hits counter

الموضوع الرسمي : ابي رجيم !!

Khalid

True Gamer
حبيت افتح هذا الموضوع لأني حالياً قاعد اسوي رجيم و حبيت استفيد .. و هدف الموضوع هو كل واحد يقول تجربته مع الرجيم و شنو كان رجيمه بالظبط و كم نزل من وزنه ؟ عشان الكل يستفيد .. انتظر آرائكم ؟ :smile:
 

s3rorh

True Gamer
لو مخليه الموضوع الرسمي للصحه واللياقه يكون أفضل ... خاصه وانه في شباب يلعبون حديد هني + ناوين يفتحون موضوع
 

Khalid

True Gamer
^
الناس اللي يعانون من السمنه اكثر من اللي يبون يعضلون و ينتفخون .. و الموضوعين مختلفيين كلياً
 

The Doctor

Once a Voyager on a Cursed Sea
اسمح لي بس العنوان غبي... اللي يبغى فعلاً يخفف وزنه يروح لمختص و يعلمه كيف ينزل وزنه من دون ما يضر بصحته

آخر مكان تدور عنه لصحتك هو الانترنت
 

HDNA

Ulfsaar
إحباط لكن كلامه صحيح
 

Mada Mada Dane

True Gamer
والله يا صديقي إحنا بالهواء سوا .. صحيح الناس يقولون ماني دب لأنع ممكن مو مبين علي .. لكن والله إني سمنان كثير, وأنا شخصياً أشعر بهالشئ و ما أحد يعرف جسمي أكثر مني و من الميزان ..

في رجيم مشهور بأمريكا, و ما أعتقد إنه مضر للصحه وهو جاي من Nutritionist .. إني بدون تفاصيل كثيرة يقول أكل الي تبي من الدهون, حتى الجبن عادي ولازم يكون كامل الدسم ..
لكن هيهات هيهات بالـ نشويات ( الخبز و الأرز ) و الخضروات الغير خضراء ( طماط ) و الكتب ( بس ماينيز عادي ) ..
ما أتذكر إسمه لكن ممكن أحد الموجودين يعرفونه و يرسلون وصلة تفيد, بعض الشباب الي أعرفهم جربوه و كانت النتائج مرضية جداً ..
 
والله انا جربت كل ما اقدر اجربه من طبيعي وكيميائي بس يا اما ما اطول با ما الوقت غلط ومافي نتيجة
لي فترة بسوي فحص غدد والى الان ما فحصت عشان اشوف وش السالفة خصوصا اني امشي والحمدلله -__-
 

Painkiller Q8

True Gamer
اسمح لي بس العنوان غبي... اللي يبغى فعلاً يخفف وزنه يروح لمختص و يعلمه كيف ينزل وزنه من دون ما يضر بصحته

آخر مكان تدور عنه لصحتك هو الانترنت

صح !!

اخوي خالد .. اانا مستعد ادلك على طريق تخفف فيه وزنك "فعلا" مو كلام فاضي .. بس المشكله ان اسعارهم غاليه .. الشهر 85دينار .. او اشترك نفسي 200دينار 8 شهور

