المساعد الشخصي الرقمي

مشاهدة النسخة كاملة : Oblivion GOTY Edition -- الموضوع الرسمي..... الثاني



Colorization
09-11-2007, 08:25 AM
أخذت الإذن من خالد حتى أبطل الموضوع الرسمي الجديد للعبة. مو بسبب الإصدارة الجديدة طبعا ً، لكن لأنه اللعبة عميقة وتحتاج guide بسيط حتى يفهم عليها الكل. لعبتها أول مرة، خبصت بأم اللعبة، والحين توي أعرف نظامها عدل لما لعبتها المرة الثانية. أيضا ً، الموضوع الرسمي للnew comers اللي طافهم قطار الهايب!



http://unseencolors.com/upload/oblivion_logo.gif

الشركة المطورة: Bethesda Game Studios
الشركة الناشرة: 2K
تاريخ الإصدار: 10 سبتمبر؛ نسخة الـXbox360 والـPC | تأجلت نسخة الـPS3 لمدة شهر (مواعيد الإصدار لإصدارة العام -GOTY Edition- فقط)

-----------


INTRODUCTION TO OBLIVION
مع سلسلة Elder Scrolls، هدفنا كان دائما ً أن نبني لعبة تقدم إمكانيات لا نهائية للاعب. لعبة، حيث تستطيع أن تكون فيها أي شخص برغبتك، وتستطيع عمل أي شيء من دون معوقات. "عش حياة أخرى، في عالم آخر"، هذا هو شعارنا، ونريدك أنت أن تفعل ذلك أيضا ً.

إذا كنت تحب الإستطلاع والتجول، تستطيع القيام بذلك. إذا كنت تريد إنهاء المهمات الرئيسية فقط، تستطيع ذلك أيضا ً. الأغلبية ستجد نفسها تقوم بالعمليتان في وقت ٍ واحد، ولحسن الحظ؛ اللعبة فيها الكثير من التجوال والبحث حتى تنهي المهمة الرئيسية.

هناك 4 مجموعات (Guilds) تستطيع الإنضمام لهم، كل ٍ مع قصتها الخاصة والمكافآت المخصصة لها. تستطيع الصعود حتى أعلى رتبة في كل فئة. سواء كنت مهتما ً بالسرقات، السحر، القتل المأجور أو المبارزة (أو جميعهم!)، هناك فئة تنتظرك لتنضم إليها. أو، توجد لديك حلبة المبارزة (Arena)، حيث تستطيع الذهاب والمراهنة على المبارزات التي تحدث بشكل يومي، أو أن تتحدى لجميع وتبارز لترفع من إسمك ولقبك!

بالطبع، الكل يحتاج إلى المساعدة في Oblivion من وقت ٍ لآخر. تفاعل مع الناس، قد يكون أحد منهم يحتاج للمساعدة. إبحث في الكهوف والقرى، فقد تجد ما كنت تبحث عنه، أو تستطيع رفع مهاراتك من خلال قتل الأعداء والتجوال بين الأماكن. تستطيع أيضا ً أن تبحث في العراء عن أماكن جديدة لم تكن ستكتشفها من قبل. أ قرى كانت أم كهوف. في Oblivion ستكتشف العديد من الكهوف، الزنزانات، الأماكن المهجورة، وحتى المخيمات. البعض له ماضيه الخاص، والبعض الآخر قد يكون مجرد مأوى للوحوش التي تسعى للحفاظ على كنوزها بأمان.

ولأنك تستطيع الذهاب لأي مكان وفعل ما تشاء، تستطيع ايضا ً أن تكون من تشاء. في بداية اللعبة ستتيح لك الفرصة بتصميم شخصيتك بالكامل، وستكتشف العديد من الأسحار والأسلحة المخبئة في الكهوف او المدن أو عند الباعة في المدن. تستطيع بناء شخصيتك بالكامل وبالشكل الذي تريده. تستطيع إختيار أي عرق تنتمي له، الوظيفة المؤهلة لك (Knight, Mage...etc)، وتستطيع الإختيار من بين العديد من الأسلحة والأسحار. الخيارات، حرفيا ً؛ لا نهائية.

بعد هذا كله، الخيار لك. إبحث عن طريقك بنفسك، إستطلع المهمات وإكتشف كل ماهو جديد وشيّق. شكرا ً لإنضمامك معنا في هذه الرحلة، نتمنى أن تستمتع بها بقدر إستمتاعنا ببنائها. :cooool:


- فريق عمل أوبليفيون

------------------------------------


Races | الأعراق


Argonian

http://www.elderscrolls.com/images/codex/races/argonian.gif

هذا الزاحف، بتجواله المكثف في المستنقعات، طوّر إمكانية مقاومة الأمراض والتسمم. يستطيعون الإستنشاق تحت الماء وهم جيدون في فتح الأبواب\الصناديق المغلقة (picking locks)

Specials:
Resist Disease, Immune To Poison, Water Breathing

- - -


Breton

http://www.elderscrolls.com/images/codex/races/breton.gif

إضافة ً إلى سرعة بديهتهم وبراعتهم في إتقان فنون السحر، حتى الضعيفين منهم يستطيعون صد الهجمات السحرية بسهولة. لديهم قدرة مميزة في إستدعاء المخلوقات وإستخدام السحر الأبيض.

Specials:
Fortified Magika, Dragon Skin, Resist Magika

- - -


Dark Elf

http://www.elderscrolls.com/images/codex/races/darkelf.gif

أيضا ً يـُعرفون بالـ"Dunmer" في موطنهم الأصلي؛ Morrowind. يتخصص الـDark Elves في فنون السلاح (السيف)، إستخدام القوس (Bow) وقدرتهم في إستخدام السحر الأسود. لديهم مناعة ضد النار ويستطيعون إستدعاء شبح لمساندتهم في المعارك.

Specials:
Ancestor Guardian, Resist Fire

- - -


High Elf

http://www.elderscrolls.com/images/codex/races/highelf.gif

يعرفون بالـ"Altmer" في موطنهم؛ Summerset Isle. يتميز هذا العرق عن باقي الأعراق في إستخدامه المتقن للفنون الغامضة (Arcane Arts). مع هذا، فهم ضعيفين أمام قوى النار، الثلج والكهرباء.

Specials:
Weakness To Fire; Frost and Shock, Resist Disease, Fortified Magika

- - -


Imperial

http://oblivion.gumininjahq.hu/skill/imperial.gif

العرق العالمي والمحافظ في Cyrodiil. أثبتوا فطنتهم وحدة ذكائهم في مهنة التجارة. عادة ً ما يكونوا مسلحين بالأدوات الثقيلة (Heavy Equipments) ويحبّذون وظيفة الـWarrior.

Specials:
Star Of The West, Voice Of The Emperor

- - -


Khajiit

http://oblivion.gumininjahq.hu/skill/khajiit.gif

ينحدرون من أصول Elsweyr؛ هم أذكياء، خفيفوا الحركة وسريعون. دائما ً ما ينتج عنهم سارقون محترفين (Thieves) كونهم يتميزون بسرعة البديهة وقوة لا يضاهيها أحد في المهارات البهلوانية. هذا العرق يتميز أيضا ً بقدرته على الرؤية حتى في الظلام.

Specials:
Eye Of Fear, Eye Of Night

- - -


Nord

http://oblivion.bonusweb.cz/obrazek/nord.gif

مواطنوا Skyrim؛ يتميزون بالطول والشعر الطويل. يتميز هذا العرق بالقوة الجسدية ومقاومته لـ قوى الثلج. هم محاربون أقوياء أيضا ً (Warriors)

Specials:
Nordic Frost, Woad, Resist Frost

- - -


Orc

http://www.oblivionicus.org/graphics/races/orc.gif

أناس قرية Wrothgarian وجبال ذيل التنين؛ يتميز هذا العرق بتفوقه الجلي في صناعة الأسلحة. شعب الـOrcs في لباسهم الضخم يعتبرون الأقوى في هذه الإمبراطورية، ويكونون مصدر هلع حين يطلقون قواهم الشريرة.

Specials:
Berserk, Resist Magika

- - -


Redguard

http://oblivion.bonusweb.cz/obrazek/redguard.gif

أكثر شعب موهوب فطريا ً في المبارزة، ويتمركزون في Tamriel. إضافة ً إلى خبرتهم العريقة في صناعة الأسلحة، لديهم دراية كافية عن الأمراض ويتمتعون بمناعة ضدها وضد السموم.

Specials:
Adrenaline Rush, Resist Poison, Resist Disease

- - -


Wood Elf

http://oblivion.gumininjahq.hu/skill/woodelf.gif

يتواجدون في غرب غابة Valenwood، ويطلق عليهم أيضا ً "Bosmer". يتميزون بالفطنة والحركة السريعة،مما يجعل منهم لصوص أذكياء، ولا يفوقهم أحد في مهارات التصويب بالقوس (Archery). قدرتهم المعروفة في إستدعاء مخلوقات صغيرة أصبحت شائعة، أيضا ً.

Specials:
Beast Tongue, Resist Disease

------------------------------------


FAQ | الأسئلة الشائعة



ماذا تعني كلمة Oblivion ؟

أوبليفيون هو الإسم الشائع في عالم Tamriel للجحيم، ومنه يخرج مخلوقات الـDaedric من خلال بوابات أوبليفيون.



ماهو الـQuick Traveling في أوبليفيون؟

إحدى أهم الخصائص والتي كانت تفتقدها الأجزاء الماضية. تستطيع السفر إلى أي مكان على الخريطة عن طريق التأشير على المكان المراد السفر إليه وإختيار Travel. بالطبع، تستطيع التوغل في أعماق إمبريالية Cyrodiil وإكتشاف العديد من الكهوف والقرى الصغيرة وما إلى ذلك، وأيضا ً من خلال الإستكشاف ستزيد من مهاراتك (Acrobatic Skills بالتحديد). واكن إذا كنت تريد الذهاب إلى بعض الأماكن بسرعة، فهذا الخيار متوفر لك.



هل اللعبة مفتوحة المدى؟ (بمعنى آخر، هل أستطيع الإبتعاد عن المهمات الرئيسية؟)

نعم. تستطيع الإنغماس في المهام الفرعية والإلتحاق بمجموعات معينة والعديد من الأشياء الأخرى، وتستطيع العودة للمهام الرئيسية في أي نقطة تريد.

لقائمة مطوّلة أكثر للأسئلة الشائعة، أنصح بزيارة هذه الصفحة (http://cyrodiil.net/html/faq.html).

------------------------------------


في أشياء كثييييييييرة ما كتبتها، حبيت البعض يكتشفها بنفسها لما يلعبها. في وقت لاحق راح أكتب أفضل الطرق في الlevelling وكم شيء آخر.
أتمنى إنه الnew comers للعبة (وآنا منهم) يستمتعون بهالموضوع الرسمي الجديد! :::wink:::

The Shark
09-11-2007, 08:32 AM
شكرا للموضوع خصوصا الجايد الي عامله .. اللعبة للأسف لين الحين ما لعبتها بحاول آخذها في أقرب فرصة (يمكن بعد هيلو 3 مباشرة) ...

hussien-11
09-11-2007, 09:22 AM
يعطيك العافية موضوع ممتاز و الله
اللعبة هذي فيها أشياء ساحرة كثيرة
الساندتراك ساحر
الارت .. هذي اللعبة عالم واسع لا متناهي من الفن !
الحرية و الضخامة .. لا توصف
الأجواء .. خلابة !
الجيم بلاي .. اتقانه سهل لكن احترافه صعب
احلى شي باللعبة انه كل شخصية عندها صوت خاص فيها و شخصية مميزة ، و المهمات باللعبة فعلا تحسها ما تنتهي
ههه ، المشكلة الدنجيونز باللعبة تحسهم كئيبين بشكل !
انا ما دخلت إلا دنجيون واحد .. هو كهف اللصوص الي بجانب أول مدينة .. ياخي خلاني على أعصابي ! أتموسفيره مرعب و كئيب بشكل ، ما صدقت و انا أخلصه
اللعبة مو قادر أندمج فيها تماما لأنها أول لعبة ألعبها من هالنوع ، لازمني صبر عليها اكثر

Colorization
09-11-2007, 10:15 AM
ضفت FAQ's شوية.

ماعرف منو قاعد يلعبها الحين غيري آنا وياك حسين، لكن جاسم هارتلس ومحمود إن شا الله راح يجربونها بالفترة القادمة، وأتمنى يدش معانا أحد ثاني!

لول هذي كم صورة لشخصيتي:

http://unseencolors.com/upload/oblivion_2.jpg

http://unseencolors.com/upload/oblivion_1.jpg

http://unseencolors.com/upload/oblivion_3.jpg

نسيت أصور الشاشة اللي فيها الattributes (الكلاس والريس وباقي الأشياء). مستمتع فيها حيل لولا حركات الإكس بوكس أم نص كم -ـ- (تعلق اللعبة كثير معاي، قهر :( )

Leon
09-11-2007, 10:33 AM
بإذن لله راح أخذها مع بايوشاك في اليومين هذي , زمان وأنا نفسي أجربها وأعتقد جا وقتها بالنسبة ليا ..
ممتاز إنك فتحت موضوع جديد للعبة .. تسلم على الموضوع المرتب كينجي .. :)

The Shark
09-11-2007, 10:55 AM
بإذن لله راح أخذها مع بايوشاك في اليومين هذي , زمان وأنا نفسي أجربها وأعتقد جا وقتها بالنسبة ليا ..
ممتاز إنك فتحت موضوع جديد للعبة .. تسلم على الموضوع المرتب كينجي .. :)
نصيحة خذ كل وحدة لحال ...

Leon
09-11-2007, 11:27 AM
نصيحة خذ كل وحدة لحال ...

لا تخاف بعطي كل وحدة حقها وأكثر إن شاء الله , بايو شاك على المدى القريب وأوبليفيون على المدى البعيد ..

