hits counter

الموضوع الرسمي للـAndroid : جوهرة جوجل اللامعة

Saadawii

True Gamer
فيه برنامج يحول الجهاز لواي فاي اكسس بوينت والا؟ اذا فيه وش اسمه؟ هل احصله بالماركت؟
 

Snake-87

Electrony Editor
فيه برنامج يحول الجهاز لواي فاي اكسس بوينت والا؟ اذا فيه وش اسمه؟ هل احصله بالماركت؟​
الآبديت 2.2 يسوي الي تبيه بدون برامج .
 

Snake-87

Electrony Editor
شباب فيه برنامج محدثه مجاني او غير مجاني ( يفضل مجاني ! ) لندرويد الي في الكتروني بكتابه محمد ( بو 87 ) عندي بس ما عرفت طريقته كيف اضيف الي معهم بلاك بيري وكيف اضيف الي معهم ايفون ؟
تبي برنامج محادثة ؟ في nimmbuzz بين الآيفون والأندرويد , وقريبا راح ينزل whats app بين البلاك بيري والآيفون والنوكيا والأندرويد .



عندي سؤال بالنسبة للGalaxy S إذا ابطلبه من برة: كيف ابقدر اخليه يدعم عربي في البراوزر و المسجات؟ هل أي تعريب للنظام بيشتغل على كل الأجهزة؟

تعديل: أيضاً اللي فهمته تقدر تنزل roms هل اقدر احصل على rom سامسونج المعرب لما تنزله في البلد؟​
ما عندي خبر أكيد بس سمعت كلام بأن الوكالة بالكويت تقدر تعرب لك الجهاز إذا طالبه من أوروبا وما تقدر تعربه إذا كان من أمريكا .
 

FARES_

True Gamer
واحد من الربع يقولي ستور اندرويد ما ينفع للخليج لأنه نص الapps ما تشتغل عندنا + الpaid apps ما تبين .... ما فهمت عليه بالنقطة الثانيه
لكن هل صحيح هالكلام.. -,- ترا هالكلام يغير رأي عن الجلاكسي 360 درجة .. ياريت احد يجاوبي قبل ما اتهور واخذ جهاز ماله وكيل عندنا لول اقصد الأيفون 4
 

Dark Man

عضو فريق العمل السابق
^
في برنامج يوهم الماركت و يخليه حق أي دولة تبي, و يفتح لك كل شي مع البرامج الغير مجانية.

ثانياً في إعتقادي ماتحتاج ماركت غير الماركت الحالي, الأشياء الي مابتشوفها كلها اشياء يمكن ماتحتاجها اساساً, اتذكر برنامج كان حق الراديو (اسمة pandora و ماكان يتشغل خارج أمريكا) و برنامج كندل حق الكتب و Flixster و بعض الأشياء الأخرى.

في الأخير انت تقدر تركبهم بسهولة بس مابتستفيد من الأغلبية على العموم.
 

Saadawii

True Gamer
^
في برنامج يوهم الماركت و يخليه حق أي دولة تبي, و يفتح لك كل شي مع البرامج الغير مجانية.

وش البرنامج ومن وين أركبه؟ + ممكن احد يجاوب سؤالي اللي قبل.
 

Snake-87

Electrony Editor
يعني ما فيه حل؟
دورت بقوقل بس حصلت خطوات واايد وحوسة ... بدور لك app احسن إن شاء الله أحصل لك .


واحد من الربع يقولي ستور اندرويد ما ينفع للخليج لأنه نص الapps ما تشتغل عندنا + الpaid apps ما تبين .... ما فهمت عليه بالنقطة الثانيه
لكن هل صحيح هالكلام.. -,- ترا هالكلام يغير رأي عن الجلاكسي 360 درجة .. ياريت احد يجاوبي قبل ما اتهور واخذ جهاز ماله وكيل عندنا لول اقصد الأيفون 4​
مافي app نزلته وما إتشتغل معاي .. بس الـpaid تحتاج برنامج بسيط ويبين معاك كل شي وتقدر تشتري عن طريق قوقل شيك آوت بكل سهولة وإذا ما عجبك البرنامج تقدر تسترد فلوسك خلال 24 ساعة .
وفي app مجاني ما يطلع (مثلا app kindle ) من آمازون والبرنامج السابق يخليه يطلع بسهولة وأنا منزله ومنزل كتاب .
وش البرنامج ومن وين أركبه؟ + ممكن احد يجاوب سؤالي اللي قبل.
http://www.electrony.net/articles/4800
 