عياده مختصه في الرجيم (رجيم سنتر) ادبرلك رقمهم .. شنو يسوون؟؟؟

1 - يحطونك على جهاز قياس يعطيهم قرائه "شامله" بمعنى الكلمه تبين نسبه (الدهون - العضلات - السوائل - العضام - كل شي..الخ
2 - من خلال هذا الجهاز (التكتور راح يعرف طبيعة جسمك وشنو الي | يرفع وزنك | يقلل وزنك | يثبت وزنك |....الخ
3 - من خلال فهم طبيعة جسمك .. راح يعطيك رجيم "خاص" لك انت .. وراح يقولك بالضبط كم كيلو راح تنزل في اول أسبوع .. وثاني اسبوع...الخ
4 - راح يكون على علم كم الفتره الي انت تحتاجها للوصول إلى وزنك الطبيعي أو المثالي...
5 - يعطيك حبوب خاصه (فيتامين "علشان جلدك مايترهل ولايصير سواد تحت عيونك ولايتصاقط شعرك" + أل-كرياتين "حارق الدهون يساعد على تعديل حرق الدهون خصوصا المخزنه في جسمك من زمان وليسه الجديده)
6 - يعطيك "كاكاو" + "عصير" + "قهوه"....الخ كلها منتجات محلاه بدون سكر
7 - كل اسبوع يغير لك الرجيم علشان ما تمل + الرجيم الاسبوعي قابل للتغيير لانه جدول يتكون من 5 ايام وتختار بكيفك
8 - الرجيم صحي جدا .. والدليل انه ينزل وزنك عن طريق "الاكل" وليس "الحرمان" او الرياضه المكثفه. (مثال قالي انت زايد 2 كيلو عضل لازم ماتسوي رياضه اسبوعين) لان رجيمه دقيق جدا مايبيك تزيد في العضلات على حساب انقاص الوزن في الرياضه الخاطئه.
9 - يعطيك معلومات كثيره منها (هل تعلم ان الي عندهم سمنه بمعدل 30+ كيلو شحوم معرضين لأمراض (السكر - ضغط الدم - الضغط...الخ ؟؟) لان جسمك مليان شحوم وانت تاكل "خبز+ حلويات فالجسم راح يفرز انسولين بكثره طول عمرك مما ينتج عن ذلك ان فرز الانسلين في جسمك تدهور ولما يصير عمرك 35+ تبدأ فيك اعراض السكر والضغط ... اكثر الناس يقولون الله يقطع الزواج جابلي المرض .. مايدرون ان السبب الرئيسي هو الاكل الكثير والسمنه!

10 - لول ماراح اخلص لو اقول كل المعلومات الي عندي

الرجيم بختصار (ينزل وزنك 5 كيلو بأول اسبوع)
الفطور:
مرتدلا 3 شرائح + 2 قطه جبن خالي الدسم + مشروب قهوه او شاي اخضر (تقدر تبدل المرتدلا بـــ بيضه وحده أو تونه علبه صغيره"بالماء")
الضحى:
شاي أخضر أو قهوه مع قطعه كاكاو محلاه
الغداء:
مشوي (ستيك لحم أو دجاج أو سمك) 250 لي 300 درام + سلطه
المغرب
خضره + شاي او قهوه
العشاء:
نفس الافطار بالضبط

الممنوعات
1- (الخبز بكل انواعه والنشويات بسكوت و..الخ)
2- الملح والسكر ... منعا باتا , وخصوصا الملح ممنووووووووووووع لانه يمنع من نزول السوائل في الجسم
3- الفواكه ممنوعه .. العصائر ممنوعه

اللعب كينكت او مارس رياضه خفيفه 40 دقيقه في اليوم (إختياري) انت نازل نازل حتى بدون رياضه
الي ناقص عليك هو الحبوب (الفيتامينات + ال_كيرياتين (مادري من وين تحصلهم اذا مو مشترك
ان شاءالله ماكون نسيت شيء
الحين تقدر تغلق الموضوع ^.^ واذا تبي شيء انا موجود هني والمسنجر والفيسبوك ..
 

Da S.O.S

True Gamer
^
الحين تقول صح روح لدكتور بالبولد وعلامات تعجب وبعدين تحط له نظامك الغذائي الخاص؟
بالإضافة إلى ان الـ Creatine ما يحرق لك دهون ولا شئ, الكرياتين يساعد ببناء الكتلة العضليه بالجسم عن طريق أمداد الخلايا العضليه بالطاقة , وأخذه على فترة طويلة يسبب مشاكل بالكلى ولخبطه بإفراز الأنسولين و و و..
حبوب الملتي فايتامنز موجودة بالصيدليات ومن المستحسن ان كل الناس تاخذها بشكل عام, خصوصا الي غذائهم غير متنوع.

كذا ليش عزيزي خالد اتركك من خرابيط وفتاوى الإنترنت, وروح لأخصائي غذائي وهو بيسوي لك كل شئ.
 

alakafi

True Gamer
1- النوم الجيد
2- الأكل الصحي خمس وجبات او اربع وجبات في اليوم مقسمة على عدد احتياجك اليوم من السعرات الحرارية الي تقدر تعرفه من مواقع كثير
3- ثلاث او اربع مرات في الأسبوع كارديو
4- لعب الحديد علشان ماتخسر عضل وانت تنحف لأنه العضل ضروري في حرق الدهون

هذه الأساسيات الأربعة الي يقوم عليها اي رجيم صحي



ولا تسمع الي يقولك لازم تروح لمختص وكلام فاضي , كثير يمكن ملاين من الناس خسروا وززن بدون مختص ودفع فلوس