ASWD
09-11-2007, 11:59 AM
ما اظن يحتاج موضوع ثاني محمد للعبة كنت اكتفيت بوضع موضوعك هذ كرد بالموضوع السابق..لانها بالنهايو مجرد اصدار محسن ومافي داعي موضوع كامل عشانها*حالها حال باقي الالعاب*..افضل ان يتم دمج هالموضوع مع الثاني:)

*خيار الدمج وبعض الخيارات الاخرى عندي مروبة*ياريت احد يدمجه

Final Fantasy
09-11-2007, 12:14 PM
من الحين حاسس أنها راح تكون من أكثر المغامرات الي راح أستمتع فيها بهالجيل :)

MALDINI
11-09-2007, 09:44 PM
من يلعب فيكم اللعبه ذي الايام ؟

شباب صرت فامباير -_____- ما ادري وش السبب الى الان ولا اقدر اطلع بالنهار مثل اول ملامح شخصيتي طلعت كبيره .. شويه كبيره بعد .. هل هناك حل ؟

+ ودي اغير الدرع حقي هذا الدرع اللي لابسه خذيته من الارينا .. صح انه قوي لكن ودي ابدله ولا لقيت واحد اقوى منه ؟

http://aycu32.webshots.com/image/33791/2003588561240383358_fs.jpg

http://aycu14.webshots.com/image/31853/2003511680246991881_fs.jpg

بالليفل 13 ومستوى الصعوبه حطيته بالنص .. الجنس حقي دارك إلف .. عسى حد منكم يلعبها مثلي الحين ؟؟

***

Final Fantasy
11-09-2007, 09:48 PM
ناوي عليها الشهر الياي .. أكون مخلص من أنشارتد و أساسين و عندي فراغ أسابيع لحين دارك ساكتور و ديفل ماي كراي 4

Naif
11-09-2007, 10:20 PM
ما عندي نسخة الـGOTY لكن الموضوع حمسني ارجع العبها..

Arsene Lupin
11-09-2007, 10:24 PM
أنا بديت فيها من قريب بعد.. لفل 5 الحين.. Nord و القدرات مسوي خليط بين المحارب و الساحر (Restoratino & Destruction).. والله الخليط حلو و مستانس عليه..

اللعبة خيااااااااااااال.. ودي لو القى عطلة اسبوعين او ثلاثه ورا بعض اعيشها كلها في اوبليفيون. أسلوب ال Level up فيها ادمان.. تلقاني في المدن ما غير أطامر و اسوي Heal:laugh:

بس نصييييييحة شباب لحد يسرق أي شي!! والله تروح عليك.. يا تدفع مبلغ يكسر الظهر تعويض للي سرقته او تروح للسجن.. اذا خلصت مدة السجن ينقصون ليفيلات مهاراتك.. والله ما تسوى عليك. تقدر تنحاش من الحراس.. بس خلاص أي مدينة تروح لها تصير مطلوب فيها! فمن الأول خلك ماشي صح ولا تسرق.

Xeno
11-09-2007, 10:40 PM
لازم كل فترة تذكروني بأوبليفيون, +130 ساعة كلها فالصيف :cryy:

حتى الآن لعبة الجنريشن بالنسبة لي, وبكل صراحة ماشوف لعبة تقدر تتفوق عليها.

إلدر سكرولز 4 = الإعجاز

NSider
11-09-2007, 10:45 PM
توني أنتبه للموضوع. موضوع رهيب للعبة رهيبة، مشكور كولو.

The Sinner
11-09-2007, 11:05 PM
موقفها من الصيف عشان الالعاب وللحين زحمة العاب اكثر

اذا بلعبها وهذا شي اكيد لازم اختمها بس وين يمكن اول 2008

hamad 11
11-09-2007, 11:15 PM
لازم كل فترة تذكروني بأوبليفيون, +130 ساعة كلها فالصيف :cryy:

حتى الآن لعبة الجنريشن بالنسبة لي, وبكل صراحة ماشوف لعبة تقدر تتفوق عليها.

إلدر سكرولز 4 = الإعجاز

Indeed :cryy:

طبعاً احسن العروق عندي هو الـDark Elf وRedguard

ASWD
11-10-2007, 12:23 AM
انا ظالم اللعبة شر ظلم..عندي من زمااااااااااان وللحين مامشيت فيها شي طلعت من السجن وخلاص*وما انكر اني مضيع شوي كمان* كيف راح اكملها ومتى ما اعرف خصوصا ان بكرا بتوصلني راتشيت وكود4:(

تحرير:

وش الخصبة اللي صايرة عندي في الردود -_-

Colorization
11-10-2007, 12:23 AM
على فكرة شباب الموضوع قديم شوي (سبتمبر) عشان جذي بعضكم ما لاحظه..

انا وقفت العبها من فترة، ما اتذكر الأسباب لكن احدها هو تخمة الألعاب اللي عندي (كالعادة). المشكلة إني كل أسبوع اشتري اكثر من لعبة واوبليفيون تحتاج وقت لحالها. اتمنى ارجع لها بأقرب وقت.

مالديني: الvampirism يحوش أي شخص وبأي وقت، انا في الsave القديم حاشني بسرعة وخلاني أكره اللعبة لول. هذا حل للمشكلة من الموضوع الرسمي القديم: هنا (http://www.true-gaming.net/boards/showpost.php?p=72090&postcount=27)
الحل طويل لكن بترتاح بعدها (أظن ما يرجع لك مرة ثانية).

NSider
11-10-2007, 12:25 AM
أدري أنه قديم، عشان كذا قلت أني ما لاحظته.

ShinShadi
11-10-2007, 12:42 AM
أنا ناوي على نسخة الـGOTY تبع الـPS3 .. لازم أعطي الشريط هذا حقه ..
مشكور كولور على الموضوع .. متأخر شوي بس تستاهل :) ..

hamad 11
11-10-2007, 02:48 AM
مالديني: الvampirism يحوش أي شخص وبأي وقت، انا في الsave القديم حاشني بسرعة وخلاني أكره اللعبة لول

لا هو ما يجي لأي احد

تمرض منه بس إذا دخلت دنجن او كهف فيه فامبايرز وقاتلتهم, عاد إذا ضربك احد منهم أو خذيت المادة الى تطلع منهم بعد ما يموتوا وأكلتها.. هنا إحتمال كبير تمرض, غير كذا لا تخاف ما رح يصير لك شي

Colorization
11-10-2007, 02:57 AM
ولو سويت العملية كلها، هل يرجع لي وإلا تصير عندي مناعة منه؟

hamad 11
11-10-2007, 03:01 AM
ولو سويت العملية كلها، هل يرجع لي وإلا تصير عندي مناعة منه؟

المرض ممكن يصيبك مليون مرة باللعبة حتى لو كل مرة تتعالج منه :sealed:

بس أفضل انك يوم تدخل دنجنز وتحصل فيه فامبايرز تنحاش منه على طول.. او تكون بقائمة الأدوات عندك ثوم لأنه يحميك منهم ويقلل إحتمالية إصابتك بالمرض

Xeno
11-10-2007, 10:08 AM
^

أول ماتتعالج منه (العلاج الكامل), مايرجع مرة ثانية, كيف مليون مرة!؟

ترا الفامبايرزم ممكن يكون وناسة ويعتبر كلاس في اللعبة, يعني ممكن تخلص اللعبة وأنت فامباير, بس بتشرب دم ناس كثيييير لول.

ryo hazuki
11-10-2007, 11:21 AM
دخلت الموضوع بس عشان اشكر Colorization على التقديم الممتاز للعبه

الفمباير مقرف بشكل .....فيه ناس وايد يتجاهلونك لانك فمباير الااذا شربت دم

فيه له كويست في ويكيبيديا عشان تلغي المشكله

لازم تجمع كم ايتم و تروح عن عيوز منعزله عن العالم و بتعالجك

او اذكر فيه مكان تنزله اتوقع اسمه فان لير يعالج كل المصايب ب 200 نقطه و ممكن يكون متوفر مجاني في هذي النسخه !!

هل اكسبانشن شيفريج ايلس موجود او لا ؟

Final Fantasy
11-10-2007, 12:17 PM
هل اكسبانشن شيفريج ايلس موجود او لا ؟
[/B][/B]
موجود :) .

hamad 11
11-10-2007, 06:15 PM
^

أول ماتتعالج منه (العلاج الكامل), مايرجع مرة ثانية, كيف مليون مرة!؟

زينو إذا جاك المرض وتعالجت منه, بعد مدة من الزمن ممكن يصيبك مرة ثانية, لكن طريقة الشفاء رح تتغير شوي, ما رح تشوف زوجة الامبراطور الى مصابة بالمرض في غرفتها السرية
انا ما جربت لكن هذا الى انقال لي

Monster
11-11-2007, 01:09 AM
لعبة قمة بمعنى الكلمه ...... ودي بجزء ثاني منها لكن زي ما يقولون لعبه زي كذا تجي مره كل جيل.

Dante
11-11-2007, 02:38 PM
بديت فيها من فترة وماوصلت كثير ,, علقت عند مكان الي اقتل فيه حارس السيجل واخذ منه المفتاح وبعدها ماعرفت وين اروح وهذا وانا توني ماتعديت 3 ساعات باللعبة !!

persona
11-13-2007, 08:27 PM
شريتها أمس (واخيراً) مواصفات جهازي مش حالك بس ماعليه نلعبها يعني نلعبها..


race:Imperial
Class: Dark Knight
Sign: The Lady

MALDINI
11-14-2007, 04:58 PM
يلعن ام الحاله ياشيخ قررت اوقف توصيلتي بعد تقريبا 40 ساعه -___- .. حاط الصعوبه على النص والليفل حقي وصل لــ 14 تقريبا او 13 .. العلاج لقيت له حل بس يبيله وقت ويييييين وقت طويل جدا اول شي رحت للميجز جيلد او الجامعه الموجوده بالمدينه الكبيره بعد كذا تكلم وحده وذي الوحده توصيك على شخض تروح له وهذا الشخص يوصيك على ساحره اوكيه هنا عاد قالت لي اذا تبي الكيور تسوي لي خدمه (( كالعاده ياسعاده ) قلت اوكيه المهم قالت ابغى الجيمز هذي اللي تشبه الاحجار الكريمه ونادره مشكلتها قلت اوكيه طلعت من كوخها حسبت ان اماكنها معلّمه على خريطتي لكن صار لا .. لازم تبحث عنها انت بنفسك .. انا اذكر دخلت كهف فيه فامبايرز عشان كذا الظاهر عادوني عيال ال*** .. المهم اللعبه بالنسبه لي لعبة الجيل بلا منازع وهذي النوعيه من الالعاب تقدر تلعبها طول الجيل .

باخذ نسخة الجوتي الاسطوريه وبنام عليها !!

***

Colorization
11-14-2007, 05:00 PM
لا لا لا ما يحتاج تعيد عشان هالشي، إنطر أشوف لك حل أكيد لأماكن الـgems (حرام تعيد من أول مع إنه اللعبة تستاهل)

MALDINI
11-14-2007, 05:06 PM
اذا لقيتها كويس .. بكمل بشخصيتي الاسطوريه .

عندي سؤال .. لو اخذ نسخة الجوتي اقدر اكمل توصيلتي القديمه عليها ولا لا ؟
لاني ودي اوصل بالنورد .
اللي يعرف يقول لي تكفون ؟

***

Colorization
11-14-2007, 05:09 PM
اكيد يصير، تاخذ نسخة أمريكية او أوروبية (نفس نسختك الحالية) وكل شي يشتغل عادي..

MALDINI
11-14-2007, 05:19 PM
اكيد يصير، تاخذ نسخة أمريكية او أوروبية (نفس نسختك الحالية) وكل شي يشتغل عادي..

THANK YOU
http://en.wikipedia.org/wiki/Thank_You_%28Led_Zeppelin_song%29

***

Colorization
11-14-2007, 05:23 PM
^ :D

جرب هذا: http://www.gamefaqs.com/console/xbox360/file/927345/42603

انا ما قريته، إذا ما لقيت اللي تبيه قول لي..

MALDINI
11-14-2007, 05:31 PM
حلو .. وحاط لي بعد اماكن الاشياء المطلوبه للعلاج .. ببدأ الليله الحرث في اللعبه !!
الجيمز شكلي باخذه من الميجز جيلد لاني اصلا عضو فيها اذا مانفع بشتريها .. اذا خلصت منها لازم اجمع الاشياء حقة الكيور .. ياخي فلله احس اني بقعد يمكن 4 او 3 ايام عشان ارجع لحالتي الطبيعيه واكمل توصيل .. بس يستاهل ( ELV ) هذا اسم شخصيتي .. لول .. صرت ياخي مثل المتشرد ما اقدر انوم الا بالحارات ولا اقدر اكلم الناس لول . بشوف وش يصير اليوم
لي عوده قريبا .. ومشكور

***

AMG
11-14-2007, 07:16 PM
اوووه الفامبايرزم و علاجه خخخخخخ انا في الاول كيفت اني فامباير بعدين حسيت انه عذاب لكن العلاج سهل مو صعب

MALDINI
11-16-2007, 03:23 AM
http://www.upload.ps/211007/df728085c9.jpg

اخيرا كملت مجموعة الـدوارفن الاسطوريه
الدرع واللبس حقي تمام ومظبوك وحلو شكله .. وشكلي بخليه لمده طويله الين القى احلى منه
مر 17 يوم على تحولي الى فامباير .. قاعد ادور الجيمز في الايام هذي وبجيب العلاج انشالله .. بس شكلي بستمر فامبيار !! ياخي الفامباير سريع بشكل مخيف وعنده كم صفه رهيبه مثل انك تشوف مثلا بالليل واشياء كثيره تلقونها بالجريت بور ..

***

hamad 11
11-16-2007, 03:49 PM
دورت الـGOTY Edition ما حصلتها

فتوني خذيت الشيفرينج ايسلس

والله فرحان +__+ واخيراً رح تنعاد تجربة اوبليفيون

Colorization
11-16-2007, 04:05 PM
نبي إنطباعاتك عنها حمد، يعني كم مدة الإكسبانشن والأشياء الجديدة اللي فيه (لو ما كانت سبويلر).


انا ودي لو أكملها لكن مو الحين. بعد ماريو جالاكسي وماس إيفكت اعتقد بيكون عندي وقت العبها (مابي العب شي مع ماريو وماس إيفكت). والله متحمس حيل بعد ما عرفت ميكانيكية اللعب عدل.

persona
11-16-2007, 04:06 PM
انا قاعد العبها بالراحه

خلصت كويست..

