بالاسئله والكلام الكثير *_*

Painkiller Q8
03-28-2011, 02:05 PM
شباب .. عندي 3 تلفزيونات في البيت SAMSUNG + SONY + PANASONIC

السامسونج مع انه اقدم واحد وسيريس 4 .. بس القيمز عليه افضل منهم كلهم ... شي خيالي

نصيحه .. انا مع السامسونج من 2005 لي اليوم ماشفت احسن منه !! دائما اهل التكنلوجيا وسباقين !

Koncepto
03-28-2011, 04:12 PM
ال32 مايفرق فيه ال720 عن ال1080
صحيح .. 40"+ وعن بعد مناسب، وراح تلاحظ الفرق بين 720p و 1080p بشكل واضح في شاشة بمقاس 32" في حالة واحده وهي لما تستخدمها كـPC monitor.. وفي تصحيح بسيط لنفسي وهو شاشات البلازما (من باناسونيك أو بشكل عام) عادة تتوفر بمقاسات أربعينية وما فوق ما عدا فئة أو اثنين من Panasonic نزلت لـ37"..

chris
03-28-2011, 05:17 PM
طيب لو مثلا باخد بلازما 42 بوصة فما فوق و FULL 1080 HD هل تنفعلي للجيم والافلام اهم شي ؟!!

S n A k e
03-28-2011, 05:26 PM
http://www.youtube.com/watch?v=ehsPsG8T8J8

افضل تلفزيون في 2010 اخذ البلازما صراحه انا شفته بالمعرض شيئ خياااالي بالالوان وال3 دي كان قمه بالروعة

البلازما افضل بالافلام والرسيرفر والان الموديلات الجديد حتى بالقيمز تفوقت على ال LCD ال LED فأشوف البلازما الافضل طبعا الموديل اللي اتكلم عنه 50vt20 مو اي موديل لأنه يفرق

Painkiller Q8
03-29-2011, 12:51 PM
^
انا أشهد .. الناس علبالهم ان البلازما تقنيه قديمه وفاشله ... مع ان لي اليوم البلازما افضل في الجيمز والافلام .. لكن المشكله ان لازم تاخذ بلازما فول اوبشن وسعرها حبتين ^^

----------

سوال .. عندي مكان صغير في الدور الثالث في البيت وابي اسوي سكشن قيمز مصغر .. عندي اكس بوكس زايده بس ابي شاشه صغيره ..

وعيني طاحت على هذي: Samsung » BX2450 SAMSUNG 24" LED Monitor
http://softislandkw.com/product_info.php?products_id=639?osCsid=f4a4639321 225a3599da7808821b2c97

احد ينصح فيها ؟ .. اهي شاشه للكمبيوتر .. بس ابيها للإكس بوكس والقيمز فقط

S n A k e
03-29-2011, 01:51 PM
^
^
24 صغيره مره اقل شي 32 للقيمز انصح دور led 32 بوصه كذا اوكييه وعموما السامسونق مع led ممتاز جدا ولا فيه خسااره

بس هاليومين مسوين خصم عندنا على شاشة 50vt20 اللي هي افضل شاشه في 2010 من 15000 الف ريال الى 8000 الاف ريال عرض وبيرجع يوم السبت سعرها 15000 الف ريال والله فرصه ماتتعوض احتمال اخذها

Painkiller Q8
03-29-2011, 02:34 PM
^
هممم .. انا قلت انها صغيره .. بس طلعت مناسبه للمكان خصوصا اني بكون الوحيد الي اللعب فيها ... على العموم .. شرايك بالمواصفات ؟ بغض النظر عن الحجم !

S n A k e
03-29-2011, 03:43 PM
^
^
والله المواصفات جيده بالنسبه لحجمها full hd والكونتراست 1000 وفيها اعتقد فتحة وحده hdmi و LED والله جيده بالنسبه للسعرها .!! 89 دينار

ALONE
03-29-2011, 05:40 PM
نصيحه ياصاحب الموضوع

خذل لك lcd 32 بمواصفات حلوه وسعر معقول

وتمشي معاك الين العطله الصيفيه ان شاء الله راح ينخفض سعر شاشات الـ LED والبلازما 3D

وتقدر تأخذها مثل ماراح اشوي انا + راح يكون فيه افلام وجيمز اكثر للـ 3D

Painkiller Q8
03-30-2011, 12:43 AM
^
انا أشهد .. الناس علبالهم ان البلازما تقنيه قديمه وفاشله ... مع ان لي اليوم البلازما افضل في الجيمز والافلام .. لكن المشكله ان لازم تاخذ بلازما فول اوبشن وسعرها حبتين ^^

----------

سوال .. عندي مكان صغير في الدور الثالث في البيت وابي اسوي سكشن قيمز مصغر .. عندي اكس بوكس زايده بس ابي شاشه صغيره ..

وعيني طاحت على هذي: Samsung » BX2450 SAMSUNG 24" LED Monitor
http://softislandkw.com/product_info.php?products_id=639?osCsid=f4a4639321 225a3599da7808821b2c97

احد ينصح فيها ؟ .. اهي شاشه للكمبيوتر .. بس ابيها للإكس بوكس والقيمز فقط

>>>>>>> ماتحملت انطر .. شريتها :inlove:
مونيتور LED 1080p سامسونج :inlove:

http://a8.sphotos.ak.fbcdn.net/hphotos-ak-ash4/196433_10150441967665290_547980289_17997386_207281 5_n.jpg
http://a5.sphotos.ak.fbcdn.net/hphotos-ak-snc6/188431_10150442014320290_547980289_17998033_381305 1_n.jpg
http://a8.sphotos.ak.fbcdn.net/hphotos-ak-snc6/206065_10150442014905290_547980289_17998041_670861 1_n.jpg

إحساس
03-31-2011, 05:05 AM
واخيرا .. شريت شاشه LED 32 بوصه ال جي .. لكن فيها عدة مشاكل بسيطه اتمنى انكم تعطوني حلها او انكم تقترحون علي اني ارجعها [ خصوصا ان مامرت 24 ساعه على وقت الشراء ] ..