بعطيك موقع راح يفيدك اقرأوا مزبوط bodybuilder.com وخصوصا المنتدى

صدقني الموضوع سهل

تعليق :

الرجيم بختصار (ينزل وزنك 5 كيلو بأول اسبوع)

مع احترامي للأخ باين كيلر انتبه من هذه الرجيمات العربية الفاشلة هذه الي حيضيعك , مخاطر جسمية ونفسية كبيرة راح تصيبك منها

لا تقرأ مواقع عربية اقرأ الموقع الي عطيتك اياه

جوود لك
 

Saadawii

True Gamer
رجيم: رح على رجلينك لأخصائي تغذية، وارجع على رجلينك بعد ما تأخذ رأيه.
 

AS-HI

Banned
انا مافي شي غلط بجسمي الا هالكرش اللي ظاهر ناط طاب عرض وشلون اخليه يروح انا اول مرة اشوف جسم ضعيف بكرش ساعدوني يالي ماعندكم كروش :(
 

Xeon-Q8

True Gamer
مادري الشباب بينزلون موضوع عن الفتنس وكمال الأجسام ولا لأ ..
عندي تجربه مميزه في التخسيس .. خساره دهون مع المحافظه على العضل واهم شي التخلص من الدهون صوب المعده :happy:

كلام بينكيلر صحيح .. والرجال حط برنامجه الخاص .. ماقالكم التزمو فيه ..

الحين الموضوع بيتقفل ولا ناووين تكملو ؟؟
 

Painkiller Q8

True Gamer
^
الحين تقول صح روح لدكتور بالبولد وعلامات تعجب وبعدين تحط له نظامك الغذائي الخاص؟
بالإضافة إلى ان الـ Creatine ما يحرق لك دهون ولا شئ, الكرياتين يساعد ببناء الكتلة العضليه بالجسم عن طريق أمداد الخلايا العضليه بالطاقة , وأخذه على فترة طويلة يسبب مشاكل بالكلى ولخبطه بإفراز الأنسولين و و و..
حبوب الملتي فايتامنز موجودة بالصيدليات ومن المستحسن ان كل الناس تاخذها بشكل عام, خصوصا الي غذائهم غير متنوع.
كذا ليش عزيزي خالد اتركك من خرابيط وفتاوى الإنترنت, وروح لأخصائي غذائي وهو بيسوي لك كل شئ.

أول شيء انا أأكدت عليه انه يروح للدكتور علشان يعرف حالته .. والدكتور يعطي النظام الي ذكرته في أول اسبوع لكل المرضى بشكل عام (لتطيير الشحوم الجديده والسوائل) بأول اسبوع لتمهيد الجسم للحميه .. ومن اول أسبوع المتوقع 5 كيلو .. لكن تختلف من شخص إلى آخر بعضهم 3 كيلو فقط .. وبعدين يعمل أختبار ثاني ويقارن القياسات وارقام الجهاز من قبل الرجيم ومن بعد اول اسبوع .. وبعدها يعطيك رجيم "خاص" فهمت؟؟

حبوب الكرياتين .. على قولتك تمد العضلات بالطاقه "مما" يساعد على حرق الدهون ... وفعلا استخدامها لفتره طويله له اعراض جانبيه .. بس الدكتور ماراح يقولك اخذها طول عمرك .. بس فتره بسيطه (وترى السمنه تعتبر مرض) فمافيه مشاكل ان انسان ياخذ دواء يسبب اعراض (يمكن التحكم فيها) حسب الاستخدام .. مثال الي يعالجون بالكيماوي .. ماتدري شنو اعراض الكيماوي؟؟ احسن لك ماتعرف .. لاكن يتم علاجهم في مواد ضاره وهذا شيء روتيني وعادي

انا قلتله روح للدكتور .. مو اسمع كلامي وامش عليه -___- .. وكلامي ماكان فتاوي كان تجربه


مع احترامي للأخ باين كيلر انتبه من هذه الرجيمات العربية الفاشلة هذه الي حيضيعك , مخاطر جسمية ونفسية كبيرة راح تصيبك منها
لا تقرأ مواقع عربية اقرأ الموقع الي عطيتك اياه
جوود لك
[/QUOTE]