الـOrc اللي اهوا البطل في الArena وأكتشف حقيقته أنه هو نص فامبير ونص orc وابوه مو أمير نبيل، كنت بصير فامبير في القولد كوست بس الله ستر :yuck:

hamad 11
11-16-2007, 04:15 PM
نبي إنطباعاتك عنها حمد، يعني كم مدة الإكسبانشن والأشياء الجديدة اللي فيه (لو ما كانت سبويلر).

ما اظن رح العبها الحين.. لازم احط لها وقت كامل متفرغ فيه عشان لما امسكها العبها من البداية لين النهاية بدون ما انقطع :cooool:
لكن بعد شوي رح العبها على السريع إن شاء الله واخذ فكرة ورح اكتب انطباعاتي


الحين صار عندي كولكشن حلو <tgman>


http://www.up07.com/up7/uploads/3d0c0e926e.jpg
لول المشكلة كل هذا كان بعلبتين بس لكن طلعت كل شي عشان يبين الكولكشن كبير :yuck:



الـOrc اللي اهوا البطل في الArena وأكتشف حقيقته أنه هو نص فامبير ونص orc وابوه مو أمير نبيل، كنت بصير فامبير في القولد كوست بس الله ستر


انا لو منك كان ما سويت هالكويست.. لأنك يوم تكمل هالكويست رح تاخذ فلوس في النهاية وهو ما رح يقاتلك بالحلبة, رح يوقف لك بدون حراك وانت تنزل فيه ضرب لين ما يموت بس الأدوات مالته بعدين رح تكون عادية.. اما لو قاتلته بدون ما تسوي الكويست رح يقاتلك بشدة لكن في النهاية رح تكون أدواته قوية ورح يكون عنده سلاح قوي ودرع أقوى

persona
11-16-2007, 04:19 PM
^ اها عشان جذي يعجبني مسارات الكوستات فيها

عموماً ..هو مذبوح مذبوح ، وجهه قبيح لكن مو بقبح النمر اللي قالي وقف عطني فلوسك والا حياتك لوول..



جدامي طريج طويل صح :>؟

الTheives Guild ، ممتع؟ والا مايحتاج اضيع وقتي عشانه ، صراحه ماحبيتهم وماحبيت قائدهم؟ ولا حتى الstarter quest

ووين الWariror Guild وشنو ميزاتي اذا ألتحقت فيه؟مثلاً يرسلوني مهمات مع جنود مثلاً؟

hamad 11
11-16-2007, 04:36 PM
الTheives Guild ، ممتع؟ والا مايحتاج اضيع وقتي عشانه ، صراحه ماحبيتهم وماحبيت قائدهم؟ ولا حتى الstarter quest

ووين الWariror Guild وشنو ميزاتي اذا ألتحقت فيه؟مثلاً يرسلوني مهمات مع جنود مثلاً؟

الثيفز جيلد من ناحية اللعب فهو الأفضل من دون منازع بنظري, السرقة مرة مسلية <tgman> والقصة أروع, خصوصاً وانت تكتشف هوية الـGrey Fox

بالنسبة للفايترز جيلد فممكن تروح لمبناه في أي مدينة ورح يخبرونك شلون تلتحق فيه وهو عادي, مثل كل الجيلدات الثانية.. رح يرسلوك لمهام مختلفة, مثلاً تقتل حيوانات أو وحوش, أو تتحقق وتتحرى عن شي.. وجذي

طبعاً كل ما تخلص مهام رح يعطونك فلوس + ميزة هالجيلد رح تحصل أسلحة ودروع أقوى كل مرة

كل الجيلدان ممتازين لكن بالنسبة لي الترتيب من الأفضل للأقل هو

الثيفز جيلد > الدارك بروذرهود جيلد > الميجز جيلد > الفايترز جيلد > الارينا

hamad 11
11-16-2007, 08:45 PM
شباب ساعدوني مو قادر ادش الـShievering Isles

هم قالوا لي بالورقة الى ويا اللعبة لازم تسوي الابديت وتحمل الاكسبانشن وبعدين تفتح Oblivion وتنتظر يوم كامل بتوقيت اللعبة وبعدين رح توصلك رسالة فيها المعلومات ومكان البوابة

انتظرت مليونين يوم ولا وصلني شي ! والحين عدت اللعبة من أول وطلعت من الدنجن بعد ما يموت الامبراطور وقاعد انتظر ولا وصلني شي

TIDUS_FFX
11-17-2007, 06:15 PM
سلام عليكم
شباب مساعده بسيطه ولا عليكم امر

توني شاري اللعبه على الـPC ( كوبي )
وحملتها وكل شي ، رحت للموقع عشان احمل الباتشات
كلهم تحملوا تمام معاي ، ما عدا SHIVERING ISLES
يطلعلي error
http://i12.photobucket.com/albums/a250/Tidus_FFX/SHIVERING.jpg
اذا احد يعرف المشكله او حتى اذا فيه مشكله اتمنى يقول ^^"

ثانكش مغدما

hamad 11
11-17-2007, 07:41 PM
شباب محد بيساعدنا يعني؟

شريتها أصلية حرام يعني اكون خسرت فلوس عالفاضي

MALDINI
11-19-2007, 08:46 AM
http://www.upload.ps/211007/148d7632a6.jpg

اخيرا مابغوا والله يسووها .. لول كويس كويس .. ماودي اشتري الجوتي وعندي نسخه حرام ياخي ..
اعتقد بعد فتره بعلنوا انهم بينزلوها على PSN
صدورها في
^^
Tuesday 11/20
***

NESTA
11-19-2007, 01:49 PM
بدر انصحك تاخذ نسخة الجوتي لأن فيها الاضافتين Knights of the Nine و Shivering Isles
و طبعا مع النسخة الاصلية.

MALDINI
11-19-2007, 02:41 PM
Knights of the Nine لقيتها مكتوبه عندي موجوده بس الشيفيرينج هي اللي ناقصتني وذابحتني انا ابيها .. بسعر الجوتي باخذ لعبه غير :smile:

***

Ace
11-19-2007, 02:52 PM
والله انا ودي اشتري Shievering Isles
بس ايش تنصحون اني انزلها من الLive وللا اشتريها ؟

TIDUS_FFX
11-19-2007, 07:19 PM
اخيرا قدرت اصور شخصيتي
كنت ناوي شكله يطلع حلو بس جبت العيد
شوفو وجهه بس لول >_<
http://i12.photobucket.com/albums/a250/Tidus_FFX/Oblivion2007-11-1915-16-21-94.jpg
الـStatus واضحه
Class : Paladin << انا مسويه
توني مخلص اول Quest توصيل الـAmulet
بس قبلها دخلت Velverin ومسحته كله لول ... ذبحت واحد اسمه Jarfar مادري شنو

على الله ما يكون لQuest قدام او شي جذيه xD

MALDINI
11-19-2007, 07:25 PM
اخيرا قدرت اصور شخصيتي
كنت ناوي شكله يطلع حلو بس جبت العيد
شوفو وجهه بس لول >_<
http://i12.photobucket.com/albums/a250/Tidus_FFX/Oblivion2007-11-1915-16-21-94.jpg
الـStatus واضحه
Class : Paladin << انا مسويه
توني مخلص اول Quest توصيل الـAmulet
بس قبلها دخلت Velverin ومسحته كله لول ... ذبحت واحد اسمه Jarfar مادري شنو

على الله ما يكون لQuest قدام او شي جذيه xD

من جدك انت ؟ ذبحته ؟
شوف اي شخصيه اذا جيت تكلمها عليها تاج لاتسوي معها شي الباقي ان بغيت تعشى عليه
مدري بس شوف احسن لك تعيد بتسجيله قريبه يعني .. اوه لايكون اللي ذبحته اللي يمشي مع ولد الامبراطور وانت المفروض تساعدهم <tgman><tgman> <tgman>

***

MALDINI
11-19-2007, 07:27 PM
والله انا ودي اشتري Shievering Isles
بس ايش تنصحون اني انزلها من الLive وللا اشتريها ؟

شوف الفرق بين سعر شرائها اونلاين او قطعه وحده وخذها .

***

persona
11-19-2007, 07:54 PM
افا غازي شخصيتك ليش ماكو شنب :\

ماهقيتها منك لول

TIDUS_FFX
11-19-2007, 11:09 PM
من جدك انت ؟ ذبحته ؟
شوف اي شخصيه اذا جيت تكلمها عليها تاج لاتسوي معها شي الباقي ان بغيت تعشى عليه
مدري بس شوف احسن لك تعيد بتسجيله قريبه يعني .. اوه لايكون اللي ذبحته اللي يمشي مع ولد الامبراطور وانت المفروض تساعدهم <tgman><tgman> <tgman>

***
لا لا هذا ما عليه تاج ولاهم يحزنون ، اصلا ولد الملك مو في Velverin << لاعبها على ps3 بس وقفت لظروف امنيه ; ;

افا غازي شخصيتك ليش ماكو شنب :\

ماهقيتها منك لول
ههههههه
على اني بخليه يشبه Tidus ;;
طلع شكله يجيب المرض والله ، لا تشوفه على جنب
btw عيونه زرقا xD

MALDINI
11-23-2007, 10:53 PM
باقي لي دم السحليه والثوم عشان اكمل ( مقادير ) علاج الفامبايرزم لول .
الثوم قالي مكانه نيستا ونسيته !! بالنسبه لدم السحليه ياخي اخاف اتوهق لما اطعن سحليه .. لانه سريع هذا اول شي ثاني شي يكون عندك الحراس القلق يلاحقونك واذا هربت منهم تصير مطلوب دايما بالمدينه اللي طعنت فيها السحليه لول .. فبشوف لي صرفه انا معه ..

الهيفي ارمر حقي طق للــ 100 !! صرت ملك الهيفي ارمر الحين
وكملت مجموعتين كامله وحده من الهيفي ارمر وال اللايت ارمر الخفيف يعني
هذي صوره للهيفي نسيت اسمه ولا قدرت القى الخوذه حقته -_-
http://aycu05.webshots.com/image/33364/2003146992583344379_fs.jpg
لول لو تشوفون وجهه تحسون ان ماله خدود !! من كثر ما أثر علي الفامبايرزم لعب في وجهه لعب
انا الحين بالليفل 18 وباقيلي النص على ما اروح 19 .. الايام هذي قاعد استكشف المناطق اكثر شي ولا اسوي مهمات يعني اجمع اسلحه وخرابيط .. فعندي اشياء كثيره ابيعها وكسبت منها .. المهمات ياخي احس اني منيب مخلصها من كثرها !! كل شوي طالعه لي مهمه جديده .

***

Colorization
11-23-2007, 11:08 PM
كل ما ينرفع الموضوع أنقرص ـ_ـ كنت محتار بينها وبين World of Warcraft وإخترت WoW بالنهاية (صعب جدا ألعب لعبتين كل وحدة تمتلك قصة عميقة وعالم كبير وشخصيات متميزة).

شخصيتك رهيبة حيل، الـarmor حقه عنييييف!

MALDINI
11-24-2007, 01:53 AM
كولو اسمعني باختصار اوبلفيون يبيلك تخصص لها وقت وتخلصها على الاقل بدون المهمات الجانبيه
.. اللعبه جدا فخمه غريبه اللي ماحبها !!

على العموم مثل ماقلت لكم بتتزل هي على الـ PSN و لقيت خبر بموقع اللعبه
هذا حق الاكسبانشن

Bethesda Softworks®, a ZeniMax Media company, announced today that The Elder Scrolls® IV: Shivering Isles™ for PLAYSTATION®3 computer entertainment system from SCEA is now shipping to North American retail stores. This standalone disc will allow gamers who already own The Elder Scrolls IV: Oblivion® to experience the award-winning expansion.وهذا حق التحميل

Shivering Isles for PLAYSTATION®3 system will also be available for download on the PLAYSTATION®Network (North American, English only) beginning November 29th. Shivering Isles is rated M for Mature by the ESRB.***

MALDINI
12-03-2007, 10:39 PM
http://www.true-gaming.net/boards/%5Bimg%5Dhttp://www.upload.ps/211007/a0d23cd829.jpg%5B/img%5D

طبعا لي مده طويله وانا متخلص من الفامبايرزم المخيس واخيرا ..
ياخي صرت اطلع مثل الناس ولا اخاف من الشمس تحرقني .. المهم مر علي 59 يوم وانا فامباير ومصيت 25 رقبة واحد مصّ .. باقي الاحصائيات لقيت 165 مكان على الخريطه من كهوف وابنيه مهجوره الخ .. عدد بوابات ابلفيون اللي خلصتها 9 وانا الحين بطريقي للعاشره .. من افضل الاشياء اللي سويتها ان عندي اسلحه نادره وسحريه يعني السلاح يجي معه قوه سحريه وتأثر زياده اذا جيت تضرب واحد غشيم .. بس الى الان افضل الاسهم لقيت حذاء يخليك تتسلل ولا حد يسمعك فلك فرصه كبيره انك تباغت الاعداء وهم مايدرون عنك .. طبعا انا مافي الا قوة تنشيب الاسهم فيهم وقاعدلهم .. بالنسبه لمهام القصه الرئيسيه ماقطعت شوط كبير فيها وصلت ابن الامبراطور للحصن ( منطقه جبليه فيها ثلوج ) عند الحراس وتركته هناك .. عدد ساعات اللعب الى الان 95 ساعه 49 دقيقه و 23 ثانيه بالظبط :P .. لقيت لبس رهييييب حق الحراس اللي تواجهم جوا بوابة اوبلفيون اسمه Daedric طبعا هيفي ارمر يعني اللي اخذ لايت ارمر راحت عليه من جد قوي لكن عيبه ان ثقيل جدا باقي عشان اكمل مجموعته الخوذه و والقفاز حقه ..
الليفل حقي الحين 22 .. عدد المهام اللي خلصتها 44 وعندي الحين 24 مهمه يبيلي اخلصها غير اللي ما اكشفتها .. اللي ماعرفته شي واحد بعض الاحيان وانا استكشف الخريطه الكبيره القى معابد صغيره الظاهر اسمها Shrine او زي كذا القى مجموعه من ثلاث اشخاص وعندهم تمثال كبير التمثال يختلف من معبد لآخر بعض الاحيان تقدر تسوي لهم مهمه معينه بس يقولي تحت وصف المهمه لي لازم يكون الليفل حقك 10 مثلا ومهمه اخرى تقول لازم يكون الليفل حقك 15 عشان تسوي المهمه وانا اصلا 22 الليفل حقي لول .. وين ياعمي مشكله كبيره وواجهتني كنت ابي اخلص كل المهام كلها بس ذي قعدت لي من جد .

