hits counter

رحلة الى دبي

Khalid-S

Khalid-S

Executive Member
السلام عليكم

باذن الله مسافر للامارات العربية المتحدة في 18 Aug وهذي اول زياره لي هناك :)
من مده طويلة وانا ودي ازورها بالاخص " دبي " الي من التيلفزيون والصور ما شاء الله كأنها مدينه اوروبية :razz:

ياريت من اخواني الاعضاء الاماراتين او اي احد ثاني زار دبي يقولي ايش افضل المطاعم والاسواق او مكان لازم الواحد يزوره هناك .. وايش افضل فندق ؟ ويفضل كمان تكتب عنوان المحل

" للمعلومية " ما ابي اماكن ( عائليه ) وهذي الاشياء .. لاني بروح انا واخوي فقط وما تهمني هذي الاماكن مثل ( منتزهات ) او حديقه :rolleyes:

على فكره ,, ايش هذا المكان ؟

12_6.jpg


مكتوب في الموقع (روسي) انه Dubai Marine Beach صحيح في هذا المكان ؟

وشكرا :)
 
العام الماضي لما رحت سكنت في الماريوت .. صراحة فندق ممتاز جداً و خدماته 100% ..

خالد انت ينفع لك برج العرب .. روحه و ارتاح :p

بالنسبة للأماكن .. فلو تروح خمسة أيام بس تقدر تشوف فيها دبي كلها ..

الوايلد وادي .. اذا تدور عن الوناسة روح هناك .. حديقة مائية كبيرة أضمن لك انك تستمع فيها و اسأل عنها اهل الامارات ..


في مجمع خاص كله محلات كمبيوتر و بما انك تدور لك Case راح تلقا هناك اكيد .. ما اعرف العنوان لكن أشوف لك ..


زور الستي سنتر .. فيه أماكن كثيرة هناك و محلات تعجبك .. مطاعم ، سينما .. محلات رياضة بما انك تشاهد PoT :p


أترك الباقي للإخوة الاماراتيين ..
 
وعليكم السلام ^^ ..

أفضل الأسواق بـ دبي بلا منازع " بالنسبة لي D: " ديرة ستي سنتر .. هذا مجمع لكل شيء .. فيه مطاعم أسواق وأهم منها هذا كله السينما .. وأيضاً يحتوي على فندق ..
أيضاً عندك وافي سيتي .. موجود فيه مجمع الوافي .. مطعم هوليود بلانت .. وفيه أشياء زيادة ناسيهم -__-" ..
وأيضاً عندك حمر عين .. هذا اذا انت تحب تحضر عروض تلفزيونية روح له .. لو تشوف قناة " سما دبي " العروض الي تجي فيها تنقل من هذا المجمع ..
وفيه أيضاً برجمان .. لامسي بلازا <-- المجمع هذا كله هنود +__+ ..
وفيه عندك أبراج الامارات .. فندق واظن فيه مطعم :suspiciou .. وفيه بعد برج العرب " فندق " .. وفيه أيضاً مجمع قريب من برج العرب اسمه القصر .. أثري تصميمه ×_× ..

هذا الي اقدر اساعدك به ^^" .. ان شاء الله لو تذكرت اشياء بقولها ^^ ..
 
المجمع الي قرب برج العرب التكلمت عنه اخ بلاك هذا توه مبني صح ؟ لأني اذكر العام الماضي لما مرينا عنده كان لسة في الاساسات ..
 
بما اني احب التسوق فبانصحك بمحلات بس .. اما اماكن الوناسه و هالسوالف انا ما اروح لها P:
سيتي سنتر اكيد .. هذي وجهتي المفضلة في دبي .. انصحك تزور فيه :
كارفور(في الطابق الاول .. ما اعتقد بتمر بجانبه ولا بتشوفه ^^ ): اول ما تدخل من الباب اللي على اليمين لهذا الماركت روح على طول جدام و بتحصل قسم الالعاب PAL والديفيديز و الالكترونيات ... هذا قسمي المفضل فيه .. و اذا كنت محظوظ بتحصلهم حاطين عروض لبعض الالعاب في سلات الترخيص ( سعرها من 35 الى 99 درهم تقريبا )
فيرجن ميغا ستور (في يسار الطابق الثاني بعد ما تمر على المطاعم .. بجانب سينما سيني ستار) : المحل معروف اكيد .. اي شي تريده من موسيقى و افلام و العاب .. (الالعاب اغلى فيه .. )
مكتبة المجرودي ( و انته طالع من فيرجن روح يسار شوي بتحصل مكتبتي المفضلة في الامارات ^^ ) : كلمة واحدة .. مـــــانــــغا ^-^
Book corner ( في الطابق الاول مقابل عربة الحلويات سويت فاكتوري ) : كلمة واحدة بعد مــــانـــغا ^_^
بلج انس ( الطابق الثاني في اول سلم متحرك و انته راجع من فيرجن مقابل المطاعم ) : عنده مجموعات انمي box sets باسعار غالية 0_0

ما انصحك تدخل السينما اللي في سيتي سنتر .. و بدالها ادخل اللي في مركز ابن بطوطة على شان تستمتع بشاشة ال IMAX ^^

في مركز ابن بطوطة في محل اسمه شرف DG كبير يبيع الكترونيات و هالسوالف .. اسعاره جيدة(مقارنه بالمحلات الباقية ^^) ..

