hits counter

الموضوع الرسمي للـAndroid : جوهرة جوجل اللامعة

Mukuro

True Gamer
اخوي شنو الفرق بينه وبين الايفو
الصراحة الدرويد x شكله مو طبيعي

ماراح تستفيد شي من الفروقات لأنه الايفو 4 جي يعمل على شبكة CDMA فقط. بس في اشاعات بتقول انه احتمال يصدر لشبكات GSM لكن بدون 4G.

الفروقات الأساسية بين الدرويد اكس والايفو قليله. بما إني أملك الايفو 4 جي فأشوف أكثر شي يميزة عن البقية هو HTC Sense UI و الـ4G و الـHot Spot اللي يدعم لـ8 أجهزة. طبعا غير الشاشة الكبيرة وسرعة تصفح المواقع اللي ما قدر يصمد أمامها أي جهاز جوال بالعالم ولا ننسى الايفو 4 جي فيه أفضل كاميرا جوال أماميه لمكالمات الفيديو.

عموما هذا جدول يوضح الفروقات بين الجهازين مع مجموعة جوالات اخرى :

iphone4_droidx_incredible_evo4g_nexusone.jpg
 

q8-gamer

Hardcore Gamer
يعطيك العافية
بس شنو htc sense ui وال hotspot و لليلحين ماني فاهم الإضافة اللي تضيفها ال 4g للأجهزة
 

JOKER MASK

True Gamer
نيبه عن احمد برد عليك اخوي لعب كويتي الاولى HTC Sense UI هي واجهة الهاتف او انترفيس ( htc خلاص مهيب قادر تحطه في جولات ويندوز فون7 ويتوقع حسب اشاعات ان جوجل في تحديثه القادم المسمى خبز السنجبيل ( جوجل عليس اسامي تجيب المغص -ـــــ- ) حتكون واجهة موحده لي اندرويد لجميع الهواتف الحمله لندرويد من جوجل )

بنسبة لــ Hot Spot هي موجوده في اي جوال اندرويد ولكن بشرط يكون تحديث فريريو 2.2 ولكن بعدد اقل حول النصف وظيفته هي تستطيع من خلال هاتفك توزيع ارسال الانترنت على اجهزه اخرى مثل المودم الانترنت العادي

بنسبة Hot Spot هي جودته با فور جي ولكن من افضل ltd او الوي مكس بنسبه ltd بتقدمه زين عندنا وعندكم
 

Mukuro

True Gamer
في معلومة أبغى أصححها بالنسبة للـDroid X, فهو يعمل فقط على شبكات CDMA.

أتوقع الان أفضل بديل هو Epic 4G من سبرنت واللي متوقع صدوره بعد شهرين تقريبا بما إنه مازالت المواقع تؤكد دعمه للترددين GSM و CDMA. الجهاز هو الأفضل من فئة سامسونج جالاكسي اكس ويتميز عن أقرانه بوجود فلاش LED و سلايدر يظهر منه لوحة مفاتيح فعلية physical keyboard.
 

FARES_

True Gamer
وحاجة ثانية رهيبة ... Road SMS مأخوذة من الجالاكسي

انا لحد الحين مو فاهم وش قصة طريقة الكتابه الجديده... يعني اشوفهم الناس تكتب احرف خطأ لكن الكلمة تطلع صح ؟
ما اشوفهم يكتبون الكلمة..يشخطون خط ويكتب :S ... احد يفهمني وش هالنظام وشنو فايدته ؟
 

EPIC FAHAD

True Gamer
يا شباب بالله بكم القاء سامسنج جالاكسي s عندناء هنا لان الجهاز عاجبني
 

iGam3r

Gamer
واو برنامج مفيد اذا ماكان عندك usb

[video=youtube;futRwfTEQe8]futRwfTEQe8[/video]

اسم البرنامجAwesome Drop
وهذا الموقع
http://labs.dashwire.com/drop
 
التعديل الأخير:

Snake-87

Electrony Editor
انا لحد الحين مو فاهم وش قصة طريقة الكتابه الجديده.
تكتب مسج والخلفية تكون الكاميرا مفتوحة علشان إذا كنت قاعد تمشي ما تدعم وتشوف إلي قدامك .
 