The Doctor

Once a Voyager on a Cursed Sea
تبي برنامج محادثة ؟ في nimmbuzz بين الآيفون والأندرويد , وقريبا راح ينزل whats app بين البلاك بيري والآيفون والنوكيا والأندرويد .


ما عندي خبر أكيد بس سمعت كلام بأن الوكالة بالكويت تقدر تعرب لك الجهاز إذا طالبه من أوروبا وما تقدر تعربه إذا كان من أمريكا .
الجهاز وصل، طلع أوروبي.. عربته و شغال زي الحلاوة

نحتاج لستة لأفضل الapps في المنتدى
 
التعديل الأخير:

Snake-87

Electrony Editor
^
شوف إلكتروني حاط حول 15 برنامج بقسم البرامج .. وشوف تدوينة حق أخونا أحمد حاط أيضا 10 تطبيقات .
 

Zulfiqar

True Gamer
Kaizoku إذا تبي تجرب كيبورد ثوري نزل Swype beta وبالنسبة لتوقع الكلمات عندك Swiftkey beta. الأول دور عليه في النت, أما الثاني بتلقاه في الستور.

بالنسبة للـapps عندك:
- Dropbox: ماأدري إذا كان عندك خبرة به عالـPC. فكرته إنه يعمل sync لجميع ملفاتك من الأندرويد للـPC والعكس صحيح.
- Chrome to Phone: هذا يتطلب فرويو. تركب إكستنشن في كروم/فايرفوكس بحيث بضغطة زر في المتصفح ترسل لك الصفحة على جوالك. تفيدني كثير إذا كنت أبي أكمل قرائة مقالة على الطريق.
- AK Notepad: واضح من إسمه. أفضل دفتر ملاحظات على الماركت بلامنازع.
- Astro File Manager: يسمح لك تتصفح ملفات الـSD card.
- ٍSMS Backup: أحسن شيء فيه إنه يسوي لك ليبل في الجيميل و خفيف*وسريع.
- QucikDesk: يسمح لك بتعديل هومسكرين مخفي وتقدر تظهره فوق أي آب جالس تشتغل عليها بدون ماتطلع للهومسكرين. مثلا ً إنت جالس على البراوزر ونسيت تشغل الـwi-fi تضغط مرتين على زر الهوم ويطلع لك الهومسكرين المخفي وتشغل الوايرليس من الويدجيت.
-LauncherPro: ماأدري عن جودة الهوم حق السامسونج, بس بالنسبة لمستخدمين الستوك أندرويد لازم يجربون LauncherPro سريييييييع لدرجة مخيفة.
- TuneSync: إذا كنت من مستخدمي iTunes ميزته يسوي لك sync وايرليس.

بالنسبة للويدجت:
- Smooth Calendar
- Fancy Widget: هذي نسخة طبق الأصل من ساعة/حالة الطقس اللي موجودة بالسينس, بس إنها إنسحبت من الماركت, حاول تدور عليها بالنت.

ملاحظة: تجنب إستخدام الـTask Killers لأنها تضر بالجهاز عالمدى الطويل, ومالها فايدة.
 

Dark Man

عضو فريق العمل السابق
ملاحظة: تجنب إستخدام الـTask Killers لأنها تضر بالجهاز عالمدى الطويل, ومالها فايدة.

كيف يضر الجهاز؟
 

Zulfiqar

True Gamer
كيف يضر الجهاز؟

بإختصار أندرويد فيه Task Management متى ماإحتاج للذاكرة أغلق التاسك أو يوقفه ويخليه متهيء للإستخدام مرة أخرى. إنت إذا قتلت التاسك وفتحته ثانية بتجبر النظام يعيد فتح التطبيق من أول وجديد وبالتالي بيأثر على سرعة الجهاز.