طبعا كل هذا الكلام وانا مالعبت آخر اكسبانشن لها .
OBLIVION FTW<tgman>
***

Final Fantasy
12-13-2007, 02:28 PM
http://i184.photobucket.com/albums/x98/finalfantasy_xenosaga/DSC00026.jpg

تتوقعون 7 أسابيع راح تكفيني مع اللعبة <tgman> ؟


لأنها راح تكون الشي الوحيد الي راح أظل ألعبه بالـ 7 أسابيع القادمة <tgman>

king zell
12-13-2007, 04:07 PM
خذ وقتك معاها تماما

أهم شي القصة الرئيسية + الجيلدز كلهم ادخلهم و خلصهم

غير كذا عندك 100 ساعة اذا مش أكثر من القصص و المهام الفرعية و أغلبهم ممتعين

Xeno
12-13-2007, 04:14 PM
3-5 ساعات يوميا ولا مابتستمتع كما يجب.

أنا 130 ساعة وخلصت كل شي لكن مالمست الاكسبانشنز.

وعلى فكرة أول 20-30 ساعة تسخين, غالبا مابتفهم شي من الصدمة, too much omg wow لول.

حظك.....

Final Fantasy
12-16-2007, 04:28 AM
...............

........................

..........................................

أوبليفيون ..............................................

مو قادر حتى أعبر عن الي عشته بهالعشرة ساعات الي لعبت اللعبة فيها ...............

أول شي أحب أقول أن أتموسفير اللعبة لحتى الآن هو أفضل أتموسفير عشته من سنة 2003 مع ((برينس أوف بيرشيا ساندس أوف تايم))

ثاني شي أحب أقوله أن الكويستات و المهام واااااااااو كبيييييرة !!

ثالث شي أحب أقوله أن الدنجنز احتمال بعد ما أخلص اللعبة تكون أفضل دنجنز عرفتها بأي لعبة !!

رابع شي أحب أقوله أن اللعبة تاكل وقت غير طبيعي و الواحد ما يحس على نفسه و هو يلعب فيها ... انصدمت لما اكتشفت أن الساعه الحين 4 الفجر والله من المتعة تلقى نفسك ضايع في عالم اللعبة و أحداثها و مهامها من غير لحظة ملل وحده تمر عليك !!

خامس شي أول مرة أحس نفسي فعلا محظوظ لأني نطرت و نطرت و نطرت و الحين دخلت اللعبة بنسخة الـ GOTY و عندي أسابيع طويلة أتفرغ لها تماما و أنسى نفسي معاها

ما أتذكر منو بالضبط جينكو و لا زينو و لا خالد الي السنة الي طافت قلت لهم أني ((ما أثق بألعاب الآر بي جي الغربي)) و ((ما أعترف فيهم)) و ((أحس أن أوبليفيون أوفرريتت حدها)) ..... أحب أعترف الحين أني كنت خاطئ تماما لأن اللعبة تستحق أن كل مالك للـ PS3 / 360 أنها يضمها لمكتبة ألعابه

Colorization
12-16-2007, 08:03 AM
انا مستغرب إنها عجبتك لكن بنفس الوقت أعتبره إنجاز لك، بتقدر تستمتع بالـWestern RPG's بدون مشاكل الحين، تقدر تعتبر اوبليفيون هي البوابة اللي بتدخلك لهالـgenre.

طبعاً إذا ما لاحظت: تقدر تنتقل لأي مكان زرته بالخريطة بمجرد الضغط عليه (fast travel)، انا لما كنت العب اغلب الوقت أعبر كل الأماكن بنفسي، لكنها جداً جداً مفيدة لو مالك خلق تقطع مسافات طويلة بالمشي او لو إنك تبي تخلص الكويستات بسرعة.

أطالب بصور لشخصيتك http://e.deviantart.com/emoticons/c/chew.gif

Final Fantasy
12-22-2007, 01:46 AM
Final Fantasy VII
Xenosaga III
Xenogears
Tomb Raider 1
Jak & Daxter 1
POP: The Sands Of Time
The Castle
Super Mario B3



شنو القاسم المشترك بين جميع الألعاب الي ذكرتها فوق ؟

الجواب: Fav & Best Games بالنسبة لي في كل الأوقات .

شنو دخل هالقائمة الحين .. well بعد 20 ساعة من Oblivion أقدر أقول أن فيه احتمال كبير جدا جدا أنها راح تلقى لها مكان في هالقائمة بوقت قريب جدا جدا :::wink:::

بكل اختصار "لعبة سوبر مذهلة" فاقت كل توقعاتي و الفريق يستحق ثناء لا مثيل له على الي سواه فيها :smile:

hussien-11
12-22-2007, 02:01 AM
ههه جميل ، ايش قلت لك يا فتى من أول ؟ :laugh: ، هات انطباعات مفصلة مو هيك :evil:

Final Fantasy
12-22-2007, 02:31 AM
لول حسين والله كنت صادق !!


أوكي أنا الحين بالمهمة الأخيرة في الماين كويست .. خلني أخلصها و أرجع أقول انطباعاتي بالتفصيل قبل لا أبدأ في خوض باقي مهمات اللعبة + الاكسبانشينز


مغامرتي للحين ما بدأت .. المغامرة الحقيقية ورى انتهاء الماين كويست ;)

Xeno
12-22-2007, 02:35 AM
مغامرتي للحين ما بدأت .. المغامرة الحقيقية ورى انتهاء الماين كويست ;)
كنت جاي أقولها, بس زين أنك عرفت بنفسك.

المين كوست تسخين, الشغل فالـguilds والـside quests, غير مألوف لكن هذا أسلوب إلدر سكرولز.

NESTA
12-22-2007, 03:48 AM
مغامرتي للحين ما بدأت .. المغامرة الحقيقية ورى انتهاء الماين كويست ;)

بالضبط...

وباقي لك الكثير من السايد كويستس والguilds الثلاث...

لكن لا يفوتك الDark Brotherhood الي انا اعتبره افضل شي مر علي باللعبة :cryy:

Final Fantasy
12-22-2007, 03:58 AM
أوكي خلصت الماين كويست ..

نهاية القصة لاااااااا مارتين حرام ما توقعت هذا الي يصير فيه :cryy: بس روعة حركة التنين و شلون آخر شي ظل موجود كرمز و مثال على تضحية مارتين :moneymouth:
أوكي انطباعاتي بشكل سريع لحتى الآن :

# الدنجنز: والله ادمااااااان بالذات أن لكل دنجنز نكهه خاصة و مميزة عن غيره .. الي ذكرني بسلسلة توم رايدر و الي حسيته ذكرني بألعاب الرعب بسبب الأشباح و الزومبيز يعني بكل اختصار الدنجنز ممتعين بدرجة مو طبيعية

# الجيرافيك: جدا مقبول و الصراحة مبسوط منه جدا بالذات المناظر الطبيعية الي فعلا شي خلااااااااب و سااااااااحر .. مو قادر أتصور Elder 5 شلون ممكن تكون اذا 4 و الغير مطورة لأجهزة النكست جينريشن طالعة بهالمظهر ؟!!

# الموسيقى: أوركسترالية حالمة بس العيب أن كثير منهم يتكرر باللعبة بشكل مستمر ولكني شخصيا حاببها

# السايد كويتس: هذا السبب الحقيقي الي خلاني أشتري اللعبة .. ما أظن يحتاج أحط انطباعاتي من المدح اللانهائي عنها لأن أظن أنها غنية عن التعريف .. أمتع لعبة لعبتها من متى هممممم والله مو قادر أتذكر أنا فعلا استمتعت براتشيت و هيفنلي سوورد و أنشارتد بشكل كبير كما لم أستمتع مع ألعاب من قبل مدة طويلة .. بس والله أوبليفيون شي آخر تماما !!








الحين راح أخلص مهمات الجيلدز و السايد كويستس و بعدين راح أبدأ أشتغل على الاكسبانشنز واحد ورى الثاني ... عندي من الحين لحين آخر أيام شهر يناير أتفرغ فيه لأوبليفيون و واثق أنها راح تكون أيام كلاسيكية راح أتذكرها و أشتاق لها بشكل كبير لما أنتهي منها :embarrassed:

NESTA
12-22-2007, 04:09 AM
محمود بما انك ختمت اللعبة... سمعت عن الDark Brotherhood؟

Final Fantasy
12-22-2007, 04:13 AM
داخل اللعبة احتمال سمعت و احتمال أنا ناسي لأني مو قادر أتذكر .. لما أشغلها مرة ثانية باستخدام الغايد من (جيم فاكس) راح أعرف وين ألقاهم و شلون أبدأ المهمات معاهم لأن من كلامك و كلام الكثيرين راح يخلوني أخلص مهماتهم هم بالأول و متحمس لهم بشكل مو طبيعي .

NESTA
12-22-2007, 04:17 AM
اذا كنت تبي تعرف كيف تلاقيهم بسيطة اذبح اي واحد برىء بعدين روح نام :evil:

Final Fantasy
12-22-2007, 05:16 AM
اذا كنت تبي تعرف كيف تلاقيهم بسيطة اذبح اي واحد برىء بعدين روح نام :evil:

يا ساتر !!!


لول عيل أتذكر .. مو كأن يزورك واحد ورى النوم و يعطيك خنجر علشان تذبح شخص في فندق معين ؟!

NESTA
12-22-2007, 05:34 AM
يا ساتر !!!


لول عيل أتذكر .. مو كأن يزورك واحد ورى النوم و يعطيك خنجر علشان تذبح شخص في فندق معين ؟!


بالضبط هذي هي .... استعد لافضل جزء في اللعبة ;)

AMG
12-22-2007, 02:23 PM
ممتاز محمود انك جبت اللعبة و تركت من " الالعاب الثانية " الي كنت ناوي تشتريها

الحمدالله انها عجبتك (( صراحة لو ما عجبتك اعرف ان عندك مشاكل :yuck: ))




لول عيل أتذكر .. مو كأن يزورك واحد ورى النوم و يعطيك خنجر علشان تذبح شخص في فندق معين ؟!


الجزء الجاي رهيييب

Final Fantasy
01-01-2008, 01:51 AM
هفففف :evil:


الحين أنا بالدارك بروذيرهود بمهمة أني لازم أخلص على جميع الأعضاء لأنه فيه واحد منهم خاين .. المشكلة أني جربت أول شي أقتلهم كلهم و قتلتهم بس ماصار شي و لما رجعت للوسيان أيضا عاملني كأني ما نفذت المهمة .. قلت يمكن أني لازم أذبح كل واحد من غير لا يشوفني و سويت هالشي و أيضا ماصار شي .. قلت عيل لازم أذبح كل واحد على جنب و ذبحت الي أكل التفاحه المسمومة و تسمم و مات و الي نطرته ينام و تسللت وراه بالغرفه بروحه و ذبحته و الي خلص تدريبه و كان يبي يطلع من الغرفة بروحه خلصت عليه .. و نفس المشكلة !!

والله يمكن عدت المهمة يمكن 6-8 مرات و نفس الحالة و لاعت جبدي حيييل و بديت أفكر أترك الدارك بروذيرهود على جنمب و أروح للجلدات الثانية و أخلص مهمات الاكسبانشن لأني موقف تقدمي في اللعبة بسبب هالمهة -_-

أي مساعده ؟

Xeno
01-01-2008, 01:56 AM
أذكر علقت فمهمة مشابهة بس نسيت خلاص. (سنة ونص)

جيم فاكس مايخذلك.

Final Fantasy
01-01-2008, 02:50 AM
جيم فاكس يقولي (( اذبح فلان و هو نايم و علان و هو ياكل التفاح و خلان ورى التدريب )) و أطبق و ما يصير شي !!


على فكرة شفيهم الجنود صاروا من لما يشوفوني يطيحون فيني ضرب بس لأني فامباير .. أوكي سرقت أو ارتكبت جريمة خلاص خذوني للسجن و خلوني أنفذ عقوبتي و بعدين حرروني .. أحاول أكلمهم أتفاهم معاهم أبي أستسلم لهم مافاد .. لدرجة أني دخلت برج السجن بنفسي يعني علشان (( شوفوني خلاص أنا أستسلم قطوني بالسجن و فكوني )) بس عيال الحلال عطوني علقة حتى الي نايمين فوق عالسرير في البيجاما نزلوا و كملوا العلقة الساخنة فيني لين ما مت :yuck:


أنا الحين في الكهف الي بجنوب كوخ الساحرة الي طلبت مني أرواح فاضية حتى تقولي عن علاج الفامباير .. صارلي نص ساعة أفتر فيه و ما لقيت أي روح فاضية و بديت أشك أني دخلت الكهف الغلط -__-


اللعبة ضخمة و متفرعه لدرجة خرافية واو !!

Xeno
01-01-2008, 02:57 AM
خخخخخ صادك الفامبايرزم.. good luck فتجميع أغراض الدواء, يبي لك سنتين بدون جيم فاكس.

لول تذكرت الـempty soul gems, تذكرتهم لأني انذليت على ماجمعت العدد المطلوب, تقدر تحصلهم فالكهوف (نادرا) وغالبا فبيوت الأغنياء على الطاولات, أو أسرق من المحلات فالليل.

بس لاتتحمس هذي البداية فقط, بتجمع أغراض لين تقول خلاص هونت مابي أتعالج لول.

اللعنة أبي إلدر سكرولز 5 >__<

sigh......

AMOR
01-01-2008, 03:09 AM
الساحرة تطلب Soul Gems من أعلى درجة تلقاه متوفر في الجيلدز حقت السحرة في كل جيلد في واحد سافر و تنقل بينهم و جمعهم :).