انا ما استخدمت Google ، مواقع عربيه ولاشيء .. انا رحت لأخصائي "دكتور" تغذيه واعرف ناس عنده من شهور وشفت النتائج بعيوني @_@ كلهم ضعفوا وصحتههم ممتازه
وازيدك من الشعر بيت .. الحين بعضهم ماشي على نظام من نفس العياده لمده شهرين اسمه (تثبيت الوزن) هذا يخليك ترجع للحياه الطبيعيه وتاكل براحتك ومايزيد وزنك

انا لما قلت 5 كيلو ... هذا في اول اسبوع فقط .. نزول سريع وبعدين يصير بطيء من 1 إلى 2 كيلو بالاسبوع .. وهذى يعتبر ممتاز

بالعكس... تروح لأخصائي يعرف البلاوي الي في جسمك احسن من انك تألف رجيم وبدال ماتعدل جسمك .. تخربه ويصير مترهل وتقول يليتني متين :(

اخوي كان وزنه فوق الــ90 والحين ماشاءالله عليه 68 وجسمه فت ممتاز ورياضي والحمدلله .. كان يسوي رجيم من مزاجه مع رياضه مكثفه ... اوي ضعف ووصل للي يبي .. لكن لما عمل فحص شامل اكتشف ان عنده اخطاء كثيره في جسمه
نقص كولسترول
نقص في معدل الدهون ب 4 كيلو !
زياده في السوائل 7 كيلو << انصدم تالدكتور !
ضغط
ترهل في الجلد
سواد تحت العيون
تصاقط شعر

قاله الدكتور "عام" قال المفروض تمشي على نظام تحت اشراف دكتور مو على كيفك ... ترا اذا فيه ايجابيات ونزل وزنك ترا فيه عكسيات ماتدري عنها ولما تألف رجيم
 
التعديل الأخير:

Madainee

True Gamer
المشكله مش اي وصفه رجيم راح تكون مناسبه لكل شخص , كل واحد له رجيم خاص له اكلات تسمنه تختلف من الثاني عشان كذا انصح بزيارة اخصائي افضل من الوصفات الي ماتودي ولا تجيب .
 

Da S.O.S

True Gamer
أول شيء انا أأكدت عليه انه يروح للدكتور علشان يعرف حالته .. والدكتور يعطي النظام الي ذكرته في أول اسبوع لكل المرضى بشكل عام (لتطيير الشحوم الجديده والسوائل) بأول اسبوع لتمهيد الجسم للحميه .. ومن اول أسبوع المتوقع 5 كيلو .. لكن تختلف من شخص إلى آخر بعضهم 3 كيلو فقط .. وبعدين يعمل أختبار ثاني ويقارن القياسات وارقام الجهاز من قبل الرجيم ومن بعد اول اسبوع .. وبعدها يعطيك رجيم "خاص" فهمت؟؟

حبوب الكرياتين .. على قولتك تمد العضلات بالطاقه "مما" يساعد على حرق الدهون ... وفعلا استخدامها لفتره طويله له اعراض جانبيه .. بس الدكتور ماراح يقولك اخذها طول عمرك .. بس فتره بسيطه (وترى السمنه تعتبر مرض) فمافيه مشاكل ان انسان ياخذ دواء يسبب اعراض (يمكن التحكم فيها) حسب الاستخدام .. مثال الي يعالجون بالكيماوي .. ماتدري شنو اعراض الكيماوي؟؟ احسن لك ماتعرف .. لاكن يتم علاجهم في مواد ضاره وهذا شيء روتيني وعادي

انا قلتله روح للدكتور .. مو اسمع كلامي وامش عليه -___- .. وكلامي ماكان فتاوي كان تجربه
امداد العضلات بالطاقة لا يعني حرق الدهون, يعني حمايتها من قلة مصادر الطاقة بسبب المشي على نظام غذائي خالي من الدهون, علشان ما تفقد كتلتها.

بالنسبه للأعراض الجانبية, انا طالب طب وجراحة, وأخذت كورسين فارماكولوجي على مر سنتين.. ما يحتاج تشرح لي وش معنى أعراض جانبية.

كل تعليقي كان على المعلومه الخاطئه والتناقض العجيب بطلبك انه يروح لدكتور وانك تحط له نظامك الغذائي, وعلى انه يساعد نفسه ويروح لأخصائي لا يجيب بنفسه العيد من وصفات الأنترنت.
 