Nintendo

TG editor-in-chief
يا شباب بالله بكم القاء سامسنج جالاكسي s عندناء هنا لان الجهاز عاجبني

توني اشتريت واحد ب 2200 ريال وانتظر انطباعاتي عنه اليوم ان شاء الله
 

FARES_

True Gamer
توني اشتريت واحد ب 2200 ريال وانتظر انطباعاتي عنه اليوم ان شاء الله

ممتااااااز xD كنت انتظر احد يشتريه قبلي عشان اخذ انطباعه + يسوي مقارنه خفيفه مع الأيفون... , في انتظار انطباعك , انا بشتريه بالعيد انشاءالله
ياريت بعد لو تحط كم صوره للهاتف ..وهل صحيح انه البلاستك من ورا تحسه بلاستك رخيص؟!
لأنه لاحظت بكذا مراجعة ..قالو انه التلفون يحسسك انه بلاستك مش حالك

تكتب مسج والخلفية تكون الكاميرا مفتوحة علشان إذا كنت قاعد تمشي ما تدعم وتشوف إلي قدامك .

ههههههههههههههه xD

لاااء .. انا قصدي شي ثاني... قصدي الswyp keyboard شنو سالفته ؟
 
التعديل الأخير:

q8-gamer

Hardcore Gamer
مبروك عمر

شباب يعني الايفو والدرويد x ما راح ينزلون بالخليج نهائيا ؟؟؟؟
 

JOKER MASK

True Gamer
مبروك عمر

شباب يعني الايفو والدرويد x ما راح ينزلون بالخليج نهائيا ؟؟؟؟
احتمال ينزل الدرويد اكس ( اذا نزل في اورباء فاحتمال كبير جد ينزل عندنا ) ولكن نسخه تشتغل على شبكات GSM بنسبة لي الايفو فيبدو انه حصري على امريكا الى الان

ايه صح مبروك عمر وتكسره با العافيه :D ,,,ومبروك مره ثانيه بدخولك عالم اندرويد :D

قالي من وين شريته ؟ اي نسخه ؟ و ش رايك با انتر فيس حقه :yuck:: ؟ كيف التصوير وهو من دون الفلاش ؟

كيف الملتي تتش ؟ كيف استجابه النظام معك ؟ اي نسخه من اندرويد عليه ؟ كيف سرعه المعالج ؟ اداء العاب عليه ؟( مهم سؤال اخير )
 
التعديل الأخير:

Nintendo

TG editor-in-chief
انا في حالة حب :inlove: الحرية بكل ماتحمله الكلمه من معنى
 

FARES_

True Gamer
^

ما نفهم الكلام المشفر يا شيخ .. عطنا التفاصيل ضروري ><"
 

JOKER MASK

True Gamer
^

ساركزام لحقين ايفون

نبي انطباعات يا اخوي
 

Nintendo

TG editor-in-chief
اوكي بعد يوم كامل من عصر الجهاز ومحاولة اكتشاف كل شئ فيه..

فيه كلمه بقولها ولحد يفمهما بفكر اني متعصب او كاره لشئ معين, نعم نظام الاندرويد مش بثبات الايفون وبتشوف معاه بعض التعليقات هنا هناك ولكن بكل امانه مايقدمه النظام من حرية (تامه) للمستخدم شئ مذهل وحسيت فعلا اني قاعد اشنغل على كمبيوتر فيه ويندوز واخر راحه,, اي شئ مايعجبني هوووووووووووووب اغيره..