Final Fantasy
01-01-2008, 03:25 AM
المشكلة صاير مو قادر أدخل مدينة أو مكان الا و الناس تلعن فيني و تتوحد فيني .. بحاول أسرقهم من الماجيك جيلدز و بخلي يوم باجر خاص حق تجميع أدوات علاج الفامباير لأن فعلا طفح الكيل مو قادر آخذ راحتي في اللعب بسببه .

MALDINI
01-01-2008, 03:51 AM
خخخ ودي اكتب كثير بس مو فاضي وتركت اللعبه لاني العب الحين برو ايفولوشن ياخي اخذت وقتي .. المهم انا لقيت بعضها بالكهوف اذكر اللي هي الجيمز .. ولا تسرق كلش خلي سجلك نظيف يعني .. بقية الاشياء اللي تجمعها مثل الثوم بتلقاه بعض الاحيان ينباع بس بالحبه الوحده والباقي بتلقاه في مختلف الاماكن فيه مكان معين بس اذا خذيته منه بيعتبر سرقه لكن مافي مشكله اذا وصلته للساحره على طول .. المكان هو اول ماتقابل ولد الامبراطور ويروح يمشي معك .. ( بالبيت حقه اذا كنت تذكره بتلقاه بالظبط في سلة موجوده بالمكتبه بالدور الثاني .. الدم استقعد لي انا ياخي من جد مالقيت غير اطعن واحد سحليه في المدينه الرئيسيه ( الكبيره ) وانحاش بس صادوني .. هممم وش بقى بعد ايه البلود جراس بتلقاه داخل بوابة اوبليفوين دور عليه وبتلقاه موب صعب .. اذا عندك مشكله قلي احسن شي لما تلعب لحالك بدون مساعدة حد . انا اللي قاهرني مهمات الشراينز يانااااااس كيف العبها وهو يقولي لازم الليفل حقك يكون 2 !! او 5 !! وانا الحين فوقه بكثير يعني بالعشرينات او الثلاثينات ابغى حلللللللللللل ؟؟؟؟؟؟؟؟؟؟؟

***

عجاز وحطيت كل كلامي سبويلر لول :normal:

Ace
01-01-2008, 04:19 AM
خخخ ودي اكتب كثير بس مو فاضي وتركت اللعبه لاني العب الحين برو ايفولوشن ياخي اخذت وقتي .. المهم انا لقيت بعضها بالكهوف اذكر اللي هي الجيمز .. ولا تسرق كلش خلي سجلك نظيف يعني .. بقية الاشياء اللي تجمعها مثل الثوم بتلقاه بعض الاحيان ينباع بس بالحبه الوحده والباقي بتلقاه في مختلف الاماكن فيه مكان معين بس اذا خذيته منه بيعتبر سرقه لكن مافي مشكله اذا وصلته للساحره على طول .. المكان هو اول ماتقابل ولد الامبراطور ويروح يمشي معك .. ( بالبيت حقه اذا كنت تذكره بتلقاه بالظبط في سلة موجوده بالمكتبه بالدور الثاني .. الدم استقعد لي انا ياخي من جد مالقيت غير اطعن واحد سحليه في المدينه الرئيسيه ( الكبيره ) وانحاش بس صادوني .. هممم وش بقى بعد ايه البلود جراس بتلقاه داخل بوابة اوبليفوين دور عليه وبتلقاه موب صعب .. اذا عندك مشكله قلي احسن شي لما تلعب لحالك بدون مساعدة حد . انا اللي قاهرني مهمات الشراينز يانااااااس كيف العبها وهو يقولي لازم الليفل حقك يكون 2 !! او 5 !! وانا الحين فوقه بكثير يعني بالعشرينات او الثلاثينات ابغى حلللللللللللل ؟؟؟؟؟؟؟؟؟؟؟

***

عجاز وحطيت كل كلامي سبويلر لول :normal:


مهمات الشراينز اخوي لازم تجيب هديه تقدمها للروح اللي بالتمثال اشياء معينه كل تمثال يبيها لما تجيبها تبدا تسوي المهمه الاشياء اللي يبيها التمثال يقولك عليها الناسك اللي يكون واقف جنب التمثال ولازم تقدم الهدية بالليل وللمعلومية اذا خلص اي مهمه تاخذ اداة نادرة مرة مثلا انا مرة خلصت من مهمه من المهمات وعطاني التمثال اداة اسمها سكلتون كي هاذي ايش تسوي تزود مسوي السكورتي 30 مستوى وتخلي الlock pikes مايتكسرون ! يعني اذا تبي تسرق وخايف ان اللوك بيكس يخلصون فلا تخاف بعد اليوم :)

MALDINI
01-01-2008, 04:59 AM
انا ماعندي اي مشكله بس في التجميع بس يقولي لازم الليفل حقك يكون 2 !
بعض الشراينز عادي تسويها بدون ليفلات وخرابيط بس اغلبها لازم يقول اذا بتسوي مهمتها فالليفل حقك من المفروض ان يكون 5 او اقل بعد وش الحل ؟

***

TIDUS_FFX
01-01-2008, 07:06 AM
من زمان موقف عن اللعبه مادري ليش لول ; ;
والله ودي ارجع لها بس ماقدر احك راسي ، مع انه للحين ما عندي اي جهاز N-gen
المهم ، اللعبه وكبيره ووسيعه ، خذو هالموقع عباره عن wiki لها
http://www.uesp.net/wiki/Oblivion:Oblivion#Character_Information
لانه والله اللعبه من كبرها احس كانها MMORPG لول
مثل FFXI ، تقريبا :P

اتمنى اكون افدتكم

Ace
01-01-2008, 12:08 PM
انا ماعندي اي مشكله بس في التجميع بس يقولي لازم الليفل حقك يكون 2 !
بعض الشراينز عادي تسويها بدون ليفلات وخرابيط بس اغلبها لازم يقول اذا بتسوي مهمتها فالليفل حقك من المفروض ان يكون 5 او اقل بعد وش الحل ؟

***


مافية شي زي كذا يقولك اقل مستوى علشان تسوية يكون 2 يعني لو انت مستوى 20 عادي ممكن تسويه انا مجربها في اكثر من مشن اللفل حقها 5 وان كان الليفل حقي 23 وعادي سويتها

MALDINI
01-01-2008, 12:20 PM
اها .. كويس ياخي انا قلت وش ذا العبط اللي فيهم .. تحمست ارجع لها انشالله بعد الاختبارات الزفت .. بجربها بأسرع وقتتتت

***

Leon
01-13-2008, 08:38 AM
شباب إيش الفرق بين النسخة العادية وبين نسخة الجوتي ؟

Final Fantasy
01-13-2008, 08:57 AM
شباب إيش الفرق بين النسخة العادية وبين نسخة الجوتي ؟

نسخة الجوتي فيها كل الاكسبانشينز الي صدروا مجتمعين مع بعض على قرص واحد


-----------


أنا الحين قاعد أخلص مهمات اكسبانشن "شيفيرينج آيسلند" .. أتموسفير الجزيرة و أجوائها هي الأفضل في أوبليفيون على الاطلاق !!


هاليومين راح أخلصهم و بعدين أتجه لاكسبانشين "نايت أوف ذا نايتس" .

Leon
01-13-2008, 09:07 AM
نسخة الجوتي فيها كل الاكسبانشينز الي صدروا مجتمعين مع بعض على قرص واحد

امممم يعني هذا هو الفرق .. ممتاز .. شكراً لك .

MALDINI
06-11-2008, 12:36 AM
عارف كل واحد شكله يسأل عن الموضوع ورفعته الاليمه :laugh::
طبعا اللعبه خلصتها بعد 132 ساعه و 20 دقيقه و 9 ثواني بالظبط لول .
انا كنت اسوي المهمات الجانبيه ولا اهتميت بالقصه .. لكن رجعت لها لاني ماودي تكون عندي اللعبه وتوني ما خلصتها و fallout جايه بالطريق !!
ببساطه لعبة الجيل بالنسبه لي عارف ان فيه العاب كثيره مثل ميتل جير والعاب توها مانزت مثل god of war 3 بس هذي اللعبه تخليك تفكر فيها كل شوي تكلمت انا قبل عن اللعبه وفيها ومافيها منيب عايد كلامي .. فيه مهمات جانبيه توني ماسويتها مع كل ذا الوقت اللي لعبت اللعبه فيها :w00t:

سبويلر حق قصه وكل شي :laugh::

مثل مهمات Dark Brotherhood اللي الصراحه قهرتني مره .. الانضمام لها انك لازم تذبح واحد بدون سبب و اهم شي ان مافيه احد يكون شاهد على جريمتك .. بعدين اذا جيت تنوم بأي مكان وقمت يجي واحد اللي هو اسمه بلاك هاند اعتقد ويعرض عليك الانضمام معهم .. المهمات اللي فيها ياخي ما اعجبتني لانك لازم تقتل كل واحد اقل شي بكل مهمه ومره تسمم واحد يعني تروح تتسلل بكهف ولا احد يدري عنك وتروح لدرج الشخص المقصود بالمهمه وتاخذ علاجه وتحط السم اللي اعطوكياه بدل العلاج .. لول . فيه مهمات حلوه فيها منها انك مدعو مع اشخاص في حفله في بيت معين راعي البيت اللي هو المينور قالهم ان فيه كنز بالبيت دوروه انتم طبعا هو يقولك شيئين نفس الكلام اللي قاله لهم (انه فيه كنزو و و وتراه اصلا كذب) والشي الثاني انك لازم تقتلهم واحد واحد بس لحد يدري يعني تقتل واحد اذا راح الدور الثاني .. والشخص الثاني تقتله وهو يقرا كتاب مثلا بس اهم شي لحد يدري .. انا المشكله رحمتهم لول لاني كلمت عجوز من الاشخاص اللي لازم تقتلهم وقالت لي جيت هنا ادور عن الكنز لاني فقيره ولا عندي شي آكله :crying: وآخر شي تقتلها .. بالمنظمه هذي فيه عدة اشخاص ولهم اماكن كثيره في خريطة سيروديل كمخابئ سرية المهم اللي تعرفهم انت يمكن 6 طبعا انت تسوي معهم مهمات .. بمهمه صراحه صدمتني انا يجي البلاك هاند ويقول لازم تذبح اخوياك كلهم !! اللي فهمته من كلامه ان فيه خائن من هذول :crying: يلعن ام القهر .. ويعطيني كم سلاح راح يفيدني بالمهمه منها تعويذه و الشي الثاني تفاحه مسمومه تحطها بصحن يجي واحد وياكلها يموت :laugh::
طبعا توني ماخلصت مهماتها .. وباقي لول مدري كم مهمه باقيه اللعبه جاامده لاتفوت احد باقيلي الميجس جيلد والفايترزجيلد والثيفزجيلد .. طبعا القصه حلوه جدا واعجبتني والامبراطور وتحوله لتنين شي فظيع وبعدين تحوله لتمثال ويصير ذكرى لسيروديل .
هذا الدرع يعطوكياه اذا انهيت اللعبه .. موب قوي لكن فيه سحر يعكس النار ومثل الثلج الخ .

http://img136.imageshack.us/img136/5895/spa2686qx8.jpg

طبعا جمعت اشياء نادره جدا ولا اقدر اكتبها هنا يمكن اجيب صورها من ويكيبيديا بعدين .
نسيت انا اقول ان شخصيتي دارك إلف والليفل حقي 27 طبعا اخترت الهيفي آرمور وصرت فيه الماستر لول يعني اي ضربه سيف تودع على طول اوه بغيت انسى كل ذا اللعب وتوني مالعبت بالاكسبانشن !! .

G7Ga7
06-11-2008, 01:10 AM
لول مبروك (اخيرا!) ..

الموضوع كان بينرفه عاجلاً ام آجلاً .. حازم توه شاري الجوتي ايديشن .. وناوي يبدا فيها من الأول .. ويمكن امشي معاه .. ان حصلت نسخة اوروبية ..
الي عندي امريكية , وجهازي اوروبي .. مدري وش اسوي فيها :/

NSider
06-11-2008, 01:21 AM
لعبة أسطورية باختصار، وأفضل RPG هذا الجيل بسهولة إلى الآن (بس المشكلة ما في منافسة).

مهمات الدارك بروذهود خرافية! خلصتها كلها، طبعا أحلى وحدة هي حقت الحفلة. خليتهم كلهم يحبوني ويشكون في بعض. في النهاية ما بقى إلا واحد من الرجال والمرة العجوز, رحت كلمت الرجال والمسكين ما يشك فيني أبدا قام يصرخ ويقول أكيد العجوز هذي هي القاتلة، وراح ركض لها وضربها لين قتلها. بعدين وقف يطالع فيني، قتلته http://www.tg-media.net/upload/images/afaa.jpg.

Aoks
06-11-2008, 01:34 AM
لول شريت اللعبة ب 100 ريال من حازم وللحين ما لعبتها XD

بضيفها لقائمة العاب الصيف :( إلي شكلي ما راح اقدر العبها كلها في الصيف لول

hamad 11
06-11-2008, 02:21 AM
مبروك مالديني

احلى جيلد في اللعبة هو الدارك برذرهود.. بعده على طول الـThieves Guild

لول وأحلى مهمة في اللعبة لما تدخل البيت مع الشباب وتدورون على الكنز.. وانت تفقعهم واحد واحد :xd: كانت وايد مسلية بصراحة.


شباب انا انصحكم ما تفوتوا أي جيلد في اللعبة.. لأنه كل جيلد تخلصه يعطونك أشياء قوية


الثيفز جيلد > قناع الـGrey Wolf, أعتقد تقدر تختفي ومحد بيقدر يشوفك
الفايترز جيلد > ما اذكر بس بيعطونك أسلحة ودروع
الأرينا > درع قوي
الميجز جيلد > بيعطونك Staff وبتنفتح لك جامعة الجيلدز وتصير انت رئيسها.. وفيها صندوق تقدر تحط فيه إي شي وبعد مدة ترجع تحصله تضاعف !! وفيه آلة تقدر من خلالها تصنع أي Spell تبيه وبأي قوة.. انا مرة صنعت Fire Spell قوييييييية.. على ما اذكر 200 نقطة قوتها, أبن امه الى تضربه وما يموت !! :w00t:

ونصيحة أخيرة: أرفعوا مستوى الصعوبة على أعلى حد, عشان تستمتعوا باللعبة صح !

