hits counter

GDC حصريا: سعر Playstation 3 Slim الجديد في دول الخليج

BioMario

BioMario

مصمم
السلام عليكم

sony_logo_1.jpg
تمكنا من الحصول على تأكيد رسمي بسعر البلاي ستيشن 3 الجديد و الذي كشف أمس في ألمانيا على هامش فعاليات معرض GamesCom الأوروبي للألعاب. الجهاز الجديد سيصدر في سبتمبر القادم و بسعر 1299 درهم إماراتي.​
ابقوا معنا حيث نقوم بكشف كامل التفاصيل الرسمية عن الجهاز الجديد و الأسعار المخفضة و موعد الصدور قريبا على TG.​
أنقر للتوسيع...
http://www.true-gaming.net/home/?p=2896

الخبر قوي الصراحة .. TG :rockon:
السعر اشوفه حلو ..
بكم سعر الجهاز عندنا قبل ؟
 
300 دولار = 1125 ريال سعودي.

لو ما باعوه عندنا بهذا السعر يخلوه لهم أحسن.
 
للكويتيين فقط: الريحاب اكيد راح يرفعون سعرها لي 170 دينار كويتي.

لوول .. الله يلعنهم الحراميه .. اطلبها من امازون اشرفلي ^_^

عموما راح اشتريها اذا تشغل العاب بلي ستيشن 2 ... واذا ماتشغل .. خلها تستريح !
 
اممممم كويس مش وحش احسن برضه من السعر الحالي بفرق سعر لعبة :S
لو نزل بالسعر ده مع باندل بلاتنيوم جيمز ولا لعبة اضافية بيكون حلو جدا جدا
عموما شكرا سوني بجد
بس حد عنده علم سعر الفات حاليا متى بينخفض ؟؟؟؟؟
طبعا انا اتكلم عن اسواق الخليج وخصوصا عالم سوني بالسعودية
ياريت TG وادارته لو اتصلتم على مسؤولين سوني بالسعودية انا اثق انكم باذن الله قادرين توصلو لهم
 
سعر الفات 80 جيجا راح ينزل الى 1299 درهم أيضا


الأسعار في السعودية مثل الامارات أتوقع


عموما تأكيد رسمي بيوصلنا اليوم لكل المعلومات بما فيها موعد إصدار رسمي للSlim
 
معليه ياشباب , انا الفترة الاخيرة ماتابعت اخبار الجهاز كثير , فيليت تعطوني الفرق بينه وبين النسخ القديمة ؟! وهل بيوقفون اصدار الاصدارات القديمة ويكتفون بهذه ولا ايش ؟
 
أنا أتمنى لو يلتزم وكيل سوني هنا عندنا بالأسعار الجديدة لمصلحتهم و مصداقيتهم أول قبل مصلحتنا إحنا :(
 
^
اعتقد ان وكيل سوني بالسعودية ملتزمين على حد علمي يعني السعر القديم تقريبا نفس سعر الرسمي
الا اذا حد عنده معلومه مختلفة وماعرفها

هي المشكلة في التجار الاخرين زي جرير واكسترا مثلا وتجار صغار مثلا بالقصيم زي مدينة السوني
هل عالم سوني حيقدر ينزل السعر ويتضرر هؤلاء مثلا ولا حيقدر يضغط عليهم او يعوضهم ... الخ الله اعلم
مش عارف ايه ممكن يحصل

تصدقوا والله انى شكيت اول مانزل عرض مهرجان جرير للالعاب ان التخفيض قادم وان جرير عايز يخلص من اللي عنده زي اكسترا لول
الحمد لله اننا ماتسرعنا
 
الوكيل عندنا يبيعه بسعر بريطانيا وزايد عليه شوي والمحلات في الغالب أزيد منه بشوي أو مثله.
 
اللي أعرفه إن سوني السعودية تفرض نظام تسعير موحد على كل التجار لمنتجاتها

و غالبا اللي يغيرون في الأسعار مخالفين


بما إن سوني الأوروبية تبي تخلص الفات بأسرع وقت ممكن.. أتوقع سوني الخليج بتضغط على السعودية و بيحاولون يخلصون كل الأجهزة القديمة في وقت قصير جدا
 
يباله بعد العيد وحده
بس ان شاء الله تشغل العاب ps2
 
^

ما يشغل -__-

الفات اذا عليه برايس كت في السعوديه.. راح يكون افضل
 
لا عزيزي مب هذا القصد
القصد انك تشغل شغلتين في نفس الشغل وتريح عمرك
وانا اوريدي عندي ps2 , ps3
 
اذا مايشغل العاب بلاي 2 أجل راح أأجله الين تنزل كمية العاب محترمه..
 
اشوف السعر ممتاز للي ماخذ الجهاز للحين.
 
السعر الجديد أعلى من إلي كنت متوقعه !! عموماً هو مش ذاك الفرق الكبير إلي يزعل الواحد .. خصوصاً إنه سعر أجهزة الـPAL .. الدور و الباقي على إلي رح يستورد الأجهزة الأمريكية .. أنواع السلخ :angry:: ..​
 
1300 درهم = 100 كويتي

سعر الفات قبل البرايس كت بالرحاب 110...

ماكو فرق و ما طلعنا بنتيجه تفرح و اذا بتطلبها من امازون شوف انواع النصب من ارامكس و يطلعلك اغلى من بيع السوق:crying:
 
اللي عايز يشغل العاب بلاي 2 الحين يقدر يشتري بلاي 2 + بلاي 3 = نفس سعر بلاي 3 القديم لووووووووووول :D

التخفيض حيبدا في 1 سبتمبر ولا لسه مافي معلومات مؤكدة ؟
 
^
^
110 حق المفصخ اللي مامعاه شي بس الجهاز و الوايرات, حتى بدون يده
 
^متاكد؟ لانه انا سالته عن 80 قيقا و قتله بدون اي العاب قالي 110
 
اعرف اثنينه شروا الجهاز قبل شهر بـ110 بدون شيء

فيمكن اللي انت سألته عرضه احسن
 
السعر الاوروبي موحد

اللعب يكون في السعر الامريكي

السعر اكثر من ممتاز بالنسبة للبلاي 3
 
كالعادة نحن أغلى من أمريكا واليابان مؤخرا من قبل شهر شريت البلايستيشن 3 الفات 80 جيجا ب 1650 ريال

العرض هو (كنترول واحد + لعبتين من سوني تختارهم)
 
1299 ريال اشوفه سعر حلو ، و الفيصلية (وكيل سوني عندنا) لازم يلتزموا بسعر الخليج ، و اكيد دحين زمانها اسعار الفات وصلت لهذا السعر عند العاب طوكيو و غيرهم ....

يبغالنا نشيك عليهم بعد العصر .
 
لحظة... ما راح يشغل ألعاب الPS2؟!
 
DarkSayno قال:
لحظة... ما راح يشغل ألعاب الPS2؟!
أنقر للتوسيع...
اذا بيخلون الجهاز يشغل العاب البلي2 فهو بيكون عن طريق اميوليتر لكي يستطيع اصحاب النسخ بعد 60 جيجا ان يستفيدوا منه
 
يجب تسجيل الدخول أو التسجيل كي تتمكن من الرد هنا.
عودة
أعلى