hits counter

شلون اتخلص من الPing?

ABUALI

ABUALI

True Gamer
ما اعرف وش الـping اصلا علشان اتخلص من.
وانا العب COD4 على البي سي يجيني مسج من الكونسول إني إذا ما عدلت البنج بنطرد،
أو قبل ما ادخل السيرفر يكتب لي server is for low ping only.

أنا بحثت لمن تعبت، طلع وياي إن COD4 تحتاج ذاكرة قوية من الجهاز وهذا يأثر في البنج، فطبيعي إذا سويت رستارت وشغلت اللعبة بدون ما اشغل اي برامج ثانية يرجع البنج لحالته الطبيعية.

المشكلة إن البنج الطبيعي عندي 190، واذا زاد شوي يخترب اللعب على الجماعة ويشوتني. فإذا أحد يقدر يساعدني، يقول اللي في بطنه ويكون مشكوراً.
 
ال ping هو مدى سرعة اتصالك مع السيرفر .. كل ما كانت سرعة اتصالك ضعيفه كل ما كان الرقم عالي.

حاول تدخل سيرفر سعودي مثلا او عربي ... او جيب اتصال اسرع.
 
من وين احصل سيرفرات عربية ؟
 
لكول اوف دوتي 4 ؟؟ الله يعلم ..
ما اعتقد بتحصل في الفتره هذي .. ما اقدر افيدك.
 
بدور واذا حصلت، بحطهم هني

مع إني فاقد الامل، لان السيرفرات العربية مستحيل تحصلها :cryy:
 
الحل كتبته بردك:

طلع وياي إن COD4 تحتاج ذاكرة قوية من الجهاز وهذا يأثر في البنج، فطبيعي إذا سويت رستارت وشغلت اللعبة بدون ما اشغل اي برامج ثانية يرجع البنج لحالته الطبيعي
أنقر للتوسيع...

لا تشغل برامج ثانيه ..بنج 150 هو بنج مقبول
اذا شغلت "برامج ثانيه" بتستهلك الذاكره وبيأثر على اللعب بشكل غير مباشر.

حلول آخرى:

-زيد الرام

-أبحث عن السيرفر اللي فيه الـping\latency الاقل في لستة السيرفرات "تكون غالباً السيرفرات الاوربيهالتركيه-الفرنسيه-الالمانيه"

-نزل برنامج The All-Seeing Eye هو برنامج مفيد لألعاب الFPS يسويلك سكان على كل سيرفرات ألعاب الFPS
ومن مميزاته انه تقدر تعرف الاشتراك من أي دوله وجم لاعب فيه وجم السكور ومتى كانت بدايه السيرفر ، هل في السيرفر نفسه فينترو أو تيم سبيك؟(صراحه مالعبت COD4)



بالنهايه، كم سرعه أشتراكك؟
 
اخوي يلعب زيرو اور إلى الحين ويلعبها على جهاز بمواصفات تعبانه واتصاله ممتاز وسريع , بس كل شوي يطرد من الجيم بسبب لاج ،

ركب اللعبة على جهاز بمواصفات قويه ولاشاف تقطيع ولا لاج والرام اول كان 256 خخخ والحين صار 1جيجا..

يمكن يكون الرام هو سبب ..
 
التعديل الأخير:
persona قال:
الحل كتبته بردك:



لا تشغل برامج ثانيه ..بنج 150 هو بنج مقبول
اذا شغلت "برامج ثانيه" بتستهلك الذاكره وبيأثر على اللعب بشكل غير مباشر.

حلول آخرى:

-زيد الرام

-أبحث عن السيرفر اللي فيه الـping\latency الاقل في لستة السيرفرات "تكون غالباً السيرفرات الاوربيهالتركيه-الفرنسيه-الالمانيه"

-نزل برنامج The All-Seeing Eye هو برنامج مفيد لألعاب الFPS يسويلك سكان على كل سيرفرات ألعاب الFPS
ومن مميزاته انه تقدر تعرف الاشتراك من أي دوله وجم لاعب فيه وجم السكور ومتى كانت بدايه السيرفر ، هل في السيرفر نفسه فينترو أو تيم سبيك؟(صراحه مالعبت COD4)



بالنهايه، كم سرعه أشتراكك؟
أنقر للتوسيع...
الرام عندي 1.5 وغالباً ألعب في السيرفرات الالمانية.

