hits counter

الموضوع الرسمي للـAndroid : جوهرة جوجل اللامعة

Snake-87

Electrony Editor
Mario Coin Block : مو لعبة .. تحطه ويدجت يكون مربع الـ(؟) مال ماريو بس تضغط عليه يطلع صوت الفلوس وتشوف الفلس يطلع من فوقه , إذا طقيته وايد يصير مربع أدعم (مافيه فلوس) .
--------------
20 لعبة عاجبيني :

basket ball : أكثر لعبة لعبتها بالموبايل وفيها مود ملتي بلاير , تلمس الكرة ويطلع لك سهم يبين لك قوة واتجاه الكرة علشان تكونها .
player ripples 2: في كور يتحركون ولك لمسة وحدة تلمس فيها الشاشة راح تطلع دائرة لمدة ثانيتين تقريبا وتصغر لما تختفي وكل كرة تلمس هالدائرة تتحول دائرة لمدة ثانيتين أيضا , لازم تحاول تصيد أكبر عدد بلمسة وحدة . في نفس اللعبة حق لاعب واحد .

blow up : لعبة روعة حاطين لك فيها بنيان خشب ولك عدد معين من الـTNT لازم تزرعهم بأماكن معينة علشان البنيان كله يطيح تحت الخط المحدد , وتقدر تخلي قنبلة تنفجر بعد الثانية بعدد من الثواني وأيضا في دبدوب إذا خليته يحوش النجمة تاخذ بونس , وتقدر تفجره بعد xD .


Momenta : كرة زرقاء تحركها بصبعك وتيمع فيها شغلات علشان ينفتح لك الباب , وطبعا في أشواك وحوسة لازم تكون حذر , لما تستمر تصير الصعوبة خيالية .

PapaStacker : أيضا من أمتع الألعاب ,يحطون لك أشكال دائرية ومثلثة وأشكال وايد ولازم تحطهم فوق بعض ولما تحطهم كلهم لازم يبقون ما يطيحون لمدة 10 ثواني تقريبا علشان تفوز , الأشكال عليها ويوه تضحك xD .

super tumble :عكس اللعبة الي طافت , في بنيان من مربعات أو زوائد وفوقه نجمة كبيرة , لازم تكسر البنيان والنجمة تقعد على الأرض وما تطيح لا يمين ولا يسار .


shoot u ! : لعبة تعتمد شوي على الفيزيائية , عندك مدفع وداخله لعبة إنسان (في أشكال وايد منهم سبايدر مان) لازم تطلع المدفع ويحوش النجمة إلي بالمرجلة , كل ما توصل تتغير الصعوبة إلى الأحلى .


totemo : لعبة ألغاز برسم بمؤثرات روعة , يحطون لك أشكال لازم تضغط على شكلين بس بشكل أفقي أو عمودي علشان يختفون وتروح حق الي بعدهم , وصلت مرحلة ما قدرت أعديها -__- .


speace physics : لعبة روعة حدها كلها فيزيائية , ترسم فيها شغلات وتطلع لك , مثلا ترسم لك دائرتين وخط يصير مثل السيارة .


finger Tripling : تعتمد على اللمس , يحطون لك أشكال حيوانات مختلفة لازم تحوش 3 أشكال ورى بعض علشان يختفون (الشاشة طقة تيتريس) بس يعطونك عود وتلمس الشاشة علشان تدخل العود , إذا لمست الشاشة مدة يدخل العود زيادة وإذا تبي حيوان واحد مثلا (أول حيوان) علشان تشيله وتحطه مع حيوانات تشبهه ويختفون لازم تضغط شوي بس إذا زدت بالضغط ودخل العود للحيوان إلي بعده تخسر . (لك لمت) .


traffic rush :انت بتقاطع وتشوف السيارات تييك من كل صوب , لازم تخلي السيارات ما تتصادم , تقدر تخلي سيارة تصير سريعة وتقدر تخليها بطيئة وتقدر توقفها حتى , بس لو وقفتها مدة احتمال سيارة تييك أو سيكل من وراها وتخسر .