المطاعم : شارع زايد كله مطاعم راقية غربية و مطاعم وجبات سريعة و كافيهات .. شارع الرقة مطاعم عربية شامية ..

وندر لاند(بجانب قرية البوم السياحية على يمين مركز وافي) و وايلد وادي(بجانب فندق جميرا بيش + برج العرب) هم الحديقتين الوحيدتين اللي زرتهم في دبي و انصحك فيهم بعد ^^

بس الحين ما انصحك وايد تشتري اشياء كمبيوتر الا اذا كنت متاكد من ان السعر مناسب لان وايد محلات يغلون الاسعار هذي الفترة على شان يرخصونها في موعد جتكس شهر سبتمبر مثل ما سمعت ..

و Have fun ^^
 
تروح وترجع بالسلامة خلود..
هذا الي اقدر اقول لك وما اقدر افيدك بشي بالنسبة لدبي..
 
لول ،، نايف .. الاسعار مهما غليت في دبي بتظل أرخص من الرياض .. و قريبة من اسعار الشرقية ..
 
لول أول مرة خالد؟ أنا تقريبا من كل ثلاث أو أربع weekend فدبي أو أبوظبي. p:

أنصحك تسكن فالفندق المرافق لسيتي سنتر, ولاتنسى محل الألعاب اللي تحت فالزاوية جمب كارفور. :p
شارع الرقة مطاعم عربية شامية ..
أنقر للتوسيع...
:cool:
 
هههههه اغلب الاشياء اللي كنت بقولها, قالوها اخواني.

حليله تومب رايدر سافر ولا كان دلاك شبر بشبر في دبي

الفنادق اشوف ان جميرا بيج حلو ومجابل البحر والشاطي وجنبه الحديقة المائية (وايلد وادي)

Wave-pool.jpg


وعندك مثلا فندق سيتي سنتر وهو ملتصق مع المركز يعني بتستفيد منه... وفي وايد فنادق بس لاني هذيلا اعرفهن

15_1.jpg


بالنسبة لDubai Marine Beach مادري عنه الصراحة

بس احسللك تستعيل وتروح تحجز التذكره والفندق لان وايد زحمه عالفنادق وتضمن على الاقل,, وشوف مثلا مكاتب السياحه عندكم يمكن يرويك اماكن وايده ,وشوف بعد مواقع الفنادق عالنت يمكن مسوين عروض..

:)
 
انا ودي اروح الامارات ..

كنا بنروح دبي هالصيفيه .. لكن بالاخير غيرنا على ماليزيا ..
 
المجمع الي قرب برج العرب التكلمت عنه اخ بلاك هذا توه مبني صح ؟ لأني اذكر العام الماضي لما مرينا عنده كان لسة في الاساسات ..
أنقر للتوسيع...
ممكن :rolleyes: ..

marioOo .. ايجار الفنادق الي كاتبها كم ؟ .. اكيد ناار ×_× .. لما رحت دبي استأجرت في فندق قريب من سيتي سنتر .. الجوهرة .. سعر معقول لكن الخدمة متوسطة ..

ما انصحك تدخل السينما اللي في سيتي سنتر .. و بدالها ادخل اللي في مركز ابن بطوطة على شان تستمتع بشاشة ال IMAX ^^
أنقر للتوسيع...
لوول .. فوت علي الـ IMAX -__-" .. اكثر سينما ادخلها الي في سيتي سنتر .. Cine star ..
 
أتذكر اني اخذت غرفة في الماريوت " سويت " بـ 1300 ريال الليلة .. مع ثلاث من أصحابي .. و يمكن كانت أغلى ..

لكن كان يسوى الفندق ..
 
شكرا شباب من احمد توربيدو لهارد كور جيمر .. بكتب اسماء الاماكن الي كتبتوها في ورقه على شان ما انسى محل ^^
اما الفندق فخلاص ???? بسكن في سيتي سنتر .. بس يقولون بعيده شوي من داخل المدينه .. صحيح هذا الكلام ؟
 
أفضل مكان يمكن تقدر تسكن فيه اذا تبغى تتمشى بيكون السيتي سنتر .. لأن حتى وقت ما انت تعبان او زهقان تطلع برة ، تقدر تنزل المجمع على طول ..

بعده عن باقي الاماكن عادي .. مو بعيد مرة .. و لا هو قريب مرة ..
 