MALDINI
06-11-2008, 02:41 AM
الله يبارك فيك لول حمد حمستني
انا اللي موهقني الحين اني ماكملت مهمات البرذرهود انه فيه مهمه لازم تقتل كل افراد عائلة معينه المهم قتلت الام العجوز ياخي مسكينه وقتلت الكل مابقى الا واحد نشبه قاعد في فندق صغير inn هو اللي يشتغل فيه وجنبه حارس مافي امل يروح طايحلي بس في الشراب لول .. شكلي بحاول اخلص مهمات الثيفز جيلد عشان الماسك الفله هذا وافتك .. الميجز جيلد شكل المكافأه حقتهم رهيبه بس معلق في مهمه لكن برجع لها قريب ..
لول يوسف صارت المهمه لها اكثر من نهايه انا ذبحتهم كلهم جتني العجوز آخر شي وقالت لي اجل انت القاتل سكت انا وذبحتها والدمعه على خدي لول .

Isaac
08-31-2008, 06:34 AM
حان وقت فك قرطاسة الـGOTY Edition ...


كنت موفرها لرمضان .. بس يدي بدت تحكني وببداها الآن.

مدري إذا تسييفتي من النسخة العادية الأمريكية بتشتغل وإلا لا.


لي رجعة قريبا.

Solay
08-31-2008, 06:37 AM
^
لول عاد وش دراك اني مدخلها بالجهاز وقلت ابروح شوي وارجع العبها

عموما قايل لك من زمان انا راح العبها معك..

Isaac
08-31-2008, 08:56 AM
ههههههههه آخر تسييفه لي كانت في 26 اغسطس 2006 ..


لول ... رسميا، رقم قياسي جديد 24 شهر بين الـSave والـLoad !! :grin:

Solay
08-31-2008, 08:58 AM
^
وين رحت خلصت شغلتك اللي تقول؟!

Isaac
08-31-2008, 09:45 AM
^
يس عبيت بطني !!

قاعد ألعب بمهام الـThieves Guild لول ... فيه واحد ماني عارف أوصل له ... الماركر حق الماب عبيط شوي .


+ الله يعين اكتشفت إني كنت فامباير ولازم أتوزى عن الشمس -__-"

Still Alive
08-31-2008, 10:52 AM
Isaac لعبتها من قبل؟

انا من فترة ودي اعيدها مرة ثانية.. إذا حاب نلعبها مع بعض


+ الله يعين اكتشفت إني كنت فامباير ولازم أتوزى عن الشمس -__-"

الكويست عشان تتخلص منه يجيب المرض.. الله يعينك، ولكن رغم السلبيات الكثير فيه إيجابيات لما تصير فامباير، الشي الوحيد الى رح يرفع ضغطك هو مسألة الشمس

Isaac
08-31-2008, 11:23 AM
^

أنا لاعبها زمان أول ما شريت الـ360 أكثر من 40 ساعة.

الآن قاعد أكمل على تسييفتي اللي قبل سنتين (12 ساعة - لفل 4)


طيب سؤال... اللحين البوشن هذا إلى الأبد بيظل معي؟ وإلا كل مرة أصير فامباير لازم أعيد المهمة -___-"


لأني لسا ما دخلت الدارك برذر هوود بتسييفتي الحالية. هل بأعالج نفسي الآن ثم أعالج نفسي مرة ثانية بنفس الطريقة المملة لما أخلص مهام الدارك برذرهوود؟

NSider
08-31-2008, 11:40 AM
حازم إذا عالجت نفسك من الVampirism راح تصير عندك مناعة أبدية منه.

Isaac
08-31-2008, 11:42 AM
كبير يا إنسايد شكرا !

*off-topic -- فيه أحد بيفتح موضوع رسمي لفيفا بنياتا 2؟ محجوز يعني؟*

NSider
08-31-2008, 11:50 AM
على فكرة أنصحك تعالج نفسك من الـVampirism قبل ما تبدأ الـDark Brotherhood .. لأنك راح تدق مشاوير طويلة وراح تحتاج الQuick Travel يكون موجود كخيار ممكن تستخدمه. الفامباير له ميزات كثيرة لكن الQuick Travel أهم منهم كلهم لول.

ولا، محد حجز موضوع فيفا بنياتا 2 على حد علمي.

Isaac
08-31-2008, 12:46 PM
^
من جد.

عموما أنا في أول دنجن فيه في طريقي لتجميع المتطلبات. بأعالج نفسي ثم بأكمل بعصابة الحرامية. ثم الأخوان المظلمين.

ياخي الاحتمالات في اللعبة خشرمائية !!

يوم شفت الماب ذا فتحت فمي من جد !!

http://www.tg-media.net/upload/images/oblivion-map.gif

أتوقع إنها أضخم لعبة (أوفلاين) في التاريخ من حيث المحتوى ... o_O




-----------
هذه هي الخريطة التفاعلية للي مهتم ..

http://www.oblivionmap.net/Cyrodiil.html

NSider
08-31-2008, 12:50 PM
أوبليفيون والله مذهلة. :(

شكلي بلعبها في رمضان عشان أحاول أكمل الأتشيفمنتس وأخلصها على ال360 (خلصتها على البي سي في 2006).

Isaac
08-31-2008, 01:44 PM
يقطع أبو النكبة يا شيخ ..


معي Loot فلة وبأسعار خرافية (توصل 2000 قولد) والحمولة عندي زايدة ...


رحت أبي أبيعها البياعين قاموا ينحاشون مني ويقولون Get back filthy beast -___-

تعرفون بياع يشتري مني وأنا بهالحالة المزرية؟ أو هل فيه Safehouse أحط فيه آيتماتي وارجع لها بعدين؟ Cloud Ruler Temple ينفع؟

NSider
08-31-2008, 01:52 PM
حازم لا تنسى أن شكلك يتغير لو تميت فترة بدون ما تشرب دم، ويصيرون الناس يخافون منك ويهاجمونك. خذ لك وجبة لذيذة كذا عشان ترجع للشكل الطبيعي.

دور لك ناس نايمين وتسلل عندهم واختر Feed. لا تحاول تشرب دم جنود، لأنهم "يقظين" أكثر من غيرهم واحتمال كبير يصحون وأنت تشرب منهم. أنصحك بالمتسولين في أي مدينة بالليل أو النايمين في Cloud Ruler Temple أو الMages Guild أو الDark Brotherhood، ولا تحاول تسويها في الفايترز جيلد. لا تخلي أحد يشوفك وأنت تشرب دم عشان ما تتسجل عليك جريمة.. إلا في الدارك بروذرهود عادي يشوفونك (ما راح يهتمون إذا شافوك تشرب دم زملائهم خخخ).

Isaac
08-31-2008, 01:55 PM
واو تصدق نسيت هالنقطة ...



The worst part of not feeding comes after a full four days without blood.
You may notice that for every day you don't feed, your appearance changes. Your
face becomes gaunt and pale, your teeth start to look like fangs, and your eyes
turn a bright red. Well, you're not the only one who will notice these changes.
If it's been long enough since your last feeding, everyone else will recognise
you for what you are. Most characters in the game will simply refuse to interact
with you, turning you away every time you try to talk to them. This can make
playing the game difficult, as it prevents you from buying and selling, and
sometimes prevents you from getting new quests.


:(

Isaac
08-31-2008, 01:56 PM
دور لك ناس نايمين وتسلل عندهم واختر Feed. لا تحاول تشرب دم جنود، لأنهم "يقظين" أكثر من غيرهم واحتمال كبير يصحون وأنت تشرب منهم. أنصحك بالمتسولين في أي مدينة بالليل أو النايمين في Cloud Ruler Temple.

لول أخون أخوياي الساموراي !!

ما حزرتش !! :w00t:

Aoks
08-31-2008, 02:07 PM
عندي النسخه العاديه ,, ناوي ابداها بعد لوست اوديسي ان شاء الله

Isaac
08-31-2008, 06:05 PM
شباب مساعدة بليييييييييز !!


العجوز الشمطاء اللي طلبت مني أجمع خمس أشياء .. (Grand Soul Gems)

رحت وجمعت الأشياء المطلوبة من دنجنات مختلفة ... ولما رجعت لها قعدت تهاجمني -__-"

ماني قادر اكمل الكويست. توقعت إن هالتصرف منها كان بسبب شكلي المخيف .. رحت مصمصت في خلق الله المنتشرين في أرض الله والواسعة ورجعت لها ... وبرضو قاعدة تهاجمني -___-"


النجدة !


قائمة الـBugs الموجودة في هذا الكويست مفجعة :( http://www.uesp.net/wiki/Oblivion:Cure_Vampirism

وخايف يكون جاني شي منها!

MALDINI
08-31-2008, 06:10 PM
شباب عندي مشكله هي اللي خلتني اترك اللعبه ..
طبعا ختمتها لكن السايد كويست وقفت فيه.. المشكله باختصار خلصت مهمات نايت اوف ذا ناين وبنفس الوقت قاعد اسوي مهمات ل ثيفز جيلد وكل مهمه اسويها يعطوني تحذير لاني قاعد اقتل الناس و اسرق الخ طبعا بيشولون مني اللبس حق نايت اوف ذا ناين اذا استمريت على كذا .
هل هناك حل ؟

NSider
08-31-2008, 07:10 PM
حازم مستحيل يكون جاك واحد منها. اشرب دم بعدين روح عندها حاول تقتلها وشوف إيش يصير لما تقوم (ما راح تموت هي ما دامك ما سويت الكويست هذا).

Isaac
08-31-2008, 07:16 PM
فعلا، قبل ما أقرى ردك قفلت معي وقاتلتها لول !!

فقدت وعيها ثم قامت بعد ثواني وقالت بما معناه What do you want dear ! لول xD


الزبدة أخذت منها "قائمة المقاضي الرمضانية" وشكلي بأوقف هالسيشن الخرافي اللي كمل 10 ساعات مع ردي هذا !

من 8 الصبح وأنا قاعد عاللعبة ._."

NSider
08-31-2008, 07:36 PM
ههههههه ممتاز حازم. :)

Solay
09-01-2008, 03:25 AM
الحين جمعت الأربع كتب المطلوبه مني ببداية اللعبه تقريبا ورحت للسحليه لول ناسي اسمها أظن تي-مو

وقالت لي اقرا الكتب وتمعن فيها وتعال لي بكرة طيب الحين قريت الكتب وش اسوي الحين انتظر الين يجي بكرة؟!

Xeno
09-01-2008, 04:11 AM
^

تقدر تقدم الوقت قد ماتبي. (أتذكر أنه بالضغط على زر back)

Solay
09-01-2008, 04:25 AM
^
اهاا اوكي ثانكس مقدما ابحاول اجرب بعد شوي..

Isaac
09-01-2008, 05:14 AM
^
لول سولاي وصلت لي ... نايس ..


أنا مجمع 3 على ما أظن ! xD


السايد كويستز للفوز !

Solay
09-01-2008, 06:06 AM
^
بس ترا لفلي للحين 2..

Isaac
09-01-2008, 10:55 AM
Yes !!

جمعت الأغراض ووديتها لها ...

قالت لي عطني 24 ساعة وبأجهز لك الـPotion ..



أخيرا بأودع الفامبيرزم إلى الأبد !! :wow:

Revolver
09-01-2008, 11:07 AM
انا خلصت اللعبه بشخصيتين وقاعد احاول اخلصها بشخصيه ثالثه من شهر
قاعد احاول اخلصها بالـ"ريد جارد"
السترينث واصل عندي 113 والليفل 14
انا توني في نص اللعبه
لعبه ممتازه وعمرها طويل

بعض الناس يشتروها ويلعبوها ويتركوها بسبب "عمقها"
اللي فاتته اللعبه يكون فوت افضل العاب الجيل الفقير هذا :(

Still Alive
09-01-2008, 11:11 AM
Yes !!

جمعت الأغراض ووديتها لها ...

قالت لي عطني 24 ساعة وبأجهز لك الـPotion ..



أخيرا بأودع الفامبيرزم إلى الأبد !! :wow:

فيه جليتش رهيب تقدر تستغله عشان تحصل فلوس لا نهائية بعد الكويست هذا

بدون سبويلرز .... الشخص الى بتاخذ منه الفلوس تقدر تضغط على كلمة Reward عنده وبيعطيك 2500 ذهب كل مرة :razz::

Isaac
09-01-2008, 11:57 AM
الجليتش ما طلع لي ..

أنا سويت أبديت قبل ما أبدأ اللعبة. ممكن لو مسحته يرجع الجلتش.

بس السؤال اللي يطرح نفسه ... هل القلتش موجود في نسخة الـGOTY ؟! شخصيا ما أتوقع .. القليتش قديم جدا وبثسدا عندهم خبر فيه من 2006.

Solay
09-01-2008, 08:09 PM
وصلت الأوبلفيون جيت الثاني ورايح اجمع الثلاث اشياء اللي قالها لي مارين..

Isaac
09-01-2008, 08:28 PM
في الماين كويست خلصت مهمة الجواسيس وبديت بمهمة استجداء المدن لمساعدة Bruma

شام ريحة تويست أليم في الطريق!

Still Alive
09-01-2008, 08:35 PM
الجليتش ما طلع لي ..

أنا سويت أبديت قبل ما أبدأ اللعبة. ممكن لو مسحته يرجع الجلتش.

بس السؤال اللي يطرح نفسه ... هل القلتش موجود في نسخة الـGOTY ؟! شخصيا ما أتوقع .. القليتش قديم جدا وبثسدا عندهم خبر فيه من 2006.

لول اجل راحت عليك، ولا... الجليتش مو موجود في نسخة الـGOTY، لأنه فيها كل التحديثات الى نزلت للنسخة العادية

يعني سواء مسحت الأبديت او لا ما رح تقدر تستمتع بالكنوز الى موجودة في الكويست P:



في الماين كويس خلصت مهمة الجواسيس وبديت بمهمة استجداء المدن لمساعدة Bruma

شام ريحة تويست أليم في الطريق!