نتكلم عن الجالكسي, اول شئ بقوله انه ماشاء الله شاشة الجهاز هي واحده ان لم تكن اجمل شاشة شريتها لجهاز محمول بحياتي, ماهدة العروض بدقة ال720p على الجهاز مذهلة بكل ماتحمله الكلمه من معنى, الجهاز خفيففففففففففففففففف جدا بوزنه وحجمه مناسب جدا واهم ميزة فيه انه مش طويل بزياده مثل اجهزة موتوريلا و HTC الاخيره.

ياريت بعد لو تحط كم صوره للهاتف ..وهل صحيح انه البلاستك من ورا تحسه بلاستك رخيص؟!

نعم الخلفيه للجهاز بلاستيك واذا راح تدقق فيها بتقول انه رخيص ولكن لمن تمسك الجهاز بيدك ماراح تحس بذا الشئ ابدا ومظهر الخلفيه ابدا مايعطيها طابع انها شئ رخيص, الجهاز خفيف جدا لانه مصنوع من البلاستيك ولكنه انيق جدا بالمظهر.

لاااء .. انا قصدي شي ثاني... قصدي الswyp keyboard شنو سالفته ؟

ارهب اسلوب كتابة رسائل بسرعة بالتاريخ بإختصار, بدل ماتضغط على كل حرف لوحده تضغط على اول حرف وتخلي يدك على اكيبورد وتمشي للحرف اللي بعده الين تكمل الكلمه والنتائج مبهرة من حيث الدقه والسرعة.

قالي من وين شريته ؟ اي نسخه ؟ و ش رايك با انتر فيس حقه ؟ كيف التصوير وهو من دون الفلاش ؟

شريته من شخص يبيعه بجده, النسخة الجديدة GTI 9000 , الانترفيس اذا ماعجبك تقدر تنزل برنامج يغيره بالكامل بحسب ذوقك, التصوير ممتاز جدا وفيه خيارات كثيره واكيد بالظلام بيعاني شوي بدون الفلاش

كيف الملتي تتش ؟ كيف استجابه النظام معك ؟ اي نسخه من اندرويد عليه ؟ كيف سرعه المعالج ؟ اداء العاب عليه ؟( مهم سؤال اخير )

المولتي تتش ممتاز واستجابة النظام ممتازه ولو انه بعض الاحيان لمن تشغل تطبيقات كثير بدون ماتقفلها راح تشعر بثقل باداء الجهاز وتعرف على طول انه لازم تقفل الاشياء اللي شغاله بالخلف. شغلن اميلوتر السوبر ننتندو عليه وكان ممتاز واميلوتر البلايستيشن الاول والى الان مش عارف اضبطه تمام للامانه ولكن ان شاء الله بشغله..

اليوم رسميا نزل الابديت 2,2 للاندوريد جالكسي ولكن بنتظر تعربية قبل لا انزله. باختصار اذا تبغى تجربة ممتاز كجهاز سمارت فون وبسعر ممتاز الجالكسي جهاز ماعليه خلاف ابدااااااا.
 

Mukuro

True Gamer
^
عالبركة ياعمر وتتهنى فيه يارب. الصراحة سعر الجهاز "لقطة" ومناسب جدا لشعبنا.

بالنسبة عن التعليقات اللي بتقول عنها ممكن تكون من بعض البرامج اللي نزلتها من الماركيت أو في احتمال اخر تكون في برامج كثيرة شغاله فبيصير ثقل عالميموري وبيصير في النهاية بدأ البرامج بطئ.

بالنسبة لأفضل برنامج بديل للانترفيس فهو Launcher Pro.

برنامج Swype لي شهر باستخدمه على الايفو و ماشاء الله من أروع مايكون. حسيت إني ماراح أفكر في أي سمارت فون بـphysical keyboard.
 

Nintendo

TG editor-in-chief
فعلا احمد توني نزلت برنامج الادفانسد تاسك كيلر وهوووب الجهاز ماشاء الله صار ادائه افضل بكثير كل ماقفل المليون برنامج اللي مشغلهم, اميلوتر البلايستيشن شغلته ومستمتع معاه جدا خصوصا بالعاب البازل والاشياء اللي ماتحتاج تحكم دقيق.