3D Pong: تنس طاولة ثلاثية الأبعاد , حلوة .

color compa : مربع وداخله كرة تتحرك لازم تضيغ أضلاع المربع إلى 50% من غير ما تحوشك الكرة وأنت تصغر المربع . وكل ما وصلت زيادة يزيدون الكور .

ultimate cave: حية تمشي بكهف ورايحة لي اليمين, إذا لمست الشاشة تصعد فوق وإذا هديت اللمس تنزل تحت , لازم تخليها تمشي بدون لا تحوش السقف أو الأرض وكل شوي يضيق الكهف .

target tap frenzy : يحطون لك دوائر ولازم تطقهم كلهم قبل لا يخلص الوقت .

toss It : يحطون لك شغلة (آيفون مثلا لول) ولازم تكونه داخل الزبالة , وتختلف اللعبة باتجاه الريح وهالسوالف .

Air Hocky GL : هوكي الي نشوفها بالآركيد, صعبة -__-

ajailbrack : سجين تحاول إنك تنحاش , إذا ضغطت الشاشة يشتغل يحفر بالحديدة الي خاشها ورى البوستر , وإذا وقفت يوقف لأنه الحارس رايح راد وإذا شافك تخسر .


falling ball : تمسك الجهاز بشكل افقي وفيه واحد واقف بالنص وكرات تطامر ولازم ما يحوشونك تودي الجهاز يمين ويسار علشان تتحكم فيه.

craigs race : تمسك الجهاز بشكل افقي وتتحكم بالسيارة , سباق .
في بعض الألعاب بفلوس .
 

Nintendo

TG editor-in-chief
شباب لاني لا ايأس ابدا ولن اتسلم وساخلص الحلبة من كل الشرور حصلت حل لمشكلة ترو جيمنج :rockon:

نزل هذا المتصفح: UC Browser 7.2 International من هنا: http://www.ucweb.com/ وراح يشتغل معاك المنتدى
 

EPIC FAHAD

True Gamer
شباب عني استفسار الحين اذا فتحت برنامج advanced task manger القى برامج ما فتحتها اصلا واذا قفلتها شوي افتح البرنامج والقاء برامج مفتوحه وما فتحتها لا يكون عندي فايرس
 

Nintendo

TG editor-in-chief
فيه برامج تحتاج الاتصال بالنت فأعتقد تشتغل بالخلفيه والبرنامج يكفشها ماتوقع انه فايروس اتوقع لو عطلت الواي فاي فيمكن ماتشتغل معاك
 

Zero_IYAD

True Gamer
للتو رجعت من المرسلات - سوق الجوالات في الرياض - ..
- جهازي الـN82 جاب لي 400 ريال .. لول 3: !!
- الـGalaxy S تهرب منه كمية صغيرة بدون ضمان , نزلت السوق و بيعت بشكل صاروخي .. هالكلام صار من حوالي 20 يوم .
- لقيت Galaxy S مستعمل لمدة يوم - على كلام راعي المحل - , الحق يقال الجهاز نظيف .. قالي خذه بـ2200 ريال قبل لا يطير .
- الـdummy version للـGalaxy S نزلت في معظم المحلات , مما يعني انه بينزل بشكل رسمي في محلاتنا هاليومين .. متوقع سعر المبيع المبدئي 3000 ريال - أوه واو !! - .

الآن أنا ضايع تماما ..
الأشخاص يلي المفروض يجيبوا الجهاز بريطاني و حاجز عندهم للآن مافي أي خبر منهم عن الشحنة القادمة ..
لو نزل الجهاز بالفعل بأسواقنا بالسعر المفروض - 3000 ريال - فاحتمال كبير جدا شباب النت ترفع أسعارها = أكلناها
الآن أمامي نسخة من الجهاز مستعملة بـ2200 ريال , لكن ما عمري أخذت جهاز مستعمل و صعب "جدا" أعرف اذا فيه أي مشاكل ..

نصيحتكم T~T
 

Nintendo

TG editor-in-chief
لاتاخذ مستعمل اياد لانك بتظل شاك فيه طول عمرك :)
 

Snake-87

Electrony Editor
إياد إذا كنت محتاج الكاش هالفترة إخذ المستعمل , إذا مو محتاجه وإنت إنسان تستخدم التلفون مدة طويلة جدا , إخذه يديد لأنك راح تحلل أهله .
 