لول لا تتأمل زيادة.. للآسف اوبليفيون مافيها تويستات زي Morrowind

هذيك من البداية للنهاية خيانات ومفاجأت وتويستات اليمة بالقصة... اما اوبليفيون عنصر المفاجأة بالقصة فيها قليل، بس تبقى قصتها ممتازة طبعاً

Solay
09-03-2008, 11:23 AM
اليوم انهيت الأرينا وقاتلت الغول ماكان ودي اقتله وانا ماسويت الكويست حقته بس يالله راحت

اللي يقهر اني يوم رحت اسوي الكويست حقه ضربني فامباير وشنبي بدا يروح ووجهي صار غريب نوعا ما شكلي ابتحول لفامباير-__-

عموما عديت الحراس اللي كانوا يبوني اعلمهم كيف يسكرون الأوبلفيون جيت والحين رايح اجيب لهم مساعدة زيادة من القرى الثانيه..

ممكن احد يسوي اقتباس لرد اي واحد يشرح كيفية ابعاد الفمبره(فامباير) عن نفسي لأن والله فيني النووم..

Isaac
09-03-2008, 02:11 PM
^
هههههههههههههههه الله يعينك ....


أتوقع الجميع حاشهم الفامبايرزم من هالكويست اللعين :(


لول !

عموما تدري وش يصير لو سويت الكويست ؟ (
تجي للـGray Prince وتقوله حقيقته وإن أبوه كان فامباير/شرير <<ماني متأكد 100% يوم تقوله ينقلب وجهه كألوان الطيف ... ويقول "مقادير يا قلبي العناء" ويكره الساعة اللي جاء فيها على الدنيا ... يجيه اكتئاب شديد ... ولما تقابله في حلبة المصارعة يقف مكتوف الأيدي... ويقول لك Come on, kill me ما عندي أي سبب أعيش علشانه!! :( <<موش مومكون الدراما اللي بهالكويست!)

يعني مجرد تسهيل لا أكثر ولا أقل.

Solay
09-03-2008, 07:10 PM
تصدق توقعت هالشي يصير لو سويت الكويست بس ازين شي اني حاربته واخذت لقب بطل الحلبه بتعبي..:rockon:

Still Alive
09-03-2008, 07:14 PM
تصدق توقعت هالشي يصير لو سويت الكويست بس ازين شي اني حاربته واخذت لقب بطل الحلبه بتعبي..:rockon:

غير انك لو حاربته رح تقدر تأخذ الدرع والسيف الذهبي حقه من جثته بعد ما يموت. اما لو سويت الكويست رح يكون لابس درع وسيف عادي. والجائزة الى بتحصلها من الكويست ما اذكرها بس ما تعادل الدرع والسيف أبداً

Solay
09-03-2008, 07:17 PM
أما.!!!

الحين انا مستغني عن الكويست وانا مرتااااااح..:wow:

Solay
09-04-2008, 12:18 AM
الفامباير خلاص قضى علي تماما صار ينقص دمي عند الشمس-__-

المشكله الحل طووويل بس يالله وش نسوي..

general kane
09-04-2008, 02:30 AM
الله ياخي توني خاتم اللعبة من زمان والاحلى انها modable



--------------------------------------------------------------------------------

الفامباير خلاص قضى علي تماما صار ينقص دمي عند الشمس-__-

المشكله الحل طووويل بس يالله وش نسوي..

عندي الحل لهذه المشكلة :whistle:

AMG
09-04-2008, 04:36 AM
انا بديت العب ثاني ، اخر شي صرت فامبير و بعدين عالجت نفسي طبعا بعد معناة

صرت رئيس قيلد السحرة .

المهمة الي انا فيها حاليا Aid for Bruma

ابلفيون لعبة لا منتهية

MALDINI
09-04-2008, 04:54 AM
ابلفيون لعبة لا منتهية


من جد قلتها لكم شخص اكثر من مره بس ما لعبوها ولا عطوها اي اهتمام .
لعبة الجيل بالنسبة لي .

وشباب اللي يعرف حل لمشكلتي يقولي ........


شباب عندي مشكله هي اللي خلتني اترك اللعبه ..
طبعا ختمتها لكن السايد كويست وقفت فيه.. المشكله باختصار خلصت مهمات نايت اوف ذا ناين وبنفس الوقت قاعد اسوي مهمات ل ثيفز جيلد وكل مهمه اسويها يعطوني تحذير لاني قاعد اقتل الناس و اسرق الخ طبعا بيشولون مني اللبس حق نايت اوف ذا ناين اذا استمريت على كذا .
هل هناك حل ؟

general kane
09-04-2008, 05:00 AM
لعبة أسطورية باختصار، وأفضل RPG هذا الجيل بسهولة إلى الآن (بس المشكلة ما في منافسة).

مهمات الدارك بروذهود خرافية! خلصتها كلها، طبعا أحلى وحدة هي حقت الحفلة. خليتهم كلهم يحبوني ويشكون في بعض. في النهاية ما بقى إلا واحد من الرجال والمرة العجوز, رحت كلمت الرجال والمسكين ما يشك فيني أبدا قام يصرخ ويقول أكيد العجوز هذي هي القاتلة، وراح ركض لها وضربها لين قتلها. بعدين وقف يطالع فيني، قتلته http://www.tg-media.net/upload/images/afaa.jpg.


واو انا خلصتها وصرت ال:rockon:listner

حلو : spell some blood for me brother

:grin:

بس لحد الحين ما عرفت للmages guild ما ازال عالق في الvahtacan

Isaac
09-04-2008, 05:42 AM
الفامباير خلاص قضى علي تماما صار ينقص دمي عند الشمس-__-

المشكله الحل طووويل بس يالله وش نسوي..

روح للـWaterfront في المدينة الإمبريالية ... تلقى متسول منخش ونايم عند البيوت .. لول هذاك شفطت دمه 21 مرة !! طوال الفترة اللي كنت فيها فامباير :xd:


لازم تمص دمهم علشان يخف تأثرك بالشمس أو يتوقف لفترة. أهم شي لا تمر عليك 4 أيام بدون ما تمص الدم. :evil::

Solay
09-04-2008, 06:03 AM
للحين مامصيت دم ولاواحد حرام-_-

ابحاول اخلص نفسي قبل لاامص دم اي احد..

Isaac
09-04-2008, 06:07 AM
سولاي خذ هالموقع ... صديقك الصدوق ..

http://www.uesp.net/wiki/Oblivion:Cure_Vampirism

خريطة

http://www.nfist.ist.utl.pt/~abc/files/misc/images/oblivion_map_hires.jpg

خريطة تفاعلية

http://www.oblivionmap.net/Cyrodiil.html



هذه هي الأشياء اللي استخدمتها في الكويست اللي استمر يومين :w00t:

general kane
09-04-2008, 06:07 AM
في طريقة حلوة ما تحتاج تمص دم:evil::

خصوصا الفقير الناشف الي في الواتير فرونت :whistle: .

AMG
09-04-2008, 06:06 PM
شباب انا في مشكلة !!

في مهمة الي تجمع فيها دعم لبروما و تلف على حكام المدن عشان يدعموا المدينة ، طبعا كل واحد بيطلب منك تسكر بوابة الابلفيون ، تبقى مدينة سكينقارد (( الي حاكمها جوزته فامباير )) بعد ما خلصت كل طلباته اروح لمساعدته تقولي انتظر وراح اكلمه واقوله انت في انظاره ، ولا يحصل شي ، انتظر ساعة، يوم ولا في شي لدرجة اني فتحت الباب ( كان very hard )) الي في القلعة الي يوصلني للحاكم و لقيته ولما اجي اكله يطردني لوووول ، احد واجه مشكلة مماثلة ؟؟

MALDINI
09-04-2008, 06:10 PM
لول هذي المهه :
انا مثلك صار معي مثل هالشي .. تدري وش سويت تسللت للقصر الين رحت غرفته فوق مالي الا كذا اذا دخلت غرفته رح على طول كلمه واذا خلصت كلام اطلع على طول وسجل قبل عشان ماتروح فيها .. اكيد فيه حل ثاني بس ماعرفته ومتعيجز ادخل جيم فاكس بس انا سويت كذا .

Isaac
09-04-2008, 06:11 PM
شباب انا في مشكلة !!

في مهمة الي تجمع فيها دعم لبروما و تلف على حكام المدن عشان يدعموا المدينة ، طبعا كل واحد بيطلب منك تسكر بوابة الابلفيون ، تبقى مدينة سكينقارد (( الي حاكمها جوزته فامباير )) بعد ما خلصت كل طلباته اروح لمساعدته تقولي انتظر وراح اكلمه واقوله انت في انظاره ، ولا يحصل شي ، انتظر ساعة، يوم ولا في شي لدرجة اني فتحت الباب ( كان very hard )) الي في القلعة الي يوصلني للحاكم و لقيته ولما اجي اكله يطردني لوووول ، احد واجه مشكلة مماثلة ؟؟

هذا هو الـglitch اللي جاك ؟ (داري إنك في مهمة أخرى .. بس القلتش يطلع في مهمة علاج الفامبايرزم .. ممكن يكون جاك في الماين كويست)



There is a glitch where Hal-Liurz, the Count's Steward, becomes stuck in the Chamber of the Lost. Every time you speak to her she will say "Please, wait here. I shall let the count know you are waiting for him" but will never go anywhere.

المصدر
http://www.uesp.net/wiki/Oblivion:Cure_Vampirism

تعديل:



* One possible way to finish the quest is to find the count, hit him, and have him chase you back to where Hal-Liurz is standing (without getting stopped by any guards along the way). Hal-Liurz should then go back to the Great Hall, although may require similar forceful persuasion. You will need to pay the fine for assaulting the count and his steward, but then you can go to the Great Hall, wait for 24 hours, and the Count should show up to give you your reward.
* Other way to complete this quest is break in the Castle Hall and speak to the count by yourself. The Count is upstairs from the hall with a throne.
* PC Only This bug is fixed by the Unofficial Oblivion Patch.

Still Alive
09-04-2008, 06:11 PM
شباب انا في مشكلة !!

في مهمة الي تجمع فيها دعم لبروما و تلف على حكام المدن عشان يدعموا المدينة ، طبعا كل واحد بيطلب منك تسكر بوابة الابلفيون ، تبقى مدينة سكينقارد (( الي حاكمها جوزته فامباير )) بعد ما خلصت كل طلباته اروح لمساعدته تقولي انتظر وراح اكلمه واقوله انت في انظاره ، ولا يحصل شي ، انتظر ساعة، يوم ولا في شي لدرجة اني فتحت الباب ( كان very hard )) الي في القلعة الي يوصلني للحاكم و لقيته ولما اجي اكله يطردني لوووول ، احد واجه مشكلة مماثلة ؟؟

دوامه صباح :razz:: بين الوقت 8 - 12 صباحاً اعتقد.. رح تحصله غالباً جالس في الكرسي بصالة القلعة او يتمشى فيها..

Still Alive
09-04-2008, 06:13 PM
إذا كان الجليتس فما يفيدك غير تحميل تحديثات اللعبة

Solay
09-04-2008, 08:06 PM
وانا جالس اليوم احاول اجيب الصخور الخمسه اللي تبيهم العجوز

مسكني حارس وعطيته بخشيش عشان يفكني يوم طلعت للشمس صرت مااتأثر فيها ولاينقص دمي

ماادري صار قليتش وإلا شالسالفه..!!

AMG
09-04-2008, 08:09 PM
انحلت المشكلة بطريقة حازم الثانية !

الحين انا وصلت الى بروما بعدت ما عطيت مارتن الايتم الثالث و في انتظار الميتيك دون انهم يفتحو البوابة الكبيرة عشان ناخذ منهم حجر السيج الكبير ، بصراحة انا ماني متطمن لمارتن و احس رياح الغدر قادمة لول

general kane
09-04-2008, 08:16 PM
وانا جالس اليوم احاول اجيب الصخور الخمسه اللي تبيهم العجوز

مسكني حارس وعطيته بخشيش عشان يفكني يوم طلعت للشمس صرت مااتأثر فيها ولاينقص دمي

ماادري صار قليتش وإلا شالسالفه..!!

لول تقريبا قربت من الطريقة الي اخليه ما يتأثر من الشمس .

Solay
09-04-2008, 08:22 PM
وشي الطريقة؟!

general kane
09-04-2008, 08:34 PM
زين انا محافظ على قوته كمصاص دماء , في عدة طرق بس الي يخربهم كلهم انك تنام او تنتظر بس

Solay
09-04-2008, 08:35 PM
^
مافهمت وضح اكثر..

AMG
09-04-2008, 08:49 PM
شباب نصيحة مني الي جاله مرض الفامباير يعالج نفسه ، انا كنت مفكر ان مميزاته رهيبة لكن طلع فلوب ، العلاج يطول شوي ممكن ياخذ منك ساعتين لعب ، لكن بترتاااااح

Solay
09-04-2008, 09:03 PM
^
انا الحين ماخذ حوالي الساعتين بس عشان القى الأحجار..:crying:

AMG
09-04-2008, 09:11 PM
^
انا الحين ماخذ حوالي الساعتين بس عشان القى الأحجار..:crying:

اوووه تذكرت الاحجار، اعتقد انهم كلهم من نفس النوع صح لكن تبي كمية معينة ؟ اتذكر ان كان عندي حجر وحد و سويت قليتش ال Dupication لوول ، وقتها انا كنت رئيس لقيلد السحرة و لقيت احجار كثييرة

Solay
09-04-2008, 09:15 PM
^
لا لازم خمس احجار كل وحدة نوع انا الحين معي اربع بس حاولت القى الخامس مالقيت

والميجز جيلد انا معهم بس مااعرف كيف اشتري منهم..!

Still Alive
09-04-2008, 09:20 PM
^
لا لازم خمس احجار كل وحدة نوع انا الحين معي اربع بس حاولت القى الخامس مالقيت

والميجز جيلد انا معهم بس مااعرف كيف اشتري منهم..!