اول مشكله .. الاستجابه .. فيه بطئ غريب في الاستجابه من الشاشه .. يعني مثلا لما اروح لـ القائمه الرئيسيه لـ سوبر ستريت فايتر واضغط سهم تحت .. الأستجابه تجي بطيئه شوي .. ماتجي على نفس وقت الضغطه .. مدري هل هذا الشي طبيعي بشاشات الأل اي دي او ان فعلا الشاشه فيها مشكله .؟ .. خصوصا اني سألت كم واحد وقالو لا .. هالمشكله مامرت عليهم في شاشاتهم .. وبرضو قالولي اكيد ان هالشي من الأعدادات .. فـ ياليت تعطوني المعلومه الصحيحه .. وأذا كانت من الاعدادات فـ وش هي الاعدادات اللي تعالج هالمشكله .؟

ثاتي مشكله .. الصوت .. ركبت الكمبيوتر على الشاشه بوصلة HDMI اصليه .. لكن للأسف مالقيت وصله اركبها من كرت الصوت لـ الشاشه عشان يشتغل الصوت على الشاشه دايركت .. فـ قلت خلني امشي نفسي اليوم واركب سماعة الراس لما يجي بكره ان شاء الله .. لكن جتني مشكله غريبه [ وماتحصل بجميع الفيديوهات .. القليل منها ] .. واللي هي أن الصوت سابق الصوره ..

مدري هل المشكله طبيعيه لأني مشبك سماعة الراس على الكمبيوتر [ فـ عشان كذا ماصار فيه تطابق بين صوت السماعه والشاشه ] .. او ان المشكله من الشاشه نفسها اللي استجابتها لـ الصوره + الصوت بطيئه ..

ياليت تعطوني حلول سريعه لـ هذي المشكلات .. لأني اذا مالقيت حل لها فـ راح ارجعه او ابدله ان شاء الله ..

Koncepto
03-31-2011, 05:37 AM
عادة شاشات الـHDTV (خاصة موديلات آخر سنتين) فيها مود خاص للجيمز ومود للكمبيوتر، ينصح جداً انك تستخدمهم على حسب الحاجة. عادة في المودز هذي يتم إلغاء بعض الخصائص اللي ما تحتاجها ويوفر/يخفف على معالج الشاشة.
ثانياً سلك الـHDMI ينقل الصوت والصورة، هي مش مشكلة نهائياً ومالها علاقة بالتلفزيون قد ما هي من الكمبيوتر نفسه، خلي مخرج الصوت من الإعدادات عندك محدده على سماعات الشاشة كمخرج للصوت وإنتهينا..

طيب لو مثلا باخد بلازما 42 بوصة فما فوق و FULL 1080 HD هل تنفعلي للجيم والافلام اهم شي ؟!!
بالراحة، المهم تختار موديل جيد..

إحساس
03-31-2011, 07:09 AM
عادة شاشات الـHDTV (خاصة موديلات آخر سنتين) فيها مود خاص للجيمز ومود للكمبيوتر، ينصح جداً انك تستخدمهم على حسب الحاجة. عادة في المودز هذي يتم إلغاء بعض الخصائص اللي ما تحتاجها ويوفر/يخفف على معالج الشاشة.
ثانياً سلك الـHDMI ينقل الصوت والصورة، هي مش مشكلة نهائياً ومالها علاقة بالتلفزيون قد ما هي من الكمبيوتر نفسه، خلي مخرج الصوت من الإعدادات عندك محدده على سماعات الشاشة كمخرج للصوت وإنتهينا..

بالراحة، المهم تختار موديل جيد..

حاولت قبل شويه .. مانفع .. صحيح ان قائمة البلاي ستيشن الاساسيه صارت اسرع للأمانه .. لكن مع ذلك قائمة سوبر ستريت فايتر لازالت على نفس البطئ + التحكم وضغط الأزرار والاستجابه بطيئه شويه .. فيه اكثر من كومبو حاولت اسويهم مانفعو والسبب البطئ الغريب في استجابة الشاشه ..

برضو مشكلة الصوت اللي ذكرتها سابقا .. حاولت بجميع الطرق اني اسوي هالشي لكن مانفع .. الصوت سابق الصوره بـ جزء من الثانيه ..

شوف .. من ناحية مشكلة الصوت أظن ان المشكله حلها بسيط ومو متعب .. لكن مشكلة الصوره والأستجابه هي اللي مضايقتني .. مدري هل فعلا ستريت فايتر بالأتش دي كذا بطيئه .؟ .. او ان الاعدادات عندي مو كويسه .؟ .. او ايش بالضبط *_*

Koncepto
03-31-2011, 07:38 AM
شاشتك 32LV2500 صح؟ طيب:
حاول تتأكد انه الـnative resolution في الـPS3 محدد على 720p أو خليه يختار تلقائياً ( 720p,1080i,1080p).
تأكد إنه إعدادات الصوت هي نفسها.
وأخيراً إبحث عن XD engine في قائمة المستخدم وعطله/وقفه.

الحلول هذي رسمية من LG نفسها وإن شاء الله تضبط معاك..
http://lgknowledgebase.com/kb/index.php?View=entry&EntryID=3012

إحساس
03-31-2011, 03:09 PM
اممم .. يعطيك العافيه .. قريت الحلول كلها وجربتها مانفعت ..

مدري صراحه بس مالي نفس اني اخلي الشاشه عندي اكثر من كذا .. ماني مرتاح لها .. نص كومبوهات سوبر ماتتطبق مضبوط .. ولما اسأل اخوياي يقولون لي ماواجهتنا هالمشكله نهائيا بشاشاتنا .. فـ عشان كذا 100 بالميه راح ارجعها او ابدلها بشاشة سوني برافيا EX500 ..

برضو المشكله الثانيه انه مكتوب عليها لما جيت اشتريها 100H .. وللأسف اللي اشوفه لما ادخل القائمه 60 .. وهذا سبب آخر مهم يخليني ارجعها ..

صراحه الشاشه كـ مظهر جدا رائعه .. الوان جذابه ومبهره ونقله نوعيه من الشاشات العاديه الى الاتش دي .. ومو اتش دي وبس بعد لا ال اي دي .. لكن الأهم من ذلك هو سرعة اللعبه ومرونتها وتجربتها بالشكل الصحيح كما يجب ان تكون .. فـ عشان كذا باخذ EX500 [ اللي بصراحه ماشفت احد يشتكي منها ] اذا توافقوني بالرأي .؟ .. اشوف ان الشاشه منتشره بشكل كبير وزياده على كذا ارخص من شاشتي بـ 100 ريال *_*

Mesharey
03-31-2011, 03:16 PM
غريب موضوع البطىء اللي عندك بالشاشة، المفروض اللي يصير فقط ان بالحركات السريعة تحس ان صار في بلر أو ضباب خلف ضربة الكرة مثلا ..
أما تنفيذ حركات أو ماشابه لا ..