Painkiller Q8

True Gamer
^
أرد وأقول انا قلتله يروح للدكتوووووور وهو يشخص حالته واحتياجاته
ذكري للنظام المبدئي كان مجرد توضيح البرنامج الموحد لكل المرضى هناك .. وهو تهيئة الجسم للحميه "الخاصه" القادمه الي راح تبين من خلال التحليل الاول + استجابة الجسم للنظام

ترا انا مارحت على عماي ومشيت على رجيمه .. انا دافع 200 دينار مبلغ مو بسيط .. ومسكت كل الحبوب وقريت عنا في الانترنت وعرضتهم على أصدقائي خريجين طب وكلمتهم وأختي الكبيره وصديق صيدلاني .. لاني خواف وماحب اخذ اي حبوب حتى البانادول اتجنبه .. اول واحد قالي الكرياتين يجمع مواد في الكلى ويضر ولكن على مدى طويل .. بس شرب الماء بكثره + اتباع الدكتور لاتخاف منها .. ولا كان ممنوعه من قبل وزرارة الصحه في الكويت... وواحد ثاني قال هي تمد العضلات في الطاقه يعني عضلاتك راح تكون بحاله افضل "مما" يساعد على اداء افضل في الحركه وحرق الدهون .. يعني مو شيء دايركت ... ردي ماكان فيه تناقض ولاشيء مجرد ذكر كل الي اعرفه عن تجربه

انا اذكر خالد لي من شهوووووووور انه مسوي رجيم من نفسه وماكو فايده .. حبيت ابينله الطريق الصحيح
عموما طولناها وهي قصيره .. اهو عقله براسه ويعرف خلاصه
 
التعديل الأخير:

SPIRIT X360

Hardcore Gamer
طيب شباب دلوني على افضل اخصائي تغذيه في الرياض لان وزني طاق فوق نقريبا 30 كيلو زياده عن المعتاد, او الصحي إن صح التعبير .
 

Vorg Zangief

True Gamer
لا تاكل عيوش . خبز . صمون (اي شي فيه نشويات ابعد عنه)
احصر اكلك بالخضار و اللحوم . و ممارسة الرياضة .
اعتقد هالطريقة تمشي مع الجمييييييييييييع دوم استثناء
 

ALONE

True Gamer
اه كم اكره الرجيم

ياليتني مثل الشباب الي اعرفهم يأكل اكل الحوت

ومايزيد ولاكيلو وجسمه رهيب جدا ماشاء الله

انا ليه قابل للسمنه :( :sadwalk:

كنت مسوي رجيم ورياضه الين قبل عيد الأضحى سافرت الشرقيه وخربتها شوي

والحين باقي مخربها وماشي بدون رجيم واحيانا اسوي رياضه والعب كينكت

احس مافيتي حيل ارجع للرجيم

وللأسف اظني زدت 2 كيلو خلال هل الفتره :(

يارب اصير غير قابل للسمنه يارب


اتمنى البشريه تكتشف علاج يثبت الجسم ويخليه غير قابل لزياده الوزن

ا
 
التعديل الأخير:

Painkiller Q8

True Gamer
^
العلاج موجود .. روح دكتور اخصائي تغذيه شاطر وبتشوف ... 6 شهور ينزلك لي الوزن المثالي .. شهرين تثبيت .. وسلام عليكم

رووح اكل اكل حيتان ماراح تمتن

بس هل الإراده موجوده؟؟؟ ترا الإراده اهم من الرجيم والدكتور والرياضه
 

squall leonhart

True Gamer
ما كنت ناوي ارد بس بعد ما شفت الفلسفه الزايدة في الموضوع ذا قلت لازم اوضح بعض الاشياء الغلط

da sos
ا
لإضافة إلى ان الـ Creatine ما يحرق لك دهون ولا شئ, الكرياتين يساعد ببناء الكتلة العضليه بالجسم عن طريق أمداد الخلايا العضليه بالطاقة
انت خلطت بين الكرياتين و ال L-Carnitine و هما شيئين مختلفيبن تماما و الثاني يعتبر حارق للدهون و هو مشتق من احماض امينية .. بس ما انصح فيه ابدا


الناس اللي يعانون من السمنه اكثر من اللي يبون يعضلون و ينتفخون .. و الموضوعين مختلفيين كلياً