سولاي ترا قبو بيت العجوزة نفسه فيه حجرين

Solay
09-04-2008, 09:25 PM
^
ماتتذكر اسمائهم؟!

لأن فيه حجرين دايم القاهم:

بيتي-ليزر او اسم قريب..

AMG
09-04-2008, 09:25 PM
^
لا لازم خمس احجار كل وحدة نوع انا الحين معي اربع بس حاولت القى الخامس مالقيت

والميجز جيلد انا معهم بس مااعرف كيف اشتري منهم..!

كل حج نوع ؟؟ انا والله ماني متذكر زين لان الموضوع هذا قديييم علي ، حجر القيلد موجود في الدور الي ما يوصله الا الي رتبتهم عالية في القيلد

Still Alive انا كتشفت كلامك بعد ما علجت نفسي :wow:

بعد ما تعالج نفسك روح لكونت مدينة سيكنقارد (( الي كان عندي قليتش فيها )) بتلقى سايد كويست انك تجيب العالج و تعالج روجته و طبعا العلاج بيكون معاك

Still Alive
09-04-2008, 09:28 PM
^
ماتتذكر اسمائهم؟!

لأن فيه حجرين دايم القاهم:

بيتي-ليزر او اسم قريب..

ما اذكر اسمائهم بس هم أكيد من النوع الى هي تبغاه, يعني الحين ارجع وخذ الحجرين من القبو وكلمها مرة وحدة

تعديل: قاعد احاول اضيفك بس الفريند لست عندك Full ^_^"

AMG
09-05-2008, 07:00 PM
خلصت القصة الرئيسية في اللعبة اليوم

Isaac
09-05-2008, 07:02 PM
^
أنا لسا في مهمة مساعدة بروما كل يوم أسكر Gate.

شكله ما بقى شي على نهاية اللعبة.

أذكر روبسو أنهاها في 10 ساعات أول ما نزلت.

Solay
09-05-2008, 08:13 PM
^
نفس المهمه..

Humam
09-06-2008, 07:35 PM
اليوم بدأت فيها.. مازلت في بداية المين كويست ( وصلت لين تدور على مارتن ولد الامبراطور ).. ضيعت كثير وقت في فهم اللعبة بس طلعت بفائدة.. اكتشفت إني ما لعبت شيء في نسخة الPC إطلاقا.. الظاهر الي مشيته أول كان الtutorial الي في البداية فقط لا غير.. ياللعار علي :laugh::

الأتموسفير خياااالي, اللعبة تقلك ألعبني في رمضان :wow:

Isaac
09-06-2008, 07:44 PM
^
من جد ... مخمخ عالماين كويست والحقنا أنا وسولاي ... ترانا تقريبا 4 أو 5 ساعات قدامك.

أنا قاعد أطقطق كل يوم بـObjective ... وكم سايد كويست رهيب.


حاليا قاعد ألعب سايد كويست مرة حماسي ... في لوحة فنية مسروقة من الكونتيسة حقة إحدى المدن وشاكة في 3 .. وأنا أروح أحقق وأتقصى وأحاول أكتشف الحرامي، كل واحد قام يدبس عالثاني .. ويحاول ينكر لول :wow:

Solay
09-06-2008, 08:11 PM
^
انا للحين احاول اعالج نفسي..:w00t:

Thirsty Fire
09-06-2008, 08:12 PM
اكثر من 200 ساعة لعب و مع ذلك يدني تحكني و دي العبها مرة ثانية من البداية

فعلا اللعبة ما في مثلها ان شاء الله fallout 3 تكون مثلها او احسن

Still Alive
09-06-2008, 08:27 PM
^
انا للحين احاول اعالج نفسي..:w00t:

:laugh::

الكويست صحيح طويل وصعب بس مش هالدرجة عاد

Solay
09-07-2008, 09:01 AM
^
ترا انا مو جالس العب 24 ساعه مااشغلها إلا ساعه ساعتين كحد اقصى

وعلى فكرة وين القبو اللي تقوله درت البيت كله مافيه فتحه..

general kane
09-09-2008, 12:07 AM
شغل الماب وتلقاها ^

انا من زمان وصلت في الthives guild وصرت ال Gray FOX

JOE
09-13-2008, 06:36 PM
انا بدأت العبها قبل امس و على فكرة ... انا لعبتها فترة صدورها لحد ما خرجت من السجن و لكن مدري إيش صار و وقفت (اكيد لمبات الديسكو شرفت)

الآن بدأتها من جديد طبعاً و احاول اتعرف على فائدة كل اداة من الادوات الكثير إلي اخذها ، واصل بعد ما قابلت جافري و رايح ادور على مارتين ولد الإمبراطور الاخير

تصدقوا اني دوبي اعرف طريقة الـMap Traveling ؟ هذه الطريقة حلت اكبر عيوب مورويند (بعد اسلوب القتال السئ) بس السفر ممتع و تحس بشعو الادفنشر + العالم ضخم ضخم بشكل مدهش .

الـOST حالم و الثيم قوي ...و نفس مستوى ثيم مورويند كمان << الشئ إلي إقتنعت فيه مؤخراً

ثيم مورويند

ZWuNf4gxwuM

ثيم اوبليفيون

V3EOibiVzq4

ثيم هوليوودي :cool::

فيه مشاكل تقنية في الـpop up تكستشرز البعيدة (قالو لي خفيفة في نسخة الـPS3) لكنها ما تأثر كثير مع قلة اللودنج + العالم الضخم بهذه التفاصيل .


إستفسار : إيش افضل طريقة للمحادثات ؟ و إيش هي فكرتها اساساً ؟ انا فاهم فكرتها بس محتاج شرح اكثر عشان اتأكد .


كيف فوت هذه التحفة يا JOE :what:

Zero
09-13-2008, 06:43 PM
قكرت أني الوحيد اللي توي يلعبها ، توي بادئ المين كويست نسخة الـPC .

أحب السفر عبر المسافات الطويلة .. لول ما لي خلق أكتب إنطباعات لأن كل البشرية لعبوها وخلصوا لول .

Solay
09-13-2008, 08:09 PM
يش افضل طريقة للمحادثات ؟ و إيش هي فكرتها اساساً ؟ انا فاهم فكرتها بس محتاج شرح اكثر عشان اتأكد .

مافهمت سؤالك بس اكيد اذا تبي تتكلم مع احد لاتقرب عنده وبس اظغط A وكلمه..

general kane
09-13-2008, 08:31 PM
JOE انت عندك MOROWIND انا عندي اياها وهي نفس الشي GOTY .

Fatal Error
09-13-2008, 08:59 PM
شباب ضيفوني معاكم توي العبها :happy:مايحتاج امدح المستوى معروف والله من كثر الكوستات الي عندي تلخبطت وماني عارف ايش اسوي شغال اخذ طلبات الكويستات بس:laugh::




إستفسار : إيش افضل طريقة للمحادثات ؟ و إيش هي فكرتها اساساً ؟ انا فاهم فكرتها بس محتاج شرح اكثر عشان اتأكد .

:what:

اعتقد قصدك على الدائرة الي تطلع لما تحاول تاخذ معلومات صراحة نفس الشي بس حسب مافهمته انه عندك اربع تعابير 2 ترضيه واثنين تزعله وااربع مستويات للتاثير الي هي الحمرا ولازم عند الي ترضيه تكون اكبر شي والعكس صحيح هذا حسب مافهمته وماادري اذا كان صح او لا؟

general kane
09-13-2008, 09:08 PM
عطه رشوة ^

NSider
09-13-2008, 09:20 PM
سحبت على فسبيريا (للحين في قرطاستها لول) ورجعت ألعب أوبليفيون. قاعد ألعب في الThieves Guild وتوني أخذت ثاني أتشيفمنت فيه. شعور رهيب. :(

بالنسبة للمحادثات: الدائرة تنقسم لـ4 أجزاء (Joke, Coerce, Boast, Admire)، كل شخص عنده جزئين يحبهم وجزئين يكرههم (بشكل متفاوت)، وتقدر تعرف من تعابير وجهه لما تحط المؤشر فوق الجزء إيش يحب وإيش يكره. وتقدر تختار أي منها في أي وقت.

لكن لازم توقت اختيارك، لأن في دائرة تلف ربع لفة كل ما تختار شي، وهي مقسمة أربع أجزاء متفاوتة في الحجم. كل ما اخترت شي أكبر كل ما يزداد تأثيره. يعني لو كان الشخص اللي قدامك يحب الJoke حاول تختاره لما يكون أكبر جزء من الدائرة المتحركة موجود عنده عشان تاخذ نقاط كثير. ولما يكره الAdmire، لا تختاره إلا لما تخلي الجزء الفاضي عند Admire عشان تفقد نقاط قليلة.

في نفس الوقت لا تتأخر كثير في الاختيار، لأنه راح يفقدك نقاط. اللعبة فلة وسهلة وتفيدك كثير خصوصا بعدين.

Solay
09-13-2008, 09:21 PM
اها يقصد كذا سوري عامر مافهمت عليك..

general kane
09-13-2008, 09:35 PM
Nsider صرت وشو ؟ لا تضغط عليه CAT burgler

JOE
09-13-2008, 10:31 PM
سحبت على فسبيريا (للحين في قرطاستها لول) ورجعت ألعب أوبليفيون. قاعد ألعب في الThieves Guild وتوني أخذت ثاني أتشيفمنت فيه. شعور رهيب. :(

بالنسبة للمحادثات: الدائرة تنقسم لـ4 أجزاء (Joke, Coerce, Boast, Admire)، كل شخص عنده جزئين يحبهم وجزئين يكرههم (بشكل متفاوت)، وتقدر تعرف من تعابير وجهه لما تحط المؤشر فوق الجزء إيش يحب وإيش يكره. وتقدر تختار أي منها في أي وقت.

لكن لازم توقت اختيارك، لأن في دائرة تلف ربع لفة كل ما تختار شي، وهي مقسمة أربع أجزاء متفاوتة في الحجم. كل ما اخترت شي أكبر كل ما يزداد تأثيره. يعني لو كان الشخص اللي قدامك يحب الJoke حاول تختاره لما يكون أكبر جزء من الدائرة المتحركة موجود عنده عشان تاخذ نقاط كثير. ولما يكره الAdmire، لا تختاره إلا لما تخلي الجزء الفاضي عند Admire عشان تفقد نقاط قليلة.

في نفس الوقت لا تتأخر كثير في الاختيار، لأنه راح يفقدك نقاط. اللعبة فلة وسهلة وتفيدك كثير خصوصا بعدين.

يعطيك العافية يوسف :grin: انت كدة اكدت إلي كنت عارفه و زدت عليه .

المشكلة انك بعض الاحيان تضطر ترشيه عشان ما تخسر نقاط كثير تخرجك من الحوار ، و بعض الاحيان ما تقدر ترسيه (فلوسك تخلص مثلاً ) و لكن قلنا نجحت و حصلت على اعلى نقاط مع شخص معين ..... إيش استفيد ؟

هل حيعطيني ادوات نادرة مثلاً و لا يدلني على طرق مختصرة ولا شئ من هذا القبيل ؟ لأني فاكر نجحت مع واحد (إلي عند جافري في الدور الارضي) و قال لي "بإمكانك تأخذ الحصان تبعي من الإسطبل إذا بتسافر" .... فهذا إلي جا في بالي :whistle:

NSider
09-13-2008, 10:43 PM
الفوائد تختلف من شخص لشخص، وأحيانا ضروري عشان تكمل في كويستات كثيرة أنك تخلي أشخاص معينين يحبونك عشان يساعدونك/يعطونك معلومات/يصدقون كلامك/ما يشكون فيك. حتى لو ما كان ضروري، ما راح تضطر أنك تدفع فلوس للفقراء عشان يعطونك معلومات لو كانوا يحبونك. ومع الأغنياء أحيانا راح تاخذ ميزات حلوة. لكن في أحيان كثيرة ما راح تستفيد شي إلا أن الشخص راح يكلمك بابتسامة وراح يدعي لك كل شوي. :wow:

الرشوة لا تستخدمها إلا لو خلص الميني جيم حق المحادثات وأنت ما قدرت ترفع ثقته فيك للدرجة الكافية (الميني جيم تقدر تسوي عدد معين من المرات بعدين خلاص ما تقدر تستخدمه مرة ثانية). الرشوة بشكل عام تضييع للفلوس على الفاضي

NiGhTMaRe
10-24-2008, 03:35 PM
شباب عندي استفسار اتمنى الرد سريعاً ..
الخواص الموجودة للشخصية نفس مثلا الـ will power أو strength احياناً يجيك وحش ويعملك حركة تنقص هالخواص
يعني مثلاً انا كرهت الـWraith كل شوي يعملي حركة ويكتبلي Will Power has been damaged
ولما اروح لقائمة الشخصية اشوف الـwill power ناقص وصار لونه احمر ,,, السؤال اللي يسدح نفسه
هل التأثير هذا دائم والا مؤقت؟؟ والله شي يقهر الصراحه

NiGhTMaRe
10-24-2008, 07:28 PM
ادري اني مغبر بس ترى يوم اشبع من الالعاب الجديدة اروح وارجع العب اوبليفيون ,, لحد الحن 110 ساعات من اللعب... يالله شباب فيكم الخير اتريا الاجابة على سؤالي الله لا يهينكم :)

Still Alive
10-24-2008, 09:09 PM
شباب عندي استفسار اتمنى الرد سريعاً ..
الخواص الموجودة للشخصية نفس مثلا الـ will power أو strength احياناً يجيك وحش ويعملك حركة تنقص هالخواص
يعني مثلاً انا كرهت الـWraith كل شوي يعملي حركة ويكتبلي Will Power has been damaged
ولما اروح لقائمة الشخصية اشوف الـwill power ناقص وصار لونه احمر ,,, السؤال اللي يسدح نفسه
هل التأثير هذا دائم والا مؤقت؟؟ والله شي يقهر الصراحه

أكيد مؤقت

.

NiGhTMaRe
10-26-2008, 12:37 AM
متأكد؟؟؟
يعني صارلك هالشي وراح؟؟
لأن انا لما تصيريلي اروح اسوي Load عشان هالشي الي يقهر!