لول آسف اقصد فندق الجميرا بيتش .. الي جنببرج العرب ..
 
Khalid-S قال:
لول آسف اقصد فندق الجميرا بيتش .. الي جنببرج العرب ..
أنقر للتوسيع...

yeah but not that much its about mmm less than 8 km i think
اما سيتي سنتر انت في نص كل شي :cool:

Black >>> مادري الصراحة عن الاسعار :blush:
 
تروح وترجع بالسلامة خالد :bigSmile: ..

دبي روعه اذكر زرتها اكثر من مرة وآخر مرة كانت قبل 3 او 4 سنين XD .. ودي اروح لها مرة ثانية .. ان شاء الله بعد 5 سنين علشان استخدم الميترو في تنقلاتي ^_________^ .. <-- جاري العمل على مشروع ميترو تحت الارض وفوق الارض في دبي من قبل شركة فرنسية اعتقد CAT ؟ .. وناااااسة والقطارات بتكون "إلكترونية" .. وبكون ايضاً اطول ميترو إلكتروني في العالم :cool: ..

edit
اسف ما اقدر افيدك ذاكرتني زفت >_< مو قادر اتذكر شي هناك .. ان شاء الله فادوك الاعضاء :)
 
ان شاء الله اقدر افيدك


رحت هناك تقريبا 8 مرات

دائما اسكن في Softel city center

افضل سكن ممكن تحصله في دبي برأيي

ومتصل على طول مع Dera city center المول

ومحل الالعاب الي هناك نصاب -.-
 
أنا مرة وجدة فقط رحت لــ الإمارات ...فيه فندق ممتاز...إسمه حديقة البستان أو شيء زي كذا ..مو متأكد من الإسم ...المهم..الفندق هذا خدماته ممتازة..أسعر الغرف رخيص .النادي الرياضي ممــتاز ..البهو ..أسواق ومحلات ومطاعم ..بالإضافة الى السينما ...وجمب الفندق فيه الجمعية الخيرية التعاونية ..سوبر ماركت كبير ...ورخيص جدا ..
 
دبي و الوفا طبع أهلج.. دبي دبي دبييييييييييييييي.
دعايتهم كانت وناسه.
 
آخر مره سافرت لها كانت قبل 6 سنين لاكن الأهل سافروا لها آخر السنه إلي طافت..كل إلي اذكره فندق سكنه فيه اسمه "انتركنتنتلن"<هه مو عارف انطقه المعذره:razz:
 
alsalam 3alekom wa ra7mat allah wa barakatoh ^^

looool khalid
how about meeting u in dubai
just tell me the location if u want
am coming 2 dubai in14-8-05
u will love DUBAI
 
هلا عبدالعزيز.. اكيد ليش لأ ;)
انا طيارتي يوم ?? وبسكن في فندق اسمه "القصر" يقولون جديد
 
Khalid-S قال:
هلا عبدالعزيز.. اكيد ليش لأ ;)
انا طيارتي يوم ?? وبسكن في فندق اسمه "القصر" يقولون جديد
أنقر للتوسيع...
when u r coming 2 dubai
i mean wich day?
dont worry about the wethaer
its hot :razz:
lol u didnt tell me how old r u
i dont want 2 be shocked:razz:
am 18 :wink:
okay we must have a location 2 meet u
but
tell me when u r free
i mean when u finish evrey thing like going 2 the cinema or shping
do what u want then tell me to met u ^^
 
خالد "لو" رحت لابوظبي اقول :"لو": فنصيحة لازم تسكن في فندق قصر الامارات روعة روعة..
 
عبدالعزيز

لول عمري كمان 18 .. وبروح هناك يوم 16 اوغسطس
اما الرجعه احتمال تكون 28 اغسطس .. افضى من كل شي من السينمات وهذي الاشياء يوم 23 يمكن.

انا لمن اوصل هناك بعطيك رقم جوالي عشان نتواصل ;)

عبود .. اكيد بروح لابو ظبي لكن يوم وارجع مستحيل ابيت هناك.
 
واااااااااااااااااااااااي ثنينكم 18؟؟؟ يا حلييييييييييييييلكم تكفون تكفون أبي أربي واحد منكم خخخخخخخخخخخخخخخخخخخخخخخخخخخخ لا من جد صغار و الله. يا حليلكم
انا اعتبروني اخوكم الكبير :)
 
سعد قال:
واااااااااااااااااااااااي ثنينكم 18؟؟؟ يا حلييييييييييييييلكم تكفون تكفون أبي أربي واحد منكم خخخخخخخخخخخخخخخخخخخخخخخخخخخخ لا من جد صغار و الله. يا حليلكم
انا اعتبروني اخوكم الكبير :)
أنقر للتوسيع...
ايه سعد بس الباين من الردود عكس هذا...
 
يجب تسجيل الدخول أو التسجيل كي تتمكن من الرد هنا.
عودة
أعلى