Zero_IYAD

True Gamer
لاتاخذ مستعمل اياد لانك بتظل شاك فيه طول عمرك :)
تماما رأيي عمر ..
لذلك ما أحب المستعمل -__-

إياد إذا كنت محتاج الكاش هالفترة إخذ المستعمل , إذا مو محتاجه وإنت إنسان تستخدم التلفون مدة طويلة جدا , إخذه يديد لأنك راح تحلل أهله .
أنا من النوع الثاني ..
ما عندي مشكلة آخذ جهاز غالي لكن يكون جديد و يخدمني لمدة , الحمد لله معظم أغراضي تعيش لسنين و تبقى "جديدة" :)

خلاص توكلت على الله و صبرت إلى أن تصل شحنات الشباب و أخذنا جهاز بريطاني معرّب و كفاها الله ..
الله يوصل هالشحنات بالخير و السلامة -.-
 

i7asan

True Gamer
اخخخ متى يوصل جهازي بس! :crying:

خدمة ارامكس بطيئة :peeved:
 

Tanton

True Gamer
androidftw.png


:innocent::
 

Snake-87

Electrony Editor
^
Android
Serious-Business.jpg


لا تنسى إنه الموضوع الرسمي لمملكة الأحلام وجوهرة جوجل اللامعة .
(الأسم يبيله تتغيير :p)
 
التعديل الأخير:

q8 spy

True Gamer
يا جماعه شلون اسكر الــ 3g

؟؟

ابتلشت XD
 

Snake-87

Electrony Editor
دش الماركت ودور 3G تحصل لك widget تحطه على سطح المكتب يعطيك اختصار علشان تحوله من 2 إلى 3 .
 

S n A k e

Hardcore Gamer
لا تنسى إنه الموضوع الرسمي لمملكة الأحلام وجوهرة جوجل اللامعة .
(الأسم يبيله تتغيير :p)
+2
 

JOKER MASK

True Gamer
لا تنسى إنه الموضوع الرسمي لمملكة الأحلام وجوهرة جوجل اللامعة .
(الأسم يبيله تتغيير :p)

من جد يومها كنت مستعجل خخخخخ
+3
 

Nintendo

TG editor-in-chief
طالما صاحب الموضوع موافق فأقترحوا اسم جديد للموضوع, اممممممممممم

الموضوع الرسمي للـAndroid: وليم والس يقول FREEEEEDOMMMM
 

Majeed

Warrior of Liberation
أنا أؤيد إقتراح عامر ..

ايش رأيكم في هذا العنوان :

Android : الموضوع الرسمي للحرية و ما بعدها ^_^

إلى الحرية .. ومابعدهاااااا !!!
 

Dark Man

عضو فريق العمل السابق
او

الموضوع الرسمي للـAndroid: عندما تصبح الحرية في راحة يدك
 

s3rorh

True Gamer
الموضوع الرسمي : للأندرويد يصرخ بـ " لما أدخل بدخل "
 

i7asan

True Gamer
الموضوع الرسمي لأحرار العالم! ملاك الأندرويد
 

q8 spy

True Gamer
الموضــوع الرســمي للـــ Android ( الزهيــوي )
 

q8 spy

True Gamer
سؤال


يا شباب
أقدر أنزل صوتيات من النت بالتلفون ؟

يعني من غير ما أنزله من الكمبيوتر

انزله على طول بالتلفون ؟
 

m7787m

Banned
الموضوع الرسمي للملكة الماشروم << داخل غلط :innocent::
 

Zulfiqar

True Gamer
Samsung Galaxy Tab رسميا ً, في الثاني من سبتمبر

سامسونج تستعد لعرض أول تابليت لها يستخدم الإندرويد, يدعى Galaxy Tab.

Details are limited when it comes to official specs, but the video clip reveals the Galaxy Tab will ship with Android 2.2 with Touchwiz UI, have Flash Player 10.1 support, and the ability to make video calls.

Based on everything we have seen so far, the Galaxy Tab is really just a super-sized Galaxy S with a 7-inch display. Several leaks have suggested the Tab will also feature 1024×600 pixel resolution, 3.2MP camera, QVGA front camera, GPS, 3G support, 802.11N WiFi, 4000 mAh battery, and 16 GB of internal storage. Images in video seem to back up the higher resolution as we can see several custom apps which a split-screen mode.

All four major U.S. carriers seem to have a good relationship with Samsung, so it’s possible we could see this tablet on each one (similar to the Galaxy S). The leaked Verizon roadmap suggested they are launching a Samsung tablet in November, but I expect more carriers will also pick up the device. Other rumors also claim that an 8-inch version might appear in October and a 10-inch one could land in December.

الـمصدر

[video=youtube;KTOASwRl3bY]http://www.youtube.com/watch?v=KTOASwRl3bY&feature=player_embedded[/video]

ماعمري أقتنعت بالحاجة لتابليت, اللي خلاني أحط الخبر هو الديزاين الجميل بس.
 
أعلى