ونزلت برنامج Xfire شغلته مثل The All-Seeing Eye، يكشف الالعاب الموجودة بالجهاز وإذا دخلت على اللعبة يعطيك السيرفرات الموجودة..

إتصالي 256، وأنا نوب في البي سي اونلاين ما ادري اذا كان تيم سبيك، بس قرأتها جم مرة في المواقع
 
الحين البنج يقل كل مازادت السرعه؟ ولا هو نفسه لكل السرعات؟
 
من الأمور اللي تعلي الping هي الفاير وول كمان ، اطفي الفايروول و شوف إذا بأثر عندك.


الfire wall هو نظام حماية للports اللي في الكومبيوتر و بتقدر تطفيه لما تسكر برامج الحماية أو تسوي استثناءات في البرامج اللي تستعملها (تخلي برامج الحماية تتغاضى عن اللعبة و تسمح لك بتبادل المعلومات مع سرفراتها بشكل حر)
 
اشتراكي نفسك 256.. معاناة في الFPS
 
من الأمور اللي تعلي الping هي الفاير وول كمان ، اطفي الفايروول و شوف إذا بأثر عندك.
أنقر للتوسيع...
مطفي أصلاً، ما احب اشغله بالاساس
اشتراكي نفسك 256.. معاناة في الFPS
أنقر للتوسيع...

أنا ما يأثر عليي إن ارتفع البنج أو نزل، والله ما أحس. بس الشباب اللي العب وياهم الظاهر يتضايقون مني،
حتى يسألوني: تقدر تلعب والبنج مالك حالته جذيه، أقول لهم نعم، يستغربون.

يمكن يأثر عليهم البنج، أو لا؟
 
ABUALI قال:
مطفي أصلاً، ما احب اشغله بالاساس


أنا ما يأثر عليي إن ارتفع البنج أو نزل، والله ما أحس. بس الشباب اللي العب وياهم الظاهر يتضايقون مني،
حتى يسألوني: تقدر تلعب والبنج مالك حالته جذيه، أقول لهم نعم، يستغربون.

يمكن يأثر عليهم البنج، أو لا؟
أنقر للتوسيع...

طبعا يأثر عليهم ويسوي لاج عليهم كلهم
حصلت كثير في كول اوف ديوتي 2 و حتى بلعبة وورهوك على البلاي ستيشن 2 , كنا نلعب والبنج ممتاز وكل شي سلس ,فجأة تصير اللعبة تعلق ويحصل لاج ملعون خيره !! ..ولما تشوف قائمة اللاعبين بتلاحظ واحد جديد دخل والبينج حقه واصل 9999 ولما ينطرد بيرجع الخير والسلام يعم على السيرفر :yuck:

من الآخر ..مشكلة البينج مالها حل

الا اللهم لو انت بتسوي داونلود سواء بالاكسبلورر او التورنت او ماشابه , البينج ماله أي علاقة بالرام او سرعة الجهاز ويعتمد بشكل كامل على سرعة الانترنت لديك وعلى بعد موقعك من السيرفر اللي انت تلعب فيه , يعني لو تلعب على سيرفر في تورا بورا او استراليا مثلا فالبينج رح يكون 9999 لكن لو تلعب على سيرفر بريطاني او اوروبي فيمكن يكون 170 - 280 مثلا ..جرب سيرفر ثاني بالأول ..
 
^ البرامج المفتوحة تأثر على البنج.

في طريقة إتبعتها من موقع Blizzard ساعدني وايد، الـping كان يوصل لـ2500 ومن بعد الطريقة ما صار يعدي الـ300 (إتصالي 1 ميجا). الطريقة هي إنك تصكر كل برامج الـstart up من الجهاز. الطريقة للفيستا لكن ما اعتقد تختلف عن الإكس بي:

Run -> msconfig -> Uncheck 'Load start up items'i
 
Colorization قال:
^ البرامج المفتوحة تأثر على البنج.