إحساس
03-31-2011, 03:47 PM
^

ياليت يصير زي كذا .. ماعندي مشكله اذا صار هالشي .. اهم شي ان اللعبه تمشي بشكل طبيعي .. لكن اللي اشوفه بهذي الشاشه العكس .. هي الحين اللي تخرب لعبي .. خربت التحكم وخربت كل شي بالقيم بلاي .. يعني تخيل حتى تطبيق بعض الحركات صار اصعب من قبل بكثيير *_*

يعني اضرب لك مثال .. فيه بعض الترايلز في ستريت فايتر اللي من خلالها تضرب ضربه تحت وضربه فوق [ ولازم هالضربتين تطبقها بشكل سريع وبشكل سلس علشان تضبط ] .. في هذي الشاشه هذي الحركه صارت اصعب .. اضرب الضربه الأولى تحت و الثانيه تجي متأخره وماتضبط .. يعني يبغالك سرعه اكبر من قبل *_*

عموما اتمنى ان راعي المحل يقبل اني ببدلها .. الشاشه مامر عليها 24 ساعه من الشراء .. لكن المشكله ان اللصقه اللي عليها شلتها ورميتها في الزباله .. مدري اذا بيرضى بهذا الشي .. حتى لو بغى فلوس بدال اللصقه ماعندي مشكله بعطيه بس لا يرفض التبديل < يبغى يفتك من الشاشه بأي طريقه ..

Koncepto
03-31-2011, 04:17 PM
المشكلة غريبة خاصةً لشاشة حديثة و LG سمعتها طيبة من ناحية التجاوب مع الألعاب، اتذكر للشركة شاشة موديلها SL80 وكان مستواها طيب جداً خاصة مع الألعاب والكمبيوتر مع مشكلة بهتان خفيفة في الالوان ويمكن ما تنتبه لها إذا كنت مواجه للشاشة بشكل مباشر، غير تصميمها الانيق بكل ما تعنيه الكلمة..
شاشة سوني بشكل عام ما بها شيء ومناسبة لسعرها على حسب مواصفاتها ومش مهم الشاشة منتشرة أو لا، المهم إنك مقتنع فيها ويفضل عن تجربة.. بس كاني قرات انها مش الافضل من ناحية حدة الصورة والالوان.. علعموم التجربة خير برهان..

ALONE
03-31-2011, 05:15 PM
طيب ياليت تتاكد من سالفه العيوب المصنعيه

يمكن الشاشه الي اخذتها فيها مشكله

لذلك يفضل ترجعها في اسرع وقت

قبل لايخلونك تراجع الضمان ويمكن تطول علشان يبدولنها لك

إحساس
04-01-2011, 02:13 AM
أول شي أحب اشكركم على التفاعل اللي لقيته منكم .. وعلى النصائح اللي قلتوها لي ..

ثاني شي .. بدلت الشاشه .. خذيت سوني برافيا EX500 [ ولو اني كنت محتار بينها وبين سامسونق بلازما 40 بوصه ] لكن الحمدلله قررت بسرعه وخذيت سوني برافيا ..

بصراحه .. بعد هالشي اللي صار لي وبعد ماجربت شاشه سيئه وخذيت شاشه ثانيه ودي اقول نصيحه لـ اللي حاب يشتري شاشه جديده .. نصيحه اتمنى ان اي شخص يطبقها .. علشان ماتمرون باللي مريته من المشاكل اللي صارت بالمحل اليوم *_*

اليوم اقتنعت تماما ان مافيه شي اسمه مواصفات .. يمكن المواصفات راح تأثر .. هذا الشي الصحيح .. لكن في النهايه صدقوني تأثير اسم الشركه اللي على الشاشه اكبر من اي تأثير آخر ..

شاشه LED 3d والسرعه 240 هيرتز وجميع المواصفات اللي فيها ممتازه لكنها ال جي او باناسونيك كـ مثال آخر .. وشاشه LCD فول اتش دي 100 هيرتز لكنها من سوني ..

لو جيت بالعقل والمنطق فـ طبيعي راح تقول اكيد راح اخذ الشاشه الأولى لأن المواصفات اللي فيها جدا ممتازه .. ثري دي وفول اتش دي 240 هيرتز مناسب لـ جميع الألعاب .. وانا اوافق اي احد يقول هالكلام .. لكن فيه نقطه أهم من المواصفات كلها اتمنى من الجميع انه يركز عليها كثير ..

اسم الشركه .. اسم الشركه له دور كبير جدا في جودة الشاشه .. حتى لو كانت الشاشه متفوقه من ناحية المواصفات لكن من ناحية الجوده صدقوني ماراح تكون أحسن من جودة سامسونق وسوني [ حتى لو كانو الشاشتين أضعف من ناحية المواصفات ] لكن في النهايه التصنيع يختلف كثير وهو الأهم من جميع الاشياء في اي شاشه ..

فـ لذلك اذا حبيتو تاخذون شاشه خذو يا سوني او سامسونق .. وصدقوني ماراح تندمون .. نصيحة مجرب ..

الف شكر على تفاعلكم حبايبي .. لقيت الشاشه المناسبه ..

ALONE
04-01-2011, 04:16 AM
^^^^^^^^^^

مع احترامي لشخصك الكريم

لاكن يبدو ان خبرتك محدوده في الشاشات

نصيحتك تذكرني بنصائح الشيبان لاتأخذ غير سوني او تويوتا للسيارات

طيب وش يضمن لك ياعزيزي ان شاشتك السابقه مافيها عيب مصنعي ؟

عندي شاشه lg lcd موديل 2009 والى الحين معي ومن اروع مايكون

سواء مع ستريت فايتر او مع الألعاب بشكل عام

ولو غيرتها ماراح اطلع من lg او بانسوينك

الأسم طول عمره ماكان مقياس للجوده

والشركات مهما كان اسمها قوي

راح تمر عليها فتره يتفوق عليها منافسينها

واكبر دليل شاشه بانسوينك اخذت افضل شاشه لعام 2010 والافضل في مجال الـ 3d

awadnin
04-01-2011, 05:33 AM
@ ALONE :

أتفق معك 100% ، وبالنسبة لي دائماً آخر خيار لي في منتج ألكتروني يكون من ماركة سوني لأنها غالية بشكل مبالغ فيه هنا بالسعودية، وتلقى أحسن منها في الموصفات والجودة وبسعر أقل في ماركات أخرى مثل ال جي ، باناسونك ، فيلبس وغيرها.

إحساس
04-01-2011, 05:50 AM
^

في البدايه ترا هذي نصيحه .. يمكن انت ماتتقبلها او تتقبلها هذي حريه شخصيه لك .. لكن ترا مو معناته ان النصيحه لما ماتعجبك تقولي ان رأيي مثل الشياب .. او تقول ان خبرتي محدوده في الشاشات .. ياريت اذا حبيت تنقد النصيحه او تصحح لي معلومه انك تذكر النقد والتصحيح من دون الدخول الى تشبيهات وتقليل لـ خبرة صاحب النصيحه .. صاحب النصيحه من الممكن انه يخطأ .. لكن هذا مو معناته انك تقلل من خبرته او تشبهه بأمور من المفترض اننا نقدرها ونحترمها ..