منتظر بس ينزل الابديت 2,2 بنسخة معربة ومادري كيف راح احب الجهاز والنظام اكثر!!
 

Photon

True Gamer
^
مبروك عمر و يتربى بعزك .. إنطباعات متوقعة و جالاكسي إس جهاز ممتاز إجمالاً لأي أحد وده يجرب أندرويد.
 

JOE

True Gamer
مبروك يا عمر و الاً بك في عالم الهواتف الذكية :smug:
 

Gladiator

Hardcore Gamer
انطباعات تحمس
مبروك وان شاء الله تتهنى فيه
شكلي باخذه :cool::
 

Zulfiqar

True Gamer
للي يحس إن كلام Nintendo يتعارض مع المقالة اللي حطيتها في ردي السابق.
بعض البرامج تكون ثقيلة على الجهاز مثل الإيميولترز وبعض البرامج بكودينج سيئة, هنا التاسك كيلرز تنفعك. حاول تحط ignore لكل البرامج واترك هالبرامج الثقيلة في اللستة للتاسك كيللر.
 

Nintendo

TG editor-in-chief
شئ رهيب لمن تكون مكتبة العاب البلايستيشن ون والسوبر ننتندو والجنسس والادفانس متوفره لجهاز جوال, روعة

قاعد العب فاينل فانتسي 7 (وجه يحتفل)
 

FARES_

True Gamer
^
عندي ثلاث اسئلة بعد... لأنه ما عندي ادنى فكره حق ماركت اندرويد -, -

- الألعاب كيف تنزلها ومن وين..انشاءالله مجانيه xD ولا سويت root ? ( اعتقد الرووت اهو الجيل بروكن )
- الapps هي نفسها الموجوده في آبل ماركت ولا فيه تغير... اقصد راح القى مثل الbackground app لتنزيل الخلفيات مجاناً
- فيه مجال نشوف تقرير عن الجلسكي أس في موقع ألكتروني قريبا ؟ لأنه في انتظاره

وشكراً
 

m7787m

Banned
بما أن الحديث عن الإميلوتر مسموح فيه ممكن أحد يعطيني رابط لتنزيل أميلوتر الـ Ps1 و الـ NDS
 

Nintendo

TG editor-in-chief
- الألعاب كيف تنزلها ومن وين..انشاءالله مجانيه xD ولا سويت root ? ( اعتقد الرووت اهو الجيل بروكن )

مايحتاج روت ولا شئ, الاميلوترز برامج (رسميه) للجهاز موجوده بالماركت وتقدر تشتريها وباقي الاشياء الغير رسميه والممنوع هنا عليك.

- الapps هي نفسها الموجوده في آبل ماركت ولا فيه تغير... اقصد راح القى مثل الbackground app لتنزيل الخلفيات مجاناً

اول شئ الجهاز فيه اكثر من ماركت, فيه واحد للاندرويد وواحد من سامسونج واثنين من شركات ثانيه وكل واحد يقدم شئ مختلف. وتحصل اشياء كثثثثثثثثثثثثيره مشتركه بين الايفون وماركت الاندرويد

- فيه مجال نشوف تقرير عن الجلسكي أس في موقع ألكتروني قريبا ؟ لأنه في انتظاره

صورناه ومادري متى بيحطونه الشباب

بما أن الحديث عن الإميلوتر مسموح فيه ممكن أحد يعطيني رابط لتنزيل أميلوتر الـ Ps1 و الـ NDS

متوفره بالماركت وممنوع روابط التنزيل هنا.
 

Mukuro

True Gamer
Angry Birds راح تصدر الشهر هذا. في انتظارها..
 

Tanton

True Gamer
شباب أنا محتار شالفرق بين الـ I9000 & Vibrant & Captivate?
 
أعلى