رجيم بدون رياضه = فشل .. ممكن الوزن ينزل لكن الاهم و هو شكل الجسم ما رح يكون بالشكل المطلوب و ممكن حتي يصير اسوأ لو الجلد اترهل مثلا .. الي يسمع كلامكم يحسب ان بناء الاجسام و زيادة الحجم سهله .. انت بتعلب الا 6 شهور و حجمك ما رح يزيد الا بنسبة قليلة فلا تخاف من النفخ ابدا .. الحديد بيشد الجسم بطريقة جميلة و متناسقة لو دمج مع نظام اكل و حياة صحي ( لاحظ ما قلت رجيم لان الرجيم مجرد شي مؤقت و فائدته مؤقته )
- النوم الجيد
2- الأكل الصحي خمس وجبات او اربع وجبات في اليوم مقسمة على عدد احتياجك اليوم من السعرات الحرارية الي تقدر تعرفه من مواقع كثير
3- ثلاث او اربع مرات في الأسبوع كارديو
4- لعب الحديد علشان ماتخسر عضل وانت تنحف لأنه العضل ضروري في حرق الدهون

هذه الأساسيات الأربعة الي يقوم عليها اي رجيم صحي



ولا تسمع الي يقولك لازم تروح لمختص وكلام فاضي , كثير يمكن ملاين من الناس خسروا وززن بدون مختص ودفع فلوس

بعطيك موقع راح يفيدك اقرأوا مزبوط bodybuilder.com وخصوصا المنتدى

كلامك جميل بس مشكلة الموقع ذا على الرغم من فوائده العديده انه يغلب عليه الجانب التجاري و محاولة تسويق المنتجات


painkiller مع احترامي لجميع مراكز الحمية لكن اغلبها bullshit بصراحه .. ياخذون مبالغ توصل للاف شهريا و المنتجات الي يقدموها ما تتجاوز تكلفتها بضعة مئات لو اشتريتها من السوبر ماركت و كلها متوفرة هناك .. حكاية انه يضحكون على الناس بحكاية قياس نسبة الدهون نكتى ثانيه .. مافي طريقية دقيقة لقياس نسبة الدهون الا بغمر الجسم بالماء بالمغطس و القيام بعدة حسابات معقدة اما الي تركب ميزان و يلقلك نسبة الدهون 14% و نسبة الدهون في اليد 3% و في المؤخره لوول 5% فهارد لكل واحد انضحك عليه ..


ذحين باتكلم كلام عام من تجربتي مع الاكل و الرياضه

1- اهم شيئ للوصول للجسم المثالي هو نمط الحياه .. الرجيم ابو شهرين ما ينفع لانك بعدها رح تستعيد الوزن و اكثر .. ما هو انجاز لما تخسر 10 كييلو بشهر برجيم قاسي و ترجع تزيد بعدها 15 لما ترجع لنمط حياتك االعادي .. لكن لما تخسر كيلو كل شهر و بعد سنة تلاقي نفسك خاسر 12 كيلو جسمك يكون اتعود على نمط حياة صحي صعب انك تكتسب اي وزن زائد .

2- بالنسبة للاكل .. اولا في خطأ كبير لما يقلك تجنب جميع انواع الكاربوهيدرات .. اصلا الجسم لما يحس ان الكابروهيدرات ما تدخله يبدا يحاول يحافظ عليها و يبدا يقل معدل الايض فيه بشكل كبير BMR و ذا الشي يقلل من نزول الوزن بشكل كبير و بتصير ماسط رجيم على الفاضي و اول ما تنتهي منه يكون الجسم متعكش للكاربو فيمتص منها بشكل كبير و يزيد الوزن اكثر من الفتره قبل الدايت ..

أ- في كاربوهيدرات احب اسميها الكاربو النظيفه و هي الي تمد الجسم لحاجته من الطاقة بشكل كافي و ما تتخزن في الجسم بشكل كبير و من اهمها : الرز الابيض المسلوق ( و حط مليون خط تحت مسلوق بدون زيت او سمن ) البطاطس المسلوقه .. الشوفان .. الحبوب الكاملة .. الرز الاسمر مع النخالة .. الفواكة زي : التفاج و يفضل الاخضر .. البرتقال .. الانانانس .. الحبحب .. في فواكة دايما ينصح باجتانبها خلال اول مرحلة لفقدان الوزن لكن ما في مانع من اكلها في فترة المحافظة : زي الموز و الكمثري و العنب .. بس عموما الفواكة حسب نظرتي الشخصية و تجربتي مرحب فيها في اي وقت بشرط عدم الافراط ( مثلا ما تجلي لي تاكل 10 تفاحات خضراء و تقلي ليش وزني ما ينزل لوول )

ب- البروتين مهم جدا و حيوي خصوصا اذا تمارس رياضه و تبغى جسم مو بس نحيف بل نحيف و جميل .. من اهم مصادره بياض البيض المسلوق .. صدور الدجاج .. التونة .. الاسماك .. شرائح اللحم بعد ازلة كل الدهون .. الفاصويلا .. الديك الرومي .. يعني لازم تاخذ لك حصة محترمة في كل من ال3 وجبات الرئيسية ..