هذا اولا .. ثانيا .. ترا في النهايه هذي نصيحة مجرب .. شخص اشترى شاشه ال جي وكانت ضعيفه جدا من ناحية الجوده [ كان فيها عيب تصنيعي او ماكان فيها ] كلها واحد .. في النهايه انا عانيت من جوده سيئه وهذا هو الناتج والأهم في الأمر .. اشتريت شاشه ثانيه اسمها قوي واللي هي سوني .. وطلعت [ مثل ماتوقعت ] رائعه .. جوده عاليه جدا وأفضل بمراحل من الشاشه السابقه .. فـ لذلك انا ماقلت هالنصيحه من فراغ .. هالنصيحه جايه من خلال تجربه مريت فيها .. سواء هالتجربه وافقت تجربتك او ماوفقت .. هذا أمر اخر يعتمد على التوفيق من ربي .. يمكن الله سبحانه وفقك وخلاك تختار شاشه كويسه [ مع ان اسمها ضعيف مقارنه بالاسماء الأخرى ] .. ويمكن انا ماتوفقت وماخذيت شاشه كويسه من نفس الشركه .. أمر طبيعي يحصل كثير .. لكن في النهايه هالنصيحه جايه من تجربه مريت فيها .. مو شرط اني امر بتجربتك عشان توافق نصيحتي .. اذا ما أعجبتك نصيحتي ارمها في البحر وانساها ..

Koncepto
04-01-2011, 06:42 AM
الاسم ما يعني شيء لكن يمكن اتفق معاك في حالة وحدة، جودة التصنيع ممكن تختلف من شركة لشركة. وعلى فكرة، اسماء مثل LG و Panasonic ابداً مش هينة مثل ما تتوقع خاصة في مجال الشاشات.. غير إن LG لها النصيب الاكبر من شاشات الـLED في السوق وكذلك الـPanasonic في مجال الـPlasma حسب الإحصائيات.
على أي حال هذا نصح وذاك علق، ما اشوف في اي مشكلة في الاثنين فما يحتاج الدراما هذي كلها.

Unknown
04-14-2011, 08:39 AM
شباب ناوي على الـPanasonic 50vT20 عليها عرض حلو 8000 ريال !!
لكن شفتها باكسترا اشوفها تطبع فيها كتابه للمنيو وانا اشوف فلم !!
مع اني ادخل النت اشوف الردود كلها مدح والمواقع مطيرينها فوق

واسمع بسالفة الـ break in وان لها فوائد لشاشه الخ الخ



فياليت الي عنده خبره بالشاشه .. يعطينا انطباعات عنها

Sora Diersly
04-14-2011, 09:17 AM
هلا عزيزي احساس. شوف يالغالي, امش على ميزانيتك واللي تقدر عليه, انا انتظرت فترة واخذت شاشة (تقريبا على عماي صار الإختيار) لكن كنت حاط في بالي بعض الأساسات اللي تأكدت انها موجودة.
ماادري عن سالفة الهيرتز ولا اذكر اني ناظرت تلفزيوني لما شريته من هالناحية. انت شف اول شي نوع الشاشة (LCD او LED) البلازما ابعد عنها كثييييير! بقدر ماهي صافية لكن عمرها الإفتراضي ضعيف بحكم انها تعمل على سائل البلازما اللي راح تضطر تغيّر السائل هذا كل مايتآكل بعد الإستخدام الطويل, وتقريبا عمره الإفتراضي من ثلاث - خمس سنوات. بما انك بتستخدم الجهاز للجيمنج يعني يبيلك LED او LCD اكيد لأنها تعمل بطريقة مُختلفة وماتحتاج تغيّر اي شيء فيها, والعُمر الإفتراضي لها مابين 20-25 سنة.

بما اني انصحك بالـ LCD او LED طبعا بتسأل وش الفرق؟ الـ LCD هي نزلت قبل.. الـ LED تطوير للـ LCD انا جهازي LCD وشغال زي العسل وصفاوته رهيبة والـ respond فيه ممتاز! إذا تقدر على LED خذها.. لو ماتقدر .. عادي لأن الـ LCD يقوم بالواجب واكثر بعد! :) النقطة الثانية اللي لازم تنتبه لها هي الـ contrast ratio اللي هو التباين ودرجة اللون بين الأبيض والأسود, التباين مرة مُهم علشان يظهر لك التفاصيل والظلال وعُمق الألوان في اللعبة او حتى في التلفزيون والأفلام ألخ ألخ, فـ إذا تبغى شاشة مُحترمة لازم يكون فيها كونتراست ريشيو عالي (مثال: الكونتراست ريشيو حق شاشتي 75,000:1 واشوفه ممتاز! لو فيه اكثر خلّك طمّاع :w00t:) ويُفضّل انك تلجئ لـ Samsung إذا تبغى رخص + كونتراست ريشيو ممتاز = بعد بحث عميق ايام ماكنت ادور على تلفزيون, لقيت اجهزة السامسونج ارخص من سوني بمراحل! الله اعلم كيف وضعهم اللحين لكن تقدر تدخل موقع الشركتين وتقارن المواصفات والسعر وحجم الشاشة اللي يتناسب معاك.

حاجة ثالثة, الـ respond, فـ إذا تلعب حاجات شوتر أو كوره وتتطلب سُرعة ودقة, فـ لازم يكون فيه ريسبوند عالي جدا في التلفزيون اللي بتاخذه, لذا انتبه للرقم وحاول انه يكون اقل قدر مُمكن علشان يصير اللعب سلس وبدون تعليق. واخيرا حجم الشاشة, هذي ذوق شخصي ولا اقدر اقولك جب البوصة الفلانية علشانها افضل, اللي يقولك كذا ماعنده سالفة. اختار الحجم المُناسب بالنسبة لك واللي ترتاح له, اطلع للمحلات واوقف قدام الجهاز وابعد وتقدّم شوي واحكم بنفسك إذا الحجم تحسه مناسب لك او لا.