في طريقة إتبعتها من موقع Blizzard ساعدني وايد، الـping كان يوصل لـ2500 ومن بعد الطريقة ما صار يعدي الـ300 (إتصالي 1 ميجا). الطريقة هي إنك تصكر كل برامج الـstart up من الجهاز. الطريقة للفيستا لكن ما اعتقد تختلف عن الإكس بي:

Run -> msconfig -> Uncheck 'Load start up items'i
أنقر للتوسيع...
هذي الطريقة الذهبية.

أنا انخفض من 300 إلى 170 ونااااااسة. <tgman>
 
بجرب اصكر الستارت آب، عندي المسنجر إشتغاله ثقيل

أحد يستخدم JoyToKey ؟ يأثر واللا لا؟
 
JoyToKey ، لا ماياخذ ذاكره كثيره.
 
Colorization قال:
^ البرامج المفتوحة تأثر على البنج.

في طريقة إتبعتها من موقع Blizzard ساعدني وايد، الـping كان يوصل لـ2500 ومن بعد الطريقة ما صار يعدي الـ300 (إتصالي 1 ميجا). الطريقة هي إنك تصكر كل برامج الـstart up من الجهاز. الطريقة للفيستا لكن ما اعتقد تختلف عن الإكس بي:

Run -> msconfig -> Uncheck 'Load start up items'i
أنقر للتوسيع...

البنج في واو يوصل 400-250 ابجرب طريقتك وبشوف ايش يصير..
 
مشكلة البينج مالها حل

الا اللهم لو انت بتسوي داونلود سواء بالاكسبلورر او التورنت او ماشابه , البينج ماله أي علاقة بالرام او سرعة الجهاز ويعتمد بشكل كامل على سرعة الانترنت لديك وعلى بعد موقعك من السيرفر اللي انت تلعب فيه , يعني لو تلعب على سيرفر في تورا بورا او استراليا مثلا فالبينج رح يكون 9999 لكن لو تلعب على سيرفر بريطاني او اوروبي فيمكن يكون 170 - 280 مثلا ..جرب سيرفر ثاني بالأول ..
أنقر للتوسيع...

إذا جهازك مو قادر يعالج بيانات اللعبة بالسرعة المطلوبة و يبعتها لباقي اللاعبين بصير معك lag

أنا مرت فترة علي احترفت لعبة جنرالز بشكل مو طبيعي و لما بلشت كان الرام عندي 256 ميجا ، كان اللاج يصير بعد ما شغل اللعبة لفترة طويلة (يمتلي الرام) و لما زودت الرام أكثر من الضعف ما عادت اللعبة تعلق من أصله.
 
Conqueror قال:
إذا جهازك مو قادر يعالج بيانات اللعبة بالسرعة المطلوبة و يبعتها لباقي اللاعبين بصير معك lag

أنا مرت فترة علي احترفت لعبة جنرالز بشكل مو طبيعي و لما بلشت كان الرام عندي 256 ميجا ، كان اللاج يصير بعد ما شغل اللعبة لفترة طويلة (يمتلي الرام) و لما زودت الرام أكثر من الضعف ما عادت اللعبة تعلق من أصله.
أنقر للتوسيع...
CPU
Recommended: 2.4 GHz dual core or better
You Have: AMD Athlon(tm) 64 Processor 3000+
أنقر للتوسيع...
مافي أمل أبدل البروسيسور
 
ISP هو أهم شي في موضوع الأونلاين برأيي أنا عندي اشتراك 256 وجربت ألعب مع مختلف بلدان العالم وأفضل اتصال كان مع أمريكا مع العلم إني في سوريا .
البينج عندي 200-300 وألعب أكثر من لعبة FPS والتأخير يكون بسيط في معظم الأحيان .
 
يجب تسجيل الدخول أو التسجيل كي تتمكن من الرد هنا.
عودة
أعلى