ج- الدهون .. الجسم بيحصل على كفايتة من الدهون الي يحتاجها من الاكل الثاني عشان كذا ما يحتاج تاخذ مصدر معين للدهون ..( يعني مثلا البيض فيه نسبة دهون .. الدجاج فيه كمان و غالبا بتكون كافية لحاجة الجسم ) فذا يعني تجنب المقالي و الدهون و الزيويت بشكل كلي في فترة انقاص الوزن و ثم اكلها باعتدال حسب طبيعة الجسم في فترة المحافظة .. يعني انا مثلا عندي يومين في الاسبوع اقدر اكل فيهم اي شي بدون اي ضرر على جسمي لكن في ناس حدهم بس وجبة في الاسبوع ..

4- اهم شي في نمط الحياة هو االتكيف النفسي معاه .. يعني لما تكون قدامك قطعة شكولاته مثلا و انت جسمك معفن و وزنك 140 و لسى لك نفس تاكلها و مشتهيها لوول فكر انك انت الي بتصير قطعة الشكولاته هذي لو وزنك نقص .. بمعنى اخر حط هدفك قدامك و لا تخلي الملذات المؤقته تخرب عليك .. العزيمة هي اهم شي في ذا الموضوع ..و كل ما حسيت انك بتخبص تذكر انك لو تركت الاكل المضر رح تستفيد و تصير انسان افضل .. كل حبة شكولاتة ننركها رح تتحسن بعدها و الاشياء الصغيره هذي هي الي تصنع الفرق لكن الكل مستخف فيها ..

معليش على الاطالة بس حبيت اشارككم ببعض تجربتي ( انا كان وزني 60 قبل 5 سنوات و بعدين صار 75 و بعدها طلع 80 السنة الي فاتت لما انشغلت بالامتياز .. لكنه الان 70 و طولي 174 بعد ما اخيرا فهمت ايش المناسب لجسمي و هي رحلة طويلة جدا لان محد يفهم جسمك افضل من انت نفسك ) و اذا فضيت االلليل او بكره باحط بعض الاقتراحات لنظام غذائي متوزان .. و شكرا
 

squall leonhart

True Gamer
رووح اكل اكل حيتان ماراح تمتن

ذا مثال على الفلسفه الي كنت اقول عليها ... اخوي مو لازم تتكلم بكل موضوع و بكل اختصاص حتى لو معلوماتك غلط 100% بس لمجرد المشاركة .. يعني ما تفكر انت ان الكلام نحاسب عليه .. لو مثلا شخص غبي صدق كلامك و راح اكل اكل الحيتان و زاد وزنه ايش بيكون احساسك ذاك الوقت

منطقيا و علميا .. الاكل يتحول سعرات حرارية و اي زيادة فيه عن معدل الايض = زيادة وزن .. ما ادري الدكتور حقك السحري ذا عندك شي يخلي معدل الايض يرتفع مع اكل الحيات و لا لووووول
 

JIN KAZAMA

True Gamer
:wow:ماشاء الله عليك اخ فيصل كلامك جميل جدا
 

Kaze

Hardcore Gamer
اذا ما تملك العزيمة لا تفكر تضيع فلوسك و وقتك.
افضل دايت هو تعداد السعرات الحرارية ... اكل الي تبي بدون ما تتجاوز عدد سعرات انت تحطه كهدف اساسي لك.
عن نفسي حاولت اني ما تجاوز الـ 1000 سعرة حرارية يومياً و ابتعد عن الغازات و اشرب 2 ليتر ماي و انتهى، و على مدار ست اشهر قدرت اخسر 30 كيلو و لله الحمد مع رياضة خفيفة.
العزيمة ثم العزيمة ... و القليل من يملكها وخاصة لو خفيت من اربع الى ست كيلوات فوقتها راح ياتيك الشيطان و يخرب كل شيء.
 

"a7mad"

True Gamer
الموضوع الرسمي : مهاوشات الاعضاء !!
 
أعلى