لكن لازم احذّرك عن معلومة قريتها في النت وكثير ناس قالولي عنها, ماادري إذا هي صحيحة او لا لكن حطها في بالك: الأحجام فوق الـ 52 انش/بوصة راح تسبب في انقسام بكسلة الشاشة, بحيث راح تقل دقّة الصورة كل ماكبر الجهاز اكثر من كذا. انا عن نفسي حميت نفسي من هالكلام وجبت سامسونج 46" والشاشة في اكتوبر الجاي راح تكمل سنة عندي وممتازة جدا في كافة مقاييسها, ماعمري اشتكيت من اي شي, وفيها مميزات رائعة و 5 مخارج HDMI ومخرجين كمبوننتس ومخرجين ذكر وانثى لكيبل PC وفيه Game Mode بحيث يسوي لك adjustment للإضاءة والألوان والدقة والريسبوند لمقاييس ستاندردز عالمية مُتفق عليها انها مُناسبة للجيمنج وكل شي على اروع مايكون! :)
(لاتنسى تتأكد ان تلفزيونك يدعم 1080p HDMI وإلا بتقشر بصل بدون HD gaming لكم سنة قدام :tongue:)

ولا انسى, حجم اكبر = لازم تبعد عن الجهاز شوي. ماراح اقولك زي كلام الدكاترة عن ضعف البصر ومدري ايش (رغم اني اقدر احلف انك تلبس نظارات اصلا لول) لكن الـ LCD + LED ضررهم يُعتبر اكبر من الشاشات العادية. وإذا انت من النوع اللي ينشب بالتلفزيون او غرفتك صغيرة ابعادها, اجل جب لك شي صغير مايضرّك لو قربت منه شوي. والنصيحة بجمل ;)


تعديل: لول توني اقرأ ردود الصفحة الثانية, تتهنّى بـ برافيا بالعافية حبيبي ;)

S n A k e
04-14-2011, 11:02 AM
شباب ناوي على الـPanasonic 50vT20 عليها عرض حلو 8000 ريال !!
لكن شفتها باكسترا اشوفها تطبع فيها كتابه للمنيو وانا اشوف فلم !!
مع اني ادخل النت اشوف الردود كلها مدح والمواقع مطيرينها فوق

واسمع بسالفة الـ break in وان لها فوائد لشاشه الخ الخ



فياليت الي عنده خبره بالشاشه .. يعطينا انطباعات عنها

هي شاشة ممتازة جدا لكن للقيمز خلك على LED بواقع التجربة

JIN KAZAMA
04-14-2011, 01:38 PM
سورا :)

كلامك جميل وصحيح , بس في نقطه حبيت اتكلم عليها :


اخيرا حجم الشاشة, هذي ذوق شخصي ولا اقدر اقولك جب البوصة الفلانية علشانها افضل, اللي يقولك كذا ماعنده سالفة. اختار الحجم المُناسب بالنسبة لك واللي ترتاح له, اطلع للمحلات واوقف قدام الجهاز وابعد وتقدّم شوي واحكم بنفسك إذا الحجم تحسه مناسب لك او لا.


شوف خذها قاعده 1080p ضروري يكون التلفزيون 40 بوصه وفوق عشان تلاحظ الفرق بينه وبين ال720p , يعني لو يجي واحد ويقول انا اريد تلفزيون فل هاي ديف
طوالي راح اقله خذ لك 40 بوصه وفوق عشان تستمتع بالفل هاي ديف , اما يجي واحد يقول 32 بوصه ويكون فل هاي ديف , اقله مافي داعي للفل هاي ديف خذ لك 720 احسن لك عشان لا تضيع فلوسك على شي ماراح تستفيد منه اساسا بمقاس تلفزيونك ! فالحجم اكيد هو ذوق شخصي بس ايضا يفرق في بعض الخصائص


وكمان نقطه ثانيه لاي شباب ناويين يشتروا تلفزيون ويشوفوا المواقع حق الشركات ( خصوصا سوني وسامسونج الشرق الاوسط ) , لا تحكموا منها فقط , يعني موقع سوني راح يخلي شاشتك احسن شاشه بالعالم من طريقة عرضه للمواصفات حقها عكس سامسونج الاغبياء اللي يخلوك تكره الشاشه اللي انت تريد تاخذها !! ( سوني تستعمل اسلوب ذكر المزايا -اللي هي عاديه - وتظهرها انها تقنيات حصريه للشركه , بينما سامسونج تكتب 50 خاصيه في المواصفات العامه
بعدين تقول لك هذي الخاصيه موجوده وهذي الخاصيه لا لدرجه انها تصيبك بالاحباط احيانا لول )

S n A k e
04-14-2011, 03:56 PM
شوف خذها قاعده 1080p ضروري يكون التلفزيون 40 بوصه وفوق عشان تلاحظ الفرق بينه
وبين ال720p , يعني لو يجي واحد ويقول انا اريد تلفزيون فل هاي ديف
طوالي راح
اقله خذ لك 40 بوصه وفوق عشان تستمتع بالفل هاي ديف , اما يجي واحد يقول 32 بوصه
ويكون فل هاي ديف , اقله مافي داعي للفل هاي ديف خذ لك 720 احسن لك عشان لا تضيع
فلوسك على شي ماراح تستفيد منه اساسا بمقاس تلفزيونك ! فالحجم اكيد هو ذوق شخصي بس
ايضا يفرق في بعض الخصائص


الكلام هذا اسمحلي غير صحيح في فرق بالرزلوشن حتى لو كانت الشاشة 3 بوصة مثل شاشة الايفون وقارن بين شاشة جوال اخر

وقارن بين شاشة لاب توب full hd وشاشة الرزلوشن فيها مو full hd بتلاحظ فرق كبييير ,, عموما اللحين اغلب شاشات التلفزيون من 32 وطالع اغلبها full hd واسعارها مناسبة ...

JIN KAZAMA
04-14-2011, 06:09 PM
الكلام هذا اسمحلي غير صحيح في فرق بالرزلوشن حتى لو كانت الشاشة 3 بوصة مثل شاشة الايفون وقارن بين شاشة جوال اخر

وقارن بين شاشة لاب توب full hd وشاشة الرزلوشن فيها مو full hd بتلاحظ فرق كبييير ,, عموما اللحين اغلب شاشات التلفزيون من 32 وطالع اغلبها full hd واسعارها مناسبة ...

لا مش شرط , في شاشات ال32 بوصه مش اي شخص يقدر يشوف الفرق بين ال720 وال1080 P , غير انك ضروري تكون على مسافه قريبه عشان تلاحظ الفرق !
يعني عشان تستمتع بالفل هاي ديف في شاشات ال32 بوصه ضروري تكون قريب من الشاشه !
انت عارف انه في مواقع مراجعه يقلك المحررين حقها انه عشان تستمتع فالهاي ديف الكامل ضروري يكون حجم الشاشه 50بوصه !! صحيح في فرق ( مش الكل يلاحظه) بس مايستاهل اني ادفع مبلغ مالي زياده عشانه :)

إحساس
04-14-2011, 07:11 PM
هلا عزيزي احساس. شوف يالغالي, امش على ميزانيتك واللي تقدر عليه, انا انتظرت فترة واخذت شاشة (تقريبا على عماي صار الإختيار) لكن كنت حاط في بالي بعض الأساسات اللي تأكدت انها موجودة.
ماادري عن سالفة الهيرتز ولا اذكر اني ناظرت تلفزيوني لما شريته من هالناحية. انت شف اول شي نوع الشاشة (LCD او LED) البلازما ابعد عنها كثييييير! بقدر ماهي صافية لكن عمرها الإفتراضي ضعيف بحكم انها تعمل على سائل البلازما اللي راح تضطر تغيّر السائل هذا كل مايتآكل بعد الإستخدام الطويل, وتقريبا عمره الإفتراضي من ثلاث - خمس سنوات. بما انك بتستخدم الجهاز للجيمنج يعني يبيلك LED او LCD اكيد لأنها تعمل بطريقة مُختلفة وماتحتاج تغيّر اي شيء فيها, والعُمر الإفتراضي لها مابين 20-25 سنة.