لمعلومات أدق إقرأ المقالة هنا, وفي مقابلة مع أحد برمجين الأندرويد يوافق الكلام اللي في المقال بس ماقدرت أحصله .
 

JOKER MASK

True Gamer
وجع ,,, توني ادري انا دايم استخدمها شكلي بضطر احذفه

شكر ذو الفقار
 

Dark Man

عضو فريق العمل السابق
^
نفس الشي

شكراً ذو الفقار
 

Tanton

True Gamer
شنو أفضل جهاز ينظام الأندرويد ويكون قابل للتجديث إلى 2.2؟
 

FARES_

True Gamer
شنو أفضل جهاز ينظام الأندرويد ويكون قابل للتجديث إلى 2.2؟
كمواصفات وقوة الشاشه .. الأفضل في ساحة التلفونات حتى الأن هو الsamsung galaxy s وراح ينزله تحديث اندرويد 2.2 في وقت بشهر أغسطس..
 

Nintendo

TG editor-in-chief
شباب وش رايكم بهاتف الدرويد اكس! مادري شكله عاجبني جدا
 

Mukuro

True Gamer
^

الجهاز ممتاز جدا ويعتبر الأفضل للي شبكاتهم تشتغل على تردد GSM.
 
التعديل الأخير:

Majeed

Warrior of Liberation
وحط في بالك شي مهم لو كنت تفكر بالرووت مع الدرويد اكس فانسى, لأنه عليه نظام حماية من موتورولا يمنع الرووت ولو حاولت راح يصير برك Brick مؤبد للجهاز.
لول المعلومة هذي مغلوطة عند ناس كثير .. الجهاز ما يصير بريكد مؤبد .. يقفل إلى أن يتم استرجاع الروم الأصلي فقط ..

وأصلاً الشباب في xda-forums ما يوفرون وقت .. سوو رووت وانتهى الموضوع :laugh:: http://gizmodo.com/5593594/droid-x-rooted-efuse-what
 

Mukuro

True Gamer
^

هههههههه عدلت ردي ولقيتك رديت. كنت أفرفر على المنتديات واكتشف انه نزله رووت قبل 3 ايام. لول بس الرووت الحالي حاليا ماراح يخليك تستعيد النظام لو خبّصت وايضا مارتح تقدر تعدل في الكيرنل الخاص بالاوفركلوكنج (مش مهمه لأغلب المستخدمين).

عموما أنصح بالجهاز بشده ولو انه ينقصه كاميرا اماميه.
 
التعديل الأخير:

Mukuro

True Gamer
ffvii.png


اميوليتر (محاكي) البلاي ستيشن نزل. هجووووووووووووووووووووووووم.
 

Tanton

True Gamer
لحظة ... الـ Galaxy S ما فيه كاميرا فلاش؟
 

Majeed

Warrior of Liberation
^

لأ .. كاميرا بدون فلاش :/
 

Nintendo

TG editor-in-chief
توني اشوف فيديوهات باليوتيوب للHTC EVO والجهاز مرعب بكل ماتحمله الكلمة من معنى, احصله بالسعودية ولا ايش طريقة شرائه؟
 

Majeed

Warrior of Liberation
^

هالشي مب مانعني من شراءه بإذن الله :}

توني اشوف فيديوهات باليوتيوب للHTC EVO والجهاز مرعب بكل ماتحمله الكلمة من معنى, احصله بالسعودية ولا ايش طريقة شرائه؟

انسى عمر .. الجهاز يشتغل على شبكات CDMA اللي ماتحتاج شريحة في الجهاز .. يعني مايشتغل عندنا ..
 

q8-gamer

Hardcore Gamer
^

الجهاز ممتاز جدا ويعتبر الأفضل للي شبكاتهم تشتغل على تردد GSM.

اخوي شنو الفرق بينه وبين الايفو
الصراحة الدرويد x شكله مو طبيعي
 
أعلى