بما اني انصحك بالـ LCD او LED طبعا بتسأل وش الفرق؟ الـ LCD هي نزلت قبل.. الـ LED تطوير للـ LCD انا جهازي LCD وشغال زي العسل وصفاوته رهيبة والـ respond فيه ممتاز! إذا تقدر على LED خذها.. لو ماتقدر .. عادي لأن الـ LCD يقوم بالواجب واكثر بعد! :) النقطة الثانية اللي لازم تنتبه لها هي الـ contrast ratio اللي هو التباين ودرجة اللون بين الأبيض والأسود, التباين مرة مُهم علشان يظهر لك التفاصيل والظلال وعُمق الألوان في اللعبة او حتى في التلفزيون والأفلام ألخ ألخ, فـ إذا تبغى شاشة مُحترمة لازم يكون فيها كونتراست ريشيو عالي (مثال: الكونتراست ريشيو حق شاشتي 75,000:1 واشوفه ممتاز! لو فيه اكثر خلّك طمّاع :w00t:) ويُفضّل انك تلجئ لـ Samsung إذا تبغى رخص + كونتراست ريشيو ممتاز = بعد بحث عميق ايام ماكنت ادور على تلفزيون, لقيت اجهزة السامسونج ارخص من سوني بمراحل! الله اعلم كيف وضعهم اللحين لكن تقدر تدخل موقع الشركتين وتقارن المواصفات والسعر وحجم الشاشة اللي يتناسب معاك.

حاجة ثالثة, الـ respond, فـ إذا تلعب حاجات شوتر أو كوره وتتطلب سُرعة ودقة, فـ لازم يكون فيه ريسبوند عالي جدا في التلفزيون اللي بتاخذه, لذا انتبه للرقم وحاول انه يكون اقل قدر مُمكن علشان يصير اللعب سلس وبدون تعليق. واخيرا حجم الشاشة, هذي ذوق شخصي ولا اقدر اقولك جب البوصة الفلانية علشانها افضل, اللي يقولك كذا ماعنده سالفة. اختار الحجم المُناسب بالنسبة لك واللي ترتاح له, اطلع للمحلات واوقف قدام الجهاز وابعد وتقدّم شوي واحكم بنفسك إذا الحجم تحسه مناسب لك او لا.

لكن لازم احذّرك عن معلومة قريتها في النت وكثير ناس قالولي عنها, ماادري إذا هي صحيحة او لا لكن حطها في بالك: الأحجام فوق الـ 52 انش/بوصة راح تسبب في انقسام بكسلة الشاشة, بحيث راح تقل دقّة الصورة كل ماكبر الجهاز اكثر من كذا. انا عن نفسي حميت نفسي من هالكلام وجبت سامسونج 46" والشاشة في اكتوبر الجاي راح تكمل سنة عندي وممتازة جدا في كافة مقاييسها, ماعمري اشتكيت من اي شي, وفيها مميزات رائعة و 5 مخارج HDMI ومخرجين كمبوننتس ومخرجين ذكر وانثى لكيبل PC وفيه Game Mode بحيث يسوي لك adjustment للإضاءة والألوان والدقة والريسبوند لمقاييس ستاندردز عالمية مُتفق عليها انها مُناسبة للجيمنج وكل شي على اروع مايكون! :)
(لاتنسى تتأكد ان تلفزيونك يدعم 1080p HDMI وإلا بتقشر بصل بدون HD gaming لكم سنة قدام :tongue:)

ولا انسى, حجم اكبر = لازم تبعد عن الجهاز شوي. ماراح اقولك زي كلام الدكاترة عن ضعف البصر ومدري ايش (رغم اني اقدر احلف انك تلبس نظارات اصلا لول) لكن الـ LCD + LED ضررهم يُعتبر اكبر من الشاشات العادية. وإذا انت من النوع اللي ينشب بالتلفزيون او غرفتك صغيرة ابعادها, اجل جب لك شي صغير مايضرّك لو قربت منه شوي. والنصيحة بجمل ;)


تعديل: لول توني اقرأ ردود الصفحة الثانية, تتهنّى بـ برافيا بالعافية حبيبي ;)

الله يعافيك .. كلامك جدا جميل والحمدلله اني ما خذيت البلازما على قولتك ..

حجم شاشتي 32 بوصه .. وللأمانه الشاشه جدا ممتازه في كل شي .. أفلام او مسلسلات او العاب او اي شي .. الشاشه جدا جدا ممتازه .. يمكن فيها عيب غريب واللي الى الآن ماني لاقيله حل واللي هو سبق الصوت لـ الصوره بجزء من الثانيه .. وهالشي مايطلع في الألعاب .. لا .. يطلع لما اشبك الكمبيوتر واشوف الأفلام .. واضح مره ان الصوت سابق الصوره بجزء من الثانيه .. ومدري وش السبب صراحه .. مدري هو انا مريض نفسيا ولا فعلا الشاشه كذا *_*

لكن عموما تعودت على هالشي .. الأمر صار طبيعي جدا وصرت اشوف الشي وانا مستمتع الحمدلله ..

وعلى فكره .. شاشتي 1080 .. والبس نظاره :laugh::

chris
04-21-2011, 05:06 AM
لاصحاب الخبرة :confuse:
اشتريت من اسبوع شاشة LED من LG نفس الي الموجودة في الرابط >> http://www.lg.com/id/tv-audio-video/television/LG-led-tv-42LE5300.jsp
ولمن جبتها اول يوم حسيت انو في شي غلط قلت ممكن اتعود عليه بعد فترة .... بس للامانة الصورة جدا حلوة ونقية جداا .
بس اليوم الي بعدو والي بعدو واليين اليوم كل ما اتفرج عليها عيوني تعورني واحس اني احول او يجيني صداع :confuse: ... وللمعلومية غرفتي تقريبا 6X6 او 7X7 ... وقلت ممكن مساحة الغرفة هيا السبب !! .
فكرت ابدلها بشاشة سامسونج LED 37 بوصة لانو سامسونج لمن شفتها جودتها اعلى صراحة بس طمعت في الLG عشان الحجم -___- وكان سعرها حلو .
فا ايش رايكم ابدل الشاشة واخد اضغر .. وكم بوصة تنصحوني اخد .. وايش رايكم في مواصفات الشاشة الموجودة في الرابط :innocent:: ؟!
واذا في اي نصايح مهمة تاني ياريت تعطوني فكرة عنها في اقرب وقت .

Unknown
04-21-2011, 05:32 AM
^
^
حجم الغرفه على حجم التلفزيون ماله دخل ابدا

اغلب الي يشتكوا مثل كلامك .. هم الي غالبا مطفين انوار الغرفه او تكون الاضائه خفيفه
وهنا اضائة التلفزيون القويه غالبا السبب .. بتعمل اجهاد على العين ومنها توجعك او تدمع

جرب تخفف السطوع والالوان شوي .. ممكن انت مزود المعيار خاصه الاخيره لول

Sora Diersly
04-21-2011, 05:33 AM
7x7 حجم مرة مناسب لغرفة مع شاشة حجمها 42 بوصة, شكلك تلزق بالتلفزيون P:
عموما شوف وش اللي يتناسب معاك, انا عن نفسي ماادري وش سالفة LG من ناحية تقنياتهم لكن انا استخدم سامسونج ومرة مرتاح مع شغلهم (ولو انهم شوي غالين في بعض موديلاتهم) بس عموما مااقدر اقول شي مالي خبرة فيه صراحة, همممم...... :(

chris
04-21-2011, 06:17 AM
^
خففتها .... بس برضو نفس الشي -__-

chris
04-21-2011, 06:23 AM
7x7 حجم مرة مناسب لغرفة مع شاشة حجمها 42 بوصة, شكلك تلزق بالتلفزيون P:
عموما شوف وش اللي يتناسب معاك, انا عن نفسي ماادري وش سالفة LG من ناحية تقنياتهم لكن انا استخدم سامسونج ومرة مرتاح مع شغلهم (ولو انهم شوي غالين في بعض موديلاتهم) بس عموما مااقدر اقول شي مالي خبرة فيه صراحة, همممم...... :(

ههههههههههههه بالعكس والله احاول ابعد عنها على قد ما اقدر .... انا التلفزيون الي قبلو كان سامسونج 32 بوصة وكنت مرتاح معاه مررة بس انو عيبو ما كان فل اتش دي والهيرتز تبعو 60 ... فا كان متواضع شوية من ناحية المواصفات .

chris
04-21-2011, 08:47 AM
اوك شباب شكرا عالمساعدة ....
جلست حست في الاعدادات +__+ الين طلعت بي نتيجة الحمد لله ... واحس دحين بفرق
وفعلا الاضاءة عندي كانت مو كويسة وصلحتها ...

Youssef90
04-21-2011, 10:34 AM
الي اعرفه البلازما فرق السما عن الأرض في سرعة الصورة عن الأل سي دي وال اي دي

لكن البلازما صارت قديمه وغير كذا انعكاس النور عليها شيء يقرف جداً ما هي علمية وعمرها قليل (مع العلم انها الأفضل للألعاب السريعه)

الأل سي دي وال اي دي افضل من حيث دقة الشاشة وصفاوتها

chris
04-21-2011, 11:50 AM
البلازما شي طبيعي انها اسرع في الصورة لانها 600 هيرتز !!!
بس ترا البلازما اتطورت عن اول بكتير خصوصا موديلات 2010 لمن شفتها حسبتها LED اول مرة ... وسارت مدتها اكتر على حسب كلام البايع الي في وكالة سامسونج قال الموديلات الجديدة توصل ممكن للعشرة سنين ,

chris
04-21-2011, 12:06 PM
احد يقدر يساعدني ويجيب ليا افضل اعدادات للتلفزيون تبعي http://www.lg.com/id/tv-audio-video/television/LG-led-tv-42LE5300.jsp
عشان اشوف باحلى صورة :crying: .

chris
04-24-2011, 11:15 AM
لاصحاب الخبرة :tongue:
ايش رايكم في مواصفات الشاشة دي في افلام البلوراي و الثري دي والجيم كمان
http://www.lg.com/us/tv-audio-video/televisions/LG-plasma-tv-42PW350.jsp
لانو لمن شفتها كانو حاطينها جمب شاشة LED وصراحة ما كان في فرق يذكر في وضوح الصورة بينهم !!!!

S n A k e
04-25-2011, 04:28 AM
http://www.gadgetlite.com/wp-content/uploads/2010/03/634016477810736000samsung700046-3d.jpg
LED

هذه الشاشة تمتلك
افضل شاشة موجودة بالسوق حاليا وعليها خصم في اكسترا ب8999 ريال

BioMario
04-25-2011, 05:49 AM
أحسن شاشة سامسونج في السوق Samsung D8000 ومن سوني NX815

chris
04-25-2011, 09:56 AM
http://www.gadgetlite.com/wp-content/uploads/2010/03/634016477810736000samsung700046-3d.jpg
LED

هذه الشاشة تمتلك
افضل شاشة موجودة بالسوق حاليا وعليها خصم في اكسترا ب8999 ريال

ناوي عليها ان شا الله بس لمن ينزل سعرها شويتين

Q8_Gamer
04-25-2011, 10:14 AM
سامسونق ولا سوني

تاهو ولا يوكن

سوني ولا اكس بوكس

الله لا يحير مسلم :confuse: ,, والله يا اخوان هذي مشكله كبيره خصوصا بعالم الالكترونيات تلقى سلع كثيره تتشابه لكن الحل انك :

تحدد الميزانية اهم شي لانك كل مره بتقول الفرق بسيط وراح تلقى نفسك وصلت للأغلى لاشعوريا وتشوفه الافضل :nerd:

لايهمك جودة الشاشه بالمعرض ترا مرات يلعبون بالاعدادات علشان تشتري الاغلى وانا شايفها باكثر من معرض (مره تليقفت ودخلت على الاعدادات وعصب الموظف :laugh::)

دائما لما يكون فيه تقنية جديده حاول انك ما تستعجل يمكن يكون فيه عيوب

استخدامك للمنتج كمبيوتر ولا قيمنق ولا افلام ولا رسيفر ولا للمجلس ترا تفررررررررق كثيييييير من ناحية السعر والاستفاده من المواصفات

مثلا شاشات الكمبيوتر توصل الى ريزيليوشن 2560x1600 بينما شاشات الـ LCD والبلازما 1080×1920 فإذا خيارك للكمبيوتر ماراح تستفيد من قوة كرت الشاشه

لو كاان استخدامك لمجلس(دوانية) فالبلازما 1 ميقا بيكسل كافي حتى لقنوات الـ HD كالجزيره الرياضية وقنوات الOSN HD *عندي LG 50 بوصه بلازما 1ميقا بيكسل كونتراست 3000000:1 يعني نفس الـLED*

قبل كان عدد ساعات التشغيل من صالح الـ LCD لكن الحين عدد ساعات التشغيل تقريبا متقاربة

تحصل العيوب المصنعية بالـ LCD والـ LED اكثر منها بالبلازما

خذ بالك من المميزات اللي لايمكن انك تستفيد منها(من وجهة نظري) مثل

تشغيل الملتيميديا عن طريق الـUSB , إمكانية تصفح الـ YouTube , او مدخل الـ SD Card , او الربط الاسلكي . كلها ترفع السعر

بالاحجام الـ LCD مايسوي اكبر من 46 بوصه والبلازما مايسوى اقل من 50 بوصه

لما تاخذ هالامور بعين الاعتبار راح تقلل الاختيارات بشكل كبير وراح يسهل عليك الاختيار بإذن الله

معلومه قد تكون خاطئه لكن كثير ما اسمعها ان جميع شاشات الـ LCD بالعالم هي من صنع SamSung اقصد الـ Panel بس شركة LG تصنع لنفسها كون برائة الاختراع لشركة SamSung

هذا والله اعلم

Koncepto
04-27-2011, 06:00 AM
معلومه قد تكون خاطئه لكن كثير ما اسمعها ان جميع شاشات الـ LCD بالعالم هي من صنع SamSung اقصد الـ Panel بس شركة LG تصنع لنفسها كون برائة الاختراع لشركة SamSung
سامسونج بنفسها وأغلب إن ما كان كل الشركات تنزل شاشات ببانلات من مصانع مختلفة لتخفيض التكلفة أو لتغطية الطلب أو تخفيف الضغط أو لعدة أسباب أخرى مثل تنوع الأقاليم أو حتى لنوعية البانل نفسه وجودته - مثل IPS, VA و TN. وزي ما قلت لكل شركة منهم تخصص بنوعية أو نوعيات من البانلس وبراءة إختراع ولو ذكرنا أسماء فلازم نذكر AUO, ChiMei, CPT, Sharp, Samsung, LG, IPS هذول اللي أذكرها حالياً وهم الأشهر في مجالهم وكلهم مصانع متخصصة وتبيع لبعضها البعض على حسب الحاجة :)

Utx
04-27-2011, 01:10 PM
لو كاان استخدامك لمجلس(دوانية) فالبلازما 1 ميقا بيكسل كافي حتى لقنوات الـ HD كالجزيره الرياضية وقنوات الOSN HD *عندي LG 50 بوصه بلازما 1ميقا بيكسل كونتراست 3000000:1 يعني نفس الـLED*


الكونتراست أشوفه قليل شوي ومايتقارن بالـ LED
الـ LED ممكن أقل شئ 6000000:1
ممكن الميزة الوحيدة في البلازما هي الموشن فلو ,أعلى بكثير من الـ LCD , LED
كتقنية 3D أشوف البلازما أفضل من الـ LCD , LED
و كوضوح HD و الألوان الـ LCD , LED أفضل هنا

بس أهم شئ عشان تحدد النوع الي تشتريه هو كيف حتستخدم الشاشة
اذا تبيها للمجلس و الدش و قنوات الاتش دي العادية .. أشوف البلازما أفضل لك
اذا للجيمز و البلوراي أشوف الـ LCD , LED أفضل لك

أما أفضل شاشة بالنسبة للي في السوق هي LG Full LED

http://farm5.static.flickr.com/4148/5063518330_1a39a3bb96.jpg

مواصفات جداً رائعة و ألوان رهيبة و هذا الكلام أقوله عن تجربتي لها .. بس يعيبها سعرها الغالي جداً

الكونتراست 10,000,000:1
الموشن 400Hz
و طبعاً 3D

S n A k e
04-28-2011, 06:37 PM
الكونتراست أشوفه قليل شوي ومايتقارن بالـ LED
الـ LED ممكن أقل شئ
6000000:1
ممكن الميزة الوحيدة في البلازما هي الموشن فلو ,أعلى بكثير من الـ
LCD , LED


جهازي LED الموشن فلو 600hz كنت قبل افكرها 240 لكن لما شريت الشاشة تفاجئت ان الموشن فلو يوصل الى 600 ومكتوبه بالكتلوج حتى بموقع سامسونج

في جهاز LED 46 بوصة جديد 2011 لونة رصاصي الكونتراست يوصل فيه الى 25,000,000 مليون والهرتز يوصل الى 720hz هذا نزل في امريكا بس عندنا ماوصل وشكلة مطوول

الLED بعد التجربه اشوفة افضل من البلازما و الـLCD بالقيمز والافلام بعد التجربه , قبل كنت متوقع البلازما في القمة لكن LED افضل بالعين والوضوح والالوان ودرجة السواد الخياليه لدرجة بعض الاحيان احس ان الشاشه طفت ااذا جا مقطع اسووود

Q8_Gamer
04-29-2011, 12:50 PM
قبل كم يوم مريت معرض الكترونيات اسمه بيست (شركة يابانية) بالكويت

لقيت عندهم بالازما باناسونيك 42 FULL HD 3D والسعر كان خيالي بس 600 ديناااار يعني حوالي 8200 ريال :surprised:

وكانو مشغلين سوكوم 4 والـ 3D كان واااو .... من قبل كنت مجرب الـ 3D على السامسونق LED بس حسيت الباناسونك افضل واعمق

افكر فيه بصراحه وفيه كل المواصفات اللي ابيها + السعر الخيالي والفارق بين سعر الاجهزه الثانيه :smug:

S n A k e
04-29-2011, 10:07 PM
^
^
غالي .. عندنا 50 3d بوصة 8000 الاف ريال

Utx
05-01-2011, 01:18 PM
من قبل كنت مجرب الـ 3D على السامسونق LED بس حسيت الباناسونك افضل واعمق

3D على البلازما أشوفه أفضل من الـ LED
أتوقع ممكن لأنه الموشن فلو في البلازما أفضل

بس مثل ماقلت .. حرام تدفع في البلازما سعر غالي لأنه كألوان و HD أشوف الـ LED يتفوق عليه و هالأشياء أشوفها أهم من الـ 3D

عاشق 360
05-15-2011, 05:31 PM
شباب محتار , شفت تلفزونين من سوني واحد 40 بوصه 3دي led والثاني lcd 46 بوصه .

نوعهم : المشكله مو متأكد من الموديل الي كتبته من المحل

KDL-46CX520 << هذا 46 بوصه ال سي دي

KDL-40EX720 << وهذا 40 بوصه LED 3D


شنو اخذ ؟

تعديل : هذي الموديلات